باغيت بالجبن والجزر


         وصفة : لارا مينا                 2011/03/27                 10 تعليقات
باغيت بالجبن والجزر
20 قطعة خبز باغيت أو صامولي بسمك 1ونص سم 2ملعقة طعام زيت نباتينصف بصلة صغيرة مقطعة ناعم جدا 1حبة صغيرة فلفل رومي أخضر مقطع طولي1حبة جزر متوسطة مبشورة5ملاعق طعام جبن كريم قابل للدهن بوك أو كرافت رشة فلفل أسودرشة ملح • يوضع الزيت والبصل على نار هادئة حتى يذبل •يضاف الفلفل والجزر والفلفل الأسود والملح ويحرك قليلا ثم تطفأ النار . • يترك10 دقائق ليبرد ويضاف الجبن السائل ويترك 10 دقائق أخرى لتتجانس المكونات . • تمد ملعقة طعام غير مملوءة على شريحة الخبز . • تخبز في فرن من أعلى فقط حتي يشقر الوجه وتجمد الجبنة قليلا.
  • وصفات تانية ممكن تعجبك


التعليقات

  1. آرام 27 March 2011

    مشكورة أخت لارا
    وصفة سهلة وبسيطة وشكلها مغري جداً

  2. منى 27 March 2011

    تسلم ايدك لارا و يخليلك ماماتم و كل الامهات و يقدرنا على برهن لان شو ما عملنا نبقى مقصريين كتير ;)

    اما الوصفة فشكلها مغري وطريقة تصويرك صايرة احلى و احلى , انا متاكدة انها طيبة لان بحضر شي قريب عليها ..

    مقاديرها عندي رح جربها ان شاء الله

    سلم هل الديات يا رب :zzz

  3. غيث 27 March 2011

    شكلها طيبة يسلمو لاراوسهلة كتير سلامي للوالدة وكل عام وجميع الامهات بالف خير :)

  4. آرام 28 March 2011

    جربت الوصفة اليوم، مو بس شكلها حلو، كمان الطعمة طيبة كتير، والأهم أنها سهلة جداً وسريعة. ألف شكر إلك أخت لارا.

  5. لارا مينا 28 March 2011

    صحة وهنا أخ أرام , انبسطت لأن جربتها وطلعت طيبة, ومثل ماقلت سريعة و مناسبة لوقت الزنقات
    :zzz

    ويسلم يديك أخت منى , مزبوط هي طيبة كثير, عموما الباغيت الحلو فيه إنك بتلاقي مية خلطة ممكن تحطيهاعلى الوجه , والأخت دادو نزلت وصفة وإنتي وصفتين وهذه الوصفة الرابعة :zzz وبإذن الله تعجبك.

    أهلين بالأخت الغالية غيث , الله يسلمك ويخليلك كل أحبابك يارب , وصحة وهنا مقدما :)

  6. abir5 28 March 2011

    كل عام وجميع الأمهات بألف خير يارب شكرا الك لارا الوصفة طيبة وسريعة جربتها عالعشاء طلعت غير شكل تسلم ايديك

  7. أم نوران 29 March 2011

    يالله شو هالكلام الحلو و هالمقدمة الرائعة الله يخليلك الوالدة و يباركلك فيها الله لا يحرمنا من بركاتن و دعواتن الصادقة و الخالصة… :)
    صارلي يومين بدي اكتبلك رد و ما بصحلي اختي لارا و هلا عم اكتبلك هالرد بعد ما جربت هالوصفة الرائعة يمممممي شو طيبة وعملت جنبا شوربة ايه ما بينت شوربتي :sigh
    يسلمو ايديكي عن جد طيبة و تغيير شكل انا كنت دايما بعملن بحيث بدهنن بالزبدة اللي فيها اعشاب و برض فوقن توم مجفف لاني كتيير بحب التوم :) بس طريقتك اطيب و اكابر 8)
    الله يبارك فيكي و شكرا كتييير

  8. لارا مينا 29 March 2011

    ألف عافية أخت عبير, والشكر لكم على ردودكم الطيبة , لأنها أكيد بتدعمنا وبتزيد الهمة , وهذا أقل شيء ممكن نقدمه لكل الأخوات الغاليات بالموقع :zzz

    أهلا وسهلا ومية مرحبا بالأخت أم نوران, والله يخليلك الوالدة وكل أحبابك يـــارب , وألف شكر للدعوات والكلام الطيب, وماعاش ولا كان يلي بيحكي على شوربتك :grin

    وعوافي على الوصفة , وإضافتك مبينة طيبة لأني بحب نكهة الثوم والزبدة وبإذن الله بجربها هاليومين, تحيةوسلام كبير لك :zzz :zzz

  9. أم نوران 30 March 2011

    ولو صحتين و هنا على قلبك اختي .. :)
    أنا حبيت أسألك ازا ما في سئلة عن التوفيه صارلي زمان كتيييير مشتهية عليه و بدي اعملو وكل مرة بيتوفرو المكونات الا شغلة هههه :grin ,وهلا قررت اني اعملو مكوناتو كلا عندي , بس سؤالي هو انا قريت من الردود انو فرنك كهربائي وانا كمان فرني كهربا ,معناتا فيكي تقوليلي درجة الحرارة اللي بتشعليها للفرن و هل لازم يكون الفرن ساخن قبل ما تدخلي التوفيه؟؟والله يعطيكي العافية مسبقا :)

  10. لارا مينا 31 March 2011

    أهلين أم نوران ولا سئلة ولا شيء , ومدام نزلت أي وصفة أكيد رح أكون بالخدمة لأي سؤال أو استفسار لحتى تزبط الأمور بإذن الله .

    بالنسبة لفرني أسخن الفرن قبلها بـ 5 دقايق بس وطريقة خبزي موضحة في الخطوة الأخيرة من طريقة التحضير لو انتبهتي عليها

    وهي طريقتي حتى في الكيك والبسكويت والبقلاوة والكنافة وكل الحلو وإذا جربت غيرها بيطلع كل شيء معي معجن ومش مستوي لأن فرني حامي جدا.

    لدرجة إني أحس إن درجات الحرارة المسجلة على الفرن شكلية فقط ,وكل الأرقام بتعطيني نفس الحرارة, مش مثل فرن الغاز مزبوطة,

    وعلى كل حال حتى مأأدوخك بالرد الطويل إذا عملتي مثلي خليكي على 200 درجة وإذا حطيتيها بالرف الوسط خفضي الحرارة 150 مثلا لأن فرني مافيه 180 درجة .. ويارب تزبط معك وبنتظار رأيك أو أسئلة ثانية.
    تحياتي الكبيرة :zzz :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)