بابا غنوج


         وصفة : منى                 2007/08/30                 14 تعليقات
بابا غنوج

·          تثقب حبات الباذنجان بالسكين بضعة ثقوب ثم تشوى على النار حتى تصبح القشرت سوداء و ينضج قلب الباذنجان .

·          يقشر الباذنجان ثم يفرم و يتبل فوراً بعصير الليمون كي لا يسود لونه ثم يوضع في البراد .

·          تفرم البندورة و الفليلفة مكعبات صغيرة , تفرم البصلة ناعماً جداً و تدعك بالملح و يهرس الثوم .

·          قبل التقديم مباشرة تخلط جميع الخضار مع الباذنجان و يتبل بالبهارات و الملح و زيت الزيتون ثم تسكب في طبق التقديم و تزين بالمزيد من زيت الزيتون حسب الرغبة و الجوز و بضع حبات من فرط الرمان في حال تواجده أو شرحات من الزيتون و تقدم فوراً .

 تنويعات و إضافات :

·          يمكن استبدال عصير الليمون بعصير الرمان أو دبس الرمان , و لكن عند استعمال دبس الرمان سيكون لون السلطة غامق .

·          يمكن اضافة حبة من الفليلفة الحرّة للسلطة حسب الرغبة .
 




2 حبة باذنجان كبيرة
عصير نصف أو حبة كاملة ليمون
نصف حبة فليلفة حمراء
نصف حبة فليلفة خضراء
حبة بندورة
بصلة صغيرة جداً أو عود من البصل الأخضر
فص ثوم ( اختياري )
2 –3 ملعقة كبيرة من البقدونس المفروم ناعماً
ملعقة كبيرة نعناع أخضر طازج مفروم ( اختياري )
3 – 4 ملعقة كبيرة زيت زيتون
ملح
رشة كمون
رشة فليلفة حمراء ناعمة

للتزيين :

زيت زيتون
حب رمان
جوز مجروش





• تثقب حبات الباذنجان بالسكين بضعة ثقوب ثم تشوى على النار حتى تصبح القشرت سوداء و ينضج قلب الباذنجان .

• يقشر الباذنجان ثم يفرم و يتبل فوراً بعصير الليمون كي لا يسود لونه ثم يوضع في البراد .

• تفرم البندورة و الفليلفة مكعبات صغيرة , تفرم البصلة ناعماً جداً و تدعك بالملح و يهرس الثوم .

• قبل التقديم مباشرة تخلط جميع الخضار مع الباذنجان و يتبل بالبهارات و الملح و زيت الزيتون ثم تسكب في طبق التقديم و تزين بالمزيد من زيت الزيتون حسب الرغبة و الجوز و بضع حبات من فرط الرمان في حال تواجده أو شرحات من الزيتون و تقدم فوراً .

تنويعات و إضافات :

• يمكن استبدال عصير الليمون بعصير الرمان أو دبس الرمان , و لكن عند استعمال دبس الرمان سيكون لون السلطة غامق .

• يمكن اضافة حبة من الفليلفة الحرّة للسلطة حسب الرغبة .
  • وصفات تانية ممكن تعجبك


التعليقات

  1. linda 30 August 2007

    بتعرفي منى يمكن هي هيي الاكلة يلي عم دور عليها صرلي اكتر من اربع سنين
    مرة اكلنا بمطعم بالاسكندرون سمك مشوي و حطو مقبلات و من بينها
    متل متبل البيتنجان بس كان طعمو حر و كان فيه بقدونس و بندورةو بصل و فيلفلة و مدري شو كمان
    بس طعمو بيجنن
    رح جرب الطريقة و ازا طللعت نفس الوصفة
    كتير رح انبسط و رح ادعيلك من كل قلبي
    الله يجزيك الخير و يبارك فيكي

  2. منى 30 August 2007

    أظن أنها نفس الوصفة :roll

    لأن هل السلطة من المطبخ التركي و ممكن استعمال الفلفل الحرّ معها :)

    ان شاء الله تطلع نفسها و إذا جربتيها ابقي خبريني شو بيصير معك ;)

  3. linda 30 August 2007

    بتعرفي وقتها كنت عروس جديدة و ما كان عقلي بالطبخ كان اخد عقلي المشاوير و المطاعم و السفر :grin

    بس هلاء صرت ازا دقت شي اكلة حاول شوف شو مقاديرها و شو فيها منكهات لحتى اعملها بالبيت:roll

    يسعد الله عليكي
    انتي من وين طلعتيلي :zzz

  4. منى 30 August 2007

    من حلب :grin

    ان شاء الله مسعدة على طول يا رب ..

    ليندا جاي على بالي اسألك سؤال :?

    انت من وين اندليت على الموقع ؟
    من زهرة الخليج إو من منتدى لك ؟

  5. linda 30 August 2007

    من موقع لك
    شفتو بتوقيعك 8)

    طيب منى ازا الواحد بدو يسألك اسئلة عن وصفات وين بدو ينزل
    السؤال
    ابعتلك عن طريق راسلنا او كيف

  6. منى 30 August 2007

    ليندا فيك تسأليني عن طريق اضافة تعليق هلا مبدئياً..

    و رح نعمل رابط جديد إذا الله راد لأسئلة الاعضاء و وصفاتهم :)

  7. linda 30 August 2007

    طيب بدي اسألك عن فطاير الزيتون و السجئ كيف بتنعمل و عن فطاير الكشك ازا سمعانة عنها بس بدي بالتفصيل كيف تستوي معي العجينة و تضل طرية بنفس الوقت لانو كل مرة يا بتطلع معجنة شوي يا اما حمرة و بتصير قاسية بس تبرد و عن اكلة حلو اسمها زلابية :roll

    ما بعرف ازا بتعرفي هل الاكلات
    بس متل ما بيئولو ناطف ألبي عليها

    خليني روح نام هلاء تصبحي على خير و بكرة بجي بشوف ردك

  8. منى 31 August 2007

    هلا ليندا :)

    شوفي أختي الزلابية اسم حلو بس بيسموه لنوع مختلف في كل مدينة أو بلد :roll

    هلأ انت قصدك نوع حلو شكله بيشبه الكريب و إلا نوع حلو مقلي و شكله تقريباًمتل الشبكة يا ترى أي نوع حابة تعرفيه

    هلا فطاير الزيتون بعملها و بتطلع كتير طيبة بس من دون السجق .., إذا بتحبي بنزل لك الطريقة

    أما فطاير الكشك فما عرفتها و لا عمري سمعت فيها :sigh

    أسفة ليندا

  9. ام نور 31 August 2007

    اهل لبنان مشهورين بالكشك وهي اكلة كتير طيبة ومناكلها بالشتي اكتر شي وهي عبارة عن برغول ولبن بيجففوا بالصيف بالشمس كمونة للشتي ويطبخ مع بصل ولحمة وفينا نعملو مع الكبة بيصير يشبه الكبة اللبنيه بدل اللبن كشك كتير طيب, والزلابية كلمة لبنانية منسميا كمان عوامة كتير بسيطة وسهلة اخدي وصفتا من البابا اختصاصه الحلويات العربية وبيعملوها بفرنسا اسمما beignet .
    وانا متل الاخت ليندا حابة اطلب منك اخت منى الفطاير بالزيتون طريقة العجينة+ولحشوة
    وبالنسبة لا فطاير الكشك انا بعملا اذا بتحبو اعطيكون الطريقة

  10. منى 1 September 2007

    هلا اختي ام نور :)

    اتذكرت هلا من حكيك الكشك , كنت سامعة عنه من الشيف رمزي أظن :roll

    أتمنى أختي أن تعطيناطريقة فطاير الكشك و كمان وصفة باباتك , أنا بعملها و بتطلع طيبة بس إذا من مختص أكيد رح تكون أطيب

    تكرم عيونك الوصفة على الطريق إذا الله راد

    أختي ام نور أنا هلا نزلت وصفتك :) الله يعطيك مية ألف عافية على الوصفة الحلوة و الجديدة , نزلتها بقسم الحلويات العربية :roll يا ترى صح و إلا أحطها بغير قسم ؟

  11. نونآ 4 September 2010

    مآشآء آلله .. ربي يسلم إيدك منو .. بجد آكلآتك زآكيه كتير كتير ~

    آنآ كنت بدخل دآئمآ وآطبقهآ وآلله طعميتآ بتجنن ~

    عندك نفس بآلآكل آللهم صل على محمد ^ ^

    بآلنسبه لهآلسلطه آنآ بموت فيهآ ( بس آقلي آلبآتنجآن وتطلع زآكيه .. بعمري مآجربتهآ بآلشوي لأني بحسآ مآبتطلع زآكيه !

    ميرسي إلك ~

  12. منى 5 September 2010

    هلا فيك اختي و الف الف صحة و عافية يا رب على كل الوصفات و انا مبسوطة فيك كتير كتير , نورتينا و شرفتينا :zzz

    مممممم , اكيد بتطلع بتجنن بالقلي , كيف ما خطرتلي هل الفكرة :roll , اول ما جيب بانجان رح جربها لطريقتك , بس صدقيني بالشوي بتطلع طيبة كتير كتير , جربيها ان شاء الله و رح تحبيها ;)

  13. ليال 19 February 2015

    يسلمو ايديك مدام منى
    بدي أسالك أصفي البانجان فيو شوي مي ولا لازم يكون فيو مي
    وسؤال تاني بصير أستعمل البصل الأخضر بدل العادي

    • منى 19 February 2015

      هلا ليال .. فيك تصفيه او لا ، انا بحب صفيه ، بس اذا بتحبي يكون مو ناشف اتركي شوي من السائل الي بيطلع من البانجان بعد الشوي
      اكيد فيك تستعملي البصل الاخضر :)

تقييم الوصفة
عاديةقد أحضرهاجيدةممتازةأكثر من رائعة (3 votes, average: 3.33 out of 5)