اسكندر كباب


         وصفة : منى                 2007/03/14                 16 تعليقات
اسكندر كباب

اسكندر كباب

2 قطعة من فيليه ستيك بوزن 200 غ القطعة
200 غ لحم بقر مفروم
1 - 2 رغيف خبز بيدا مقطع مكعبات
ملح و فلفل
ملعقة سمنة
- مقادير التغطية :
لبن
2 كوب بندورة مبشورة
ملح و فلفل
1 - 2 ملعقة صغيرة فليلفة حمراء ناعمة
ملعقة كبيرة صلصة بندورة ( حسب الحاجة )
2 ملعقة كبيرة زبدة
شرائح بصل رقيقة
• يعجن اللحم المفروم مع الملح و البهار ثم يعطى شكلاً مدوراً و يوضع بين قطعتي اللحم الستيك .

• تغطى قطعة اللحم المحضرة بالنايلون اللاصق ثم توضع في الفريزر طوال الليل .

• في اليوم التالي تخرج من الثلاجة لمدة 45 دقيقة حتى تطرى قليلاً , ثم باستخدام سكين حادة جداً تقطع إلى شرائح رقيقة جداً ثم تقلى في مقلاة غير لاصقة بالسمنة على نار متوسطة و على دفعات و تقلب بلطف حتى تنضج .

• تبشر البندورة ( و لا تفرم ) ثم توضع على النار مع القليل من الملح و الفلفل و صلصة البندورة و الفليلفة الحمراء الناعمة و تترك حتى تتسبك .

• يفرش الخبز في طبق التقديم و يغطى بقطع اللحمة ثم تنثر صلصة البندورة فوقه و توضع بضع ملاعق لبن بجانب الصحن .

• تذوب الزبدة في قدر صغيرة حتى تغلي ثم تصب فوق صوص البندورة .

• يقدم الإسكندر كباب حالاً مع شرائح البصل الرقيقة و الخس و الفجل و يزين بالبقدونس المفروم .

• يمكن استبدال اللحمة الستيك و المفرومة بصدور الدجاج المقطع لشرائح رقيقة .
  • وصفات تانية ممكن تعجبك


التعليقات

  1. ام نور 31 August 2007

    شكلا طيبة بس مش قريبة لا الشوارماانا حابي اتعلم الشوارمايا ريت اختي منى اذا مجربتية تعطيني وصفتهالا جربا

  2. منى 1 September 2007

    هلا أختي ام نور :)

    أنا مجربة الشاورما و بتطلع طيبة كتير , رح نزل لك الوصفة إذا الله راد ,, ان شاء الله خلال اسبوع :)

    نورتي غاليتي 8)

  3. ام نور 1 September 2007

    بانتظار الشوارما انشالله

  4. ام نور 4 October 2007

    انا بدي اسال وين صارت الشاورما بلحمة اخت منى رح تنزليا ولا لغيتي الفكرة عم نعزبك معنا جزاك الله كل خير :)

  5. منى 5 October 2007

    و الله اختي ام نور انا خجلانة منك كتير كتير يعلم الله :roll

    حقك علي و ان شاء الله الشاورما مع باقي الوصفات الي وعدتك فيها رح نزلهم اذا الله راد قبل العيد :)

    و اسفة مرة تانية

  6. kinda 2 November 2007

    والله يا منى كلك ذوق :zzz

  7. منى 2 November 2007

    هلا كندا :)

    انت الزووء كله يا عسل ..

    كتير انبسطت بطلتك الحلوة ;)

  8. تورتاية بالكريز 29 December 2007

    طريقة حلوة يامنون العسل وجديدة عليا حلوة اوي بس عاوزة قراءة اكتر من مرة لتخيل الطيرقة بس شكلها مميز وانا اول مرة فعلا اقراها بهدا الشكل جزاك الله كل الخير حبيبة قلبي وهناك بالصحة والعافية والاخوات جميعا يارب ;)

  9. منى 30 December 2007

    حبيبتي انت ام ياسمين :)

    كلك زووء و لما أقرا رد ليك أكون دايما محترة بالرد عليه من حلاوته :eek

    و ان شاء الله ليك كمان متل هل الدعوات الحلوة و اكيد اذا جربتيه حيكون جديد بس لذيذ ;)

  10. kuwaiti_girl 7 February 2008

    اكلت هذه الاكله مره واحده في امريكا في مطعم تركي .. وحاولت البحث عنها هنا في الكويت وعندمااشرحها يقدمون لي طبق فته من غير رز ههههه

    شكرا غاليتي وساجربها في يوم خاص

  11. منى 9 February 2008

    :grin عادي أحيانا بتصير معانا , انتظر رايك بعد التجربة إن شاء الله ;)

  12. zsoukar 30 January 2009

    الله يقويك يااخت منى.ياريت من زمان بعرف هالموقع وماكنت اشتهيت اكلات ومابعرف ساويها.بدي منك وصفه جدي بالزيت .من فتره اجيت لسوريا واكلتها باحد المطاعم وعجبتني كتير.وبماانو موقعك متل الكنز بالنسبه الي فبتمنى انو شوف هالوصفه وخدي وشكرا الك

    :) :) :)

  13. منى 1 February 2009

    هلا فيك اختي :)
    الله يخليك يا رب و الف شكر لكلامك و ان شاء الله تبقى الوصفات بتعجبك دايما

    رح نزل الوصفة الي طلبتيها ان شاء الله قريب ;)

  14. qaiqab 24 August 2012

    يسلمو ايديكي عالوصفة، صار لي زمان عم دور عليها. بدي أسألك شو نوع اللحمة الستيك؟ يعني اذا رحت عاللحام شو بدو احكي؟ ومن وين لازم يقطعلي ياها من الكتف ولا من الظهر ولا من الفخذ؟
    و اذا لازم تكون رقيقة يقطعلي ياها على ماكينة المرتديلا؟
    شكرا كتير

  15. Zsoukar 10 November 2014

    مرحبا. هل قطع الفيليه بدون دهن

    • منى 10 November 2014

      هلا اختي :)
      اي طبعا الدهن بالوصفة حناخده من اللحم المفروم

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)