الفتوش


         وصفة : منى                 2009/07/28                 35 تعليقات
الفتوش





2 - 3 خبز محمص بالفرن أو على الميكرويف
باقة صغيرة بقدونسخسةباقة بقلة ( رجلة )نصف باقة نعناع أخضر3 حبة متوسطة بندورة2 عود متوسط بصل أخضر 4 حبة صغيرة خيارحبة صغيرة فليلفة خضراء حبة صغيرة فليلفة حمراء5 حبة متوسطة فجل2 – 3 حفنة كبيرة زعتر أخضرملعقة صغيرة سماق مطحون الصلصة : 4 ملعقة كبيرة دبس رمان4 ملعقة كبيرة خل أحمر حبة كبيرة ليمون , معصورنصف كوب زيت زيتونملعقة صغيرة نعناع ناشفملعقة صغيرة فليلفة حمراء ناعمةملعقة صغيرة مسطحة ملح2 فص كبير ثوم مهروسحبة متوسطة بصل أبيض مقطع جوانح




• تمزج مقادير الصلصة و توضع جانباً حتى اعداد الخضار .

• تجهز الخضار و تفرم . يقطف ورق النعناع و البقلة و البقدونس و الزعتر عن العود ثم يقلب مع بقية الخضار .

• قبل التقديم يضاف الصوص للخضار و يقلب ثم يذاق الفتوش للتأكد من الطعم و الحمض .

• يرش السماق على السلطة ثم يوزع الخبز المحمص و تقدم فوراً .
  • وصفات تانية ممكن تعجبك


التعليقات

  1. ام نور 28 July 2009

    يا سلام على الفتوش شو طيب وبيشهي سلم هالديات انا اطيب نوع سلطة مفضل عندي هو الفتوش ومتل ما قلتي حديقة من الخضروات برمضان كل يوم لازم اعمل فتوش او فتة ومن زمان ناطرا تنزليا خصوصي انو انتوا بحلب بتعملوها بحمص بتطلع ولا اطيب

  2. ام احمد الغالي 28 July 2009

    اول وحده برد مو مصدقه يسسسسسسسسسسسسسسسسسس
    بتجنيني يا منى انا عندي خس وناويه اعمل بكرى فتوش لانو انا وزوجي بنحبو كتييييييييييييييييييييييير يسلم دياتك
    وكنت صفنانه شو الوصفه اللي ممكن شارك فيا :zzz

  3. ام احمد الغالي 29 July 2009

    منى يا احلى منى بلعالم
    عم دور من الصبح على اللوبيه وما عم لاقيا
    بيت احماي باعتين لوبيه من سوريا وزوجي بيحبها كتير وانا ما كتير بعرف كيف بتنعمل خطي اللوبيه والله حبابه وبنت ناس :roll
    يسلم ايديكي الحلوين :)

  4. dado 29 July 2009

    مرحبا منوش يا أم الفتوش :grin
    ياستي من يومين عملتها.. وقبل ما بلش حبيت شوف طريقتك وجربها لأنها أكيد طيبة… وصعقت إنو الفتوش مو موجود!
    بعدين قلت حتما نسوة.. يعني على كتر ما الوحدة بتتفنن وبتنوع بالأطباق.. بتصير بتنسى الأطباق الأساسية والشائعة كتير.
    انشالله المرة الجاية رح جرب وصفتك.. هي المرة بس جربت تحميص الخبز بالمايكرويف وطلع روعة واقل لبكة وريحة … كتير كان لذيذ.
    بخصوص الفتوش.. التسمية اجت من “التفتيش” لأنو الفتوش اساسا وصفة الفقراء.. والواحد لما بياكل بيفتش وما بيلاقي شي محرز. وكانت من قبل بتنعمل بالمي والسماق والملح وبس وببتغمس بالخبز.. بعدين صار ينفت فيها الخبز اليابس…
    حتى بفترة السفر برلك كان الفتوش هو الطبق اليومي لمعظم العائلات الدمشقية بسبب انقطاع الطحين والخبز عن الناس. وفي بواحد من المسلاسات الشامية ذكروا انو الفتوش صار الطبق الوحيد.. حتى بتجي بنت صغيرة بتحكيلها لأمها: شو هاد… كل يوم فتوش!!! فتّش قلبنا من الفتوش
    :upset

    وبدأت الزيادات مع ازدياد الخيرات.. وصار ينضافلها الزيت والخضار والتفنن بمكونات الصلصة… متل كتير من أطباقنا. “المحاشي على سبيل المثال ما كانت تنعمل الا ببرغل وبصل وشوية بهارات لأنو الرز غالي جدا واللحم مو متوفر الا عند سليل الاقطاع ;)
    شكرا منوش .. وآسفة على الاطالة

  5. gsm 29 July 2009

    شو هاد فتووووش يا الله شو بحب الفتوش سلطتي المفضلة انا كتيير بحبها وبعملها متل طريقتك بس بصراحة انا بفرم الخضرة انعم من هيك بتعرفي حسب طلبات الجماهير المهم يا ستي انا بضيف للفتوش شرائح زيتون اسود او اخضر او الاثنين معا حسب المتوفر وكمان احيانا بحطلها مكعبات جبنة عكاوي بتطلع ولا اطيب يسلموا ايديك على الوصفة ولبقى تطولي الغيبة والله اشتقنالك

  6. نور الأسلام 29 July 2009

    :) السلام عليكم كيفك منى تحياتي الك يسلموا اديك على الفتوش فعلا هو برمضان خاصه لازم يكون متواجد كل يومك انا كنت اعملو كل يوم لما كنت اتوحم بابني مرتين اوتلات كنت ضل ورا الطبق حتى خلصو :grin والمسابقه كتير فكره حلوة بالتوفيق :zzz

  7. منى 30 July 2009

    هلا ام نور :)
    ايه و الله ما في اطيب من الفتوش جوى رمضان و براته , حباب و ادمي بس بده شغل كتير :zzz

    يا ترى شو مشان المسابقات :roll

  8. منى 30 July 2009

    هلا ام احمد :)

    يا رب تجربي الفتووش و يكون يممي و على زووءك بس لا تنسي تاكلي عني شوي , ايه و نقيلي محل الخس :grin

    اللوبيا بتنطبخ بنفس طريقة الفاصوليا[URL=http://www.l2ma.com/content/view/183/2/]الخضراء[/URL]بس من دون بندورة و بتتقدم مع سلطة حامظة أو مع مخلل حامض و ممكن مع لبن للي بيحب , و فيك تطبخيها باللحمة الشقف او الناعمة حسب ما بيخطر على بالك . باللحمة الناعمة اسهل و بالشقف افخم ;)

  9. ام احمد الغالي 30 July 2009

    شكرا كتير منى والله يخليكي يارب
    طبخت اللوبيه وطلعت طيبه كتير والحمدلله متل ما قلتي متل الفاصوليه الخضرى بس بيت احماي بيحطولا بندورة حبتين بس
    الحمدلله طلعت تمام واليوم عملت الفتوش وزوجي قلي شو هالفتوش بيجنن عملتو متل كل مرة بس اهتميت بتقديم والتفنن
    الله يخليلينا اياكي يا منى :zzz

  10. منى 31 July 2009

    هلا دالو يا قطة :)
    هنا و الف عافية على الخبز المحمص و سماح على هل النسوة , ان شاء الله المرة التانية تعمليه و يطلع طيب و على زووءك

    ممم , المعلومات الي ذكرتيها عن الاسم اول مرة بعرفها , جديدة علي , بس اذا هيك اصله معناها معهن حق يفتش قلبهن من الفتوش :roll فتوشنا اطيب من فتوشهم و كل على فتوشه يغني :grin

    شو مشان المسابقة , ما في فكة منها

  11. ام انس وسلمى 5 August 2009

    مرحبا يامنى انا جديده هون وعجبتني كتيير وصفاتك مشالله عليكي بتجنني الله يحرسك يارب وعلى فتوشك مميز كتير وعجبني فيه الخضرة متنوعه كتير انا ما بحب الفليفله ما بحطها :p يسلمو دياتك .

  12. wedadswed 5 August 2009

    مرحبا منى ومرجبا لكل العضوات :اشتقتلكن واشتقت لكل شي في الموقع ,ان اسفة صرلي فترة طويلة ما دخلت عالموقع ولا جلست على الكمبيوتر من عين اصلو ,لاني كنت مشغولة بنزلة السوق وتصحضبر الهدايا للسفر ولبس العيلة وتعزيل البيت قبل السفر لاني راجعة بإذن الله قبل المدارس بيومين وما بلحق عزل وكمان هيك برتاح أكتر بعرف حالي راجعة تعبانة من السفر على بيت نضيف وفي سورية بيتي كمان عم يستنى لعزلو الله يعينا على الإجازة وهمها ,المهم حبيبتي منى الله يعطيكي العافية الفتوش بالنسبة لجوزي خصوصي ولولادي عمومي وجبة رئيسية وما بيتركوا لحتى يشبعو لهيك في رمضان بعمل صحن صغير أو ما بعملها كل يوم لأنو جوزي بيترك كل الأصناف وبياكل بس فتوش وبقلو نوع بلأكل لحتى ما تجوع بعد شوي الفتوش ما بيقيت وخاصة بعد ما يروح على العيادة ما بيحسن يرجع على البيت ياكل وما بيحب أكل السوق بنوببيقلي إذا حضر الفتوش غاب الجميع وأنا بعمل الفتوش متلك تماما مع تغير بسيط ان ببشر جزرة صغيرة مع المواد وما بحط رعتر لان في السعودية مو متوفر تازة وأنا ما بحط خل أحمر بس رح جرب طريقتك لشوف لأن هالتغير البسيط ممكن يعمل فرق بالطعمة وأنا ما بشك ابا بزوقك بالأكل,عزيزتي منى حابة اسئل سؤال غذا ما فيها سئلة أنا عند ما بروح إجازة اكتر شي بشيل همو العزايم الكبيرة قولي الصغيرة متل بعضا حابة أعرف منك في مطاعم بتعمل مناسف وولائم شي بيرفع الراس وإذا في شو الأكلات اللي بيعملوها وشو الأسعار وبيوصلو الأكل للبيت أو لأويا ترى بيوصلو عالموعد لأن العزايم في رمضان لازم عالموعد وإذا وصلو بيكون بارد ولا بيهتمو لهالنقطة المهمة لأني ساكنة بعيد حوالي المعرة وإذا كان في مطاعم بتعمل هيك شي في لالمعرة بيكون أحسن وشكرا كتير لأنك على طول بتلبيني وبتتحمليني ومشكورة كتير وينعاد عليكي باخير واليمن والبركات .

  13. منى 6 August 2009

    هلا وداد :)
    ان شاء الله توصلي بالسلامة و ميسرة ان شاء الله سفرتك و تشوفي كل الاحباب و هنن بصحة و عافية و خير يا حق ;)
    ان شاء الله تجربي الفتوش مع الزعتر و الخل و يكون على زووءك

    وواخ يا وداد , الصراحة ما عندي فكرة , بعرف ان في محلات بتعمل صحن مشكل فيه تبولة و يلنجي و توابعه و بعرف في محلات فيها شي جاهز و انت بس بتخبزيه بس محل يستلم عزيمة ما عندي فكرة .

    بكل الاحوال اذا حابة ممكن اسالك , انا بعرف ست بتعمل طبخات بيتوتية منيحة و طيبة و نظايفية , اذا بتحبي ممكن اجيب الك رقمها , و عندك كمان مهروسة بيساوي خروف مع فريكة و هي بتسد كتير بالعزايم الكبيرة و بيجي الاكل سخن , بس و الله ما عندي فكرة عن التوصيل :roll و كمان ما عندي و لا فكرة اذا في هيك محلات بالمعرة :sigh

    ما كتير فدتك , اذا حابة اجيب الك رقم مهروسة او هي الست او المحل الي بيعمل اكل بده خبز انا تحت امرك ;)

  14. منى 6 August 2009

    هلا اختي gsm :)
    مممم , اضافات لذيذة كتير , و متل ما قلتي فيه الواحد يتحكم بالفرم الناعم او الخشن على مزاجه , نحنا عندنا بيحبوه هيك لتفرقيه عن التبولة او السلطة الناعمة العادية

    الله يسلمك يا قمر و نورتي أختي

  15. wedadswed 6 August 2009

    أهلين منى :والله كلمة واااخ ذكرتني برفقاتي لما كنت ساكنة بحلب ,الله يسلمك وبالنسبة للرقم يا ريت تكتبي لأن المسئلة ما فيها خسارة ممكن يلزمني وممكن لأ ومشكورة كتير كتير حبيبتي .

  16. منى 7 August 2009

    وداد رح دور علىالارقام و جيبها و ابعتلك اياها ايميل ان شاء الله ;)

  17. أم جودي 7 August 2009

    مرحبا اختي منى

    الله يعطيكي الف عافية صحي انا كسولة بالردود ومقصرة بحقك ولازم اشكرك على كتير وجبات جربتا من مطبخك الفاخر والاصولي وعلى الاكلات المليقة على قولة الحلبية بس بجد كل كم يوم بفوت على الموقع وبتابع احدث الابداعات

    يوم الخميس عيزمة أهلي وبدي اعمل كذا شغلة بس الطبق الاساسي هو القباوات او السندوانات وان شاالله رح صور الخطوات والشكل النهائي والطريقة ونزلون بالموقع

    المهم انا بعرف الطريقة ورفيقتي رح تجي وتساعدني بس اذا عندك شي نصيحة او تعليمات او سر من اسرارك لهل الاكلة بتمنى تتحفيني فيها وشكراً سلف الك :zzz

  18. منى 12 August 2009

    هلا نور :)
    متل حكايتي ,. انا بس في فتوش او يالنجي أو كبة نية على السفرة ما بعود بشوف غيرهم و ببقى جنبهم , حبايب قلبي

    ان شاء الله تنقي شي طبق على زووءك و تشاركي فيه ;)

  19. منى 12 August 2009

    هلا ام احمد :)
    ريتو عوافي على اللوبيا و على الفتوش كمان و ان شاء الله يكون عجبوا الباشا الكبير و الصغير كمان :zzz

  20. منى 12 August 2009

    هلا اختي ام انس و سلمى :)
    مية السلامة بهل القامة , نورتي و شرفتي و انستي .
    هي الخضرة فيك تبعدي الي ما بتحبيه او حتى الي مو متوفر , مو شرط كل مرة حضر الفتوش بنفس الخضرة ..

    اناكتير مبسوطة فيك و ان شاء الله تبقي معنا دوما ;)

  21. منى 13 August 2009

    هلا ام جودي :)
    الف صحة و هنا و عافية يا رب على كل الوصفات الي جربتيها و طلعت على زووءك , هنا ان شاء الله ما تكوني نسيتيني من دعوة حلوة :zzz

    انا بانتظار الوصفة و ما عندي ملاحظات على الوصفة , ريتو هنا و عافية هي اكلة مدعومة و بدها شغل , الله يعطيكي الف عافية اختي مقدما ;)

  22. بشرى 18 August 2009

    يمممممم أطيب سلطة على الإطلاق .. حتى إنها تنافس التبولة على المركز الأول .. يسلمو إيديكي منوش .. عملت اليوم فتوش وتذكرت كلامك عن السلطة كوجبة رئيسية باليوم ..

    وعقولة الشيف إنطوان .. لا فتوش بلا سماق .. :)

  23. بدور 19 August 2009

    يا سلام على هالصورة كتير مشهية فعلا تصوير الوصفة بيعطيها طابع مميز خاصة اذا كانت هيك الصورة :)

    انا كتير بحب الفتوش و السلطات بشكل عام ومع الصيف والشوب والنهار والطويل والصيام نشالله بتكون أحلى وجبة فطور ;)

    بالنسبة للمسابقة الأولى ميمو حصرا وصفة جديدة طبعا مو؟
    من وين بدي دور على أكلات جديدة و مميزة حتى شارك وما كون كسلانة :?

  24. شيرين 29 September 2009

    مرحبا و سلام للجميع.بعرف أنوالتعليق متأخر كتير بس حبيت أضيف شغلة صغيرة عالفتوش.أنا بحط معه جبنة بقطعها مكعبات و كمان زيتون أسود مقطع شرائح أو مع النوى (معلش بيستاهل نتعذب و نطالع النواة لأنو طعمه بيجنن مع الفتوش)و الصلصةأنا بعملهابنفس الطريقة و بتطلع بتجنن. صحة و عافية :zzz

  25. منى 30 September 2009

    ممم يا بشورة , و انا بشوفها اطيب سلطة و وجبة مو ناقصها شي , اطيب من اطيب وجبة

    هنا على الفتوش بكل لقمة , و ان شاء الله تكوني اكلتي كم لقمة عني و خصوصا محل الخبز :zzz

  26. منى 30 September 2009

    هلا بدورة :)
    كل ما اعمل الفتوش عم اتذكر حكيك و اديه عجبك و بقول بقلبي الف صحة يا رب على كل لقمة :zzz

    شكرا بدورة هادا بس من زووءك يا قمر , نورتي

  27. منى 30 September 2009

    هلا شيرين :)
    فكرة و لا اروع و لا الذ , الله يعطيكي العافية للاضافة و يا ريت ايا وصفة عندك اضافة عليها لا تحرمينا من المشاركة :zzz

  28. لارا مينا 9 August 2010

    لو كان فيه تصويت لأطيب فتوش في العالم رح أصوت لهل الوصفة ومن دون ماأذوق أي وصفة ثانيةإله,

    كنت أستغرب لما أسمع السوريين يتغزلوا في الفتوش , في نظري وصفة عادية جدا وآخذ منه دايما صحن ميني ميني ,

    لأن ذقت الفتوش بطريقتين ياإما في المطاعم
    ( للأسف ) وهي تشوه معظم الأكل المشهورأو نعمله في البيت بخس وخيار وطماطم وفلفل بس والصوص من اختراعنا وكان عادي جدا وطبعاالطريقة هذه متداولة بين السعوديات ،

    بس ماتوقعت إنه الفتوش بهذا الشكل, ويلي مايعمل هذه الطريقة مايعتبر ذاق الفتوش من أساسه, فعلا وجبة قائمة بذاتها ومش محتاجة لأي مساعدة ويمكن لحد اليوم سويته مية مرة . وبنفس الكمية وبعد 10 دقايق ولا أثررررررررررررررر

    وبالعكس أنا أشوف الكمية قليلة, وكل مرة أزود المقادير , يسلموووووووووووووووووووووا .

  29. karamela 14 August 2010

    السلام عليكم وكل عام وانت بخير
    انا بدي اشكرك على مقادير الفتوش الصحيحة مية بالمية
    كان عندي عزيمة برات البيت وقررت اعمل الفتوش من دون خلط الخضرة مع الصلصة وطبقت نفس مقاديرك ومافي احسن وادق من هيك
    انا هلق منتظرة بكل شغف عزايمك الرمضانية
    وكل عام وانت وعيلتك الى الله اقرب وعلى طاعته ادوم

  30. منى 15 August 2010

    هلا كرميلا :)
    الف صحة و هنا و عواافي يا رب على البك . الحمد لله انها عجبتك و كانت يم يمم

    الله يعينا عى رمضان و صيامه و ان شاء الله اكيد العزيمة على الطريق :roll

  31. منى 15 August 2010

    هلا لاروش :)
    معك حق اكل المطاعم عم يشوه الوصفات و اليالنجي مثلا بحياتي ما دقته بمطعم على اصوله

    الف الف صحة و هنا و عافية و بتعرفي ردك خلاني دخل وصفة الفتوش للكتاب بعد ما كنت كانسلتلها :grin

  32. سندس 8 May 2011

    طيب كثير الدريسنق

    اكلت فتوش اليوم غداء وعشاء من كثر ماعجبني :)

  33. منى 9 May 2011

    صحتين و عافية :) انا كمان اتغديت منه و دقت غيره , يممممم

  34. umtareq 27 July 2011

    فكرة تقطيع الخس بالإيد و قطف البقدونس كتييير عجبتني..انا إذا ما توفر عندي دبس الرمان بحطلو الخل البلسمي و رشة زغيييرة سكر مع الصلصة,بيطلع خيااال
    يسلموا ست منى المميزة بكل شي
    الله يحميكي

  35. منى 28 July 2011

    هلا حبيبتي :)
    ان شاء الله تجربيها و تعجبك , شكرا لردك المزوء و الحلو ;) و شكرا للدعوة الغالية على قلبي

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)