الكسكسي المغربي


         وصفة : منى                 2010/04/01                 18 تعليقات
الكسكسي المغربي

·         نفرم البصلة، نقشر البطاطا ، ونقشر الجزر ونقطعها أنصاف أو أرباع حسب حجم الحبة وثخنها ونقطع الكوسا إلى أربعة أقسام بالطول ثم بالعرض.

·         نحتاج بداية إلى الكسكاس أو الإناء الذي يطبخ فيه الكسكس (كما هو ظاهر في الصورة)  وإذا لم يتوفر فمن الممكن الاستعاضة عنه بطنجرة وعليها مصفاة ناعمة من فوق.

·         نذوب السمنة في الطنجرة ثم نضيف الحمة ونرفع النار ونقلبها حتى يختفي اللون الزهري ويجف مرقها. نضيف البصلة ونقلب حتى تصبح شفافة ثم نضيف ملعقة دبس البندورة ونقلب لدقيقة أخرى.

نغسل الحمص من ماء النقع ونصفيه ثم نضيفه للحمة ونغمرها بالماء المغلي ونغطي الطنجرة ونتركها نقريباً نص ساعة أو حتى يقارب الحمص واللحمة النضج.

·         في هذه الأثناء نخلط الماء الدافيء (الكأس ونصف) مع الملح وزيت الزيتون والزيت العادي، نفرد الكسكس الجاف على طبق واسع ثم نرشه بجزء من مزيج الماء والزيت (تقريبا ربع الكمية) ثم نفركه قليلاً حتى يستوعب الكسكس الماء. نتركه تقريباً ربع ساعة، ثم نرش جزءً آخر من الماء ونقلب ونتركه ، ونعيد العملية على الأقل 3 مرات حتى نجد أن حبات الكسكس انتفخت وامتصت الماء والزيت.

·         بعد أن اقترب اللحم والبصل من النضج نضيف الخضار والبهارات ونضع الكسكس على المصفاة ونترك الخضار تنضج وبنفس الوقت الكسكس سوف يستوي على البخار الغني بنكهة اللحم والبهارات.

·         يجب تقليب الكسكس من حين لآخر حتى لا يتكتل.

·         للتقديم نضع الكسكس في طبق طبير، نصفي المرق من مزيج اللحم ، ثم نوزع اللحم والخضر والحمص على الوجه.

·         يقدم الطبق مع زبدية من المرق اللذيذ حيث يضيف الشخص كلما أحس أن الطبق ناشف. وصحتين وهنا.

سر الطبخة:

·         لا نضيف  كل كمية الماء إلى الكسكس دفعة واحدة وإلا سوف يتعجن وتفقد الحبات شكلها.

·         يجب أن تحافظ الخضار على شكلها وذلك دون طبخها زيادة حتى لا تتفتت ويصبح المرق غير صافي
 


2/1 كيلو كسكس (سـِكـْسـِو)
كأس ونصف ماء دافئ (كويّس ونص ما سخون)
ملح ( ملحة)
ملعقتين كبار زيت زيتون + ملعقة كبيرة زيت نباتي. (جوج معالق زيتة بلدية ومعلقة زيتة عادية)
ملعقة سمنة (ملعقة ديال السمن)
بصلة صغيرة مفرومة ناعما جداً
ملعقة زغيرة دبس بندورة (ملعقة صغيورة ماطيشة الحك)
2/1 كيلو لحمة مع العضم /ممكن تكون لحالها إذا بتحبي/
4-5 حبة زغيرة بطاطا /متل تبع السلق/
3-4 حبة جزر (3-4 خِزّو)
2-3 حبة متوسطة كوسا (كرعة كبيبرة – مش كبيرة هي كبيبرة يعني أزغر بشوي)
2/1 كأس حمص منقوع (حمص فازك)
ماء مغلي

التوابل:

2/1 ملعقة زغيرة فلفل أسود (إبزار)
2/1 ملعقة زغير زنجبيل مطحون (سكين جبير)
ملعقة صغيرة زعفران (هي نفسها)
ملعقة كبيرة بقدونس مفروم (معدنوس)
وملعقة كبيرة كزبرة خضرا مفرومة (قصبور)

يالله نبلش.





• نفرم البصلة، نقشر البطاطا ، ونقشر الجزر ونقطعها أنصاف أو أرباع حسب حجم الحبة وثخنها ونقطع الكوسا إلى أربعة أقسام بالطول ثم بالعرض.

• نحتاج بداية إلى الكسكاس أو الإناء الذي يطبخ فيه الكسكس (كما هو ظاهر في الصورة) وإذا لم يتوفر فمن الممكن الاستعاضة عنه بطنجرة وعليها مصفاة ناعمة من فوق.




• نذوب السمنة في الطنجرة ثم نضيف الحمة ونرفع النار ونقلبها حتى يختفي اللون الزهري ويجف مرقها. نضيف البصلة ونقلب حتى تصبح شفافة ثم نضيف ملعقة دبس البندورة ونقلب لدقيقة أخرى.

نغسل الحمص من ماء النقع ونصفيه ثم نضيفه للحمة ونغمرها بالماء المغلي ونغطي الطنجرة ونتركها نقريباً نص ساعة أو حتى يقارب الحمص واللحمة النضج.

• في هذه الأثناء نخلط الماء الدافيء (الكأس ونصف) مع الملح وزيت الزيتون والزيت العادي، نفرد الكسكس الجاف على طبق واسع ثم نرشه بجزء من مزيج الماء والزيت (تقريبا ربع الكمية) ثم نفركه قليلاً حتى يستوعب الكسكس الماء. نتركه تقريباً ربع ساعة، ثم نرش جزءً آخر من الماء ونقلب ونتركه ، ونعيد العملية على الأقل 3 مرات حتى نجد أن حبات الكسكس انتفخت وامتصت الماء والزيت.



• بعد أن اقترب اللحم والبصل من النضج نضيف الخضار والبهارات ونضع الكسكس على المصفاة ونترك الخضار تنضج وبنفس الوقت الكسكس سوف يستوي على البخار الغني بنكهة اللحم والبهارات.

• يجب تقليب الكسكس من حين لآخر حتى لا يتكتل.

• للتقديم نضع الكسكس في طبق طبير، نصفي المرق من مزيج اللحم ، ثم نوزع اللحم والخضر والحمص على الوجه.




• يقدم الطبق مع زبدية من المرق اللذيذ حيث يضيف الشخص كلما أحس أن الطبق ناشف. وصحتين وهنا.




سر الطبخة:

• لا نضيف كل كمية الماء إلى الكسكس دفعة واحدة وإلا سوف يتعجن وتفقد الحبات شكلها.

• يجب أن تحافظ الخضار على شكلها وذلك دون طبخها زيادة حتى لا تتفتت ويصبح المرق غير صافي
  • وصفات تانية ممكن تعجبك


التعليقات

  1. منى 1 April 2010

    دلوش هل الوصفة من اميز الوصفات الي عدت على راسي , سواء من المقدمة الي فيها معلومات اعرفها لاول مرة للمكونات الي لولا لحقتينا بالترجمة كنا فتنا بستميت حيط , وصولاً للصور الي بتشهي الي مو مشتهي و نهاية بخفة دمك و روحك الحلوة ..

    انا متل ما اكتشفتي مو طابخة الكسكسي و لا بحياتي دقته و لا بحياتي شفته غير بالصور . بس مع شرحك هادا ناوية انزل و بحبش على كسكسي و كمان ريزيتو . انا بذكر مرة شفت ان اله اكتر من نوع , يا ترى شو احسن نوع

    الف الف شكر دالو , و اتمنى ان تخبيلنا دوما هيك وصفات :zzz

  2. لارا مينا 2 April 2010

    هي الوصفة كأنة صفحة ثقافية أكثر من كونها طبخة وحلوة فكرة المقادير مع الترجمة :grin
    وأنا مثل الأخت منى عمري ماشقت الكسكس أو ذقته بس بعد مانزلتي الوصفة ناوية أكيد وعلى فكرة فيه مطعم مغربي بيقدم اكل مغربي على أصوله بس لما دخلته ماكنت جوعانة بس طلبت لي شاي مغربي وجدا مميز وإن شاء الله لما أسافر المرة الجاية لازم أطلب كسكس بعد وصفك المميز.

  3. نادين 2 April 2010

    يالهي انا دقتو الكسكس عند وحدة رفيقتي ببريطانيا .. وهلق كنت ماسكه القلم لاكتب شو المقادير وخلي جوزي يجبلي ياها بس متل ماقالت لارامينا دخت بالمقادير والوصفه وكانها صفحه ثقافيه الله يعطيكي العافيه

  4. ميسونو 2 April 2010

    كاه كاه كاه
    اليوم مفتوحة شهيتي ع التعليق
    وعجبتني كتير منك يا دالو حكاية الطبخ الموزمبيقي
    يلا يا منى
    هاتيلك شي طبخة موزمبيقية
    …..
    شكراً ع الكسكسي .. سبق أن ذاقته أختي وشجعتني جربه .. وهلق بوجود طريقتك التفصيلية رح قوي قلبي بإذن الله
    بس بصراحة

  5. ام نور 2 April 2010

    فعلا يا اخوات الكسكس اكلة كتير كتير طيبة ومعتبرة انا اول مرة دقتها كنت معزومة عند ناس لبنانين حبو يعرفونها عليها فما حبيتها بالمرة لان فرق بين اكلنا واكل المغرب فاستغربتها بس مرة تانية اكلتها عند وحدة مغربية ماشالله عاملتها عاصولا فمن وقتها صرت حب هالاكلة واشتريت الطنجرة الخاصة وصارت من وصفاتي الاساسية وبنصحكون تجربوها

  6. semo 4 April 2010

    شهيتيني اخد لقمة من هالصحن

    الحمد لله ماكنت حامل خخخخخخخخخخخخخ

    هالاكلة من الاكلات اللي بعشقها واللي بياكلها مابيشبع منها ولو شبع بعد شوي رح يجوع

    يسلم هالديات دلوش

  7. farah 4 April 2010

    هالوصفة كتيييييير طيبة انا بعملها كتير والمفاجأة السارة للي حابب يجربها ان فيكم تستبدلوا الكسكسي بالبرغل الناعم انا من زمان صرت استعمله لعدة اسباب من أهمها لقيته بصراحة اطيب وأسهل بكتييير
    انشاء الله ما تزعل صاحبة الوصفة من الاقتراح بس عن جد جربيه وبتدعيله لأن بختصر شغل كتير والنتيجة بتكون روعة انا بس بغسل البرغل الناعم وبنزل عنه المي وبتركه شوي لينفش ويتشرب باقي الماء العالق فيه بعدين بضيفه للمصفاة اللي فوق طنجرة الخضار واللحم وبغطيه بعد 10 دقائق بحركه بالشوكة وبعد 10 دقائق كمان بضيف السمنة أو الزبدة حسب الرغبة وبضيف الملح وبغطيه وطبعا يقدم بنفس الطريقة
    وشكرا يا دالو على شرحك الوافي على فكرة انا بغير بالخضار بحسب ما ذقته عند صديقاتي يعني بضيف كوب فول اخضر بضيف قطع من اللفت اللي نحنا الشوام ما بنعرفه الا مخلل بس بهالأكلة لذيذ لأنه بيذوب متل باقي الخضر ممكن كمان بدل اللحم استعمل الدجاج ونفس الطريقة بس بكتر شوي الزنجبيل والبقدونس والكزبرة يعني بضيف نصف باقة من كل وحدة سامحوني عالاطالة بس سبحان الله كنت من فترة عم فكر نزللكم هالوصفة لأن بلاقيها لذيذة ومفيدة ومرنة باستبدال انواع الخضار حسب المفضل لك وكمان بضيف البندورة الخضرا بدل الناشفة بحسها اطيب يعني كل شخص وذوقه

  8. منى 5 April 2010

    يا سلام فروحة على هل الاضافة . كتير حفر و تنزيل للي مو متوفر عندهن متل حكايتي .

    قصدك بالبرغل النام برغل التبولة و الا برغل الكبة ؟

  9. dado 5 April 2010

    شكرا كتير لكل الصبايا على مشاركتكن
    الحمدلله انو الوصفة عجبتكن
    ويلي مو دايقة الكسكس لحد هلأ تلحق حالها :grin
    فرح شكرا كتير على الإضافة وبتصور إنو بتطلع الطعمة قريبة كتير للكسكس الحقيقي وهيك بيتشجعوا الإخوات يلي بسوريا يجربوا الوصفة أكتر

  10. ام نور 5 April 2010

    والله هي فكرة بالبرغل يا اخوات بس لا تواخذوني ما عاد اسمو كوسكوس :grin لازم تنقوا اسم تاني بهل حالة

  11. farah 5 April 2010

    حبيبتي منى انا بستعمل للتبولة نفس برغل الكبة الناعم ليه انت شو بستعملي؟؟ :)

  12. ris 6 April 2010

    سلاماتي اخت منى كيفكم انا كتير مشتاقه للحكي معكم بس ما عم لاقي الوقت على كلن انتو مجموعه حلوه كتير وبتشهو وبصراحه مالقيت لحالي مكان بينكم .على كلن انا كنت بدي اسال عن وصفتة الخضار بالبشاميل الي ارسلتلك اياها باينتها ما عجبتك بس حبيت اشارك معلكم فيها لانها عن جد كتير لذيذه سلام

  13. ام نور 7 April 2010

    شو هالحكي ris شو ما لقيتي كلام بيناتنا بزعل ها الموقع موقعك واهلا وسهلا فيكي معنا :)

  14. منى 8 April 2010

    اللله يسامحك اختي :roll كيف ما لقيتي مكان الك , بيتنا كبير و بيوسع الكل , و انا اتاخرت بالوصفة مو لان ما عجبتنب , بس لان عندي اكتر من 25 وصفة من الاخوات و عم انشرهم بالترتيب حسب ما وصلوني

    دايما النت هون بين خواتك ;)

  15. juman 14 May 2010

    طبخة كتير طيبة.نحنا بفلسطين بنسميها مفتول..وبتنعمل بطريقة مشابهة كتير باستخدام البرغل الناعم والطحين وبينفركو بمية مملحة..ولليخنة بنحط القرع الاصفر بالاضافة للي ذكرتيه..وانل للاسف ما بعرف اعمله :roll ؟؟بس ان شالله رح اتعلمه..يسلمو كتير وعن جد شهيتيني

  16. منى 14 May 2010

    هلا جمان :)
    ان شاء الله بتتعلميه و بتعلمينا

    معك حق تشتهي , الصحن بيشهي :zzz

  17. samira78 14 May 2010

    تحية الى الأخت دادو صاحبة الوصفة و الى الأخت منى صاحبة الموقع الرائع انا جزائرية اكتشفت الموقع منذ فترة و اصبحت من متابعين جديده المميز اما عن الكسكسي فهو الطبق الشعبي رقم 1 بالمغرب العربي عندناو له عشرات انواع التحضير ما بين حلو و مالح .

  18. gsm 20 December 2010

    السلام عليكم اخت dodo شو بدي اخبرك لك يسلموا ايديك كتيييييييير على هل الوصفة يللي كتيير واضحة امبارح كان غدانا كسكسي طيبة طيبة طيبة كتيير كتيير وصارت من الاكلات المعتمدة عندي بس انا بصراحة حسيت الكسكس شوي لزق يمكن ضفتله مي زيادة بس الواحد بيتعلم باعتباري هي اول مرة بطبخ الكسكس وحتى زوجي عجبته الاكلة كتيير وقلي زابطة معك مع انو بعمري ما اكلتها ولا دقتها ولا حتى بعرف شكلها هههههه الله يطيك العافية يا رب ويا ريت ما تبخلي علينا بهيك وصفات مميزة ولذيذة :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)