السلطة اليونانية


         وصفة : منى                 2007/03/23                 8 تعليقات
السلطة اليونانية
3 حبة بندورة
حبة خيار
خسة صغيرة
بصلة حمراء صغيرة
حبة فليفلة خضراء
نصف كوب من حبات عطون منزوع النوى و مقطع لأنصاف
كوب من جبنة الفيتا مقطعة مكعبات أو مبشورة

مقادير الصلصة :

ربع كوب زيت الزيتون
3 ملعقة كبيرة عصير ليمون
ملعقة كبيرة خل أحمر
فص ثوم مدقوق ( اختياري )
نصف ملعقة أو ملعقة صغيرة أوريغانو
ربع ملعقة صغيرة فلفل أسود مطحون طازج
نصف ملعقة صغيرة سكر
ملح • تمزج مقادير الصلصة جيداً في مرطبان صغير ثم تترك الصلصة مدة ساعة كي تتمازج النكهات و يهز المرطبان عدة مرات في هذه الأثناء .

• يقطع الخيار و الفليفلة لشرائح , تقطع البندورة إلى شرائح أو أرباع , يقطع البصل إلى شرحات رقيقة جداً ثم يمزج الكل مع الزيتون الأسود , يقطع الخس و يفرش في طبق التقديم ثم توضع الخضار فوق الخس .

• ترش الصلصة فوق الخضار ثم تنثر جبنة الفيتا فوق الخضار و تقدم السلطة مع السوفلاكي أو السمك المشوي مع خبز الثوم .
  • وصفات تانية ممكن تعجبك


التعليقات

  1. linda 9 June 2007

    :upset

    يا عيني شكلا بيجنن و اكيد الطعم اطيب
    شكرا لك و ان شالله رح جربها
    جزاك الله خير

  2. منى 9 June 2007

    مية أهلا و سهلا ليندا :)
    أختي جربيها و أكيد إن شاء الله رح تعجبك لأنها سهلة كتير و طيبة ..
    نورتي الموقع بتواجدك و ردودك ;)

  3. آرام 10 June 2009

    من السلطات المميزة في الموقع .. جبنة فيتا ما بعرفها سابقاً .. والصلصة لذيذة جداً .. صار لي 3 أيام متتالية آكل منها .. مع أنو عندي عدة وصفات سلطة مكوناتها كلها جاهزة وناطرة ع الدور!
    البارحة كان عندي ضيوف على العشا .. والسلطة اليونانية كانت زينة المائدة .. خاصة أني تركت الصوص يتمازج أكتر من ساعتين واستخدمت خل عنب بلسميك .. الكل تسائل عن مكوناتها فتركتهم يحزرون .. استطاعوا أن يحزروا كل المكونات عدا السكر .. ما خطر ببال حدا .. البعض توقع أنو فيها دبس رمان! .. ألف شكر إلك أخت منى على هالوصفات الرائعة.

  4. منى 11 June 2009

    هلا اخ ارام
    الف صحة و عافية يا رب على السلطة , كتير انبسطت انها عجبتك و عجبت ضيوفك
    الشكر لك اخي لردك و تجربتك وصفاتي و لثقتي فيني , عوافي و هنا :)

  5. Noora 4 November 2010

    الله يعطيكي ألف عافية الحقيقة جربتها وطلعت كتير طيبة وزوجي طار عقله فيها لأنه من عشاق السلطات بكل أنواعها وهلق عما ينق علي بده أعمله السلطة الروسية وأنا ما بعرف طريقتها لهيك حبيت أسألك إذا عندك طريقتها يا ريت تساعديني وبكون ممنونة كتير

  6. منى 9 November 2010

    تكرم عيونك ان شاء الله بنزل طريقتي و هي وصفة بسيطة كتير :zzz

    صحتين و الف هنا على البك و الب الباشا

  7. سنا 9 February 2014

    بتجنن هالوصفة ، وصفتي المعتمدة للسلطة اليونانية من اول سنة زواج :)

    • منى 10 February 2014

      هنااااااا و الف الف عافية ع قلبك :)
      منورتينا سنا

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)