السفرجلية باللحمة الكباب


         وصفة : منى                 2007/10/31                 25 تعليقات
السفرجلية باللحمة الكباب

·          تدعك اللحمة المفرومة مع الملح و البهار ثم تبلل اليدان بالماء البارد و تشكل اللحمة بهيئة أسياخ بطول الاصبع تقريباً .

·          يوضع الماء و معجون البندورة على النار و تترك حتى تغلي .

·          تذوب نصف ملعقة من السمنة في وعاء غير لاصق على نار متوسطة ثم تضاف أصابع اللحمة و تقلب حتى تنضج و يجف مرقها تماماً ثم ترفع من السمنة و توضع فوق الصلصة مع رشة ملح و بهار و تترك لتغلي لمدة عشر أو ربع ساعة حتى تسمك الصلصة قليلاً .

·          يغسل السفرجل بشكل جيد ثم يقطع إلى نصفين ثم يقطع كل نصف إلى نصفين و يتم التخلص من البذور ثم يقطع كل ربع إلى قسمين بشكل طولي , أصبح لدينا 8 قطع من كل حبة سفرجل .

·          تذوب باقي السمنة في قدر نظيف ثم تضاف حبات السفرجل المقطعة و تقلى مع التقليب بين الحين و الأخر بلطف حتى تشقر الحبات من الطرفين , يجب قلي حبات السفرجل فور تقطيعها حتى لا يتغير لونها .

·          بعدأن تسمك الصلصة قليلاً تضاف حبات السفرجل المقلية مع عصير الرمان و تترك السفرجلية على النار لمدة عشر أو ربع ساعة أو حتى تطرى حبات السفرجل من دون أن تنهمس .

·          تذاق المرقة و يعدل الحمض و يضاف القليل من السكر حسب الذوق ثم تسكب السفرجلية في طبق التقديم و تقدم ساخنة مع الأرز المفلفل . 




كيلو سفرجل
كيلو لحمة غنم مفرومة ناعم
ملح
نصف ملعقة صغيرة بهار مشكل
2 ملعقة كبيرة سمنة
4 – 6 كوب ماء
3 – 4 ملعقة كبيرة رب البندورة
فنجان صغير عصير رمان ( أكثر أو أقل حسب الرغبة )
ملعقة كبيرة سكر ( و قد يضاف المزيد بعد التذوق حسب الرغبة )





• تدعك اللحمة المفرومة مع الملح و البهار ثم تبلل اليدان بالماء البارد و تشكل اللحمة بهيئة أسياخ بطول الاصبع تقريباً .

• يوضع الماء و معجون البندورة على النار و تترك حتى تغلي .

• تذوب نصف ملعقة من السمنة في وعاء غير لاصق على نار متوسطة ثم تضاف أصابع اللحمة و تقلب حتى تنضج و يجف مرقها تماماً ثم ترفع من السمنة و توضع فوق الصلصة مع رشة ملح و بهار و تترك لتغلي لمدة عشر أو ربع ساعة حتى تسمك الصلصة قليلاً .

• يغسل السفرجل بشكل جيد ثم يقطع إلى نصفين ثم يقطع كل نصف إلى نصفين و يتم التخلص من البذور ثم يقطع كل ربع إلى قسمين بشكل طولي , أصبح لدينا 8 قطع من كل حبة سفرجل .

• تذوب باقي السمنة في قدر نظيف ثم تضاف حبات السفرجل المقطعة و تقلى مع التقليب بين الحين و الأخر بلطف حتى تشقر الحبات من الطرفين , يجب قلي حبات السفرجل فور تقطيعها حتى لا يتغير لونها .

• بعدأن تسمك الصلصة قليلاً تضاف حبات السفرجل المقلية مع عصير الرمان و تترك السفرجلية على النار لمدة عشر أو ربع ساعة أو حتى تطرى حبات السفرجل من دون أن تنهمس .

• تذاق المرقة و يعدل الحمض و يضاف القليل من السكر حسب الذوق ثم تسكب السفرجلية في طبق التقديم و تقدم ساخنة مع الأرز المفلفل .
  • وصفات تانية ممكن تعجبك


التعليقات

  1. ام نور 31 October 2007

    انا اكلتا هالاكلة عند ناس حلبية من شي سنتان وكتير عجبتني بس ولا مرة فكرت اعملا والان ذكرتيني فيا خصوصي انو السفرجل عم شوفو متلا السوء بهل ايام بس السفرجل بيكون قاسي لازم مش مستوي مهاك :? شهيتيني اخت منى على مربى السفرجل بس ولا مرة جربت اعمل مربى ما عندي المقادير ويمكن لبكتو لبكة :upset

  2. منى 31 October 2007

    هلا ام نور :)

    لا السفرجل هو قاسي حتى لما بيكون مستوي
    بس ما أظن ان هي نفس الوصفة الي دقتيها , أظن الي دقتيها هي الكبة السفرجلية و الوصفة قريبة من هي الفرق ان منستخدم لحمة شقف و منحط معاها توم و نعناع و السفرجل منحطه من دون تقلاية بالسمنة..

    هل الوصفة من وصفات حماتي الخاصة و بالفعل كتير طيبة و هي خصوصاً إذا الست حابة تعملها مع الرز

    إذا بتحبي وصفات السويت أند ساور رح تعجبك هل الوصفة :)

    مربى السفرجل اتعلمته من ستي و شغلته سهلة , أنا بعمله بطنجرة الضغط ..

    رح حط لك الوصفة إذا الله راد من عيوني ;)

  3. Rino 31 October 2007

    تسلم إيديكي منى عالسفرجلية أنا ماكنت بحبا بس مرة دقتاعند مرة خالي الله يرحمها يوم صبحية أبنها و هيه نفسها كتير طيب و على فكرة هية مصرية و تعلمت أكلنا عا أصولو
    و من يومها و صرت حب السفرجلية كتير
    عا فكرة أنا بنتظار وصفة مربى السفرجل بس ما تتأخري بليييز أسمو السفرجل بموسمو كانت نانتي تعملو يطلع لونو متل المرجان بياخد العقل
    حكيت كتير مو باي

  4. منى 31 October 2007

    هلا رينو :)

    هي حلاوة الاكل السوري ..
    سهل و بيحبوه كل الناس ;)

    تكرم عيونك , اذا الله راد بكرة او بعده بالكتير بحط الوصفة :)

  5. ام نور 31 October 2007

    والله ما بىء اتذكر شو بالظبط اكلت اذا سفرجلية ولا كبة سفرجلية لان اول مرة كنت بعرفها وباكلهاالمهم اكلة فيا سفرجل ,بانتظار مربى السفرجل الف شكر :grin

  6. arwen 31 October 2007

    لك الهييييييييي الله يسلمن يارب :)
    بس تقبريني ماعندي عصير رمان بمشي حال الدبس اذا دوبته بفنجان مي ولا لا؟

  7. منى 1 November 2007

    هلا ام نور :)
    ان شاء الله تكوني حبيتيها ..

    ووصفة المربى هل اليومين إذا الله راد ..

    و الف شكر ليك على الوصفة شكلها بيجنن ;)

  8. منى 1 November 2007

    هلا arwen:)

    بيمشي الحال , بس اصولا و طيبتها بعصير الرمان :roll

    حاولي تأمنيه و خصوصاً ان عندك عزيمة و لازم يبيض وشك

  9. raghad 11 July 2008

    السلام عليكم اخت منى
    اشكرك على كل الوصفات و الى الامام .يوجد اكلة حلبية مشهورة في حلب و لذيذة ايضا هي السماقية .اكيد بتعرفيها :) اذا اردت استطيع ان اضيفها على موقعك الكريم.

  10. منى 19 July 2008

    من عيوني :) رح ضيفها اسمها هلا وقتها ;) نورتي رغودة

  11. ام نور 17 November 2008

    يعني بعد ما شفت هالصورة ما عاد فيني قاوم انشالله بهل يومين بدي جرب هالوصفة كتير شكلا بيفتح النفس :p :p

  12. سارونات 19 November 2008

    السلام عليكم و رحمة الله و بركاته
    بسمع فيها للسفرجلية و كنت متشوقة اعرف كيف بتتساوى بس ماعرفت اذا بتطلع حلوة او كيف طعمتها لان مو جربة من قبل الطعمة الحلوة مع المالحةو هل فينا نستغني عن السكر
    و اهعم شي بدي اعرف كيف بتنعمل باللحمة شقف و خصوصا بلحم العجل شقف
    بالتوفيق
    سلام

  13. منى 19 November 2008

    هلا ام نور :)
    ان شاء الله تجربيها و تكون على زووءك , عن جد هل الوصفة بتستاهل تكون عالمية :zzz

  14. منى 19 November 2008

    هلا سارونات :)
    اختي اللذة و المتعة في الطبخ انه بيفتحلك اشياء و نكهات ما كنت متخيلتيها ..
    هلا بتحبي الكتشاب مع البطاطا ؟ معناها بتحبي السكر في الاكل
    ما اتوقع انها بتصير من دون سكر و فيك تستعملي لحم الغنم أو البقر على كيفك ;)

  15. منامينو 19 November 2008

    مراحب حبيبتي منى. أنا اليوم عملتها السفرجلية بلحمة الكباب، بس بدون سكر. طلع فيها هيك حموضة حلوة. عن جد طلعت روعة وطبق راقي جدا. تسلميلي على هالوصفات الحلوة اللي عمتتحفينا فيها. أنا أصلا ما كنت بعرف إنه السفرجل بينطبخ. يعني بالعادة منعمله مربى أو حلويات مثل الكمبوت وعلى وجهه قشطة. أما طبيخ :eek !! هاي أول مرة، والحمد لله عجبت الكل واعتمدتها. تسلم هالأنامل المبدعة يا رب.

  16. منامينو 19 November 2008

    بس على فكرة منى، أنا اللي شجعني أعملها للسفرجلية بالكباب هي الصورة القديمة. كانت حلوة كتير وخطر لي إني أقدمها بنفس الطريقة اللي بالصورة :roll . خليكي عالقديمة أحلى :roll :roll

  17. منى 20 November 2008

    الف هنا و عافية منامينو :)
    هي السفرجل يمكن بس الحلبية و المغاربة بيستعملوه بالطبخ , كتير انبسطت ان عجبك لان انا بمووت عليه
    القديمة خلص انحزفت , ان شاء الله بس ما اعملها مرة تانية ببقى بصورها بنفس الطريقة القديمة للتقديم , ألف شكرليك على المتابعة و الملاحظاات المهمة كتيرر

    نورتي يا قمر

  18. mahmouds_angel 25 November 2008

    يممممممممممممممم
    منمن شايفة انا ا جيت
    مفاجاة ما هيك هههههههههه :)

    منمن احتمال كبير جدا ادا الله راد
    اطبقها اليوم
    و اكيد ان طبقتها راح اعطيك رأيي اللي اكيد راح يكون ايجابي ان شاء الله
    و راح اصورها و انزلها بلكي في لك شو رأيك :)
    سلامي و حبي لك يا قمر

  19. منى 25 November 2008

    ممممم احلى مفاجاة انجي اليوم هي طلتك الحلوة :)
    القمر تقيل و شايف حاله و بيزورني كل سنة مرة :zzz

    ان شاء الله تجربيها و تعجبك , و ين مو حابة نزلي التطبيق المهم انها تعجبك و تعجب عيلتك , يلا بانتظار اخباررر منك ;)

  20. mahmouds_angel 30 November 2008

    جربتها في نفس اليوم منمن زي ما قلتلك
    و طلعت يميم
    لزيزة و مرقتها بتشهييي
    جامعة نكهات عديدة
    تسلمي يا قمر و ربنا ما يحرمنا منك
    حبيت اوريكم صورة التطبيق
    و ان شاء الله تعجبكم
    مع انها اكيد مش هالقد :)
    معلش لآن التصوير جوال كمان

    [IMG]http://www.lakii.com/img/all/Nov08/eUqIST11300709.jpg[/IMG]

    [IMG]http://www.lakii.com/img/all/Nov08/gSoGuM11300710.jpg[/IMG]

  21. منى 30 November 2008

    هنااا و مية الف عافية حبيبتي انجي :)
    كتير انبسطت انها عجبتك و كانت على زووءك ريتو عوافي حبيتي :zzz

    الصور بتشهي و طالعة معك تمام التمام انجي ,ممم هيأتي رح اتغدى منها بكرة :)

  22. ام عبدو 25 March 2009

    يسلمو ايديكي عالاكلة الطيبة والله لايضيعلك تعب ويجعله في ميزان حسناتك
    حبيت اعرف اخت منى كيف بيتفرز السفرجل اذا عندك الطريقة ياريت تحطيها باسرع وقت لاني بحاجتا اناجربت افرزه سلقته نصف سلقة بعدين تركته ليبرد وحطيته بالفريزة صار لونه غامق مابعرف ليش عندك فكرة
    ولك جزيل الشكر

  23. منى 26 March 2009

    هلا ام عبدو :)
    طريقتك صحيحة بس ناقصها ملح ليمون أو ليمون بالسلق و لمن تجي تطبخيه بياخد وقت ااقل بالطبخ ;)
    ان شاء الله تجربيه و يظبط معك و الف شكر الك على الدعوات اختي

  24. آرام 18 October 2009

    مرحبا أخت منى
    السفرجلية من الأكلات المفضلة عندي بس عمري ما طبختها لأني ما كنت أتخيلها بدون كبة .. ولذلك ما كنت آكلها هي وغيرها من طبخات الكبب إلا لما أنعزم عليها هون وهون :)
    المهم أن هالوصفة رائعة لأنها سهلة وما بدها كبة .. وكمان بالكباب بدل اللحمة الشقف لأني دائماً بفضل الكباب على الشقف .. جربتها البارحة وطلعت روعة .. بس الكباب عملته كرات بدل الأسياخ على أساس أنها أسهل في التشكيل .. ومع ذلك طلعت الكرات مفشكلة وأقرب إلى المكعبات بعد القلي :)
    الملاحظة الوحيدة أن المرقة كانت قليلة كتير مع أني تقيدت بالمقادير تماماً .. يعني طلعت متل الصورة فوق .. أنا بحب المرقة تكون مبحبحة شوي :roll

  25. نادين 14 November 2010

    منوشة انا بدي اعمل سفرجليه اول يوم العيد بس كانو الطريقه غير نحن بكون في مرق اكتر متل السماقيه .؟؟؟

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)