الطحينة


         وصفة : منى                 2007/09/04                 11 تعليقات
الطحينة

·          يحمى الفرن على درجة حرارة 180 درجة مئوية , ثم تحمص بذور السمسم في الفرن لمدة 5 – 10 دقائق مع تحريك السمسم كل بضع دقائق , يجب أن لا يغمق لون السمسم .

·          تترك حبات السمسم  حتى تبرد لمدة 20 دقيقة ثم توضع مع الزيت في خلاط الكوكتيل أو محضرة الطعام و يخفق المزيج لمدة دقيقتين أو حتى الحصول على مزيج ناعم , و يمكن إضافة المزيد من الزيت إذا دعت الحاجة حتى الحصول على السماكة المطلوبة .

·          تعبأ الطحينة الجاهزة في مرطبانات محكمة الإغلاق  و تحفظ في البراد لمدة ثلاثة شهور تقريباً .  




5 كوب سمسم أبيض
نصف كوب زيت نباتي





• يحمى الفرن على درجة حرارة 180 درجة مئوية , ثم تحمص بذور السمسم في الفرن لمدة 5 – 10 دقائق مع تحريك السمسم كل بضع دقائق , يجب أن لا يغمق لون السمسم .

• تترك حبات السمسم حتى تبرد لمدة 20 دقيقة ثم توضع مع الزيت في خلاط الكوكتيل أو محضرة الطعام و يخفق المزيج لمدة دقيقتين أو حتى الحصول على مزيج ناعم , و يمكن إضافة المزيد من الزيت إذا دعت الحاجة حتى الحصول على السماكة المطلوبة .

• تعبأ الطحينة الجاهزة في مرطبانات محكمة الإغلاق و تحفظ في البراد لمدة ثلاثة شهور تقريباً .
  • وصفات تانية ممكن تعجبك


التعليقات

  1. ام نور 5 September 2007

    والله فكرة كتير عجبتني وشكلا بسيطة بدي جربهاانت مجربتيها اخت منى :?

  2. ام نور 5 September 2007

    وبتطلع نفس الطحينة الجاهزة :? لان مخلصة طحينة وبما اني بفرنسا لا اجدها الا في محلات العرب

  3. منى 5 September 2007

    هلا أختي ام نور :)

    أختي انا لا أكتب وصفة إلا إذا كانت مجربة ;)

    بتطلع نفس الجاهزة تقريباً , أصعب الشي فيها هو الطحن لحتى تصير ناعمة ..

    إذا جربتيها خبريني شو بيصير معك :)

  4. سارونات 26 July 2008

    انا كان بدي ساوي طحينة بالبيت و وصفتك كتير سهلة ساويتا اليوم بس عملت كمية زغيره لان خفت ما تضبط معي و اصلا ما كان عندي كتير سمسم :grin راح تضحكي علي لان اول شي قسمت الكمية ليكون كوب و اخدت كوب كتير زغير و استعملته و بالنسبة للزيت قسته بالمليمتر و الله جبت مسطرة و حطيتا على الكوب لزغيرو ساويت المقدار المناسب بعد ما حسبته 8) يعني دخلت عليها و لا المحقق كونان :grin المهم اول شي طلع اللون اغمأ من اللي بالصورة يمكن لان السمسم احمر شوي بس شويييييييييي ما عليه بس المشكلة لما طحنتو بخلاط الكوكتيل كمية الزيت ما كفت ابدا طلعت كتير قليل مع الني حسبتها بدقة المهم دليتني عم زيد زيت و ظليتني وراها لحد ما صارت تشبه الطحينة بس مع كل كمية الزيت اللي حطيتها طلعت سميكة و انا بدي ياها متل اللي بالصورة و ما قدرت زيد زيت لان حطيت كتير فشو الحل برأيك و قوليلي بتظل فيهاريحة السمسم أوية لان طلعت ريحتو قوية كتير
    جازاك الله خيرا و جعله في ميزان حسناتك و اعانك على اسئلتي اللي ما بتخلص
    بكرا راح اعمل حمص و الله يستر و يضبط ان شاء الله

  5. سارونات 1 September 2008

    السلام عليكم و رحمة الله وبركاته
    يا فرحتي يا فرحتي ساويتها من شوي و طلعت سائلة و متل الطحينة بس اللون طلع غامق شوي لاني كنت عم اطبخ اشيا تانية و نسيتها فاحمرت شوي بالفرن و غير هيك طلعت تمام و لقيت حل لمشكلة الطحن اول ما طلعتها من الفرن و هي سخنة دقيتها بالهاون لصارت ناعمة و بعدين تركتها تبرد و حطيتها بالخلاط مع زيت زيتون مشان تطلع اخف و ان شاء الله المرة الجاية راح يطلع لونها متل الجاهزة و بلكي بساوي مصنع للطحينة و بصير بيعها :grin منتشارك انا وياكي شفتيلي شلون دمي صري خفيف من الفرحة :grin
    و ربنا يجازيك الجنة ان شاء الله و تقبل الله صيامك و صيام جميع المسلمين
    بالتوفيق
    سلام

  6. ام يامن 28 August 2009

    مرحبا منى أنا عضوة جديدة في هالموقع الرائع
    أنا عايشة في اليابان والطحينية مش متوفرة جربة أعملها لكن طلع لونها غامق
    فشو العمل :cry :?

  7. منى 28 August 2009

    هلا سارونات :)

    كيف فاتني ردك مع ان فيه عرض عمل و مشاريع و قصص كبيرة

    كتير انبسطت ان ظبط معك المرة التانية و هي شغلى نسيت اذكرها بالمقادير , انه يفضل استخدام سمسم ابيض لحتى يطلع اللون معك تمام التمام و بمحلات الطحينة بيستخدموا شي اسمه سيرج عوض عن الزيت النباتي , و طلع هادا السيرج ممكن ينباع , بقى لازم نتفق مع شي محل لحتى يوردلنا السيرج , شو رايك :zzz

  8. منى 28 August 2009

    هلا ام يامن :)
    شرفتي و نورتي بيتك و مطرحك , اللون الغامق حله انك تستخدمي سمسم ابيض مو احمر , بتطلع ان شاء الله متل ما بدك و احسن
    ايا سؤال تاني انا تحت امرك ;)

  9. عطر التميز 21 April 2011

    الف شكر لك اختي منى الحقيقه انتي ست بيت ممتازه ربي يسعدك ياعسل
    طيب لو نطحن السمسم بعد تحميصه بطاحونة البهارت وبعدهابنخلطه بالخلاط مع زيت السمسم
    لانه زي ماقالو البنات انه بذور السمسم ماانطحنت في الخلاط مع الزيت وصعب
    او شو رايك حبيبتي بعد تحميصه ننقعه بمويه سخنه او فاتره وبعدها بنحط شويه مويه في الخلاط لحد ماينخلط جيدا وبعدها بنضيف له الزيت
    شو رأيك حبيبتي بتنفع
    والف شكر الك حبيبتي
    انا جديده عندكم ومسجله جديد وعجبتني وصفاتك كثييير الله يسعدك وماننحرم منك ياقمر

  10. منى 22 April 2011

    مممم و الله الفكرتين حلوات و مميزات , رح جرب و شوف شو بيصير معي

    هلا اذا كان الخلاط قوي فرح ينطجن من دون مشاكل و بيصير ناعم , بس كمان بحب جرب افكارك لشوف ;)

    مية هلا فيك اختي عطر , ان شاء الله مميزة دوما و ان شاء الله بتنورينا على طول

  11. عطر التميز 22 April 2011

    معليش حبيبتي بدي اسألك سؤال لما عملتيها انخلط لك بسهوله مع الزيت لاني بدي اجرب طريقتك واشوف كيف تطلع بس كمية الزيت الي انتي قلتي عليها قليله بالنسبه لكمية السمسم
    طيب شو رائك ياقمر اني اطحنه بطاحونة البهارت واحطه بالمنخل وانخله عشان قشور السمسم اطلعها منه وبعدها نظيف له زيت السمسم ونخلطه بالخلاط بيصير يااحلى منى ربي يسعدك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)