البندورة المجففة بأشعة الشمس


         وصفة : منى                 2007/04/10                 16 تعليقات
البندورة المجففة بأشعة الشمس
بندورة طازجة
ملح صخري
زيت زيتون • تقطع حبات البندورة إلى نصفين ثم ترش بكمية كبيرة من الملح الصخري .

• تصف حبات البندورة على سطح واسع أو على مشبك سلك تحت أشعة الشمس , و تترك عدة ايام لتجف تحت اشعة الشمس و ستصبح جاهزة عندما تصبح مجعدة و قاسية .

• توضع حبات البندورة المجففة في الماء الساخن لمدة دقائق فقط للتخلص من الملح الزائد ثم ترفع من الماء و تعاد حبات البندورة تحت الشمس لفترة وجيزة فقط للتأكد من أن شرائح البندورة قد جفت تماماً من الماء .

• ترتب قطع البندورة في مرطبانات ثم تغمر بزيت الزيتون و تترك بضعة ايام قبل استخدامها . يمكن حفظها في الفريز و عند الرغبة تخرج من الفريزر و تغمر بالزيت و تترك لبضعة أيام قبل تقديمها

• يمكن اضافة أي نوع من أنواع الأعشاب العطرية مع البندورة لإضفاء نكهة إليها مثل الريحان أو الزعتر الأخضر .
  • وصفات تانية ممكن تعجبك


التعليقات

  1. ام نور 17 November 2008

    هالبندورة كتير مشتهية جربا بس الصيف بهل بلاد عدم يوم شمس ويوم شتي بس ناوية لما انزل علبنان يالصيف اعملا انشالله يا ريت تذكريلنا كيف فينا نستفاد منا مع الاكلات

  2. منى 17 November 2008

    في كتير وصفات , بس هلا بالموقع في بس وصفة الخبز الايطالي مستخدمة فيها هل البندورة , حتى طيبة لحالها مع خبز ;)

  3. dado 22 November 2008

    مرحبا منى..
    هي البندورة طيبة كتير وبتستخدم بالمطبخ الايطالي ومتل ما حكيتي طيبة لحالها.. بس زوجي بيضحك عليّ لما باكلها مع خبز بدون شي تاني معها :sigh
    أختي أم نور.. كمان فيكي تعمليها سندويش مسخن مع جبنة شيدر |أو موزوريلا “أي جبنة بتسيخ عالتسخين” مع دهنة بيستو.. إممممم ولا أطيب.. أو فيكي تحطيها مع فطر وجبنة وكم ورقة سبانخ وفوتيها عالفرن أو سخانة السندويش.
    عندي سؤال منى.. كم يوم لازم تبقى بالزيت قبل ما تتاكل؟
    لأنو آخر مرة حطيتها بالزيت شي أسبوع “بس بالبراد كانت” ولما طالعتها كانت مجلمدة وقاسية كتير.
    وشكرا كتير على وصفاتك الشهية كتير
    الله يعطيكي العافية يا رب

  4. منى 23 November 2008

    هلا دالو :)
    انا كمان بحبها لحالها و هي كتير افكار منك , الله يعطيكي الف عافية على هل الاضافات اللذيذة
    تقريباً بتاخد 4 ايام بالزيت و احيانا اكتر بس ممكن تحفظيها بالزيت قد ما بدك , ما عرفت قصة انها طلعت قاسية , يمكن لان كانت بالبراد ؟
    الشكر ليك انت على ردك و تواجدك أختي
    مية هلا 8)

  5. بشرى 16 May 2009

    يسلم إيديكي منى طريقة حلوة ذكرتينا فيها .. شفتا مرة على فتافيت وراحت عن بالي ..

    رح إعملها بس إنزل عسوريا هالصيفية إن شاء الله ..

    ماما بتعملها ومناكلها مع زيتون لفيها وحطي بقلبها تونا مثلاً وحطي عليها زيتونة فوقها وشكيها بنكاشة سنان خشب :grin مما عرفت شو اسميهاوبعدين حطي عليها شوي زيت زيتون .. بتنعمل كصحن مقبلات كتير حلو وطيب ..

    يسلم إيديكي حبيبتي :zzz

  6. منى 17 May 2009

    مممم , فكرة حلوة كتير و اتوقع الشكل رح يصير فرجة :eek

    الف شكر الك للفكرة المميزة و ان شاء الله لمن تجربيها تعجبك كتير :zzz

  7. نوارة 25 May 2009

    مرة دقتها مع المعكرونة جد بتجنن
    بس سؤال مشان نوع البندورة لازم تكون حمرا كتير (مستوية) ولا مو ضروري

  8. منى 26 May 2009

    هلا نوارة :)
    لازم تكون مستوية و طيبة لان كل ما كانت طيبة و هي لسا خضراء رح تصير طيبة و هي مجففة ;)

  9. نوارة 27 May 2009

    خليلي ياكي يا ميمو
    ان شاء الله رح اجربها وقت بشوف بندورة مستوية

  10. منى 31 May 2009

    ان شاء الله , و يا رب تطلع طيبة و متل ما بتحبي :zzz

  11. ream 21 October 2010

    أنا عجبتني فكرتها كتير وتشجعت وجففت 2كيلو تموز والتزمت بالطريقة تماما لأنه لساتي جديدة بالمطبخ وما عندي خبرة-بس لما دقتها طلعت كتيييييييييير مالحة ومن بعدها ما تجرأت أرجع أفتح المرطبان-شو الحل برأيك؟

  12. منى 25 October 2010

    هلا ريم :)
    كان لازم تغليها اكتر بشوي بالمي لحتى يخف الملح , هلا ما اظن رح يمشي حالها :roll

  13. Sahar. joudeh 21 March 2014

    تحياتي للجميع
    بالنسبة للأخت ريم ولمن يود التجربة فإني أعمل من هذه البندورة كبة نية بدون هبرة تدار 4-5حبات من هذه البندورة مع كأس برغم مغسول ومصفى مع بصلة كمان وﻻيوضع ملح طالما أن البندورة مالحة

    • منى 21 March 2014

      وااو سهر , فكرة اكتر من رائعة , ممنونة كتير اضافتها , انا بموت في الكبة النية و بالبندورة المجففة , اتوقع رح تطلع رووعة

      شكراً :)

  14. sousou 7 July 2014

    شكرا جزيﻻ على الوصفة :)

    • منى 7 July 2014

      مية هلا فيك نورتي :)

تقييم الوصفة
عاديةقد أحضرهاجيدةممتازةأكثر من رائعة (3 votes, average: 3.67 out of 5)