السمبوسة الهندية


         وصفة : منى                 2008/08/30                 26 تعليقات
السمبوسة الهندية



الحشوة :

3 حبة متوسطة بطاطا (650 غ )
1 – 2 ملعقة كبيرة سمنة
ملعقة كبيرة زيت
حبة متوسطة بصل مفروم
2 فص ثوم
ملعقة صغيرة كزبرة ناشفة
ملعقة صغيرة زنجبيل طازج مبشور
كوب بازلاء خضراء مسلوقة
3 ملعقة كبيرة كزبرة خضراء مفرومة ناعمة
2 ملعقة صغيرة عصير ليمون حامض
ملعقة صغيرة غرام ماسالا
نصف ملعقة صغيرة كركم
نصف ملعقة صغيرة كمون
نصف ملعقة صغيرة فليلفة حمراء ناعمة حرّة
رشة كاري
ملح

العجينة :

كوب و ربع طحين
نصف ملعقة صغيرة ملح
رشة بيكربونات الصودا
ملعقة كبيرة سمنة
2 ملعقة كبيرة لبن
ربع كوب ماء





تحضير الحشوة :

• تقشر البطاطا و تقطع لمكعبات متوسطة ثم تسلق حتى تنضج , توضع على مصفاة للتخلص من الماء الزائد .

• تذوب السمنة مع الزيت على نار متوسطة ثم يقلب فيها البصل و الثوم و الزنجبيل الطازج و الكزبرة و يقلب الكل حتى يطرى البصل .

• تضاف البطاطا و تقلب حتى تشقر قليلاً ثم تيعد عن النار و يضاف عصير الليمون و البازلاء و الكزبرة الخضراء و تتبل الحشوة بالبهارات و الملح و يقلب الكل بلطف.

• تعدل بهارات الحشوة حسب الرغبة ثم تترك حتى تبرد تماماً .


تحضير العجينة :

• يخلط الطحين و الملح و بيكربونات الصودا في وعاء كبير , تعمل حفرة في منتصف العجينة و يوضع فيها السمنة .

• تفرك السمنة بأطراف الأصابع مع الطحين , هذا الفرك سيجعل السمبوسة مقرمش بعد القلي .


• يضاف اللبن ثم يضاف الماء بالتدريج مع العجن بعد كل إضافة حتى تتشكل لديك عجينة ملساء و ناعمة و مطاطة و لا تلتصق باليد , إذا كانت العجينة جافة يمكن إضافة ملعقة كبيرة من الماء بالتدريج حتى الحصول على عجينة ناعمة .

• تعجن العجينة لمدة 5 دقائق ثم تشكل بهيئة أنبوب , تغطى و تترك لترتاح لمدة ربع ساعة . يمكن أن تجهز العجينة قبل بيوم , تغطى بشكل محكم ثم تحفظ في البراد , عند الحاجة تخرج و تترك لتصبح بدرجة حرارة الغرفة قبل العمل فيها .

تشكيل السمبوسة :

• تقطع العجينة لثمانية قطع , تدور كل قطعة بين راحتي اليد لتشكيل كرة ثم تمسد لتأخذ شكلاً مسطحاً نوعاً ما .


• تؤخذ إحدى الدوائر المسطحة و تغطى باقي الكرات بفوطة كي لا تجف , ترق الدائرة المسطحة باستخدام شوبك حتى تصبح دائرة رقيقة , تقسم كل دائرة لقسمين باستخدام سكينة حادة .


• يؤخذ نصف الدائرة و يلف حتى يلتصق طرفاه المستقيمان ببعضها البعض و يشكل ما يشبه القمع , يجب رص الأطراف مرتان أو ثلاثة للتأكد من سدها جيداً حتى لا تخرج الحشوة منها أثناء القلي .


• تحشى كل قطعة بملعقتين من حشوة البطاطا اللذيذة .


• يسد الطرف الأخير بشكل محكم و تصف أول قطعة على طبق مستو مغطى بنايلون كي لا تلصق بالطبق .


• تكرر العملية حتى الانتهاء من تحضير 15 قطعة سمبوسة أخرى , ثم تسد جميع القطع مرة ثالثة .

• يقلى السمبوسة بالزيت الحار بمعدل 4 أو 5 قطع في كل مرة و يقلب حتى يشقر طرفاه بنفس الدرجة لمدة 5 دقائق تقريباً .

• ترفع القطع على ورق ماص ثم تقدم فورا مع رايتا الأعشاب أو تغميسة التمر هندي أو لوحدها , و هي وصفات سأقوم بإدراجها لاحقاً إن شاء الله .
  • وصفات تانية ممكن تعجبك


التعليقات

  1. غيث 31 August 2008

    صار بعثت 2 تعليق ما بعرف شو صار فيهم عموما الله يسلم دياتك ورح جربه هاليومين لان السمبوسك طبق لابد من تواجده على سفرة رمضان خاصة بالسعوديةومن عاشر القوم اربعين يوم صار منهم وشكرا لك منى ورمضان كريم والدعوات مستجابة والله يجعلها من نصيبك لانها من قلوبنا نابعة لاخت متفانية بعملها لابعد الحدود وصادقة والاحلى انك منطقية وواقعية وطبيعية بدون تصنع وهيدا احلى شي فيك وبموقعك والله يجزيكم الخير يا رب ما عدنا نحمل هم شو بدنا نطبخ وشو نتفنن لنغير شكل فورا يالله على مطبخ ميمو كله موجود وتمام التمام بدون عذاب او تردد لانه مجرب وبيد معلمةمو شلون ما كان وشكرا مرة تانية صرت محضرة كتير شغلات لرمضان من موقعك ان شاء الله الله يعطيك العافية يا حق

  2. muna.g.7 31 August 2008

    عجنت العجينة والبطاطس على النار تنسلق وجيت اشكرك على هالوصفة الرائعة يا منى انترناشيونال

  3. منى 31 August 2008

    هلا غيوثة :)
    شو صار معك بالظبط بالتعليقات لحتى شوف المشكلة و حاول حلها..

    و أنا كنت عم استعجل لحتى حضر هل الوصفات و نزلها قبل رمضان لحتى الكل يستفيد , خليلي عينك غيوثة ردك وصل للقلب مباشرة و ان شاء الله الك متل هل الدعوات و أحلى يا حق و ان شاء الله الجميع من عتقاء رمضان و يا رب ما بيجيؤ شوال إلا و انت كاتبنا عندك م أهل الجنة , يلا لازم نشد الهمة على العبادات و الطاعات

    ان شاء الله عوافي و هنا على كل شي حضرتيه و ان شاء الله بيبيضوا وجهك ادام العيلة , نورتي حبيبتي ;)

  4. منى 31 August 2008

    هلا منونة :)
    دايما ردودك الها نكهة و طعم تاني :grin , ان شاء الله بيعجبوك و تبقى خبريني شو صار معك اذا الله راد

  5. rose reem 2 September 2008

    احببت تقديمك للشهر،وتعبيرك جاء كمادعائي لكل من احبك كل المحبة ياغالية … وجعلها ربي طاعة مقبولة…ودمت بطيب :)

  6. منى 2 September 2008

    هلا ريومة :) و ان شاء الله الك متل هل الدعوات و أحلى حبيبتي , بعد زمان اشتقت الك :)

  7. ام نور 3 September 2008

    بتعرفي منى اول يوم من رمضان الكريم منال العالم نزلت وصفة كتير بتشبه وصفتك بس اضافت دجاج مع البطاطا واستغنت عن البازيلا وعملتها بشكل الهلال ما بعرف اذا شفتي الحلقة :) المهم انو طريقتك كتيرسهلة وحلوة ومقاديرها متوفرة دايما اليوم انشالله رح جربا بس حابي اعرف شو سر البيكربونات بالعجينة :?

  8. منى 3 September 2008

    هلا حبيبتي ام نور :)
    السر اني بحب ضيف رشة بيكربونات للعجينة لأن فيها لبن , رح تخلي العجينة تعمل فقاعات حلوة و هي عم تنقلى ;)

    انا كتير بحب تابع منال , يا ترى ايمتى عم تطلع و على اي قناة :roll

    ان شاء الله تجربيها و تعجبك و هي مناسبة هلا لرمضان , بس الكمية اظنها كبيرة على عيلتك فيك تقسميها بالنص

  9. ام نور 3 September 2008

    اليوم جربت نص الكمية لان عيلتي صغيرة وكمان الواحد ما بياكول كتير برمضان وعم اعمل حساب ما يضل اكل لا تاني يوم :upset بالنسبة لا منال العالم عم تطلع كل يوم عاذاعة ابو ظبي الساعة 12 عتوقيت سوريا وكتير عم تعمل وصفات مميزة وطريقة تقديما لا الطبق مميزة

  10. muna.g.7 3 September 2008

    انا داخله اشكرك على السمبوسة الرائعة بس عيبها الكبير اني اكلت عشر حبات دفعة واحدة وبكرة انشاء الله حاعمل الحمص الاورانجي على فكرة السواق بنقلاديشي انبسط كثير منها وقال هذا مثل ماما سوي في بنقلاديش

  11. هيلين 3 September 2008

    ان شاء الله نلوية بكره جربها
    بس بدى اسالك فى فطائر مشهورة فيها المدينة المنورة اسمها البف بتشبه السنبوسك كتير منفوشة كتير بتكون عندك خبرة فيها حبيبتى

  12. منى 4 September 2008

    هلا ام نور :)
    رح اتفرج عليه ان شاء الله , الف شكر ليك على التوقيت

    يا ترى كيف طلعت معك السمبوسة و عجبتكم و الا نو

  13. منى 4 September 2008

    هنااا و عوافي منونة و اذا هادا عيبها بسيطة :grin

    يلا ان شاء الله يعجبك الحمص و يار ريت تخبريني شو بيسصير معك

  14. منى 4 September 2008

    هلا هيلين :)
    ان شاء الله تجربيها و تعجبك , اما بالنسبة للسمبوسك الي طلبتيه ما عرفته :roll

    اسفة اختي حبيت فيدك

  15. ام نور 5 September 2008

    هيدي بدا سؤال يا منى كتير طيبين خصوصي انا حبيب قلبي المعجنات عانواعا سلم دياتك وما يحرمنا هالوصفات الطيبة

  16. منى 5 September 2008

    هنا و عوافي ام نور :) ريتو صحة يا رب

  17. ام نور 18 September 2008

    اليوم تاني مرة بعمل هالسمبوسك وزدت قطع جاج بالحشوة فعلا كتير طيبة وخصوصي نكهة الكاري ولا اطيب سلم دياتك يا عسل

  18. منى 18 September 2008

    ألف صحة على قلبك و قلوب الحلويين , فكرة لذيذة اضافة الدجاج ;) الله يخليك و يحفظك أم نور

  19. Eman 20 November 2008

    عن جد طيبة كتير هالسمبوسة :zzz
    عملتها لزوجي ولضيوفي .. كنت ناوية فرزها وخبيها لزوجي لأني مسافرة وتاركته ، بس عملتها للضيوف وطارت :eek
    ناوية أعملها مرة تانية لأنها سهلة كتير وما بدها شي ، واستسهلت عملها برقائق سبرنع رول وكمان كانت طيبة كتير 8)
    إن شاء الله رح أجربها على الطريقة الأصلية أكيد رح تكون أطيب ،لكن هلأ مشغولة بامتحاناتي .. :sigh
    يسلمو ميمي على الطريقة الجميلة المصورة :)

  20. منى 21 November 2008

    هلا امولة يا عسل :)
    الف الف هنا و عافية على قلبك و قلب الضيوف , بتطلع طيبة و اسهل كتير بالعجينةالجاهزة ,منيح خطرت الك هل الفكرة لان هلا مو وقت الطبخ
    الله يوفقك بالامتحانات و لا تنسي تخبريني النتيجة :zzz

  21. Eman 4 September 2009

    بدي أسألك سؤال منى خانوم إذا ما فيها غلبة ..

    هلأ بقدر أعمل السمبوسة وفرزها ليوم العزيمة ولا بأثر شي؟

  22. منى 5 September 2009

    اكيد بيصر , لما بتحبي تقليها , بتطالعيها على منشفة نظيفةو تتركيها نص ساعة و يعدها تقليها , انا هل الطريقة مجربتها علىالسمبوسك العادي , و المفروض ان هادا نقدرنطبق عليه نفس الفكرة ;)

  23. سارونات 20 August 2010

    هيهي هلا انا بعرف بوهوت يعني كتير = جدا= بزاف= ياسر= برشة اما لذيذ فما عرفتها بالهندي لهيك خلطتالعربي مع الهندي هيهي

    وصفة عن جد مميزة. منووش اذا فيكي تنزلي حشوات تانية للساموسا راح كون كتير ممنونة عن جد وصفة كتير طيبة و خفيفة

    جازاك الله خيرا منووش
    سلام

  24. سارونات 23 August 2010

    مبين ردي بلا معني لانه تابع للعنوان و انا بدل ما اكتب العنوان بخانته كتبته بخانة الايميل :grin و العنوان هو بوهوت بوهوت طيب
    سلام

  25. منى 23 August 2010

    :grin :grin

    صحتين و الف الف هنا سارونات على البك , الحمد لله انها عجبتك حبيبتي

    ما عندي وصفات تانية للحشوات لان السمبوسة هيك وصفتها و هي اصولها

    رمضان مبارك حبيبتي:)

  26. ام جواد 4 August 2011

    السلام عليكم ههههه فتت على وصفة الماسالاوعلى بالي هون المهم شلونك اخت منى والله انك بتنحبي متل اكلاتك الطيبات وبتفوتي عالقلب ركيد هلاء السمبوسة لازم تطلع مقرمشة بس تاج راسي بيعيب كتير قال عم بتطمينا خبز ناشف ئلو عشر سنين بالشمس منقوع :grin بس والله طيبة شو بدي اعملو

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)