أقراص بعجوة


         وصفة : منى                 2008/08/16                 67 تعليقات
أقراص بعجوة



كيلو سميد ناعم
400 غ سمنة بقرية ( مثل سمنة البقرة الحلوب )
200 غ ماء
نصف كوب حليب بودرة
نصف كوب سكر
ملعقة كبيرة محلب مدقوق ناعماً
ملعقة كبيرة حبة البركة


الحشوة :

600 غ تمر مخلى من النواة
2 ملعقة كبيرة سمنة عربية
نصف ملعقة صغيرة قرفة
رشة قرنفل

• يمزج السميد و السكر و الحليب المجفف في وعاء كبير .

• تحمى السمنة على نار هادئة حتى تذوب كلها من دون أن تغلي , ثم تسكب فوق السميد و تحرك بملعقة خشبية ثم تعجن باليد بشكل جيد حتى تفتر العجينة , تغطى العجينة و تترك لترتاح لمدة ساعتين على الأقل أو لليوم الثاني .

• يفرم التمر على ماكينة فرم اللحمة مرتان أو حتى يصبح ناعماً و مثل المعجون ثم يدعك مع السمنة البلدية و القرفة و القرنفل و يترك جانباً لتتمازج نكهات البهارات فيه .

• في اليوم التالي يضاف الماء المغلي للسميد و يعجن الكل مرة أخرى ثم تفرم العجينة على ماكينة فرم اللحمة الشفرات المتوسطة لمرة واحدة أو لمرتان حتى تشعري بأن السميد أصبح عجينة قابلة للتشكيل .

• تعجن العجينة مع حبة البركة و المحلب ثم تقطع العجينة لكرات بالحجم الذي تفضليه و ترق بين أطراف الأصابع لعمل حفرة فيها .


• تقطع كرة صغيرة مناسبة من التمر المجهز و توضع في قلب الحفرة ثم تسد أطراف الكرة و تدور بين راحتي اليد .


• توضع الكرة المحشية في قالب الأقراص بعجوة و يضغط عليها بلطف حتى تأخذ شكل القالب .


• يضرب القالب على منضدة العمل حتى يخرج القرص المحشي من القالب .


• تصف الأقراص المحشية على صينية ألمنيوم أو صينية غير لاصقة من دون دهن و تكرر العملية حتى تنتهي لدينا كل الكمية .


• تخبز صينية الأقراص بعجوة في الفرن على درجة حرارة 180 على الرف المتوسط حتى تشقر القطع و يحمى الفرن لبضع دقائق من فوق لتحمير وجه الأقراص بعجوة إذا احتاجت القطع ثم ترفع بلطف و تترك حتى تبرد و تقدم مع الجبنة البيضاء و كوب من الشاي .


سر الطبخة :

• تستعمل سمنة بلدية في الحشوة و سمن عادية في العجينة لإضفاء نكهة مميزة على الأقراص بعجوة من دون أن تكون الأقراص ثقيلة على المعدة .

• الحليب المجفف في العجينة سيضفي على الأقراص لوناً زهرياً جميلاً .
  • وصفات تانية ممكن تعجبك


التعليقات

  1. Mahone 16 August 2008

    شو هاد … ؟؟؟؟ شيخ المحشي ؟؟؟ :x

  2. رنا 16 August 2008

    ياعينيييييييييييي شي طيب كتير
    اقراص بعجوة يالله يامنى شهيتيني وانا صايمة :cry

  3. رندوش 16 August 2008

    شو منى هالكعكات الشهيات
    بس بشو حشياهم تمر او شو
    بس فعلا بيشهوا تسلمي يا رب

  4. سارونات 16 August 2008

    السلام عليكم و رحمة الله و بركاته

    كنت راح اطلب منك حزورة جديدة بس ليكك حطيتيها
    انا بقول انو معمول :)
    بالتوفيق
    سلام

  5. سارونات 16 August 2008

    لحظة ما قلتيلنا امتى بتقوليلناعلى الحل ان شاء الله
    سلام

  6. Iman 16 August 2008

    يا عيني يا عيني كل ما مالنا عم منغمق منمن يعني وصلت الريحه لهون كالعاده بستنى الوصفه بكل تفاصيليها
    عجبني القالب صغير و حلو يسلموا :zzz

  7. omtasneem 16 August 2008

    يميمي شي بيشهي طبعا وبدون احتمالات قراص بعجوة شهيتينا يجي العيد تسلم دياتك مسبقا وكتيير حلوة منك فكرة الحزازير

  8. غيث 16 August 2008

    ولو اجت متاخرة مني والكل معظمهم عرفوا حبيت بس اقول لك شي بيشهي الله يعطيك العافية ووقتها نعرف مقادير الاقراص بالعجوة ولك جزيل الشكر منشان نحضرهم للعيد ان راد الله

  9. نهى ربيع 17 August 2008

    السلام عليكم
    منى شكلها ما شاء الله انا بيتهيقلى انها معمول :?

  10. نهى ربيع 17 August 2008

    ما شاء الله شكلها جميل هى معمول

  11. فرح 17 August 2008

    اكيد معمول بعجوة طيب كتير من دياتك اخت منى
    انا معجبة جدا بوصفات الموقع وطبقت كثيرا منها وكانت اكثر من رائعة

  12. Iman 18 August 2008

    منى وصفه بتجنن يسلموا ياديكون كلكون. اول مره بسمع عن فرم السميد بماكنه اللحمه شو بيعمل الفرم منى هل عشان ينعم السميد? و القالب بشو بتدهنو? سمنه او زيت? و الفرن كام الحراره و على اي رف و كام دقيقه? و هل بتشغلو الشوايه بالاخير علشان يحمر الوش? سوري حياتي كتير اساله بس هدول من سر نجاح الوصفه.
    الشكر الكبير لك و لماما و عمتك العزيزه على هالمجهود و كل سنه و انتو سالمين :)

  13. منى 19 August 2008

    هلا أمونة :)

    و انت ان شاء الله بالف خير انت و كل عيلتك و حبابك …
    الفرم بالماكينة لحتى ما تفرط القطع معك بعد الشوي و لحتى تسهل عليك عملية الشغل بالعجينة ;) و القالب ما مندهنه بشي , العجينة فيها سمنة بتكفي ان ما تلزق بالقالب , الفرن على 180 و الرف الوسط و بعد ما يشقر من تحت منشعله كم دقيقة أو أقل لحتى يشفر من فوق :)

    من عيوني اسالتك و الشكر ليك أمونة و ان شاء الله تجربيها و تعجبك ;)

  14. Iman 19 August 2008

    الله يرضى عليكي يا منى كفيتي ووفيتي بهالرد يسلم هالتم :zzz

  15. منى 19 August 2008

    الله يسلمك حبيبتي , انت و اسئلتك على العين و الراس :zzz

  16. أحمد الله 20 August 2008

    شي بيفتح النفس و الله :p
    الله يسلم ايديكي اخت منى على الابداع المنقطع النظير..
    كويس انك نزلتي الوصفة قبل رمضان و الا كنا.. :upset
    الله يعيده عليكم و علينا و على الامة الاسلامية بالخير و البركات
    يارب :)

    هلأ صار في كرابيج و قراص بسيوة او بعجوة و باقي المعمول

    الله يجزيكي الخير و يبارك فيك
    و ان شاء الله موقعك بتصل شهرته للعالمية :)

  17. منى 20 August 2008

    هلا فيك أخ أحمد , أمين يا رب و ان شاء الله من عتقاء الشهر كلنا , امين يا رب العالمين ..

    أخي الف شكر ليك على الكلام الجميل و الدعوات الحلوة و ان شاء الله بتجربوها و بتكون على زووءكم , و أكيدة وصفة المعمول بإذن الله قريبة , هلأ وقتها

    مية هلا اخي :)

  18. بدور 29 August 2008

    سبحان الله على جو رمضان والعيد ما أحلاهن
    كل عام و انت بألف خير و الله يحئئلك كل أحلامك يا رب.

    مبينتك متحضرة على رمضان منيح ;)

    هالأكلة صحيح بدها وئت و تعب بس والله بتستاهل كتير :p

    الله يخليلنا ياكي ميمو الحلوة والله وصفاتك بتجنن و طريئة شرحك بتستوفي كل الافكار :zzz
    الله يسلم ايديكي و شكرا كتير على الصور المرفقة هيك بتسهل الشغل كتير كتير.

  19. رنا 21 September 2008

    والله اشتقنا للموقع صرله يومين خربان وبهاليومين عملت خبز التوست بس للاسف مو كتير زبط وطلع معجن شوي مابعرف شو السبب قلت بركي لانه ماجربته بقوالب التوست :sigh بس قسمته وحطيته بالفرن ليتقمر وقلت بعمله بقسماط قام صار هجوم عليه وهو مقمر :grin بس رح جربه انشالله مرة تانية
    بس بدي اسالك عن حلو العيد انشالله كل عام وانتي بخير بدنا نعمل حلو للعيد بس مرة شفتك عم تقولي انك بتفرزي الحلو بدون ماتخبزيهن يعني بتخبزي على قدك بدي اعرف منك قديش بيطولوا بالفريزر وهل بتنصحيني بالتفريز ؟ ;)

  20. أم جودي 8 November 2008

    وصفة رائعة وعيد الاضى على الأبواب وعندي اقتراح بيخلي طعم الأقراص بعجوة ألذ وأطيب اضافة القليل من حب الهال المطحون للتمر بيعطية نكهة فاخرة جداً وشكرا الك وللأخوات :)

  21. منى 8 November 2008

    ممممم , اكيد فكرة غيررر شكل , رج جربها المرة التانية اذا الله راد , الف شكر ليك على الاضافة ;)

  22. haya 1 December 2008

    مرحبا منى كيفك بدي تسلم دياتك على وصفة اقراص التمر انا الى فترة بعمله ما أحلاه لكن ما بعرف ليش اخر مرتين ما زبط معي بالمرة فان شاءالله راح اجرب وصفتك وان شاءالله تزبط معي ما بعرف ممكن يكون السبب من نوعية السميد ولا شو رأيك يا ريت تفيديني وبعدين طريقتي انا بخلط طحين مع السميد شو بيصير لو خلطنا مع هالوصفة طحين شو رأيك

  23. منى 1 December 2008

    هلا هيا :)
    اكيد السميد اله علاقة لان السميد الي لازم تستعمليه للكرابيج و الاقراص بعجوة و غيره و غيرته لازم يكون سميد ناعم .
    و الله يا اختي ما عندي فكرة عن مزج الطحين بالسميد , هي وصفة تعملها عيلتي من وقت ستي و ما بغيرها لان دايما ناجحة معي ;)

  24. haya 3 December 2008

    شكرا الك منى وان شاءالله راح جربها باذن الله وان شاءالله يارب دائما كل شئ ينجح معك

  25. haya 3 December 2008

    معلش منى بدي اسألك انا كثير بسأل وعم عزبك معي بس بدي اسألك السميدالناعم بتقصدي فيه السميد الفرخة

  26. haya 7 December 2008

    السلام عليكم ورحمة الله وبركاته
    يييي يا منى ماشاءالله عليك وعلى هالوصفات اليوم عملت الكعك بالعجوة على طريقتك هذه وماشاءالله طلعت كثيييييير لذيذة ما شاءالله عنك الله يحميك ويحرسك من عيون الحساد يارب بالفعل الموقع تبعك صار شئ رئيسي بالنسبة الي الله يوفقك وينجح لك هالموقع يارب

  27. منى 9 December 2008

    هلا هيا :)
    لو تعرفي قديه ردك فرحني اختي , هادا بس من زووءك و لطفك حبيبتي و ربي يديم المحبة و المعروف دايماً ;)
    الف الف هنا على الاقراص بعجوة , كتيرر انبسطت انهم نجحوا معك و عجبوك , اسفة للتاخر بالرد على سؤالك و الحمد لله مشي الحال هلا :zzz

  28. شفاء 25 August 2009

    السلام عليكم يامنى وكل عام وانت بخير وينك غايبة هالكم يوم ؟

    بصراحة لفت نظري المعمول اللي عاملتيه خاصة انه بس سميد متل اهل الاردن هون
    وكمان انك بتديريه على الماكينة بصراحة هي جديدة

    وحابة اجربه بس ياريت تقليلي مقدار السمنة والسميد والمي بالكاسات يعني مو بالغرام لانه الحلو بده مقادير صحيحة وانا مابعرف كيف اقدر السمنة والمي بالغرام

    والله يجزيك كل خير :?

  29. منى 25 August 2009

    هلا فيك شفا :)
    الحمد لله انا غاطة مع الاهل و شفتي عجقة رمضان :zzz

    هلا القياسات زنتها الك , طلع معي الماي حوالي 3 ارباع كوب و السمنة ااقل من كوب و نص بشوي , اما السميد فهلا مو متوفر عندي :roll , كنت حابة ساعدك للاخير .

    فيك تطلبي من السوبر ماركت ان يعطيكي كيلو و انت تطبقي عليه الوصفة ;)

    اتمنى تعجبك الوصفة و تكون على زووءك

  30. هنادي 14 September 2009

    سلام منى…
    انا من زمان بتصفح الموقع و هو رائع كتير و مجهود تشكري عليه.

    عندي 3 أسئلة :
    1- ليش مافي وصفة للمعمول و الأقراص السادة المدورة المشعهورة عنا بسوريا؟؟؟
    2- بوصفة المعمول بعجوة أدي بيطلعو 400غ سمنة و 200 غ ماء !!!تقديرياً بالكوب يعني.
    3- ليش ما بقدر أفتح أكتر من وصفة لتوفير الوقت !! يعني بعمل رايت كلك و ما بيقلي ما الي صلاحية…

    و شكرا لسعة صدرك:)

  31. منى 15 September 2009

    هلا هنادي :)

    نورتي اختي , بالنسبة للاسئلة , المعمول وصفته متل الكرابيج , بس رح حاول نزل اله وصفة لوحدها

    الاقراص السادة ما عرفتها , يا ترى شو بتقصدي فيها ؟

    لهل الوصفة المي حوالي 3 ارباع الكوب و السمنة ااقل من كوب و نص بشوي

    الرايت كليك ممنوعة في الموقع بسبب السرقات الي عم تصير , انا اسفة بس ما كان ادامي غير هل الحل :roll

    ان شاء الله تجربي الوصفة و تظبط معك و ايا سؤال تاني انا تحت امرك

  32. هنادي 15 September 2009

    و الله انك أسرع من ريد بول …ماشاء الله :grin

    انا بإذن الله حا اعمل الأقراص بكرة …قبل العيد بيومين مشان أفضى للتنضيف :x

    فشو رأيك أحسن طريقة لحفظ الأقراص لتضل تازة و بتشهي؟؟ ممكن بالثلاجة؟؟ أو بوعاء مغلق بس؟؟

    اممم القراص ..انو هاي الأقراص المدروة و مرقوقة حجمها تقريباً قد الكف و صاروا يحشوها تمر بهالأيام….عموما اذا بدك عندي الها عيارات ممتازة….ببقا بعطيكي ياها بعد العيد ان شاء الله :roll

    و على فكرة انا طبقت أكتر من وصفة من وصفاتك متل: فخدات الدجاج…شوربة العدس عالطريقة التركية…خبز بيدا….و طلعوا روعة ..تسلم ايدك

  33. منى 15 September 2009

    أفضل طريقة انك تحفظيهم اما بالفريزر او بالبراد , لو رح تعلي كميات كبيرة الافضل انك تخبزيهم و بعد ما يبردوا تمام تحفظيهم بوعا محكم الاغلاق بالفريزر ;)

    رح استنى الوصفة الي قلتي عليها باذن الله و الف الف الف صحة و هنا على كل لقمة اكلتيها من عندنا انت و كل الغوالي على قلبك :)

  34. ام عمر 19 September 2009

    ميمو الحلوة اول شس تسلم ايدك على هالوصفة ,,,,,
    تاني شي بدي قللك انك مو حاطة لا خميرة البيرة ولا البايكنغ بودر ظ؟؟؟؟؟ يعني نسياتينهن ولا ما في بالوصفة !!!!!
    لانو عندي اكتر من طريقة للمعمول وكلهن بدهن خميرة ؟؟؟؟؟؟
    رغم انو عملت حلو بس حابة جربو
    بقا قوليلي الله يوفقك
    وبالنسبة للسكر والحليب البودرة بنعجنهن مع السميد والسمنة ما هيك ؟؟؟؟؟
    معليش لا تاخذيني الصيام اخد علي حاكم النهار عنا هون قد نهارين عندكن :cry
    سلام وبانتظارك

  35. منى 19 September 2009

    هلا ام عمر :)
    اختي نحنا بحلب لا منحط بيكنغ بودر و لا خميرة , بدنا المعمول يقرش قرش مو يطلع نافش و طري و المقادير تمام و ما فيها شي واقع سهوا ;)
    الحليب و السكر منعجنهم بالسمنة المدوبة مع السميد و هنن مذكوريين باول سطر من الوصفة .

    و لا يهمك اختي ايا سؤال تاني انا تحت امرك و الله يسهل عليك يا حق :roll

  36. ام عمر 19 September 2009

    لك روحي الله يجبر قلبك وخاطرك يا حق بجربهن وبقولك :zzz

  37. هنادي 28 September 2009

    شوفي معي منيح…

    أولاً….الله ريتو يسلم هالديات الحرير..عملت معمول بعجوة ( أو أقراص بعجوة) و طلعو ولا أروع و مين ما داقن معي بالشغل أخد وصفتن و أختي تاني بنفس اليوم اللي عملتن بعد الخبز و بعد ما داقتن عملت الها علطول قد ما لقتن طيبين…

    كما انني عملت كعك العيد و طلعو بيشهوا القلب الحزين….حسيتن متل الكعك المالح اللي عنا بسوريا..بس سؤال …معقولة بنفس العجين نحشيها تمر و بتصير متل تبع الفلسطينيين؟؟و نبدل الزيت العادي بزيت زيتون؟؟؟

    ثالثاً يا أختي العزيزة بدي منك طريقة للمعمول بفستق ( اللي بيكون بالطحين مو بالسميد) و نريد أيضاً وصفات حلويات سورية لذيذة أخرى للعيد…يعني العيد القادم الأضحى كل عام و أنتي بخير :p

    و أخيراً و ليس آخراً…إني أحبك في الله ;)

  38. منى 28 September 2009

    هلا ام عمر :) الله يخليلي ياكي , عم استنى رايك

  39. منى 28 September 2009

    هلا هنودة :)
    ان شاء الله الف صحة و مية الف عافية , لو تعرفي شو انبسطت بردك و ان الاقراص بعجوة زبطت معك و نالت اعجاب الراي العام العالمي عندك :zzz الف هنا على الب كل الي عملهن والي داقهن

    و كمان صحتين و عوافي على الكعك , و الله هنودة ما عندي فكرة تمام , بس ممكن اسال و اتقص و جيب طريقة طيبة من واحدة من رفقاتي ;)

    رح نزل طريقة المعمول , ان شاء الله الاسبوع الجاية بس طريقتي ما فيها طحين و سميد , بس طحين . بقى رح نزلها و ان شاء الله تكون كمان طيبة و على زووءك

    احبك الله الذي احببتني فيه و يا رب نجتمع نحنا و كل الاخوات بجنة عرضها السما و الارض , اامين

    عم استنى طريقة الاقراص الي قلتي عليها و كل سنة و انتي بالف الف خير ;)

  40. منى 28 September 2009

    هلا رنونة :) معلش ازرعيها بدقني و ما دامه معجن القصة اما زيادة في السوائل أو غلط بالخبز و المهم انك لاقيتيله صرفة و هنا على قلوبهم .

    أنا ما بفرز شي , امي بتفرز الحلو من دون خبز و عمتي بتخبزه و بتفرزه و الاتنتين ما شاء الله عليهم حلوياتهم بتاخد العقل بس لما بتخبزيها و بتفرزيها اسهل , بيقعدوا في الفريز لشهريين تقريبا بس اذا كانت الكرابيج مو بقشطة لان القشطة ما بتتحمل , انا ما بحب التفريز بس الصراحة هو بيسهل كتير الشغل , ممكن تفرزيه من دون خبز و لما بتحبي طالعيه على الصينية و خبزيه فورا في الفرن الحامي من دون ما يفك عنه التلج و هادا اهم الشي ;)

  41. تورتاية بالكريز 4 March 2010

    تسلم ايدك يارب اول مرة اشوف الوصفة مع انك منزلتيها من ن وصفة رووووووووووووووووووووعة كلمة قليلة عليها كنتم ادور على وصفات لاستل كمية من العجوة التمر عندي والاحلى سر الوصفة قمة الامانة والاخلاق الكريمة العالية بجد الله يباركلك يارب ويزيدك من فضله

  42. منى 5 March 2010

    هلا بالقمر ام ياسمين :)
    من زووءك حبيبتي و الله ردك دايما بيجي على قلبي و بينعنشه , الله يسلملي الزووء ..

    ان شاء الله تجربيها و تكون متل مو حابة و رح استنى رايك ;)

  43. محبةالمصطفى ملك 12 June 2010

    يسلمو يا منووووووووش شي بشهي نحن كمان بنعمل الحلو عالعيد و بينجح كتييييييييييييير(و لا مهروسة)
    بس ما بنحط حليب بودرة بس ان شاء الله المرة الجاية رح أحط و اجرب بس مو ما بأثر على الطعم لأني ما بحب الحليب البودرة و القشطة و الجبن السائل و (رح اعدلك كل الأكلات اللي ما بحبها ههههه)

  44. منى 13 June 2010

    لا ما بياثر على الطعم ابدا , بس بيعطي لون حلووو , و انا لو ما هل الاضافة من عمتي رغيدة ما بجربها بحياتي , بس منها كل شي طيب و بثق فيه ;)

  45. محبةالمصطفى ملك 13 June 2010

    :)

  46. marim 3 September 2010

    مرحبا مدام منى الله يوفقك بدي منك تردي علي بسرعة انا عملت اليوم اقراص العجوة من مبارح عجنتها بس كتير ناشفة وعم تفت طحنتها 3مرات على الماكينة ولسى ناشفة ضفتلها ماء زيادة صارت احسن شوي بس طلعت بعد الشوي قاسية كتير قوليلي من شو السبب انا السمنة ماكانت سخنة كتير سخنة اكتر من الدافي عم استنى ردك تركت العجينة وماني عارفة شوبدي ساوي :cry :cry :cry :cry

  47. منى 3 September 2010

    هي اول غلط , لان السمنة لازم تكون عم تغلي :roll

    متاكدة من نوعية السميد ؟

  48. marim 4 September 2010

    شكرا كتير لانك رديتي علي بس بدي اسالك ازا عندك طريقة معمول ظريفة بساويها بالطحين كندي او زيروبكون ممنونة كتير لالك عم استناكي

  49. منى 5 September 2010

    لا و الله يا مريم ما عندي :roll نحنا معودين على هل الطريقة بس و ما مجربة غيرها ;)

  50. إسراء 6 November 2010

    السلام عليكم ست منى ، انا من المعجبين والمجربين لكثير من وصفاتك مع جزيل الشكر
    سؤالي : هل السمنة البلدية هي نفسها السمنة البقرية ؟

  51. منى 8 November 2010

    الف صحة و هنا على كل شي جربتيه , ان شاء الله مية صحة :)

    هي نفسها ;)

  52. rema 8 November 2010

    مرحبا كيفك لو سمحتي بس بدي اعرف المقادير اللي مكتوبة الكوب هو اللي بيستخدمه الشيف بالمطبخ ولا الكاسة العادية اللي نحنا بنستخدمها؟؟؟؟؟ :upset في وصفات كثييييييير عاجبتني بس بدي اتاكد قبل مااعملها وبليييييز ردي علي بسرعة ويسلموا كثييير عذبتك معي :)

  53. منى 8 November 2010

    الكاسة هون هي الكاسة المعيارية ;)

    ايا سؤال تاني من عيوني

  54. larooo 11 November 2010

    السلام عليكم ورحمة الله وبركاته
    كيف الحلو منوش ..كل عام وإنت بالف خير يارب
    اكيد هلأ معجوقين قرب العيد ..قلت بلكي بلحق حالي
    وبتجاوبيني ..لأنو نحن هلأ بالنمسا ولأول مرة خطر على بالي اعمل هدا الاختراع..بس بدي اسألك ؟ هلأ بيمشي الحال بالزبدة ..كونو مافي سمنة هون ..وكمان شغلة المحلب انا ماعندي :sigh :sigh
    بتنتزع القصة كتير اذا ماحطيتها بالوصفة
    واخر سؤال اذا مشي حال بالزبدة وبدون محلب كم قرص بيطلعو هدول ؟؟ لأنو مابدي يطلع كتير نحن كلناعلى بعضنا 3 اشخاص وضيوفي 3 اشخاص خلصنا
    :grin :grin :grin
    شكرا جزيلا سلفا

  55. منى 12 November 2010

    لاروش كل سنة و انت بخير يا رب :) و ان شاء الله مبسوطيين

    ما عندي فكرة اذا فيك تستعملي الزبدة عواض السمنة نهائياً , المحلب بيعطي طعم طيب بس فيكي تستغني عنه اذا مو متوفر :roll

    القرص الواحد بيوزن حوالي 55- 60 غرام بقى كل الكمية ممكن تعطيني ما يقارب 38 قرص :)

  56. larooo 13 November 2010

    مممممم .. :roll :roll :sigh
    هي رابع سنة الي هون بس هي اول مرة كون مشتهية اعملو..لذلك قررت جرب ..وبخبرك بالنتائج ..هلأ عملت الخطوة الاولى ..عجنتن بايدي بس طبعا ماحسيت شي انعجن يعني ضل السميد عم يفرط ..مابعرف اذا هو هيك طبيعي هلأ ..رخ خليها لبكرة ..لشوف شو رح يصير :grin :grin

  57. منى 14 November 2010

    ايه لارو انا معك خطوة بخطوة و عيني عليكي في المطبخ :grin

    هلا ما رح يصير عجينة الا لحتى تديريها على الماكينة مرة او مرتيين حسب ما تحتاج العجينة

    ان شاء الله استعملتي نوغية سميد صح ؟

  58. tala11 14 November 2010

    السلام عليكم يعني انا عملتها وطلعت طيبة كتير بس عملت اضافة صغيرة وهي انو ضفت مع الحشوة جوزة الطيب واليانسون
    وطلعت رووووعة شكرا كتير على هالطريقة الرائعة :roll :eek :zzz :)

  59. larooo 14 November 2010

    ااااخ يامنى كأنو الامور رح تطلع خنفشارية
    هلأ انا درتها مرتين عالماكينة طلعت بتشبه العجينة بس واضح انو هي بدها تفرط :grin بس انا ضليت مصرة عملت وهلأ عم احمي الفرن لنشوف :grin

  60. لينا74 15 March 2011

    مرحبا ست منى
    انا ولا مرة ما جربت اعمل اقراص بعجوة او كرابيج اومعمول بس حابة اجرب وعندي سؤال لو سمحتي
    قلتي انو السمنة يجب ان تحمى بدون غلي وهنا ست قالت لكي انهاوضعتهاساخنة شوي فقلتي لها يجب ان تكون السمنةتغلي فشلون هيك ارجوكي افيديني
    ولكي جزيل الشكر على فكرى انا كتير حبيتك
    وحسيت بطيبتك وعفويتك من خلال كلامك و خفت دمك
    مع انه صرلي يومين مكتشفه الموقع حسيت انو انا في حلب مع اهلي وحابة كتير اتعرف عليكي لما اجي لحلب لانني مقيمة في فرنسا وشكرا

  61. منى 15 March 2011

    هلا لينا :)
    ريتك اكتشفتيه من قبل , بكل الاحوال مية هلا فيك و شكرا كتير لكلامك الحلو . انا صار اتعرفت على كتير اخوات عن طريق الموقع و اكيد بحب شوفك لما ترجعي لهون .

    السمنة رح تسخنيها كتير كتير يعني قبل ما تغلي بشوي , بس على اعلى حرارة ممكنة :)

    ان شاء الله تجربيها و تكون يميي و ايا سؤال تاني من عيوني

  62. imabeer77 23 July 2011

    الله يجزيك الخير ويباركلك يارب يا منمن(اسمحيلي اناديلك باسم “منمن”نفس الاسم اللي بنادي فيه بنتي منى وبتمنى انها تطلع متلك )
    ممكن لو سمحت تحكي لي قديش مقدار السميد بالكوب؟ احنا هون في جورجيا(في امريكا) بنستخدم الباوند وما بعرف قديش كيلو السميد
    :?
    الله يسلم ايديك ويحفظك.
    عبير :)

  63. منى 24 July 2011

    هلا فيك يا قمر :)
    الله يخليلك منى و يبارك فيها و تشوفي منها و من اخوتها خير كتير و كبير :)

    و الله اختي ما عندي فكرة تمام , بس الباوند هو 450 غ يعني 2 بوند بيعطوكي 900 غ ;)

  64. manar 28 July 2013

    انا عندي مية جبنة سميكة كأنها سمنة بدي أستعملها للاقراص بتعرفي كيف فيني دخلها ع الوصفة

    • منى 28 July 2013

      و الله ما عندي فكرة منار

  65. omomara 9 July 2014

    لو تعرفي شأد مشتهية على هالوصفة
    بس ما عندي ماكينة فرم
    بصير بس أعجنهم باليد والا رح يفتفتوا وما تنجح معي ؟؟

    وتسلم ايديك كتير
    دمت بخير

    • منى 9 July 2014

      و الله ما الي مجربتها غير بالماكينة , بخاف قلك بيصير ما تنجح :(

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)