المخلوطة


         وصفة : منى                 2007/08/15                 17 تعليقات
المخلوطة

·          يغسل العدس جيداً ثم يغمر بثلاثة لتر من مرق الدجاج و يتبل بالكمون و يضاف الملح حسب الحاجة ثم يوضع القدر على نار متوسطة و يترك حتى يغلي , تهدى النار و يغطى القدر و يترك العدس حتى ينضج تماماً .

·          يوضع مزيج العدس في خلاط الكوكتيل و يخفق حتى يصبح ناعماً ثم يعاد للقدر و يضاف المزيد من المرق إذا كان المزيج سميك و يترك حتى يغلي .

·          تقلى البصل بزيت الزيتون أو السمنة حتى يشقر قليلاً , تضاف اللحمة و تقلب على نار قوية  و تفكك بالملعقة حتى تنضج و يجف كل مرقها ثم تتبل بالبهار .

·          قبل التقديم تضاف اللحمة و البصل المقلي و الرز  للمخلوطة و تترك لتغلي بضع دقائق فقط ثم تسكب في طبق التقديم و تزيين بالفليلفة الناعمة و تقدم مع عصير الليمون و مكعبات الخبز المحمصة .  

2 كوب عدس أحمر مجروش
3 – 4 ليتر مرق دجاج أو ماء
نصف ملعقة صغيرة كمون
4 - 5 ملعقة كبيرة أرز مصري مطبوخ
4 ملعقة كبيرة زيت زيتون أو ملعقة كبيرة سمنة بلدي
نصف كيلو لحمة غنم مفروم ناعماً
نصف ملعقة صغيرة بهار مشكل
2 حبة بصل كبيرة


للتقديم :

خبز محمص
فليلفة ناعمة بودرة
عصير ليمون





• يغسل العدس جيداً ثم يغمر بثلاثة لتر من مرق الدجاج و يتبل بالكمون و يضاف الملح حسب الحاجة ثم يوضع القدر على نار متوسطة و يترك حتى يغلي , تهدى النار و يغطى القدر و يترك العدس حتى ينضج تماماً .

• يوضع مزيج العدس في خلاط الكوكتيل و يخفق حتى يصبح ناعماً ثم يعاد للقدر و يضاف المزيد من المرق إذا كان المزيج سميك و يترك حتى يغلي .

• تقلى البصل بزيت الزيتون أو السمنة حتى يشقر قليلاً , تضاف اللحمة و تقلب على نار قوية و تفكك بالملعقة حتى تنضج و يجف كل مرقها ثم تتبل بالبهار .

• قبل التقديم تضاف اللحمة و البصل المقلي و الرز للمخلوطة و تترك لتغلي بضع دقائق فقط ثم تسكب في طبق التقديم و تزيين بالفليلفة الناعمة و تقدم مع عصير الليمون و مكعبات الخبز المحمصة .
  • وصفات تانية ممكن تعجبك


التعليقات

  1. linda 15 August 2007

    بتعرفي امي كانت كل ما تساوي هل الطبخة تنخانق لاني ما بحبا و مجبورة اكول منها غصب عني :cry

    بس بتزكر امي كانت تحط معها حمص و فاصوليا حب حمرا
    ما بعرف ازا نفس الاكلة بس كانت تسميها مخلوطة على كل حال :upset

  2. منى 15 August 2007

    يااا حررام :roll

    هي مشكلة الأهل الي بيجبروا الاولاد على شي أكلة ,, بيبطل الولد يحبها طول عمره :sigh

    هلا إذا تحبي شوربة العدس فمعناها رح تحبي هل الوصفة ;)

    يم يم , أنا بحبهااا كتير 8)

  3. ام نور 30 November 2007

    في اكلة منعملا بلبنان اسما مخلوطة كتير بحبا وهي عبارة عن كوسا وبطاطا ولوبيا وباطنجان وبصل بيدبلون مع صلصة البندورة والبهارات شو طيبة بس ولا مرة ظبطت معي الخضرا هون دغري بتستوي وبتصير بيورية بينما هي لازم الخضرا تكون مستوية بس محافظة على شكلا ومانا مخبوصة وكانت امي تدبل اللوبيا الخضرا بالاول بعدان الباتنجان وبالاخير الكوسا والبطاطا لان بيستوا بسرعة ما بعرف اذا بتعملوا هالاكلة بسوريا ;)

  4. منى 1 December 2007

    لا و الله يا ام نور بحلب ما منعملها

    بس في أكلة بالشام قريبة من وصفتك اسمها الطباخ روحو :grin

    و هي كمان خضرة مشكلة بتنطبخ بميتها و بتصير كتير طيبة

    بس هي مع لحمة :roll

    ان شاء الله بس ما صار وقت البانجان و الكوسا ببقى بنزلها اذا الله راد ;)

  5. ام نور 1 December 2007

    وهيدي الاكلة كمان في ناس بيحطوا معا لحمة حسب الرغبة بس تعتبر من الاكلات القديمة في لبنان :)

  6. منى 2 December 2007

    ممم كتير طيبة كيف ما كانت :)

    نورتي يا عسل ;)

  7. لارا مينا 22 April 2008

    إلى العزيزة منى ,هل المقصود بفليفلة ناعمة بودرة الفليفلة الحمراء الطازجة أو فليفلة ناشفة تطحن لتصبح بودرة. وتسلم عيونك على المجهود الطيب إلي تسوينه.

  8. منى 22 April 2008

    هلا لارا :) أقصد فيها الفليلفة الحمرا الناشفة و المطحونة و ممكن تسميها كمان بابريكا لما تكون حلوة ;)
    ان شاء الله تجربيها و تعجبيك:)

  9. عابد 13 September 2008

    الحقيقة أنا ما إلي كتير بالطبخ و بالمطبخ، بس الغربة جبرتني صير هيك، أنا عايش بفرنسا و صحن مخلوطة عندي بيسوى الدنيا كلا.

    حبيت كتير أتشكرك على هالوضفات اللذيذة، إنو بما إنو سورية و حلبية فأكيد رح تكون بتجنن

  10. منى 14 September 2008

    مية هلا فيك أخ عابد , ان شاء الله بترجع لبلدك غانم و سالم بإذن الله , مية هلا فيك و الشكر ليك على الرد و التواجد الطيب

  11. منامينو 9 November 2008

    عزيزتي منى، سبحان الله!! :eek بتعرفي إنه المطبخ السوري هو أقرب المطابخ العربية للمطبخ التركي؟؟ :? بتركيا بيعملو نفس هاي المخلوطة بس بدون لحمة، وبيسموها….. مهلوطة!!! :grin ، كنت متأكدة إنه أصل هذا الإسم عربي، مبينة يعني، بس هلأ أثبتي لي قطعاً 8) .. بس يسلمو إيديكي، يعني حلوة كتير هالفكرة، راح جربها ان شاء الله باللحمة الناعمة وشوف الفرق :x

  12. منى 9 November 2008

    كلامك صح اختي و خصوصا المطبخ الحلبي , بتلاقي كتير وصفات متشابهه و حتى الها نفس الاسم التركي
    ان شاء الله تجربيها و تعجبك , انا بالنسبة الي من وصفات الشتا المفضلة عندي ;)

  13. ام سيمى 26 December 2008

    السلام عليكم ست منى
    الله يعطيكي العافية
    هذه هي المخلوطة التي احب
    على فكرة انا من حلب لهذا لفت نظري موقعك واعجبني
    انت لست بحاجة لشهادتي ولكن اطباقك رائعة وشكرا لك دائما

  14. منى 26 December 2008

    الشكر الك ام سيمى على تواجدك في الموقع وردودك :)
    مية اهلا و سهلا و ان شاء الله تجربيها و تكون على زووءك ;)

  15. إم الزوز 27 September 2009

    أهلي مسافرين فقلت يا بنت شو رح تعملي، مالي غير المخلوطة زمااان عنها..
    كتبت بالجوجل مخلوطة طلع لي خربيط غير الطبخ، قلت مالي إلا لقمة طيبة 8)
    على فكرة ماما بتدخل دائما موقعك، اللي لفت نظري هو إنو تصوريرك للأكلات حلو، يعني هلء في ستات بيصوروا الأكلة وهنن عاملينها بكاميرا الجوال فبتتطلع بايظة كتير
    يعطيكِ ألف عافية ;)

  16. منى 27 September 2009

    هلا ام الزوز :)
    مية السلامة بهل القامة , ان شاء الله يرجعوا اهلك بخير , ما شاء الله عنك ;)

    ان شاء الله تجربي هل المخلوطة و تطلع طيبة , انا بحبهاا كتير و هلا شهيتين عليها

    الف شكر الك لردك , نورتي ام الزوز :zzz

  17. ورد 4 May 2011

    معقولة انت انا مابحب العدس اصلا اذا اكلتو بنأذى بس ماحسيت حالي الا وانا عمطلع عاالمخلوطه واشتهيت اني جربها وانا متاكده اني رح جربها لانو من اديكي حتى المخلوطه طالعه طيبه طبعا انا هيك عم احكي لانو مابحبا ابدا المهم عند سؤال اشو قصدك بالعدس المجروش هو العدس العادي يلي منشتريه لونه برتقالي ولا اشو ويسلمو ايديكي على هالموقع وانا كل يوم بفتح وبستنى منك شي فكره حلوة رح احفظ وصفاتك على قد ما بفتش فيهن كل يوم

تقييم الوصفة
عاديةقد أحضرهاجيدةممتازةأكثر من رائعة (2 votes, average: 1.50 out of 5)