الغريبة


         وصفة : منى                 2009/07/21                 26 تعليقات
الغريبة

وصفة gsm

السلام عليكم أخواتي , و الله انا حبيت ابعت طريقة تحضير الغريبة , و هي الوصفة أخدتها من ماماتي و هي مجربة .
أنا عملتا مرة واحدة و كتير زبطت معي و حبيت اشارك فيها و هي كتير سهلة


2و12 كاسة طحين
1 كاسة سمنة
1 كاسة سكر ناعم
3 معالق نشاء صغيرة





• نقوم بخلص المواد السائلة السكر والسمنة .

• بعد ذلك نقوم بنخل الطحين مع النشاء .

• نقوم بإضافة الطحين إلى السكر والسمنة بشكل تدريجي حتى الحصور على عجينة متجانسة .

• نقوم بتشكيل العجينة وصفها على الصينية .

• ونقوم بخبزها على نار هادئة .

التعليقات

  1. منى 21 July 2009

    سلم دياتك اختي على هيك وصفة شهية و سهلة , و الله يعطيها الف الف عافية ماماتك .. فكرة النشا جديدة علي و اكيد مميزة لان وين ما حطيناه لهل النشا بيعطي فرق

    سلم يا حق و بانتظار وصفات تانية منك ;)

  2. سمر 21 July 2009

    الله يسلمك ويعطيكي الف عافية عن جد سهلة كتير واكيد رح جربها بس خلص رجيمي :zzz بس عندي سوال وهو في حاجة نترك العجينة ترتاح ولا مافي داعي والمقدار كاستين ولا كاسة ونص وتسلم ايدك

  3. سارة100 21 July 2009

    ميرسي كتير على هالطريقة السهلة وانشالله بأقرب وقت رح جربها بس بدي أعرف ممكن حدا يساعدني ويعطيني وصفة عجينة المارزيبان(عجينةاللوز) وصلصة السباغيتي والله يعطيكم العافية :grin

  4. gsm 22 July 2009

    الله يعافيك إخت سمر والله هي الطريقة كتيير سهلة وما بدها شي وما في داعي تتركيها ترتاح بمجرد ما تعجنيها ممكن على تطول تشكليها
    وبالنسبة للمقدار هي كاستين ونص بس انا بصراحة بعمل نص المقدار لأنو عيلتي صغيرة إن شاء الله تجربيها وتعجبك وصحتين وعافية مقدما :grin

  5. gsm 22 July 2009

    الله يسلمك إخت منى والله نحنا ما بنجي جنب خبرتك ومهارتك ما شاء الله عليك بس بالفعل انا ماما بتستعمل النشى بعدة وصفات متل السمبوسك وكمان لقمة القاضي لأنو بتخلي العجينة مقرمشة وخفيفة يا ريت تجربيها وتخبرينا شو رأيك وشكرا كتيير إختي :zzz

  6. وسيلة 22 July 2009

    في الواقع انا مشتركة جديدة بالموقع .هذا الموقع الذي لفت انتباهي من اول زيارة بالصدفة اثناء بحثي عن الطريقة المثلى ل البيشاميل اريد ترحيبا شكرا لكم مسبقا.

  7. هيلين 23 July 2009

    يسلموا ايديكى حبيبتى ،ممكن اطلب منك افكارلعيد ميلاد طفل عمرو 4 سنين وبدى اسالك شو استخدامات السور كريم ويعطيكى الف عافية وصفاتك تحفة

  8. سارونات 26 July 2009

    السلام عليكم و رحمة الله و بركاته

    اهلا و سهلا فيكي اختي وسيلة في بيتك و بين اخواتك

    جازاك الله خيرا اختي gsm على الوصفة ان شاء راح جربها شي يوم

    بالتوفيق
    سلام

  9. منى 26 July 2009

    هلا سارة :)

    اختي المارصبان هو لوز مطحون بشكل ناعم كتير مع بياض البيض , انا ما بحضره في البيت , بجيبه جاهز من محلات الحلويات :)
    اما السباغيتي فممكن تفتحي في مطبخنا على وصفات المعكرونة و تشوفي شو الي بيعجبك ;) نورتينا اختي و شرفتينا و مية هلا فيك

  10. منى 26 July 2009

    هلا وسيلة :)
    بيتكم و مطرحك , نورتي و شرفتي و اتمنى ان تكون زيارتك متكررة و ان تجربي احدى الوصفات و تكون يممي ;)

  11. منى 30 July 2009

    هلا هيلين :)
    عندك كتير وصفات , بس انا ممكن حضر [URL=http://www.l2ma.com/content/view/322/2/]كيك قوس قزح[/URL] و كمان ممكن [URL=http://www.l2ma.com/content/view/429]راس العبد[/URL]

    حلى المولتو[URL=http://www.l2ma.com/content/view/352]خطير و سهل[/URL] و كمان تارت بالفواكهة بس تعمليهم [URL=http://www.l2ma.com/content/view/628]ميني تارت لحتى تناسب الاطفال[/URL]
    و للكيك الكبير[URL=http://www.l2ma.com/content/view/376]اطيب كاتو شوكولا , بيسبحوا فيه الاولاد سباحة[/URL] :grin

    ان شاء الله كون فدتك و اي سؤال تاني من عيوني 8)

  12. ملتم حلب 20 September 2009

    بصراحة أنا جربت المقادير
    بس مازبطت معي
    طلعت قاسية
    ياريت تتاكديلناأختي gsm من المقادير
    ويعطيكي العافبة

  13. gsm 9 October 2009

    السلام عليكم ملتم حلب بجوز إنتي قللتي من السمنة او تركتيها على النار زيادة لهيك قسيت حاولي تجربي مؤة تانية وخربيني شو بصير معك
    :)

  14. 7ayah 10 November 2010

    شـــكـــراً كتير عالوصفة
    كنت عم دوّر عليها لأنو ناوية ساوي غريبة و شغلات تانية عالعيد ان شاء الله :zzz
    بس في عندي سؤال
    يا ريت أي حدا بيعرف يجاوبني عليه :roll
    ممكن ساوي الغريبة بالزبدة مو بالسمنة :?
    بيمشي حالا ولا ما بتزبط :roll

    7ayah Dayyen

  15. منى 10 November 2010

    والله حياة ما عندي فكرة تمام , بس من نظريا بيصير ليش لا ;)

  16. 7ayah 10 November 2010

    شــكــراً يـا جــمــيــل على قولة اخواننا المصريين :zzz

  17. منى 11 November 2010

    و كمان على قواتهم , دا انت تامر يا جميل :)

  18. gsm 12 November 2010

    السلام عليكم إخت حياة
    بالنسبة لسؤالك على الزبدة بتصير بس ضروري تكون من النوعية الممتازة وتكون طعمة الزبدة طيبة والله يعطيها العافية إخت منى هية جاوبت وعطتنا من خبراتها الواسعة مو متل حكايتي لساتنا بأول المشوار :zzz

  19. منى 12 November 2010

    غفران كلنا منتعلم من بعض هون , ما في حدا فينا خريج الكوردون بلو , بس شوي شوي منتعلم و منصير احسن ان شاء الله ;)

  20. 7ayah 12 November 2010

    شــكــراً كتير كتير إلك غفران و لمنى كمان :zzz
    الله يخليلي ياكن و يخليني الكن :grin

    7ayah Dayyen

  21. Malak Bash 4 August 2013

    منى ما في صورة ؟

    • منى 5 August 2013

      لان الوصفة مو الي و الله ملك

  22. Malak Bash 4 August 2013

    و ليش النشا … و العجينة بدها ترتاح و لا فوراً عالشغل ؟

    • منى 5 August 2013

      ما الي مجربة طريقة غفران , بس انا بخليها ترتاح شي ساعتين

  23. نسرين@ 9 August 2013

    بدي أسألك أختي بشعل الفرن من فوق ومن تحت ولا بس من تحت

  24. فادية 29 August 2013

    تسلم الأيادي على هالوصفة ،جربتها اليوم وطلعت طعمتها روعة بس كتير طرية وبتفتت …. السمن كتير يعني ؟

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)