اليقطين بالطحينة


         وصفة : منى                 2008/11/16                 52 تعليقات
اليقطين بالطحينة

كيلو يقطين
نصف كيلو لحمة غنم مفرومة ناعماً
نصف ملعقة صغيرة بهار مشكل
نصف كوب طحينة
نصف كوب عصير ليمون
2 كوب و نصف مرق أو ماء
ملح





يقطع اليقطين لمكعبات بحجم متوسط ثم يقلى بالزيت أو السمنة حسب الرغبة حتى يشقر . يرفع على ورق ماص للتخلص من الزيوت الزائدة .

تقلى اللحمة مع البهار بالقليل من الزيت و تقلب و تفكك بالملعقة حتى تنضج و يجف مرقها .

ترقق الطحينة بالماء ثم يضاف الليمون و الملح , يمكن تقليل أو تكثير كمية صلصة الطحينة حسب زوءك و رغبة عائلتك .

توضع اللحمة و البقطين و صوص الطحينة في طنجرة على نار متوسطة و تترك لتغلي , تهدى النار و تغطى الطنجرة و تترك حتى ينضج اليقطين و يمتص الصوص .

تقدم الوصفة حارة مع الأرز المفلفل و مع الفجل و الرشاد .
  • وصفات تانية ممكن تعجبك


التعليقات

  1. قهوه مُره 16 November 2008

    السلام عليكم ورحمة الله وبركاته…كيف حالك أختي منى ..سلامي لجميع الأخوات..أولا مبروك إفتتاح الموقع بس كيف بنفتح عليه..تانياأنا بعتئد إنه هالأكله قرع باللبن..نسيانه شو إسمها..تالتا بدي إسألك عن الكريما ..دايما بينكتب وبنقرأ كريما فريش .مابعرف شو يعني إذا تكرمتي أوليلي وين بلائيها .مع العلم أنا مقيمه بجده.وإذا كانت بالسوبرماركت وين بتكون بقسم الأجبان ولا بالتلاجات…أفيديي أفادك الله..مع خالص الشكر :)

  2. لارا مينا 16 November 2008

    مساء الخير ألف ألف مبروك الموقع الجديد وعقبال اللغة الفرنسية والإيطالية وجميع اللغات بإذن الله وفكرة مميزة والله للتواصل وحتى لو كان الموقع باللغة الأمازيغية رح نتواصل مع موقعنا الحبيب أكيد (والله فرحت كثير ) …وبالنسبة للوصفة الصراحة ما عرفتها بس دايماأحب أحاول يمكن تزبط أتوقع قرع بالكريما السائلة . وعندي يامنى مجموعة أفكار للموقع هل أرسلها على الإميل أو برد عادي حتى أضمن إنها توصلك …تحياتي .

  3. المغتربة 16 November 2008

    هذه اول مرة اشارك بصراحة موقع كتيررررررر حلو انا سورية مقيمة بالمملكة من 15سنة
    وبحب جرب اكلاتك تسلم الايادي

    الاكلة اكيد فيها يقطين (القرع ) :grin :grin [B][/B]

  4. سارونات 16 November 2008

    ألسلام عليكم و رحمة الله و بركاته
    اختي منى مبروووووووووووووووووووووووووووك و ربنا يوفقك و يكتبلك النجاح في كل خطوة عم تخطيها
    انا عم شوف ان الوصفة بطاطا مع شوية لحمة مفرومة و بقدونس و صوص بيشاميل هاد اللي طلع معي بس عم تقولي انها صعبة يعني معقول ما تكون بطاطا :?
    اكيد ناطرة تفاصيل الوصفة يوم الثلاثاء ان شاء الله بس ما قلتيلي اختي منى شو قررتي بالنسبة لمصيري راح تزتيني من الشباك او لا :grin
    سلام

  5. ميساء 16 November 2008

    السلام عليكم مبروك سيدة منى على الموقع الانجليزي والله يحمي هالموقع يارب وبالنسبة للوصفة اعتقد أنها يقطين بلبن أو يمكن بحمض و طحينة وهي أكلة كتير طيبة وعلى كل حال اليقطين لذيذ ومفيد وممكن ينعمل منه متبل وكمان بينطبخ مع حمص ومرقة بندورة متل (الطباخ روحو)وشكرا كتير ست منى

  6. بدور 16 November 2008

    الف الف مبروك ميمو الحلوة والله يتمملك بالخير يارب و يباركلك بكل فكرة جديدة وكل حركة بتعمليها

    والله افكارك كتير حلوة وفيها حماس دائم وانا متأكدة من نجاحك بإذن الله ورح كون اول المشجعين الك والله لا يضيعلك تعب يارب..

    اذا جينا عالوصفة الجديدة..مممممممممممممممم!
    سفرجل.. قرع.. شي تاني.. الله اعلم لحد الأن ماعرفت شي بصراحة بس مبينتها مشهية :roll

    وفكرة المسابقة لتقديم وصفاتنا كتير حلوة ومشجعة بس للأسف مارح ائدر اكون من الشطورين فيا بما اني ماعندي خبرة بالطبخ بس حبيت الفكرة كتير والله يبارك للجميع ;)

  7. تورتاية بالكريز 16 November 2008

    الف مبروك حبيبتي الموقع بالانجليزية ان شاء الله اخبارك حلوة ع طول يارب وموفقة حبيبة قلبي
    الوصفة اعتقد بطاطا مع لحم مفروم بالكريمة هيا شكلها بطاطا يارب تكون صح وتسلميلنا ياقمرنا

  8. منامينو 16 November 2008

    أهلين حبيبتي منى. أول شي ألف مبروك على تطور الموقع وإنه صار بالإنجليزي. وان شاء الله لمزيد من التطور والتوفيق يا رب.

    أما عن الوصفة، فيا ستي ما دام بتقولي إنها من خضار هلأ موسمها، فبدها تكون يا قرع يا سفرجل. بس على كل الأحوال هي وصفة جديدة عليّ، وبانتظار طريقتها على أحر من الجمر. وتسلميلي شو بتحطيلنا وصفات حلوة كتير ومشهية للعين قبل الأكل.

  9. haya 17 November 2008

    السلام عليكم اخت منى مبروك للموقع الجديد وان شاءالله للأحسن وللأمام باذن الله

    الوصفة هذه على ما اعتقد انه قرع اصفر لأنه هو هلأ موسمه صح ولا انا غلطانة واعتقد انه معه كريما ولحمة مفرومة وبقدونس

    اخت منى انا بعثت لك وصفة دجاج بس ما بعرف وصلت ولا لأ وشكرا لك

  10. سلاف 17 November 2008

    السلام عليكم للجميع 000 كيفك منى والله صرلي كم يوم الدي اس ال فيه مشكله وماعم يفتح النت طلعت روحي وحسيت باكتئاب شديد لليوم الحمد لله تصلح 000 وان شاء الله مابقى تنعاد 00 المهم شايفه بالصوره قرع بس شو الاكله ما بعرف ناطرتك لنشوووف شو هالاكله اللي مبين عليها شهيه كتير 00 شكرا منىىى 8)

  11. سلاف 17 November 2008

    نسيت باركلك الف مبروك منى عالموقع الانجليزي والله يحميكي ويحمي موقعك عربي وانجليزي من كل هكر ومن كل الاشررررااااار :roll

  12. منى 17 November 2008

    هلا فيك أختي قهوة :)
    الشكر ليك و الرابط موجود فوق , الكريما فريش لازم تلاقيها بقسم التلاجات و هي على الاغلب بعلب كرتون و مكتوب عليها كريم فريش

  13. منى 17 November 2008

    مية هلا لارا :)
    الله يبارك فيك و بعمرك دايما أختي و ممكن تبعتي الافكار متل ما بتحبي اما بايميل او برد و ان شاء الله بتوصلني ;)

  14. منى 17 November 2008

    هلا اختي مغتربة :) نورتي اختي و ان شاء الله تجربي وصفات و تعجبك

  15. منى 17 November 2008

    و عليكم السلام و رحمة الله و بركاته سارونات :)
    الله يبارك في عمرك و دينك و الف شكر ليك على الدعوات , بعدها شو زحلك و ما زحلءك , بيتك يا قمر :grin

  16. منى 17 November 2008

    هلا ميساء :)
    اول مرة أعرف ان اليقطين بيصير متبل , اكيد لازم تشاركي بهل الوصفة :zzz

  17. منى 17 November 2008

    هلا بدورة :)
    انت اول واحد علقت على المسابقة ,اتمنى ان ما يكون هادا دليل ان و لا واحدة رحة تشارك :upset :grin
    ما الي علاقة ممكن الاستعانة بصديق متل ماما , انت اول المشاركات , هو انا ما سدقت :zzz

  18. منى 17 November 2008

    هلا ام ياسمين يا قمر :)
    الله يبارك بعمرك و قلبك و دينك
    منورة على طوةل حبيبتي

  19. منى 17 November 2008

    هلا منامينو :)
    هادي من زووءك حبيبتي و لطفك , الله يخليك على الدعوات الحلوة :)

  20. منى 17 November 2008

    هلا هيا :)
    الله يباركلك أختي و وصفتك وصلت , بس في قبلها كم وصفة للنشر , الف الف شكر ليك عليها ;)

  21. منى 17 November 2008

    هلا سلاف :)
    و الله استفقدتلك و قلت ان شاء الله المانع خير , الله يبارك بعمرك ختي
    أأأمين يا رب و من كل أولاد …. الي بيخربوا بس لان جاي الهم مزاج

  22. رنا 17 November 2008

    شي كتير لذيذ بس مابعرف شو انا بخمن يا قرع يا سفرجل بس السفرجل مابظن يصير باللبن الاممكن يصر معك لانه انتي ام الافكار ;) بس الاغلب قرع لانه في اكلة بتعملها ستي بالشام اسمها ابو بسطي وهيك بالقرع وشغلات بس بتوقع هديك بمرقة حمرااا
    وبالنسبة للمسابقة رح كون متل بدور من المتعلمين وغير المعلمين لاني جديدة عالمصلحة بس بفيدك بشغلات انشالله

  23. souha 17 November 2008

    السلام عليكم
    ألف مبروك أخت منى على الموقع الجديد ما شاء الله و صلنا للعالمية أمنياتي لك بالتوفيق و النجاح يا رب على طول
    أعتقد أنو الوصفة فيها قرع شتوي بس بقية المكونات ما عرفت إذا كانت كريما أو لبن , والدتي بتعمل من القرعة الشتوية أكلتين وحدة إسمها كفتة القرعة و الثانية شيخ المحشي بالقرعة

  24. منى 17 November 2008

    هلا رنونة :)
    ما الي علاقة , لاااازم تشاركي و لو بوصفة صغيرة , هلا انت استني بالاول و بعدها نبقى نحكي :zzz

  25. منى 17 November 2008

    و عليكم السلام سهى :)
    الله يبارك بعمرك كله حبيبتي كلك زووء
    ما عرفتها هي كفتة القرعة , لازم تشاركي فيها ;)

  26. رندوش 17 November 2008

    الف الف مبروك منى من تقدم لتقدم دائما ان شاء الله
    عزيزتي منى
    يمكن قلقاس احنا موسمه قلقاس بلحمه مفرومه
    :x :x :x

  27. منى 17 November 2008

    الله يبارك بعمرك رندوشة يا قمر :)
    انا ما بعرف , فقثدت الزاكرة بس بترجعلي بكرة :grin

  28. سمسمة 17 November 2008

    حبيبة البي منى ممكن يكون يقطين باللبن

  29. منى 17 November 2008

    :roll

    يمكن :zzz

  30. ام نور 17 November 2008

    انا كتير محتارة ساعة بقول بطاطا ساعة سفرجل فما عندي اجابة صحيحة بس اكيد اكلة طيبة ومميزة عم استنى الجواب بوقرة انشالله

  31. ام دانية 17 November 2008

    احلى سلام الاحلى ست منى بصراحة هل المرة مصعبة الوصفة انا بقول بطاطا ومعا كريمة ولحمة وبقدونس وعلى فكرة كتير عجبتني فكرة المسابقة وانا كتير متحمسة الها صحيح انا ما بطلع نقطة ببحرك بس يالله الوحدة بتجرب :cry وان شاء الله هاد كلو بميزان حسناتك

  32. منى 18 November 2008

    هلا ام نور :) يلا بعد شوي رح نزل الوصفة اذا الله راد :)

  33. منى 18 November 2008

    هلا ام دانية :)
    ااامين أختي و ان شاء الله انت كمان , انا بانتظار وصفاتكم و كتيررر متحمسة الها
    حابة اتعلم اشيا جديدة عن اليقطين , يلا ما تتاخري :zzz

  34. ام نور 18 November 2008

    يعد اليقطين، والمعروف بقرع العسل في بعض البلاد العربية، من أسهل الخضراوات هضماً وأكثرها فائدة للصحة. فهو غني بمضادات الأكسدة التي تقوي المناعة وتقلل فرص الإصابة بالأمراض المزمنة مثل السرطان وأمراض القلب.
    واليقطين غني أيضا بفيتاميني “أ” و”ب”، وكثير من الأملاح المعدنية، كما أنه مسكن وملين ومدر للبول ويساعد في علاج البواسير والتهاب الأمعاء والأرق. ويستعمل اليقطين في الطب الشعبي في علاج الحروق. ويذكر أن تناول كوب من اليقطين المطهي يمد الجسم بـ50 سعرا حراريا فقط، بينما يحتوي على 3 جرامات من الألياف. وقد بينت الدراسات أن بذور اليقطين (اللب الأبيض) مفيدة أيضا، حيث تقي من أمراض القلب وتساعد في علاج أمراض البروستاتا.

  35. ميساء 18 November 2008

    عزيزتي منى ما بتتخيلي قديش كنت فرحانة لما قرأت ملاحظتك بأني بس أنا اللي ذكرت اليقطين بطحينة ويسعدني كثيرا أن أشارك في المسابقة الجديدة وأنا أحب المطبخ جدا و أدخله برغبة وحب شديد وطبخي طيب بشهادة من حولي ولكن عندي مشكلة بالمقاديرلأني بعمري ما عيرت شيء طبعا ما عدا الكاتويات وأعتمد على النظر والتذوق وما بعرف كيف بدي أبعث لك بعض الوصفات :cry وشكرا مجددا لك يا أروع طباخة

  36. منى 18 November 2008

    ممم ألف شكر ليك ام نور على المعلومات المهمة ..
    انا اعرف أن في مضادات أكسدة بس كل الباقي ما بعرفه :roll
    أغنيتي الوصفة يا قمر الف شكر ليك ;)

  37. منى 18 November 2008

    هلا ميوسة :)
    معك حق بقصة المقادير , كتير طبخات الواحد بيحسها على النظر ..

    انت ابعتي الوصفة و لو ممكن بمقادير تقريبية لحتى الكل يستفيد و نبقى نذكر قبل الوصفة ان المقادير تقريبية ;) ممكن تبعتي الوصفات باي رد , بانتظار مشاركتك اختي

  38. سلاف 18 November 2008

    يعطيكي العافيه منى 000 كنت بدي اسألك اللي بدها تبعتلك وصفه كيف بتبعتها يعني بكتب رد هون وبتصير عندك وسؤال تاني اذا لازم الوصفه تكون مجربه وبالصور طيب كيف فيني ابعتلك الصور ؟؟ هلأ لو كان فيه نظام الرسائل او ايميل خاص الك بالموقع منى لقمه طيبه هوت ميل دوت كوم كان الموضوع اسهل من انه نحملها على موقع ونبعتها ؟؟؟ قوليلي شلون بدي ابعت الصوور مع الوصفه ؟؟
    تذكرت بدي شارك بالمسابقه مع انه بعتقد ماخرجي شيئ زياده بالمطبخ بطلع نقطه ببحرك بس ليش لاء بنجرب بركي بيطلع معنا شيئ طيب بلقمه طيبه :roll
    كمان عندي سؤال الوصفه لازم من اختراعنا ولا عادي اكله دقناها عند حدا وعجبتنا وجربناها وطلعت طيبه 00 مابقلك اني مابخترع بحاول اخترع واحيانا بطلع معي شيئ طيب واحيانا بخبص وبيحمر وجهي :(
    وشكرا عالاكله الطيبه بس يجبلي زوجي القرعه منشان اشتغل فيها رح جرب ساويها ولا مره جربتها بهالطريقه

    ناطره ردك تسلميلي منى

  39. منى 18 November 2008

    مو ضروري الوصفة تكون مصورة , هو الاحسن تكون بس مو ضروري ;) و فيك تحملي الصور على ايا موقع للتحميل و بترسلي روابط الصورة

    الوصفة مو ضروري ابدا من اختراعك , اي وصفة بتعرفيها ان شاء الله من الهنلولو ممكن تشاركي فيها :zzz

    عم استنى الوصفة و ان شاء الله تجربي هل الطريقة و تعجبك ;)

  40. ام محمد 18 November 2008

    اختي الغاليةمنى الف مبروك ع الموقع الجديدوان شاءالله من احسن لاحسن :)

  41. الدمشقية 19 November 2008

    حبيبتي منى أنا بحب الأبو بسطي كتيييييييييييييير وخصوصاً بعد ما سمعت مرة من المرات هذا الحديث وعرفت أنه حديث صحيح صرت حبه أكتر وأكتر وكمان الكبة بيقطين لذيذة فعلاً
    :zzz
    وانت هيك حبيبتي ما خليتي أكله من أكلات اليقطين إلا وقلتيها 8) يعني نحن شو بدنا نقول بقا :sigh
    والله يجزيك الخير حبيبتي على الكلام فعلاً لازم نحتسب كل شيء حتى كل نفس من أنفاسنا عند الله تعالى وعند رب العالمين ما بيضيع شي :)

  42. الدمشقية 19 November 2008

    أنا أسفة حياتي نسيت باركلك على الموقع الجديد ;) أنا دخلت عليه وفعلاً ربي يقويك ويكرمك من واسع فضله وكرمه يارب ;)

  43. haya 19 November 2008

    السلام عليكم اخت منى انا بعثت تعليق قبل هيك لكن مش عارفة وين بعثته او اذا وصلك او لأ انا حابة كثير شارك في المسابقة وعندي طريقتين يعتبروا من المقبلات لكن بدون مقادير اتمنى انها تعجبك
    اول واحدة وهي بنقطع الياقطين شرحات وبنسلقها وبعدين بنطحنها مثل الحمص وبنضع عليها طحينة وليمون وثوم وملح طبعا يعني مثل الحمص بالضبط وتوضع بالصحن وعليها زيت وتغمس
    والثانية هي انو بنقطع الياقطين لشرحات وبنقليها وبعدين بنكون عاملين ليمون وثوم وسماق وبنرشها عليها :)

  44. منى 19 November 2008

    هلا ام محمد :)
    الله يبارك بعمرك حبيبتي نورتي الموقعيين أختي

  45. منى 19 November 2008

    هلا دمشقية :)
    اذا عندك وصفة لأبوبسطي أو الكبة يا ريت تشاركي فيهن , اكيد الوصفة الشامية من دمشقية رح تكون أطيب و على أصولها zzz
    الله يبارك بعمرك و قلبك و بدنك و نورتي حبيبتي

  46. منى 19 November 2008

    هيا التعليق وصل بس انا ما نشرته لان ناوية أنشر الوصفات كلها مرة واحدة ان شاء الله , شو رايك :roll

  47. منى 22 November 2008

    وصلت الوصفا سهى , شي بيشهي ربي يحفظ هل الدياات ;)

  48. kuwaiti_girl 24 November 2008

    حبيبتي منمن

    عجبتني المسابقه كثييييييييييييير

    وحابه اشارك بس المشكله بالصور

    هل من الممكن احط وصفه بس من غير صوره؟؟

    لان عندي وصفتين وحده يقطين مع بطاطا ولحمه مفرومه بالبشاميل
    والثانيه وصفه شوربه القرع بالكريمه بس من غير صوره ينفع احطهم؟

  49. منى 24 November 2008

    هلا كوكو :) وصفة كتير طيبة , بانتظار التانية :zzz

  50. منى 25 November 2008

    الف شكر ليك سلاف على الوصفات , بس طلب الله يخليك , الصور حجمهم كبير كتير كتير , هي صار الي اكتر من نص ساعة عم حاول افتحهم تفتح معي ربع الصورة و ما بتكمل :roll
    ممكن تعيدي تحميلهم و يكون حجم الصورة 500 عرض و على قد ما بدك طول , اذا ممكن

  51. هبة الله 11 February 2009

    موقع كتير حلو و رايق

    و اللون الآخضر بخلي الواحد يحس بالراحة

    أنا كنت عم دور ع مكمور الياقطين و لقيت الموقع تبعك

    و هلآ عم طبق الطريقة

    أنا بألمانيا و هيك موقع بفيدني كتير

    بس أنا ماما بتحط جوز مع الطحينة

  52. منى 11 February 2009

    مية هلا هبة :)

    نورتي و نور الموقع باخت غالية و كريمة, ألف شكر ليك للرد و ربي يردك لسوريا سالمة و غانمة
    و كمان اتمنى انك تستفادي من كل الوصفات الموجودة :)

    ممم طيب الجوز مع الطحينة أكيد , كيف ما خطرتلي :zzz , على التجربة القريبة ان شاء الله

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)