الكتشاب


         وصفة : منى                 2007/08/22                 12 تعليقات
الكتشاب

·          يوضع عصير البندورة و السكر و الخل على النار و يترك حتى يغلي ثم تضاف البهارات و الملح و البصل و تهدى النار و يترك المزيج يغلي يبطئ مع التحريك بين الحين و الأخر حتى يسمك المزيج و يصبح أمرق من الكتشاب العادي بقليل .

·          يصفى المزيج للتخلص من البهارات و حبة البصل ثم يوضع في خلاط الكوكتيل .

·          يذوب الكورن فلاور بالقليل من الماء البارد و يضاف للكتشاب و يمزج الكل حتى يصبح المزيج ناعماً ثم يعاد الكتشاب للقدر و يوضع على النار و يترك ليغلي لمدة 5 – 10 دقائق و يضاف المزيد من الملح إذا دعت الحاجة .

·          أصبح الكتشاب جاهزاً يعبأ في مرطبانات صغيرة و يحفظ في الفريزر أو يمكن إتباع طريقة تعقيم المرطبانات لحفظه خارج الفريزر و يستعمل حسب الرغبة . 

 





4 كوب عصير بندورة مصفى من القشر و البذور
2 ملعقة كبيرة خل تفاح أو عنب من نوعية ممتازة
2 ملعقة كبيرة سكر
حبة صغيرة جداً بصل
ملعقة صغيرة ملح صخري
نصف ملعقة صغيرة فليلفة حمراء ناعمة ( حرّة أو حلوة حسب الرغبة )
نصف ملعقة كبيرة فلفل أسود حب
عود قرفة ( اختياري )
بضع حبات قرنفل
بضع حبات من البهار الحلو
نصف ملعقة صغيرة بذور الخردل
ملعقة صغيرة كورن فلاور





• يوضع عصير البندورة و السكر و الخل على النار و يترك حتى يغلي ثم تضاف البهارات و الملح و البصل و تهدى النار و يترك المزيج يغلي يبطئ مع التحريك بين الحين و الأخر حتى يسمك المزيج و يصبح أمرق من الكتشاب العادي بقليل .

• يصفى المزيج للتخلص من البهارات و حبة البصل ثم يوضع في خلاط الكوكتيل .

• يذوب الكورن فلاور بالقليل من الماء البارد و يضاف للكتشاب و يمزج الكل حتى يصبح المزيج ناعماً ثم يعاد الكتشاب للقدر و يوضع على النار و يترك ليغلي لمدة 5 – 10 دقائق و يضاف المزيد من الملح إذا دعت الحاجة .

• أصبح الكتشاب جاهزاً يعبأ في مرطبانات صغيرة و يحفظ في الفريزر أو يمكن إتباع طريقة تعقيم المرطبانات لحفظه خارج الفريزر و يستعمل حسب الرغبة .



  • وصفات تانية ممكن تعجبك


التعليقات

  1. linda 25 August 2007

    بتعرفي
    هوايتي او حلمي اني ساوي كل شي بايدي كل شي بيتاكل يصير ينعمل بالبيت و بتمنى كمان ما اكول اكل الا من منتوج بيتي او مزرعتي
    كلو يكون طبيعي و بدون مواد حافظة وبدون امراض
    و ان شاء الله يتحقق هل الحلم
    شكرا كتير عل الوصفة رح احفظها لوقت التطبيق

  2. منى 26 August 2007

    نفس حلمي :)
    بحلم يكون عندي مزرعة صغيرة و ازرع فيها شو ما بدي ..

    ان شاء الله يتحقق حلمك و حلمي
    و ان شاء الله تجربي الكتشاب و و يعجبك :)

    نورتي ليندا 8)

  3. قهوه مُره 24 November 2008

    السلام عليكم…الله يجزكي كل خير على تعليمك إلنا..بدي إسألك .لما بنحط المرطبانات بالطنجره بنحطهم وائفين يعني مايكون جواتهم مي وبيكونوا مغطايين بغطاهم ولا من غير غطا..ولما بنسكب البندوره بألب المرطبانات بنغلي المرطبانات مع البندوره يعني كأني شفت بالصوره المرطبانات بألب صينيه فيها مي..أفيديني أفادك الله…على فكره أنا بحلم نفس حلمك بالأخص يللي بعيش ببلد متل السعوديه مافي شي من الطبيعه ..أنا مابسديئ إيمتا تجي الصيفيه لإنزل آكل من خيرات بلدي وشم هواها :cry

  4. منى 24 November 2008

    هلا قهوة :)
    و لا يهمك ان شاء الله بترجعي و تكوني سالمة و غانمة , الله يهنيك بقربك من الحرم و لان مو محرومة منه :cry
    الله يطعمني و يطعم كل مشتهي زيارة

    المرطبانات متل ما قلتي منحطهم واقفين و بيكون المي غامرة نصهن تقريباً بس من برة و هيك لحتى نضمن تمام ان قلبهن نشف من المي و كمان انهم تعقموا و بيكون الغطاء مكشوف , بعدها نصب فيهن البندورة او الكتشاب و نغطيهم و كمان نتركهم يغلوا شوي , بتحسي بعدها ان الغطا انتفخ و صار فتحه صعب :zzz

  5. قهوه مُره 5 February 2009

    السلام عليكم ..كيف حالك أختي منى…يعطيكي مليون عافيه..ولا إلك جزاكي الله كل خير ..أنالما بعمل المايونيزبينفع أحفظه بالمرطبانات بنفس هي الطريئه…مشكوره ياعمري :)

  6. منى 7 February 2009

    هلا أختي :) و عليكم أفضل السلام و اتم التسليم
    الله يعافيكي اختي و الف شكر الك للكلام الحلو ;)

    اختي المايونيز ما بينفع نهائياً حفظه بهل الطريقة لان رح ينتزع كله اثناء الحفظ لان ما بيحمل كتير حرارة ;)

  7. لميا 16 July 2009

    يسلمو هالديات والله امبارح عم بقرا عالانترنيت خطورة الكاتشاب الجاهز وعم يحذرو منو
    يعطيكي الف عافيه

  8. منى 19 July 2009

    هلا لميا :)
    بالفعل ممكن يحطوا فيه اشيا اشكال و الوان لحتى يحافظوا عليه , لهيك هي الوصفة انا بعتبرها مهمة , و كمان سهلة و طعمتها متل الكتشاب الجاهز تمام ;)

  9. آرام 19 September 2009

    مرحبا أخت منى
    الكتشاب من الوصفات المهمة في الموقع والي فرحت عليها كتير .. جربتها من فترة وكانت ناجحة جداً بس ما كان عندي مجال وقتها لكتابة تعليق .. بتعرفي أختي .. معظم وصفات الموقع أجرب تحضير نصف الكمية .. بس هالوصفة عملت ضعف الكمية وكنت واثق سلفاً من النتيجة .. وفعلاً كانت رائعة ومنيح أني ضاعفت الكمية .. لأن 8 كوب عصير بندورة (2 ليتر) أعطاني في النهاية حوالي 650 مل فقط من الكتشاب .. ناوي إن شاء الله أحضر كمية إضافية للمونة قبل ما يخلص موسم البندورة البلدية .. يسلموا إيديك أختي ولا يحرمنا من إبداعاتك.

  10. منى 24 September 2009

    هلا ارام
    كتير انبسطت انك جربتها و كمان انها عجبتك و خصوصا انك عملت ضعف المقدار ,بقى منيح كانت على زووءك . و متل ما قلت اخي المقدار النهائي قليل لان هيا اول تجربة .

    ممنونة كتير ثقتك في اخي و ردودك الطيبة و تواجدك الطيب , هنا و الف عافية يا حق .

  11. الحنونة 4 December 2009

    من زمامن عم نستنى هالوصفة
    من شي سنتين اخدت طرقة عمل المايونيز من وحدة من صاحباتي
    سألتها عندك شي طريقة الكتشاب :eek
    قالتلي كتشاب هاد مستحيل نعملو بالبيت اشتريه جاهز وخلصي :sigh
    بس بعد ما جربت الوصفة اللي هون عرفت انو ما في شي مستحيل على لقمة طيبة الأخت (منى )
    ولهلأ مين ما عم بقولا عرفت طريقة الكتشاب بتبحلق وبتقلي كتشاب :x
    شكرا كتي لإلك والله يسلم دياتك

    … سوسن

  12. منى 4 December 2009

    هلا سوسن :)
    لو تعرفي شو انبسطت انك جربتي الوصفة و انها طلعت تمام معك , الف صحة و هنا يا رب و انا كتير ممنونة هل الرد الحلو , الصراحة اتنعنشت بعد ما قراته :grin

    الف الف هنا مرة تانية و سعيدة جدا بتواجدك معنا في الموقع اختي

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)