الباطرش الحموي


         وصفة : منى                 2008/08/06                 14 تعليقات
الباطرش الحموي

·          تثقب حبات الباذنجان بالشوكة أو السكينة ثم تشوى على الفحم أو في الفرن حتى يحترق جزء من القشر و تطرى الحبات و تنضج .
·          تقسم كل حبة الباذنجان لنصفين و يفرغ اللب بالسكين أو بملعقة و يرمى القشر ثم يفرم لب الباذنجان ناعماً أو يدق بالهاون .
·          يخلط لب الباذنجان مع اللبن و الطحينة و الثوم و الملح ثم يسكب في طبق مسطح كبير و يمسد بحيث يغطي كل الطبق .

·          تقشر البندورة و تفرم ناعماً ثم توضع في قدر على نار متوسطة حتى تنضج و تتسبك .

·          تقلب اللحمة مع السمنة و البهار حتى تنضج و يجف مرقها ثم تضاف البندورة المسبكة و تترك لمدة دقيقة أخرى على النار .
·          توزع اللحمة فوق الباذنجان المحضر ثم يرش البقدونس .

·          تحمى السمنة على نار متوسطة و يحمص اللوز فيها حتى يشقر ثم يصب السمن و اللوز فوق الباطرش و تقدم فوراً . 

 




نصف كيلو باذنجان أسود من النوع المدعبل
3 – 4 ملعقة كبيرة لبن زبادي
4 ملعقة كبيرة طحينة
فص توم
ملح
نصف ملعقة كبيرة سمنة بلدية
نصف كيلو لحمة غنم مفرومة
رشة بهار مشكل
5 حبة بندورة
نصف باقة بقدونس مفروم

للتزيين :

لوز
نصف ملعقة كبيرة سمنة بلدية





• تثقب حبات الباذنجان بالشوكة أو السكينة ثم تشوى على الفحم أو في الفرن حتى يحترق جزء من القشر و تطرى الحبات و تنضج .
• تقسم كل حبة الباذنجان لنصفين و يفرغ اللب بالسكين أو بملعقة و يرمى القشر ثم يفرم لب الباذنجان ناعماً أو يدق بالهاون .
• يخلط لب الباذنجان مع اللبن و الطحينة و الثوم و الملح ثم يسكب في طبق مسطح كبير و يمسد بحيث يغطي كل الطبق .

• تقشر البندورة و تفرم ناعماً ثم توضع في قدر على نار متوسطة حتى تنضج و تتسبك .

• تقلب اللحمة مع السمنة و البهار حتى تنضج و يجف مرقها ثم تضاف البندورة المسبكة و تترك لمدة دقيقة أخرى على النار .
• توزع اللحمة فوق الباذنجان المحضر ثم يرش البقدونس .

• تحمى السمنة على نار متوسطة و يحمص اللوز فيها حتى يشقر ثم يصب السمن و اللوز فوق الباطرش و تقدم فوراً .




  • وصفات تانية ممكن تعجبك


التعليقات

  1. غيث 6 August 2008

    اعتقد ان الباطرش الحلبي هو نفسه المخبص البابي ما بعرف بس انا تعلمته من رفقاتي البابيات بالجامعة وكتير طيب متل ما قلتي بدون بندورة او بقدونس ونصيحة للجميع يجربوه لانه لذيذ جدا وانا رح جربه بهالطريقة الله يسلم دياتك ويجزيك الخير على بحثك الدائم وتعبك معنا بالمناسبة صار جربت معظم انواع الكاتويات اللي بالشوكولا من موقعك وكتير عبيحبوهم متل السنكرز و قدرة قادر انا اختصرت الاسماء لاني طولت عليك الله يعطيك العافيةوصار كل طبخي من موقعك ما عاد ارجع لدفتري وصحيح كتير ضحكت وانا عم اقرا كاتو بحشوة السنكرز على كلمة الخيرات والليرات ةالحشوات والنفشات لانك كنت لذيذة بهالردوبعتقد عرفت سبب ضحكي بدون كتابة المزيد وشكرا لك

  2. منى 7 August 2008

    هلا غيوثة :) ..

    أظن نفسه لان بيتحضر بنفس الطريقة , بس انا ما بعرف ان بيحضروه بالباب ;) معلومة جديدة منك ..

    خليلي عينك غيوثة , ان شاء الله عوافي و هنا يا رب و هادا بس من زووءك حبيبتي و أحلى مسا منور بأنوار النبي عليه الصلاة و السلام و مية بوسة مني الك ;)

  3. Iman 7 August 2008

    ما شاء الله يا منى مش بس اكله لذيذه و غريبه علينا و كمان درس في التاريخ هذا هو المخزون الي كنت عم بحكي عنه و بستناه يا حبيبتي ماشاءالله ربنا يوفقك و يرضى عليكي على فكره اسمالله عندك ذوق كتير في اختيار الطبخات و في عرضها يعني اختيار لون الصحن المناسب لاظهار جمال الطبخه و التصوير ماشاالله محترفه

  4. منى 7 August 2008

    هلا أمونة :)
    و انا كنت عارفة ان هل الوصفة رح تعجبك , ألف شكر ليك على الكلام الجميل و الرد الحلو , بتعرفي أمونة , بحس ان هل الشي هو الي بيميز الموقع هون , لان كل وصفة لازم يكون الها حكاية أو قصة و لو صغيرة و انا روح قلبي دور على هل الاشيا ;)

    الف شكر ليك على الوصفة , بتجنن , الموقع بحاجة ماسة لوصفات الاسماك

  5. سارونات 18 September 2008

    السلام عليكم و رحمة الله و بركاته
    جازاك الله خيرا اختي منى و كلمة حق تقال انك فنانة ما شاء الله بطريقة تقديم الوصفات و تزيينها و خصوصا مقدمة الوصفة بحس كأنك عم تحكي حكاية و انا بهتم باصول الوصفات و اسباب تسميتها و باسلوبك و طريقة سردك حببتيني فيها اكتر و اكتر
    الوصفة ان شاء الله راح جربا بعد بكرا بس ما بعتقد راح حط بقدونس فوق لان بخاف ما كتير يحبوه لهيك بعتقد ان وصفة الباطرش اللي من دون بندورة و بقدونس راح تناسب اكتر مع اني راح جرب الباطرش الحموي اكيد بدي اسالك يعني الباطرش نفس الطريقة و بس شيل البندورة و البقدونس او في اشياء بتتغير و كمان هل ضروري السمنة او الزبدة بالاخير حتى من دون لوز و هل ممكن تنعمل الوصفة بالزبدة او الزيت
    بالتوفيق
    سلام

  6. منى 18 September 2008

    هلا سارونات :) هادا بس من زووءك أختي , أضقت رابط باطرش حلب و الاتنين كتير طيبين , فيك تستغني عن السمنة بس النكهة رح تختلف لان السمنة أساسية للوصفة , بيصير زبدة ;) أما الزيت ما رح يطلع طيب و هدا رأي نظري , يعني انا مو مجربتها إلا بالسمنة

  7. Eman 20 January 2010

    السلام عليكم منى …
    انا عملت الوصفة وطبقتها وحابة أبعت الصورة بس ما بعرف كيف أحطها …وموجودة عالفيس بوك ،بقى إذا بتحبي تضيفيها روحي عالفيس بوك
    (هالحكي بيني وبينك بس :grin

  8. منى 21 January 2010

    امولة من وين انا بدي حصلها على الفيس بوك , ولي على بعضي :roll

    نسيت قلك الف صحة و هنا ;)

  9. Eman 22 January 2010

    هههههه
    أنا آسفة ما وضحت لك كتير ….العذر مني ما تواخذيني …يا ستي في جروب اسمه أطيب طبخة على الفيس بوك وضفت صورة التطبيق ولينك الوصفة … صحي ليش ما بقى تبعتيلنا آخر وصفاتك عكتاب الوش ؟؟ :grin
    سي يو لايتر 8)
    [img][IMG]http://i286.photobucket.com/albums/ll120/hodaleman/food/6f6dac8c.jpg[/IMG][/img]

  10. ام سوسو 2009 8 February 2010

    ياسلااااام على الباطرش الحموي ما اطيبو وخاصة ازا جنبو فليفلة خضرا حلوة وكلها مي وشوية بصل اخضر وخبز تاازة

    زكرتوني بحماااااااااااه بدي روح ابكي على الاطلال وااااااااااااااع

    هههههههههه

  11. منى 13 April 2010

    فهمت عليك امولة :) تكرم عيونك , الحق علي . اي ول سند ذم اجين ان شا لله :zzz

  12. منى 13 April 2010

    ان شاء الله تعيشي و تتذكري ام سوسو , الله يسترك بلا البكي :roll

    نورتي و شرفتي مية هلا فيك اختي ;)

  13. Alaa 30 April 2010

    looks yamy

  14. منى 1 May 2010

    من زووءك اختي :) مية هلا فيك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)