برغر ألا سوسو


         وصفة : منى                 2008/08/16                 27 تعليقات
برغر ألا سوسو




كيلو لحمة غنم مفرومة
كوب كعك مطحون
بيضة
2 – 3 فص ثوم
ملح
ملعقة صغيرة بهار مشكل
رشة فلفل أبيض و رشة قرفة
رشة صغيرة زنجبيل و كاري و كركم
رشة بهار مشكل
2 ملعقة كبيرة كتشاب

للحشوة :

2 ملعقة كبيرة زيت زيتون
حبة بصل مفروم
نصف كوب بازلاء خضراء
نصف كوب جزر
نصف كوب ذرة
حبة صغيرة فليفلة حمراء
2 – 3 ملعقة كبيرة صويا صوص
بهارات حسب الرغبة
ملح

جبنة صفراء مقطعة مكعبات

للتقديم :

ورق خس
شرائح من البندورة
شرائح من مخلل الخيار
بطاطا مقلية


صلصلة الهمبرغر :

نصف كوب مايونيز
نصف كوب كتشاب
ربع كوب خردل

• تدعك اللحمة مع البيضة و الكعك و البهارات المشكلة و الملح و الكتشاب و الثوم حتى يتجانس الكل .

• تقلى الخضار بالزيت حتى تطرى ثم تضاف البهارات و صلصة الصويا و الملح و تترك لبضع دقائق حتى تأخذ نكهة البهارات .

• يقسم مزيج اللحمة لكرات كبيرة , تؤخذ إحدى تلك الكرات و تعمل بها حفرة .


• تحشى كرة البرغر بالخضار ثم تغطى بالجبنة .


• تسد كرة البرغر المحشية و تدور بين راحتي اليد ثم تصف في صينية غير لاصقة .


• تكرر العملية حتى الانتهاء من كل اللحمة و الحشوة .

• تخبز الصينية في فرن على درجة حرارة 180 درجة مئوية حتى تنضج الحبات و يمكن أن يحمى الفرن من فوق لبضع دقائق ثم تترك لتهدأ لبضع دقائق ثم تقسم كل حبة لنصفين .

• تمزج مقادير صلصة الهمبرغر حتى تتجانس .

• يفتح الصمون و يفرغ أحد القسمان من لبه ثم يدهن النصف الأخر بالقليل من صلصة الهمبرغر المجهزة ثم توضع ورقة خس و بضع حبات من البطاطا المقلية و تغطى بالبرغر .

• يقدم السندويش مع البندورة و المخلل و المزيد من الكتشاب أو الخردل لمن يرغب .

  • وصفات تانية ممكن تعجبك


التعليقات

  1. رندوش 16 August 2008

    ما شاء الله فكره ممتازه
    بنتظر كتابك يا ريت يوصل
    لعندنا بكون شاكره
    وصفه شهيه

  2. Iman 16 August 2008

    شو هالحلاوه يا منى بتجنن و الله كتير حلوين يسلموا ايدين اختك سيما و صحه و هنا على قلوبكم حبيبتي و هاي فكره الاسم المميز للوصفات فكره كتير حلو في واحد نسيب النا كان عندو مطعم كان يعمل الفلافل على شكل اصابع و كان يسميهم شي مثل اصابع سنيه و كل المنيو كان اسماء غريبه والناس كانوا ييجو يستمتعو بطلب الاكل من المنيو حبيبتي مش غريب انو يطلب منك عمل كتاب قدها و قدود ربنا يوفقك و لسه بشوفك باكتر من هيك يا منى و حياتك بتتذكري شو قلتلك زمان??? بسم الله ما شاء الله ربنا يحميكي حبيبتي و يقدملك اللي فيه الخير ;)

  3. منى 16 August 2008

    هلا رندوشة :)
    حبيتي بتنوري انت يا احلى فلسطينية بردودك و طلتك الغالية على قلبي

    كلك زووء حبيبتي , و الكتاب هلأ ما في لأن أنا و دار النشر ما اتفقنا , بس الفكرة موجودة ان شاء الله , دعواتك :zzz

  4. منى 16 August 2008

    هلا أمونة :)
    و الله انت الي زووء , و ان شاء الله الك متل هل الدعوات و أكتر يا حق , نسيت ان أأقول اننا ما اتفقنا أنا و الدار بعدها :roll , بس المهم ان الفكرة براسي و ان شاء الله بيجي يوم رح نفذها

    حلوة هي الفلافل السيتية , خلص الفكرة عششت براسي و هلأ قبل ما أطبق الوصفة صرت بفكر نهفة الها :grin

  5. رنا 17 August 2008

    شي كتير لذيذ بالفعل ..
    رح جربها قريبا
    بس مشان الاسماء الغريبة على سيرة شيخ المحشي ..كنا نقول عليه ونحنا صغار محشي مجعلك ;) بقا اذا بدك تفكري باسماء غريبة اسألي شي ولد نهفة انه شو ممكن تسمي هالاكلة وبيطالعلك شغلات غريبة وعجيبة
    بالنسبة لطباعة الكتاب فكرة كتير كتير حلوة بس الفكرة الاروع انه تفتحي مطبخ وتكوني انتي مشرفة عليه ..عن جد عم بحكي …مشروع مربح جدا ;)

  6. رنا 17 August 2008

    بس تعليق عالوصفة كأنه بالصورة مبين في جبنة بس بالمكونات مافي؟ :upset

  7. منى 17 August 2008

    هلا رنونة :)
    شو عجبتني فكرة ان اسال ولد نهفة , كل ولادي نهفة , اتخيل الاسماء الي رح يطلعوا فيها , :grin

    خطرلي هيك فكرة , الله يسير الي فيه الخير , بس ما حدا في العيلة وافق , أول كلمة قالتلي ياها ماما , دخلتك على الجامعة و سهرت معك الليالي لحتى تعملي هيك مشروع :roll

    تم تعديل الوصفة , شكرا للتنبيه ;)

  8. قطة 19 August 2008

    يا ميمو خانم مطبخنا من دونك ما بيسوى

  9. منى 19 August 2008

    له يا بيسة , نحنا الي ما منسوى من دونك ;)

  10. Eman 23 August 2008

    اليوم عملتها على العشا بس مدري ليش فرطت الاقراص :sigh
    هل لأ،ي حطيت للحمة بصل ولا لأ، الحشوة كتير؟؟ :?

  11. Eman 24 August 2008

    هو فعلا اللحمة كانت مدهنة ،والمرقة ما خطرلي نشفها واللحمة شوي خشنة مع إني فرمتها 3 مرات ! :eek
    طلعت عاملة كلشي خطأ :grin ، بس حلو إني تعلمت من خطئي .. :zzz شكرا ميمي لأنك وضحتيلي الأمر ..
    بس ليش الحكي كانت لذييييذة جدا :p

  12. منى 25 August 2008

    :grin يلا المهم انها طلعت طيب أمولة , و الشكر ليك لان جربتي الوصفة , ان شاء الله المرة التانية بتطلع تمام ;)

  13. منى 25 August 2008

    فرطت اللاقراص لان امااللحمة مدهنة زيادة أو لان كترتي معها بصل , و ممكن تكون الحشوة ما نشفتي مرقتها منيح , و الاهم انها تكون مو لحمة مفرومة مرتيين على الماكينة إذا انفرمت مرة رح تفرط أا اذا انفرمت مرتين معناها مناسبة لاعداد هل الوصفة , لازم تستعملي نفس اللحمة الي بتعملي فيها الكفتة ;)

    ازرعيها بدقني هل المرة امونة 8)

  14. رنا 25 August 2008

    كتير طلعت لذيذة ونفس الصورة تمام يسلموا هالايدين ;)

  15. منى 25 August 2008

    هنا و عوافي يا حق رنونة :) صحتين

  16. ام محمد 8 October 2008

    ياسلام على الاخبارالحلوةعن جدسوف يطلع الكتاب احلى كتب الطبخ لانومن تحت ديات اختي الغاليةع قلبي

  17. منى 9 October 2008

    هلا ام محمد :) هدا بس من زووءك أختي و الكتاب عم اشتغل عليه ليل مع نهار و في وصفات كتير طيبة و جديدة و خاصة فيه ;)

  18. منامينو 16 November 2008

    حلو حلو، حلو الواحد يقرا هيك خبر حلو على هالصبح. ربنا يوفقك حبيبتي منى وان شاء الله بتفرحي بهالإنجاز وبيلاقي النجاح يا رب. لكل مجتهد نصيب وإنت بتستاهلي كل خير والله لإنك مبدعة بهالمجال وبنت أصول وما عمبتقصري بالمساعدة والردود على أسئلة الجميع. بصراحة إنت عن جد خرج تكوني الشيف منى ;) . يالله استعدي عشان بعد الكتاب ان شاء الله يكون إلك برنامج حلو بالتلفزيون. شو رأيك؟؟ يالله ما هو مشوار الألف ميل بيبدأ بخطوة. الله معك حبيبتي وبالتوفيق يا رب :zzz

  19. منى 19 November 2008

    امين منونة و ان شاء الله الك متل هل الدعوات الحلوة و كمان إذا الله ردا و تم المشروع رح يكون لكل الحبايب الحلويين متلك نسخة
    هل الكلام بس من زووءك و طيبتك حبيبتي , ان شاء الله ليش لأ :zzz

  20. haya 10 December 2008

    يا عيني يا اخت منى شو هالوصفة جوعتيني صار نفسي اجربها شكلها كثير لذيذ ومشهي خلاص ان شاءالله راح اجربها

  21. منى 11 December 2008

    ان شاء الله تجربيها و تحبيها متل ما حبيناها نحنا :zzz
    لا تنسي تخبريني يا عسل ;)

  22. ام البراء 18 December 2008

    حاسستى طيبه كتيربس لما بنخبزها بلفرن كيف مابتلزق اللحمه وشكراعاشغلات الحلوه واقبليني معاك بمطبخك الحلووووووو :)

  23. منى 19 December 2008

    هلا فيك اختي :)
    مية اهلا و سهلا فيك في الموقع , نورتي ام البراء

    ما بتلزق لان مستعمل صينية غير لاصقة ;)

  24. بشرى 22 November 2009

    منون حبيبتي , هلأ لشفت هالوصفة يسلم ايديكي وايدين سمسومة ..

    اذا حبيت اشويها عالنار ممكن ولا هئ ؟

    يعني عالغاز من فوق بس على منصب للشوي بيمشي الحال ؟ لانو فرني معتتتتتت :sigh

  25. DOUHA 26 April 2010

    بتجننن اليةم جربتا يسلموا

  26. منى 28 April 2010

    هلا بشرى :)
    اكيد بيصير المهم تنبهي لحتى يستوي قلبها منيح ;)

  27. منى 28 April 2010

    الف صحة و هنا و عافية ضحى الحلوة :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)