الكبة المقلية


         وصفة : منى                 2007/09/01                 75 تعليقات
الكبة المقلية

تحضير الحشوة :

 ·          يحمر الصنوبر بالزيت حتى يشقر مع الانتباه لضرورة رفعه من الزيت قبل الوصول للون المطلوب لأنه سيغمق قليلاً بعد رفعه عن النار ثم يوضع على ورق ماص , ينقى الجوز من القشور  ثم يفرم .

·          يفرم البصل فرماً ناعماً جداً ثم يقلى بنفس الزيت على نار متوسطة حتى يشقر من دون أن يتغير لونه .

·          تضاف اللحمة و تتبل بالبهارات و تقلى على نار متوسطة و تفكك بالشوكة حتى تنضج و يجف مرقها تماماً .

·          يضاف الصنوبر و الجوز للحشوة , أصبحت الحشوة جاهزة .

تحضير العجينة :

 ·          يوضع البرغل في مصفاة ناعمة جدا و يغسل بشكل سريع  ثم يصفى جيداً من الماء و يضغط عليه للتخلص من أي ماء اضافي .

·          يفرم البرغل مع البصلة و البهارات على ماكينة فرم اللحمة باستخدام الشفرات المتوسطة مرتان .

·          يوضع البرغل المطحون و البهارات و السميد و الهبرة في وعاء مسطح كبير ( و يفضل وعاء فخاري إن وجد ) و يوضع صحن ماء صغير على طاولة العمل لتبليل اليدان به أثناء العجن .

·          تدعك الكبة لمدة 10 دقائق أو أكثر و يضاف القليل من الماء إذا دعت الحاجة مع مراعاة عدم الإكثار من الماء كي يسهل تشكي العجينة , تعجن حتى الحصول على عجينة  متماسكة, أصبحت عجينة الكبة جاهزة . 

تحضير الكبة : 

·          تبلل اليدان بالماء البارد , تقسم عجينة الكبة إلى كرات ثم تعمل حفرة في الكرة و ترق بين أصابع اليد .

·          تحشى بالحشوة المجهزة و يسد طرفها ثم تمسح الكبة باليد المبللة بالماء البارد ،  تبلل اليدان بالقليل من الماء كل فترة و أخرى أثناء تحضير الكبة للمساعدة على سرعة العمل أولا و لمنع تشقق الكبة بعد القلي ثانياً .

·          توضع الكبة في الفريزر لمدة ساعة تقريباً .

·          يحمى الزيت على نار متوسطة ثم تقلى حبات الكبة كل أربع أو خمس حبات في المرة الواحدة حتى تشقر .

·          تقدم الكبة المقلية ساخنة أو باردة مع المخللات و السلطات .  




مقادير الكبة :

7 كوب برغل أبيض ناعم
ربع كيلو من هبرة لحمة العجل المدقوقة خصوصاً للكبة
بصلة كبيرة مقطعة أرباع
رشة فلفل و ملح
كوب سميد

مقادير الحشوة :

كيلو لحمة غنم مفرومة
5 حبة كبيرة بصل
3 – 4 ملعقة كبيرة زيت
ملح
ملعقة صغيرة بهار مشكل
نصف ملعقة صغيرة قرفة
صنوبر و جوز حسب الرغبة
زيت قلي





تحضير الحشوة :

• يحمر الصنوبر بالزيت حتى يشقر مع الانتباه لضرورة رفعه من الزيت قبل الوصول للون المطلوب لأنه سيغمق قليلاً بعد رفعه عن النار ثم يوضع على ورق ماص , ينقى الجوز من القشور ثم يفرم .

• يفرم البصل فرماً ناعماً جداً ثم يقلى بنفس الزيت على نار متوسطة حتى يشقر من دون أن يتغير لونه .

• تضاف اللحمة و تتبل بالبهارات و تقلى على نار متوسطة و تفكك بالشوكة حتى تنضج و يجف مرقها تماماً .

• يضاف الصنوبر و الجوز للحشوة , أصبحت الحشوة جاهزة .

تحضير العجينة :

• يوضع البرغل في مصفاة ناعمة جدا و يغسل بشكل سريع ثم يصفى جيداً من الماء و يضغط عليه للتخلص من أي ماء اضافي .

• يفرم البرغل مع البصلة و البهارات على ماكينة فرم اللحمة باستخدام الشفرات المتوسطة مرتان .

• يوضع البرغل المطحون و البهارات و السميد و الهبرة في وعاء مسطح كبير ( و يفضل وعاء فخاري إن وجد ) و يوضع صحن ماء صغير على طاولة العمل لتبليل اليدان به أثناء العجن .

• تدعك الكبة لمدة 10 دقائق أو أكثر و يضاف القليل من الماء إذا دعت الحاجة مع مراعاة عدم الإكثار من الماء كي يسهل تشكي العجينة , تعجن حتى الحصول على عجينة متماسكة, أصبحت عجينة الكبة جاهزة .


تحضير الكبة :

• تبلل اليدان بالماء البارد , تقسم عجينة الكبة إلى كرات ثم تعمل حفرة في الكرة و ترق بين أصابع اليد .


• تحشى بالحشوة المجهزة و يسد طرفها ثم تمسح الكبة باليد المبللة بالماء البارد ، تبلل اليدان بالقليل من الماء كل فترة و أخرى أثناء تحضير الكبة للمساعدة على سرعة العمل أولا و لمنع تشقق الكبة بعد القلي ثانياً .


• توضع الكبة في الفريزر لمدة ساعة تقريباً .

• يحمى الزيت على نار متوسطة ثم تقلى حبات الكبة كل أربع أو خمس حبات في المرة الواحدة حتى تشقر .

• تقدم الكبة المقلية ساخنة أو باردة مع المخللات و السلطات .
  • وصفات تانية ممكن تعجبك


التعليقات

  1. linda 2 September 2007

    :sigh
    i dont have arabic key board

    bs yammmmmmyyyyyyyyyyyyyyyy :zzz

  2. منى 2 September 2007

    Hi linda :)

    it`s v strange 2 talk to u in English

    but u r most welcome :)

    I hope u try it & like it
    ;)

  3. ام نور 2 September 2007

    ما شالله شكلا بيشهي بس الصراحة انا اول مرة بعرف انو ممكن نزيد سميد لا الكبةالمقلية وشو نوع السمميداخت منى ناعم خشن او وسط ولا ما بتفرق؟ انا بعملا عجينة واحدة من البرغل واللحمة وبستعملا للكبةالمقلية او المشوية بس الشكل الذي بتغير وهاك بلبنان منعملا وعطول منحط كل كيلو لحمة مقابل كيلو برغل الا الكبة النية لازم اللحمة تكون اكتر من البرغل وتكون لحم غنم فسبحان الله كل بلد له طريقة بس انشالله رح جرب هالطريقة انا كتير بعمل كبة وشو بعطل هم لان بتاخود وقت وخصوصي مع الاولاد يا لطيف

  4. ام نور 3 September 2007

    الله يخليكي انشالله رح جرب هالطريقة انا بعرف ان السميد منيح بس كنت مفكرة بس لا العجين حتى صديقتي المغربية ما بتعمل المسمن المغربي وابو غرير الا بالسميد وانا جربتون العجينة بتطلع روعة ما بتعجن ولا بتلزء وبتحط مع عجينة البيتزا سميد ونشا بتطلع مقرمشة .
    بالنسبة لا فطاير الكشك شكلا متل السامبوسك او الهلال لازم تكون مسكرة على جنب وحجمها اكبر من السامبوك بتلات مرات لانها من الفطائر ما منعملا صغيرة

  5. منى 3 September 2007

    هلا اختي ام نور :)

    و الله أكتر أكلتين بياخدوا وقت هم الكبة و ورق العنب .. بس ما بيصير بلاهم ..
    هلأ لما بتعملي الكبة المقلية اللحمة بقد البرغل ما بتطلع معك طرية ؟ :roll

    السميد الي بضيفه هو سميد خشن و اذا مو متوفر فيك تديري مع البرغل …

    لا تستغري :eek لان الطريقة إلي رح قولها مجربة

    فيك تضيفي معه رغيف خبز و تديريه مع البرغل و تشوفي كيف القرمشة إلي غير شكل ;)

    لحمة الغنم الهبرة بتصير , بس بتعرفي عن تجربة لحم العجل أحسن بيخلي العجينة تساعدك بالشغل :)

    أختي عن فطاير الكشك حابة اسالك , بعد ما نحضر العجينة كيف منحشيها بالحشوة ..
    رح يصير شكلها متبل المناقيش ؟

  6. منى 3 September 2007

    أول مرة أعرف ان ممكن استعمال السميد بالبيتزا :)

    الله يخليكي ام نور , لو تتكرمي و تبعتي هل الوصفات الحلوة لما يكون عندك شوية وقت زيادة ;)

    أنا بحب كتير الاكل المغربي بس مو مجربة إلا كم وصفة

    تسلمي أختي على كرمك و زوءك

  7. ام نور 4 September 2007

    تكرم عينك اخت منى انشالله اليوم بالليل لما يناموا ولادي ببعتلك كم وصفة عرواء حضرتك عندك اولاد :? ;

  8. ام نور 4 September 2007

    انا بدي اسألك اختي البرغل انا لا انقعه في الماء اغسله 3 مرات وفيالمرة الاخيره اصفيه من الماء تماما واتركه 15 دقيقة وهكذا ينفش لا حالو الماء بيكون ساخن والبصلة افرمها بتصير مرهم واضع على البرغل عند العجن فهل هناك فرق بين طربقتي وطريقتك ولا نفس النتيجة عم اسالك لان ناوية جرب طريقتك انشالله اليوم

  9. منى 4 September 2007

    ان شاء الله , رح أستنى الوصفات منك أختي :)

    اختي ام نور انا مو مجربة الطريقة الي ما منفرم فيها البرغل و لا مرة :roll
    بس اتوقع ان في فرق , بس شو هو ما بعرف لحتى جرب و احكم بنفسي ;)

    الحمد لله عندي بنتين و صبيين الله يباركلي فيهم يا رب :)

    و انت ؟

  10. ام نور 5 September 2007

    ما شاء الله الله يحفظلك ياهون انا عندي بنوت طفلة وصبي .
    جربت الكبة صراحة ما ظبتت معي السبب انو لما تركتت البرغل نصف ساعة بالماء شرب الماء كله طحنتو ام عجن يمكن كان لازم اعصره من الماء قبل الفرم بس بدي ارجع جرب مرة تانية بكمية فاشالله تظبط

  11. منى 5 September 2007

    الله يباركلك فيهم أختي :)

    أكيد لازم تعصريهم من المي تمام لحتى تشتغل معك العجينة و خصوصاً بالنسبة للكبة المقلية ..

    ان شاء الله تظبط معك المرة التانية ..

    شكرا ليك ام نور على تواجدك الطيب في الموقع

  12. رانيا الشرباتي 6 September 2007

    يسلموا بتشهي

  13. منى 6 September 2007

    الله يسلمك رانيا :)

    كلك زووء ;)

  14. تورتاية بالكريز 12 October 2007

    تسلمي أخت منى الله يرضى عليكي ويباركلك باولادك ووقتك كتير عجبتني نصائحك للكبة جبتي المفيد لان الانواع اللي فيها لحمة كتير بتكون تقيلة شوي وكان نفسي اعملها خفيفة ومقرمشة وهل كبة الدراويش موجودة بالوقع ام هي نفس طريقة المقلية بس باختلاف الشكل يااخت منى وحيققي عجبتني طريقة الكبة المقلية وان شاء الله عندي السميد حجربها بيه باذن الله وحوله وقوته وجزاك الله كل الخير على سرعة ردك وتواصلك الرائع جعله المولى بميزان حسناتك يارب

  15. منى 12 October 2007

    ما بتعرفي اختي قديه مبسوطة بكلامك و دعواتك , وان شاء الله ليك بالمثل أختي :)

    أختي الكبة الدراويش نفس طريقة تحضير الكبة المقلية تمامابس باختلاف الشكل
    ان شاء الله تجربيها و تعجبك , بس انتبهي على كمية الماء , يعني لما تنقعي البرغل لاوزم يكون بالمية الباردة من الصنبور و بعدها تصفيها كتير منيح لحتى تتماسك معاك :)

    و اي سؤال تاني انا تحت امرك أختي ;)

  16. Eman 17 December 2007

    كل عام وأنت والجميع بخير ،وإنشاء الله السنة الجاية الله يجمعنا على عرفات،آآآمييين.

    يسلمو حبيبتي منى على إمدادنا بالوصفات الشهية،صراحة واللي مبسوطة منه أكتر، تعليماتك الدقيقة وملاحظاتك الجميلة؛ فبتتبعي لموقعك صار عندي الجرأة أكتر لجرب كلشي جديد و قديم :) .

    من كم يوم عملت كبة مقلية وطلعت معي تحفة والحمد لله.

    بس لسه عندي عقبة ، وهي الحلويات ، كل ما بجرب شغلة بتفشل معي، واللي كنت جربه وينجح مقاديره مو متوفرة :sigh(متل القشطلية،سمعت فيها؟) ،وهون ما عنا حلو تشتريه جاهز فمضطرة أتعلم أعمل لحالي، بس عم أستنى لاقي وصفة سهلة ومفاديرها متوفرة :zzz .

    في أمان الله حبيبتي.

  17. Eman 18 December 2007

    الله يجزيك الخير ..

    رح جرب حلى الكاسترد كأول تجربة إلي ،الصراحة ما جربت شي لأني جبانة، والقشطلية ما عملتها لأنها بدها قشطة ومو مسترجية جرب أطبخها،برأيك بتنفع بدل القشطة الطازجة؟

    يسلمو حبيبتي على التشجيع الحلو ، إنشاء الله بس جرب شغلة رح أخبرك بالنتائج.

    الله لا يحرمنا منك ومن أكلاتك الطيبة يا رب.

  18. أم عباده 26 December 2007

    الله يعطيك العافيه كل اكله اطيب من اللي قبلها خليتيني احس اني بحلب
    بس بدي اسالك اش الفرق بين البرغل الابيض والاسمر بعمل الكبه واحيانا الكبه الدراويش بتتشقق معي خلال القلي قولك من ايش استعملت مرة برغل ابيض ومرة اسمر ومرة خلصت من الاتنين وبحط لكيلو البرغل نص هبرة او اكتر شوي يمكن طولت عليك بس عن جد هالكبه رح تجنني وبتعرفي الرجال الحلبي عندو الكبه اهم شي وعزيمه من غير كبه مابتسوى ودائما بخاف من التشققات فشو الحل الحقيني

  19. منى 27 December 2007

    هلا ايمان :)

    عفوا حبيبتي على التأخر بالرد , بتعرفي العيد و زحمته :roll

    لا أختي أكيد القشطة المعلبة ما بتنفع بدل القشطة الطازجة

    ان شاء الله تجربي الحلا و يكون متل ما بتحبي :)

    على فكرة نزت الفريكة فيك تشوفيها [URL=http://www.l2ma.com/content/view/312/2/]على هل الرابط[/URL] ;)

  20. منى 27 December 2007

    أأأمين يا رب العالمين , و الله ناطف قلبي على ما روح للحج ..

    يا الله الله كريم ان شاء الله

    ان شاء الله عوافي و هنا يا رب ..
    تعليقك حلو كتير :) رح اعتبره أحلى عيدية منك

    حبيبتي في في الموقع وصفات سهلة كتير
    متل
    [URL=http://www.l2ma.com/content/view/250/2/]حلى الكاسترد[/URL]

    و كمان [URL=http://www.l2ma.com/content/view/131]التيراميسو السهل[/URL]

    أظن أن المقادير متوفر حتى لو كنت باي بلد

    يا ترى جربت شي من وصفات الحلويات من الموقع و ما نجحت معك ؟ ممكن ساعدك .

    القشطلية سامعة فيها بس ما بعرف اعملها , لو فيك تكتبي طريقتها و نزلها , لما بتكوني فاضية 8)

    مية أهلا و سهلا فيك

  21. منى 27 December 2007

    هلا أختي ام عبادة :)

    أختي ما كتير قي فرق في الطعم , الفرق باللون أكتر لحتى ما تصير الكبة كتير غامقة بعد القلي ..

    البرغل الأبيض منستعمله بس للكبةالمقلية و فيك تستعملي البرغل الأسمر أما باقي الكبب ما بتصير إلا بالبرغل الأسمر

    الكبة ممكن تتشقشق لعدة أسباب , لازم تعجنيها كتير منيح و تعطي العجينة حاجتها من المي , يعني ما تكون كتير ناشفة و إلا بعدها رح تتشقشق , و كمان لا تزودي المي و الا بعدها بحياتها ما بقى تصير معك دراويش

    و انت عم تعملي الدراويش حطي ادامك صحن فيه مي باردة و بللي الدرويش بالمي بشكل بسيط بعد ما يخلص و ان شاء الله ما بقى تشقشق معك ;)

    حبيبتي لا تكتري الهبرة للكبة المقلية ,بكل هل الهبرة الي عم تحطيها ما رح تطلع الكبة مقرمشة معك

    يا ريت لو تجربي كمية صغيرة بطريقتي و تشوفي إذا رح تظبط معك :)

  22. أم عباده 27 December 2007

    الله يجزيك الخير ويعطيك الف عافيه على هالنصائح الغالية واكيد رح اعملها على طريقتك ومتل ما وصيتيني
    ألف ألف شكر

  23. منى 28 December 2007

    ان شاء الله ام عبادة :)

    و ابقي خبريني شو بيصير معك ..

    نورتي اختي

  24. kuwaiti_girl 19 February 2008

    غاليتي منى شو اخبارك
    بغيت اسال عن الهبره بالكبه هل اقدر ان استخذم الهبره المفرومه بدال المدقوقه؟؟ وما هي الطريقه لذلك
    لاني لا اعرف اين اجد هبره مدقوقه هنا لان اغلب العاملين لدى اللحامين يكونون من الجنسيه الهنديه ولا يعرفون ما هي الهبره المدقوقه و شكرا

  25. منى 19 February 2008

    هلا أختي كويتية:) حبيبتي الهبرة المدقوقة فيك تعمليها بالبيت , بتجيبي لحمة هبرة بشرط أن لا يكون فيها و لا أي أثر للدهنة , هذا شرط أساسي و إلا فان الكبة رح تفرط , بتفرمي الهبرة على ماكينة فرم اللحمة أو بتجيبيها مفرومة و خالصة من عند اللحام, بعدها بتحطي الهبرة مع شوية ملح و شوية من الثلج المكسر في خلاط الكوكتيل العادي :x لا تستغربي و بتطحنيها لحتى تصير ناعمةو كأنها مدقوقة ;)

    و بعدها بتستعملي الهبيرة للكبة أو لأقراص النعناع و صحتين و هنا على قلبك

  26. abeer 1 May 2008

    حبيبتي منى يا سلام عليك هلا حتى صدقت انو الحلبية اهل المحاشي والكبب0 ولهيك بدي اسالك السميد بنقعه مع البرغل ولا بعدين ضيفه وشكرا

  27. منى 1 May 2008

    هلا عبورة :grin و كمان أهل المعالي و الرتب

    السميد بتضيفيه مع العجن من غير نقع ;)

  28. غرام 10 July 2008

    [السلام عليكم
    دى اول مشاركه ليا وانا من معجبينك جد ا جدا
    ومتابعك
    عندى سؤال معلش البرغل قد ايه بالكيلو فى الكبه المقليه
    لانى عايزه اجربها يعنى مثلا لو نص كيلو لحمه مفرومه احط اد ايه برغل
    فى انتظار ردك اختى

  29. غرام 10 July 2008

    :p

  30. غرام 10 July 2008

    :zzz
    اختى منى شكرا على موقعك الجميل وانا من متابعينم من لكوفرحت انى سجلت هنا كتير لاستفيد منك ومن خبرتك الواسعه
    انا من مصر

    عندى سؤال انتى حطيتى ربع كيلو لحمه عليها برغل اد ايه بالكيلو
    يعنى متلا نص كيلو برغل والا اكتر لانى نفسى اجربها اووى
    واللحمه عندنا مفرومه جاهزه والا انتى تقصدى نوع تانى ممكن التوضيح معلش غلبتك باسلتى

    عاوزه منك كمان طريقه سمبوسك مضمون طريقته وتكون مقرمشه

    وكمان حاجه تانيه معلش
    عايزه اتعلم اعمل تورته بالبيت عندى مناسبه بعد عشر ايام ونفسى اعملها كويس وتكون فيها كريمه الزبده
    وشكراااااااااااااا

  31. منى 10 July 2008

    هلا غرام :)
    مية هلا فيك و بك المصريات العسل , منورة الموقع أختي ;)

    البرغل كميته بالنسبة للحمة تقريباً كيلو و نصف برغل لكل ربع كيلو لحمة , معلش الكمية يمكن تكون مش معقولة , بس هي هيك بتتحضر

    عندي طريقة سمبوسك تجنن و فيك تشوفيها على هل [URL=http://www.l2ma.com/content/view/88/2]الرابط[/URL], كتير سهل و طيب

    التورتة أختي تقصدي فيها الكيكة الاسفنجية ؟ اذا هيك ممكن تشوفيها [URL=http://www.l2ma.com/content/view/266/2/]على هل الرابط[/URL] و لو سمحت ممكن اقترح عليك قالب بياخد العقل كمان على [URL=http://www.l2ma.com/content/view/376/2/]هل الرابط[/URL]

    اي سؤال من عيوني

  32. سارونات 13 August 2008

    السلام عليكم و رحمة الله و بركاته
    اختي منى يعطيك العافية على الوصفةعندي سؤال انا عندي كمية قمح و بدي اعمل برغل بالبيت فهل هالشي ينفع او صعبة
    ازا ينفع ياريت تقليلي على الطريقة
    بالتوفيق
    سلام

  33. منى 14 August 2008

    هلا أختي :)

    أظن صعبة , بتعرفي و لا مرة فكرت حضر البرغل , بعرف كيف بيتحضر بس حضره انا ما جربتها ;)

    هلا فيك أختي

  34. Eman 7 September 2008

    سؤال:ممكن أستخدمها باللبنية ؟؟
    يعني هالكبة متل الكبة باللبنية ولا طريقتهاغير؟؟ :?

  35. منى 8 September 2008

    لا أبداامولة هي غير تبعة اللبنية , عندك اللبنية و ريقتها بالتفصيل , كبة اللبنية لازم يكون هبتها بنفس كمية البرغل لحتى ما تفرط باللبن ;)

  36. Eman 23 March 2009

    السلام عليكم .. كيفك منوشة الحلوة ؟ اشتقت لك كتير ولأكلاتك ..

    من يومين طالعت كبة مقلية مفرزة وحطيتها بعد عشر دقائق بالزيت .. ما تلاقي إلا الكبة فرطت ونزلت !! :eek ما عرفت شو أعمل طالعتها وحطيت وجبة تانية كمان فرطت :x …بعدين صرت :cry من قهري عليها ! خصوصا أنها لعزيمة رفقة زوجي في المشفى وما بقى غير عشر دقائق ليجي ياخد الأكل .. الحمد لله كان في أوزي وفروج ببطاطا مع التبولة ..بس كتير انقهرت ليش هيك صار ؛خصوصا إني جربتها قبل بيوم لحتى أتأكد وكانت كتييييير طيبة ،وقعدنا ناكلها أنا وزوجي ويقول لي هي أطيب لأنها تازة :) ،وحطيت لها دبس رمان لتعطي شوية حموضة على حلاوة ;)
    ..طيب ليش هيك صار معي يوم العزيمة؟؟ :? :? :?

  37. منى 24 March 2009

    لان استنيتي 10 دقايق :sigh

    المفروض من الفريزر بتلجها على القلي مباشرة و الا رح يصير معك الي صار , يلا الحمد لله ان كان في غير شي و الا كان الموقف ما في اصعب منه , و الواحدة فينا ما بتتعلم الا اذا غلطت , يلا المهم ان شاء الله عجبوهن بقية الاشيا ;)

  38. روح الجمان 5 May 2009

    جاري التطبيق في أقرب وقت جزاكِ الله خيرا حبيبتي في الله :)

  39. روح الجمان 5 May 2009

    جزاكِ الله خيرا فعلا الشرح واضح والصور رائعة ما شاء الله قريبا أطبقها بارك الله فيك :)

  40. منى 5 May 2009

    هلا :)
    ان شاء الله تجربيها و تظبط معك و اي سؤال بيخطر ببالك انا تحت الامر و بالخدمة ان شاء الله

  41. haya 30 May 2009

    هلا منى كيف الصحة مبارح جربت الكبة المقلية على طريقتك كثير كانت زاكية ورائعة وضبطت معي وطلعنا انا وانت نفس الطريقة لكن في اختلاف بسيط بيني وبينك انو انت بتحطي معها السميد بس فكرة السميد عجبتني تسلم ايديك يارب
    بس في عندي سؤال انت قلت نستعمل البرغل الابيض طيب شو بيفرق البرغل الابيض عن الاسمر يا ريت تفيديني لأني انا عملتها بالبرغل الاسمر لأنه ما كان عندي الابيض فحبيت استفسر منك عن الفرق بينهم وشكرا الك مرة ثانية على وصفاتك ومقاديرك الرائعة

  42. منى 4 June 2009

    هلا هيا :)
    الف صحة و هنا يا حق على كل لقمة أكلتلتيها , كتير انبسطت انها ظبطت معك و عجبتك و كانت على زووءك

    هيا حبيبتي , البرغل الابيض بيطالع الكبة هي عم تقرش اكتر , ليش ما بعرف , بس بالتجربة هيك طلع معي و الفكرة هي اتعلمتها من اختي اية , الله يعطيها الف عافية ;)

  43. haya 5 June 2009

    شكرا الك منى كثير على الرد والمرة الجاي ان شاءالله راح جربها بالبرغل الابيض والله يخلي لك اختك ايه يارب :)

  44. منى 8 June 2009

    ان شاء الله تجربيها و تطلع على زووءك هيا :)

  45. JoJo 9 June 2009

    ما شاء الله رووعة والله
    يسلموو الايادي منى

  46. منى 10 June 2009

    لله يسلمك جوجو و يا رب تجربيها و تكون على زووءك :)

  47. حنان 28 July 2009

    السلام عليكم يا اخت منى كيفك انا عملت الكبة المقلية وصبطت معي الكثير والله يخليك ويخلي اولادك بس بدي اسال خبز لازم نبلله بالماء ونفرمه مع البرغل بالماكينة مرتان ولا كيف وبدي اغلبك معي شوية المكدوس ممكن نضع بدل الجوز صنوبر وشكرا حبيبتي

  48. منى 28 July 2009

    هلا حنونة :)
    هنا و الف عافية و صحة يا حق :) ايه حبيبتي الخبز نبله و نفرمه مع البرغل مرتين اما المكدوس فاصوله بالجوز و غيره نو ;)

  49. RABBSO 25 August 2009

    اهلن انا عوزة اشترى ماكينة الكبة ما هو نوعها و شكلها اية????? و شكرا

  50. منى 25 August 2009

    ماكينة الكبة هي نفسها مفرمة اللحمة , و انا استعمل ناشيونال ;)

  51. RABBSO 27 August 2009

    مررسى اوى

  52. منى 27 August 2009

    :)

  53. ام عون 22 January 2010

    انا حابه اعمل الكبه المقليه.ولامره اعملتها والسبب انه ماعندي ماكنة فرم لحمه .وباختصار بشتريها جاهز الكبه. لكني حابب اعملها وبذات طريقتك.عندي استفسار ممكن استغني عن الماكنه بفرامة الملوخيه لانها بتفرم البصل ناعم :? :? :?

  54. Eman 22 January 2010

    اليوم صايرة عم أتغالظ عليك كتير ما هيك :p

    رجعت عملت الكبة ،وهالمرة مع حب رمان ودبس رمان .. عن جد كتير طيبة هالإضافة ونصيحة جربوها .. هلأ الكبة مصورة من برا بس إنتو هيك تخيلوا منظر حبات الرمان عم تبرق متل الياقوت الأحمر .. عن جد طعم ومنظر طيبين ،وعلى قولة منى صارت كبة ياقوت وجواهر :grin
    [img][IMG]http://i286.photobucket.com/albums/ll120/hodaleman/food/kebba.jpg[/IMG][/img]

  55. منى 23 January 2010

    و الله اختي ام عون ما بعرف , بخاف قلك جربي و ما تزبط لان انا مو مجربتها الا بالماكينة , على كل كل اخواتنا اللبنانية ما بيفرموا الكبة على الماكينة و بيكتفوا بنقع البرغل ;)

  56. منى 23 January 2010

    بالعكس امولة , الف هنا و صحة يا رب على الكبة و طريقتك بالحشوة اتعلمتها من حماتي , بيطلع منظرها حلو كتير و كمان طعنتها مميزة , الف صحة يا رب .

    الصور ما طلعوا :roll

  57. ام عون 26 January 2010

    اول مره بعمل الكبه .والجمد لله كانت كتير طيبه بس حسيت انها مقرمشه كتير معقول السميد كان ياده شوي رح احاول مره تانيه واعملها بس اقلل السميد :) وبالمناسبهطحنت البرغل بماكنة الملوخيه ممتازه النتيجه :x .شكرا الك يااخت منى والي طلب منك حابه تكوني صديقتي في الفيس بوك 8)zzz

  58. 7ayah 12 June 2010

    يا سلام على الكبة
    بس في عندي سؤال
    ممكن أعرف المقادير كلها بالغرامات
    لأنو صعب حدد كمية الكوب
    و شكراً كتير كتير إلك على هالوصفات الطيبة

  59. 7ayah 15 June 2010

    طيب بدي اتغالظ عليكي منى و اسألك سؤال تاني
    هلأ ممكن أعمل كمية عجينة كبيرة و أعمل كمية منها و فروز الباقي بالفريزر كعجينة :?
    لأنو شغلا بياخد وقت و ما عندي ماكينة فرم اللحمة
    بدي افرما عند واحد صاحب مطعم و عندو ماكينة الفرم
    و صعب كل فترة ابعت كمية صغيرة لعندو يفرما :eek
    بقى فيني فروز العجينة و اشتغل فيا امتى ما بدي :?
    و بالنسبة لسؤالي الأول
    أنا شفت بين الردود إنك حاكيي 7 كوب برغل بطلعولن شي كيلو و نص صح :?
    بس السميد ما عرفت كم بطلع :cry
    يا الله أنا شو بسأل :upset
    معلش منى بدك تتحمليني شوي الله يخليكي :zzz

  60. lebnadeen 18 June 2010

    مدام منى حابة اسالك شو الفرق بين البرغل الابيض والبرغل الاسمر لان بعتقد هون بلبنان ما منستعمل غبر الاسمر. هل المقصود بالبرغل الابيض المطحون من القمح الابيض المقشور؟ وشكراً لك دمت بخير

  61. منى 18 June 2010

    هلا ام عون :)
    هنا و الف صحة و عافية , هي الطريقة و انتي بعدها عدليها على كيفك لحتى تناسب ذوقك :)

    نوررتي اختي

  62. منى 18 June 2010

    هلا فيك اختي vayah :)
    متل ما ذكرت قبل كمية البرغل , و السميد هلا خلصان عندي ما فيني حدد الك الكمية بالغرامات :roll
    ما فيك تشيلي العجينة مع اللحمة بالفريزر لان رح تعزبك بالشغل و ما تمسك على بعضها و انا مجربتها , بس فيك تحضري البرغل و تفرميه و تشيليه على الفريزر و بس ما بتحبي طالعيه و ضيفي اللحمة و اشتغلي فيها

    ايا سؤال تاني من عيوني ;)

  63. منى 18 June 2010

    هلا فيك اختي lebnadeen :)
    ما بعرف الفرق بالضبط لحتى فيدك , ممكن احط صورة للتنين لحتى تشوفي بنفسك ;)

  64. 7ayah 20 June 2010

    شكراً على الرد كتير :zzz

    خلص ان شاء الله بفروزا متل ما قلتي ;)

  65. منى 20 June 2010

    ان شاء الله

  66. عالم آخر 14 August 2010

    جدانت رائعه وبتشهي الواحد يطبخ

  67. منى 14 August 2010

    من زووءك اختي :)
    مية هلا فيك نورتي الموقع و شرفتيه

  68. أمــ نــــدى 1 September 2010

    أهلا منى
    جزاك الله خيرا على الكبه اللي بتشهي
    لكن أنا عندي كم سؤال معلش , لأني حابه أجربها
    أولا , لحم العجل الخاص بالكبه, من أى منطقه يعني فخذ , كتف , لأن اللحام عندي ما يعرف الكبه أساسا ..
    ثانيا , السميد يكون ناعم أم خشن
    وجزاك الله خيرا على الافاده
    وعلى فكره أنا جربت منك وصفة شيش الدجاج والسمبوسه واعتمدتهم طرقي المفضله وعديت لك كثير …ربي ينفع بك وبعملك

  69. منى 5 September 2010

    هلا فيك اختي :)
    ما عندي فكرة عن اجزاء اللحمة المطلوبة , المهم ان تكون قطع اللحمة هبرة و ما فيها دهن نهائي ;)
    السميد ناعم

    الف الف صحة و هنا و عافية , ان شاء الله الك متل هل الدعوات و اكتر اختي الكريمة
    شرفتينا و نورتينا اختي

  70. منى 5 September 2010

    هلا عالم اخر :)
    من زووءك حبيبتي , شرفتي يا احلى قمر :zzz

  71. Jassy 13 September 2010

    السلام عليكم …

    ليش مو معقول ؟ كلما بعمل وصفة وبتزبط وبتطلع بتجنن (متل الأكل برا هههه) بستغرب كتير وهيك بنبسط :)

    ببيت أهلي ما كتير كنا نعمل الكبة متل الحلبيين هههه ما بعرف ليش، وماما ما كانت تزبط معها هيك كرات فكانت أكتر تعمل كبة بالفرن أو المقلية تعملها عشكل أقراص. ولما انتقلنا عأوروبا صرنا نعملها بالسنة مرة.

    لكن من لما تعرفت عالموقع قلت هي هية الطريقة المأصلة ولازم جربها، خصوصي أنها من الست منى وولا مرة ما خابت ولا وصفة معي من هون.

    بس ما عندي ماكينة الكبة :roll جوزي قلي: لا تخربي المواد ههههه .. وكان يجيب الكبة من برا.
    بس أنا أصريت ولقيت بالاترنيت مرة أخت كاتبة أن ممكن الشغلات كل وحدة تنفرم لحالها بعدين بينجمعوا وبينعجنوا.
    أول الشي نعمت البرغل كتير بالخلاط اللي بينعّم ، بعد هيك غسلتو (متل الهبلا :upset :zzz ) بس مشي الحال واتصفى منيح من المي. ولما نزلت لجيب اللحمة الحمد لله طلعلي لحام عربي، لأن لآخر لحظة كنت عم دور ببالي شو قلو إذا طلع هندي، وقلتلو ان بدي لحمة للكبة :grin . قلي: أيوه اللحمة دي عجل وتدار عالماكينة كتير. ووالله ما كذب خبر حطلي قطعة لحمممم أحمممممر، ودارها عالماكينة شي 10 مرات :x لما جبتها عالبيت لقيتها متشتشة وهيك مو قطع أبدا ههههه يعني مشي الحال. وخلطت المكونات وطببببعا السميد وكل شي متل ما حضرتك حطيتي. بس طبعا عملت كاسة برغل وحدة، وما عرفت أديش اللحمة فحطيت عالنظر ههههه .. هالكمية عملتلي 9 كرات كبة . وعجنتها شي نص ساعة. حطيتها بالبراد ونعست ونمت ….. وما بتسدئي اني شفتك بحلمي يا ست منى :grin ;) والله العظيم عم تقليلي: قومي عملي الكبة.
    فزيت وقعدت اعملها، بس ما لحقتها عالغدا، لذلك خليتها لتاني يوم بالفريزر ، واليوم عالغدا قليتها … يا عيني على هالكبة والله طلعت أطيب من اللي جوزي بيجيبها من المطعم وطلعت بتجنن وما تشققت ولا صرلها شي وبتجنن :zzz . بس أن طلعت حوافها شوي سميكة لأن أول مرة بعملها فما رققتها لحد اللزوم.

    يسلموووووووو كتير يا منى والله انتي شغلة كبيرة .. لازم مو بس تطالعي كتاب … لازم يعملولك برنامج تلفزيوني !!!

    بدي اسألك، بوصفة الكبة السمبوسك الوصفة مختلفة، طيب مو تنيناتون مقليات ؟؟؟
    ممكن بهالوصفة يلي هون اعملها شكل السمبوسك بدال الدوائر؟ شو الفرق بالطعم بين الوصفتين هون وبصفحة الكبة السمبوسك ؟ مع ان تنيناتون مقليات ؟!!

    الله يطول بعمرك يا منى ويديمك عراسنا !

    والسلام عليكم

  72. Noora 25 February 2011

    الله يعطيكي العافيي أخت منى بدي أسألك اذا مندير السميد مع البرغل واذا نقدر نحط الكبة باالبراد لتاني يوم والك جزيل الشكر أخت منى ;)

  73. منى 28 February 2011

    هلا jassy :)
    ما قرات ردك لليوم و عن جد ما بتعرفي اديه انبسشطت ان الكبة زبطت معك و نجحت و انبسطت اكتر انك قدرتي تحضريها حتى من دون ماكينة , عن جد همتك و نشاطك و حبك للطبخ هنن الشغلة الكبيرة الي خلت الكبة تنجح :zzz

    صحتين و الف عافية حبيبتي و ما بتعرفي اديه انا ممنونة ردودك و التفاصيل الصغيرة الي بتذكريها , لان هل الردود هي الي بتغني الوصفة و بتعطي افكار مهمة لبقية الاخوات

    صحة مرة تانية و ربي يديم هل الود الي بيناتنا ;)

  74. منى 28 February 2011

    هلا نورا :)
    اي اختي منديرهم مع بعض و اكيد فيكي تتركي الجينة لتاني يوم بالبراد , بس تكون مغطاية منيح كتير ;)

  75. zsoukar 18 September 2013

    مرحبا سؤالي من فضلك: 7أكواب من البرغل يساوي كيلو برغل؟ شكرا

تقييم الوصفة
عاديةقد أحضرهاجيدةممتازةأكثر من رائعة (1 votes, average: 1.00 out of 5)