بامية باللحمة


         وصفة : منى                 2008/05/28                 16 تعليقات
بامية باللحمة
/>


كيلو بامية
2 ملعقة كبيرة سمنة
نصف كيلو لحمة لحمة مقطعة مكعبات
ملح و بهار مشكل
كيلو بندورة مقشرة و مفرومة ناعماً جداًأو معصورة
مرقة لحمة حسب الحاجة
حمض حسب الرغبة ( و يمكن الاختيار ما بين عصير الليمون أو عصير الحصرم أو عصير الرمان )
ملعقة كبيرة سكر ( اختياري )
• تقمع البامية ثم تغسل و تترك حتى تجف , تذوب السمنة على نار متوسطة ثم تقلب فيها البامية لمدة بضع دقائق ثم ترفع من السمنة .

• تقلى اللحمة المكعبات بباقي السمنة على نار قوية و تقلب حتى يتغير لون اللحمة ، تغمر بالماء المغلي , تضاف البندورة و الحمض و بعد أن تغلي تهدى النار و يغطى القدر و تترك حتى تقارب اللحمة من النضج . تضاف البامية و تترك على نار هادئة حتى تطرى و تنضج مع مراعاة عدم طبخها لفترة إضافية كي تحافظ على شكلها ./>
• يعدل الحمض و يضاف السكر في حال الرغبة و تترك البامية لمدة خمس دقائق إضافية , ثم تقدم فوراً مع البرغل المفلفل أو الأرز المفلفل و البصل الأخضر .


  • وصفات تانية ممكن تعجبك


التعليقات

  1. linda 30 May 2008

    ولي على بعضي
    انا بموت علي شي اسمو بامية
    هلئ رايحة اشتري و بكرة بدي اعملها عل الغدا
    مع انو جوزي ما بيحبا
    بس مو مشكلة بيتحمل هل النهار

    طريقتك غير طريقتنا
    بس بجرب مافي مشكلة
    اكيد رح تطلع طيبة كمان
    يعيشو هل الادين يا حئ

  2. منى 1 June 2008

    هلااا لنوشة :) انا بقى عكسك جوزي بيموت عليها و انا عادي , بس مع هل الطريقة صرت حبها أكتر ..

    يلا جربيها و خبريني شو بيصير معك , و كمان يا ريت تقوليلي عن طريقتك ;)

  3. WAFAA 1 June 2008

    نفس طريقتى واللي هي طريقة ماما كمان

    فعلا البامية اكلة زاكية كثيير وانا بحبها جدا

    يسلموا ايديكي الحلوين

  4. منى 1 June 2008

    هلا وفاء :)

    الله يسلمك يا رب على الرد , معناها هي الطريقة كمان بيعملوها الفلسطينية ؟

    هنا على قلبك و ربي يخليك الماما و لا يحرمكم من بعض يا رب

  5. linda 1 June 2008

    يا ستي نحنا ببيت اهلي كل ما امي تطبخ بتعمل قسمين قسم بلحمة وقسم بلا لحمة
    لانو ابي بيحب اللحمة وامي لاء

    يلي باللحمة
    منقلي البامية و منحطها على جنب
    منقلي اللحمة بسمنة لحتى تستوي تقريبا مع التقليب المستمر
    منضيف الها مي و رب البندورة و منتركها تغلي شوي
    اخر شي منضيف البامية و ملح وفلفل و منتركها تتسبك

    قبل ما نشيل البامية عن النار امي بتدوب معلقة كبيرة سكر بشوية مي و ربع معلقة زغيرة ملح الليمون و بتضيفهون
    و بس

    انا كتير بحبا بطريقة امي
    يمكن لاني تعودت عليها

    و توتة توتة خلصت الحتوتة :roll

  6. منى 1 June 2008

    ممممم , يا سلام طريقة ماماتك الله يخليها كتير بتشبه طريقة امي , نفسها باختلاف الحمض لان امي بتحط عصير الرمان ;) و انا كمان كتير بحبها بس جوزي ما بيحب طعمة الحلو في البامية لهيك عودت حالي ان ما حطها :roll

    لو سمحتيلي لنوشة اضفت وصفة البامية بزيت على [URL=http://www.l2ma.com/content/view/395]على هل الرابط[/URL]

  7. linda 1 June 2008

    على حسابك انا و وصفتي
    كم موني عنا

  8. منى 2 June 2008

    خليلي عينك لنوشة , يلا عم استنى الوصفات الباقية و شي يكون على عيار كرات البطاطا ;)

  9. ام نور 3 June 2008

    يا عيني على صحن هالبامة بيشهي :p والاحلى طريقتك اول مرة بسمع فياشكلا مميزة وسهلة لان بتذكر امي بتقلي البامة وبتصفيا كتير منيح وبستعمل لحمة غنم شقف وبتكتر كزبرة خضرا بس سكر ما بتحط سالتا ليش بتقليا قالتلي لا حتى ما تمغط فسبحان الله كل ناس عندون تقاليد بالطبخ .

  10. منى 3 June 2008

    سبحان الله , متل ما قلتي كل ناس الهم طريقتهم , بس هون عنا بحلب كتير بيستخدموا النكهة الحلوة بالطبخ العادي :)

    اتفضلي يا قمر , البيت بيتك ;)

  11. abeer 17 June 2008

    مرحبا منى انت اكيد سمعانة بالبامية الديرية 0 انا من منطقة الميادين بجانب دير الزور بس اناحاليا في دولة اخرى وهلا طبعا بتعرفي انو الصيف موسم البامية وبس ارجع اول طبخة امي بتسويها هي البامية لانها بتعرف بنحبها وما في برا مثل بامية الفرات بس نحنا طريقتنا مختلفة بطبخ البامية لكن كتييير طيبة 0

  12. منى 17 June 2008

    أكيد عبورة سمعانة فيها , هي اطيب بامة, ان شاء الله بترجعي بالسلامة يا حق , و يا ريت لو تعلميني طريقتك و طريقة ماماتك الله يخليها ;)

  13. linavarly 4 December 2009

    الأخت منى
    شكرا من القلب لكل الطبخات الرائعة و لطافتك بالرود
    أنا من سورية و مقيمة في فرنسا ومعك لا أشعر بالغربة,
    كل الشكر لموقعك و لروحك الطيبة و شغفك و ذوقك
    كل التوفيق والنجاح
    لينا

  14. منى 4 December 2009

    هلا لينا :)
    و انا كمان رح اشكرك لردك الحلو و ان شاء الله ترجعي من الغربة سالمة و غانمة و الله يسر عليك الغربة

    الف شكر الك للدعوات الحلوة و نورتي الموقع , مية هلا ;)

  15. إسراء 9 January 2011

    مرحبا للجميع
    يت منى سؤال هلأ انا بحب هيك اكلات يكون فيها دبس بندورة بدل البندورة فيني ضيف ملعقة دبس بندوية وقلل من كمية البندورة المفرومة ؟؟؟؟

  16. منى 10 January 2011

    اي طبعا , حتى احيانا بتكون البندورة مو مستوية تمام ببقى بضيف شي ملعقة دبس بندورة , بس الحلوة مو الحامض, مع قلية اللحمة ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)