بسكويت أصابيع ( ليدي فنجرز )


         وصفة : منى                 2007/09/20                 42 تعليقات
بسكويت أصابيع ( ليدي فنجرز )

·          قبل البدء باعداد الوصفة يجب التأكد أن كل المواد و المقادير المستعملة بحرارة الغرفة .

·          يفصل بياض ثلاث بيضات عن الصفار بشرط أن لا تقع و لا نقطة من الصفار في البياض , ينخل الطحين و دقيق الذرة سويا مرتين  , يحمى الفرن على درجة حرارة 180 درجة مئوية و تغطى صينيتا فرن كبيرتان بورق الزبدة  ثم يدهن الورق بالزبدة و يرش بالطحين بشكل خفيف .
 
·          يخفق صفار الثلاث بيضات مع البيضة الباقية مع رشة فانيليا لمدة خمس دقائق , يضاف نصف السكر و يخفق لمدة 5 – 10 دقائق حتى يبدأ الشريط بالظهور عند رفع الخفاقة الكهربائية .  

·          يوضع بياض الثلاث بيضات مع رشة ملح و رشة فانيليا في محضرة الطعام النظيفة و يشغل على أعلى سرعة حتى يبدأ بالانتفاخ و تتشكل قمم فيه و أثناء الخفق يضاف باقي السكر بالتدريج حتى تنتهي كل كمية السكر و يجمد البياض , مدة الخفق حوالي 5 – 10 دقائق و عند الانتهاء من الخفق تطفأ الخفاقة بشكل تدريجي كي لا يتم التوقف عن الخفق بشكل فجائي .

·          يضاف الطحين المنخول على الصفار على مرحلتين مع التقليب بملعقة خشبية أو بملوق بلاستيكي كالظاهر بالصورة , يكون التقليب بلطف و باتجاه واحد و كأنك ترسمين دوائر في المزيج .  المزيج يجب أن يكون سميك بعض الشي و هذا هو المطلوب .

·          يضاف البياض على مزيج الطحين و الصفار , هذه مرحلة دقيقة ومهمة . يجب أن يكون التقليب بكل لطف و باتجاه واحد و بنفس الطريقة أي كأنك ترسمين دوائر في المزيج و بهذه الطريقة يبقى الهواء داخل مزيج الليدي فنجرز , لا يخفق البياض قبل الصفار و يترك جانباً و الا خرج الهواء الذي دخل اليه أثناء الخفق و ظهر لدينا سائل شفاف في قاع الطبق , إذا نخفق الصفار أولاَ و نضعه جانباً ثم نخفق البياض حتى يصبح جاهزاً بعدها نبدأ باضافة الطحين على الصفار ثم اضافة البياض .

·          يفرغ المزيج في كيس حلواني و يصب على شكل أصابع على ورق الزبدة مع ترك مسافة بين كل بسكوتة و الأخرى , ثبات البسكويت على الشكل الذي صب فيه هي أول دلالات نجاح الوصفة .

·          يرش السكر البودرة على البسكويت و يترك لمدة دقيقة حتى يتشرب البسكويت السكر ثم ترش مرة ثانية بالسكر و تخبز بالفرن على الرف المتوسط لمدة 8 – 15 دقيقة أو حتى يشقر أسفلها مع الانتباه لأن عقبها قد يحترق بسرعة .

·          يرفع البسكويت عن الصنية و يترك ليبرد على مشبك ثم يحفظ البسكويت في وعاء محكم الاغلاق حتى وقت الاستعمال .

·          المقادير المذكورة تكفي لتحضير ما يقارب 40 حبة و هو ما يقابل علبة جاهزة .   




4 بيض
نصف كوب طحين حلويات
ربع كوب دقيق الذرة ( كورن فلاور )
نصف كوب سكر بودرة
رشة ملح
فانيليا

سكر بودرة للوجه

زبدة و حيبن لرش الصواني





• قبل البدء باعداد الوصفة يجب التأكد أن كل المواد و المقادير المستعملة بحرارة الغرفة .

• يفصل بياض ثلاث بيضات عن الصفار بشرط أن لا تقع و لا نقطة من الصفار في البياض , ينخل الطحين و دقيق الذرة سويا مرتين , يحمى الفرن على درجة حرارة 180 درجة مئوية و تغطى صينيتا فرن كبيرتان بورق الزبدة ثم يدهن الورق بالزبدة و يرش بالطحين بشكل خفيف .

• يخفق صفار الثلاث بيضات مع البيضة الباقية مع رشة فانيليا لمدة خمس دقائق , يضاف نصف السكر و يخفق لمدة 5 – 10 دقائق حتى يبدأ الشريط بالظهور عند رفع الخفاقة الكهربائية .





• يوضع بياض الثلاث بيضات مع رشة ملح و رشة فانيليا في محضرة الطعام النظيفة و يشغل على أعلى سرعة حتى يبدأ بالانتفاخ و تتشكل قمم فيه و أثناء الخفق يضاف باقي السكر بالتدريج حتى تنتهي كل كمية السكر و يجمد البياض , مدة الخفق حوالي 5 – 10 دقائق و عند الانتهاء من الخفق تطفأ الخفاقة بشكل تدريجي كي لا يتم التوقف عن الخفق بشكل فجائي .



• يضاف الطحين المنخول على الصفار على مرحلتين مع التقليب بملعقة خشبية أو بملوق بلاستيكي كالظاهر بالصورة , يكون التقليب بلطف و باتجاه واحد و كأنك ترسمين دوائر في المزيج . المزيج يجب أن يكون سميك بعض الشي و هذا هو المطلوب .



• يضاف البياض على مزيج الطحين و الصفار , هذه مرحلة دقيقة ومهمة . يجب أن يكون التقليب بكل لطف و باتجاه واحد و بنفس الطريقة أي كأنك ترسمين دوائر في المزيج و بهذه الطريقة يبقى الهواء داخل مزيج الليدي فنجرز , لا يخفق البياض قبل الصفار و يترك جانباً و الا خرج الهواء الذي دخل اليه أثناء الخفق و ظهر لدينا سائل شفاف في قاع الطبق , إذا نخفق الصفار أولاَ و نضعه جانباً ثم نخفق البياض حتى يصبح جاهزاً بعدها نبدأ باضافة الطحين على الصفار ثم اضافة البياض .

• يفرغ المزيج في كيس حلواني و يصب على شكل أصابع على ورق الزبدة مع ترك مسافة بين كل بسكوتة و الأخرى , ثبات البسكويت على الشكل الذي صب فيه هي أول دلالات نجاح الوصفة .



• يرش السكر البودرة على البسكويت و يترك لمدة دقيقة حتى يتشرب البسكويت السكر ثم ترش مرة ثانية بالسكر و تخبز بالفرن على الرف المتوسط لمدة 8 – 15 دقيقة أو حتى يشقر أسفلها مع الانتباه لأن عقبها قد يحترق بسرعة .



• يرفع البسكويت عن الصنية و يترك ليبرد على مشبك ثم يحفظ البسكويت في وعاء محكم الاغلاق حتى وقت الاستعمال .



• المقادير المذكورة تكفي لتحضير ما يقارب 40 حبة و هو ما يقابل علبة جاهزة .
  • وصفات تانية ممكن تعجبك


التعليقات

  1. Rino 22 September 2007

    تسلم الأيادي اللي بتنلف بحرير ما شاء الله عليكي يا منى
    على فكرة أنا متابعة دايما لكل أعمالك سواء على موقعك أو بمنتدى لك
    ست بيت من الطراز الأول
    بتمنى لك كل التوفيق و النجاح

  2. منى 22 September 2007

    مية أهلا و سهلا فيك رينو :) بنت بلدي ..

    الله يخليك رينو و هي شهادة منك أعتز فيها ;)

    الله يسلمك على الدعوة الحلوة , و الله غمرتيني بزوءك و كلامك الحلو

    نورتي يا عسل

  3. بدور 26 September 2007

    ما شاء الله عليكي حتى البسكويت بتحضري انتي :p

    لأ اللي بدو يعيش معك أكيد ّآخر شي لازم يفكر فيه هو المحافظة على جسمو من السمن :grin

    بس عندي سؤال كالعادة :zzz
    شو هو كيس الحلواني و من وين بئدر أجيبو أو أستبدلو بشي تاني؟ 8)

  4. منى 26 September 2007

    هلا بدور :)

    كيس الحلواني هو كيس توضع فيه الكريما للتزيين

    وإذا مو متوفر عندك صبي مزيج البسكويت بكيس نايلون عادي و رصيه لحتى تتجمع الكريما على بعضها و بعدها قصي جزء صغير من طرفه و اسكبي من هل الجزر على الصينية بشكل أصابع :)

    اخر مرة حضرته بهل الطريقة لان أنا مسكت كيس الحلواني و بنتي مسكت كيس عادي و ساعدتني ;)
    يعني مجربة و على المضمون ان شاء الله :)

  5. souha 3 October 2008

    كيفك منى كل عام و انتي بخير
    أنا جربت البسكوت بالعيد لكن الي صار معي إنو اسفل البسكويت صار أشقر بس من فوق طري و ما ستوى بعدين جربت أخفض الحرارة و حطيت الصينية على الرف الأوسط مشي الحال بس أخد معي وقت أطول بالشوي ممكن أسألك كم سؤال إذا مافيها إزعاج ,على أي رف بتخبزي البسكوت؟
    لما بيستوي البسكوت بتكون طرية ولا قاسية إذالمسناها بالإيد؟
    هل لازم تكون البسكوتات رقيقة و لا ثخينة؟
    و مشكورة يا منى

  6. منى 4 October 2008

    هلا سهى :) انا بخبزهن على الرف الوسط و البسكويت بتركه لحتى يصير اشقر من تحت و بيكون مو ري و لا قاسي من فوق , وسط و البسكويت بيطلع معي متل الورة تمام , أقصد بالنسبة لسمكه ;) مية هلا و اي سؤال من عيوني

  7. رنا 28 February 2009

    منوشة …ماكتير عم يزبط الليدي فنجرز …رح استعمل بالمرة القادمة كيس لنايلون العادي لان بالكيس حلواني احترت اي راس قالب احط ولما حطيت تبعع الكريما طلع شكلها متل القلم الرفيع وعذبوني بالشوي لانه اذال سمكوا عجنو واذا رقوا يحترقوا …وقصدك بالسماكة متل الورقة كانه اللي عندك اسمك من الورقة

  8. منى 1 March 2009

    هلا رنونة :)
    حبيبتي و لا يهمك أنا رح صور الخطوات بالتفاااصيل ان شاء الله قريب لخاطرك و هو كتير سهل بس تاخد ايدك عليه ;)
    ما دام عجنوا معك معناها العجينة ما كانت ظابطة و في ان بالموضوع , ان شاء الله بتوضح الفكرة مع الصور

  9. رنا 12 May 2009

    شو هاد عن جد فصفصتيها فصفصة بس كانه بالوصفة الاولى ماكنتي حاطة انه منخفق تلات بيضات بعدين الرابعة :p مابعرف نسيت والله
    بس الي اكتشفته انه هديك المرة البسكويت الي ساويته شي ماله علاقة بالي شايفته قدامي …انشالله رح جربه هاليومين وبخبرك النتائج …على فكرة قصة وصفة تحت المجهر اكتر من رائعة شكرررررررررا
    واكتشفت شغلة كمان انه انتي متل الوردة مع الربيع والجو الحلو بتتنشطي وبتتألقي ;)

  10. سارونات 12 May 2009

    السلام عليكم و رحمة الله و بركاته

    كتير حلوة هالفكرة راح صير عيطلك ام الافكار بدل منى :grin عن جد فكرة تنم عن مدى حبك لنا و رغبتك في تقديم الافضل و انت عم تتقني العمل اللي عم تساويه

    ربنا يوفقك و ان شاء الله راح ساوي هالوصفة بس بدي ضم صوتي لواحدة من الاخوات لما طلبت الشارلوت

    كمان بدي اذا ممكن وصفة التيراميسو )) شو طماعة :grin ))

    بالتوفيق
    سلام

  11. ام دانية 12 May 2009

    ممممم طيب انا بشتري جاهز مشان اعمل منو تيراميزو بس هلا رح جربو بس انا ما عرفت شو هاد كورن فلور يا ترى بتقصدي النشاء البودرة؟و اذا بدي اعمل نص الكمية يعني كيف بقسم البيض ؟ ويعطيكي العافية على هل الشرح المفصل

  12. omtasneem 13 May 2009

    السلام عليكم ياستي وانا معك بزماني جربتها وماظبطت معي مابعرف ليش البسكوتات ماطلعو سماك بكيس نايلون واحترقو رح جربها اكيد ويعطيك الف عافية فكرة وصفة تحت المجهر بتجنن ورح قلك شو بيصيرمعي :cry

  13. رنا 13 May 2009

    مزبوط وانا وقتخا صار معي متل ام تسنيم يعني طلع البسكوت كتير رقيق وانحرق ومدرس شو صار

  14. منى 13 May 2009

    هلا رنونة :)
    ان شاء الله هلا مع الصور و الطريقة التفصيلية لازم تظبط مع و اظن الخطا كان بطريقة التحريك و الخفق , دربي و انا اتمنى ان تجربيها من كل قلبي و باذن الله رح تظبط معك و اي سؤال انا تحت امرك ;)

    عن جد خجلتيني و حسيت بالعطر حوالي , الف شكر الك للتشبيه الحلو الي بينعنش اكتر ما الواحد متنعنش :zzz

  15. منى 13 May 2009

    هلا سارونات و متل ما قلتي أتمنى كل أخت بالموقع تصير أحسن طباخة في العالم و الله و تطعمي عيلتها من شغل دياتها بمحبة و حنان ;)

    تكرم عيونك على الشارلوت و التيراميسو بس بشرط

    تجربي هل البسكويت :eek

    شو قلتي ;)

  16. منى 13 May 2009

    هلا ام دانية الدندونة الأمورة :)
    الكورن فلور هو نشاء الذرة و اذا مو موجود استخدمي اما نشا عادي او طحين و الكمية هي مو كبيرة مو مستاهلة تقسميها و الا ما بتعود تنخفق معك :roll
    ان شاء الله تجربيها و انا اتمنى هيك و بانتظار اسئلتك و تجربتك ;)

  17. سارونات 14 May 2009

    السلام عليكم و رحمة الله و بركاته

    طيب موافقة :grin راح جرب الوصفة بس في عندي سؤال قديش بيضاين البسكويت بعد ما نساويه و نحطه بعلية مغلقة و هل منخليه بالبراد خصوصا ان الجو كل مانو عم يصير حر اكتر
    بالتوفيق
    سلام

  18. souha 14 May 2009

    هلا منونة
    سبحان الله قبل ماتحطي هالوصفة تحت المجهر كنت من كم يوم ساويتها مرتين بس بغير هالمقادير طبعا الليدي فينجرز إلها مقادير كتيرة بس الطريقة في التحضير نفسها من زمان أول مرة ما نجحو معي بس لما جمعت معلومات منيحة من الإنترنت صرت شطورة فيهن و بشجع الصبايا يساوها و ماييئسوا من أول مرة بس عندي نصيحة للصبايا بعد تجربتي أنا خبزت البسكوتات مرة بالصينية يلي بتجي مع الفرن و مرة بصينية ألمنيوم طبعا يلي انخبزو بالألمنيوم أفضل بكتييييير و ظهر البسكوتات بيطلع لونها كلو متل بعض
    سلام :)

  19. freesoul 15 May 2009

    مرحبا منى انا جربت البسكويت وطبقت كل التفاصيل يسلمو ايديكي وعم افكر اعمل تراميسو على البسكويت.
    كتير انبسطت وقت يللي شفت بهارات الماسالا لأنو كنت مشتهية على تندوري وما عندي هالبهار. ولمن شفته بموقعك فرحت كتير وعلى الطاير :zzz
    ساويته ونقعت الدجاجة بخلطة التندوري منشان بكرا اشويها بالفرن
    وبكرا بخبرك بالنتيجة :)

  20. رنا 16 May 2009

    شكرا كتير سهى على معلومة الصواني وياريت اذا في شي تاني تفيدينا ;)

  21. بسمة الأقصى 16 May 2009

    ربي يبارك فيكي يا أحلى شيف منى
    فكرتك جميلة وبتزيد الموقع جمال والله
    الحقيقة انا نفسي فعلا أجرب البسكويت ده ان شاء الله يطلع حلو ويظبط معاياوأتجرء وأعمل بقية الوصفات منه
    وان كنت متخوفة من النتيجة لأنه مثل ماقلتي يشبه الكيك الإسفنجي اللي عمره ما نجح معي ابدا سبحان الله ان شاء الله باجربه واقولك على النتيجة
    سامحيني على انقطاعي لكن انا متابعة للموقع وكذلك الدعاء لكي يا مني
    والله انتي تستحقي كل خير يكفي ذوقك وسعة صدرك معنا وده مش رأيي وحدي
    الله يبارك فيكي وفي أولادك وزوجك ويحفظك من كل سوء
    وسلامي للوالدة الله يطول بعمرها ان شاء الله[B]null[/B][B]null[/B]

  22. منى 17 May 2009

    هلا سارونات :)
    ايه ها , هيك بدي ياكي ابضاية و لا تهابين الصعوبات ;)

    البسكويت ممكن تحفظيه بالفريز و بيقعد معك شهريين من دون ما يتأثر بس طبعا بيكون محطوط بعلبة بلاستيك محكمة الاغلاق , يلا بانتظار النتائج ;)

  23. منى 17 May 2009

    هلا ام السوس :)
    الف عافية و صحة و كتير انبسطت ان البسكوتات ظبطوا معك و كمان الف شكر للنصيحة المهمة , بالفعل للكيك و المخبوزات افضل الشي الالمنيوم ;)

  24. منى 17 May 2009

    هلا ام جود :)
    كتيررر انبسطت انك جربتيهم و كمان ظبطوا معك عوافي ان شاء الله على كل شي يا عسل
    يا ترى شو صار معك بالتندوري ؟

  25. منى 17 May 2009

    هلا بسمة :)
    الله يخليلي ياكي , دعوات كريمة من اخت كريمة , ربي يبارك فيك و بكل اهل بيتك واحد واحد , خجلتيني بهل الدعوات الحلوة :)
    سلامك بيوصل لماما باذن الله .

    اتمنى تجربي الوصفة و تظبط معك و حتى لو ما ظبطت من اول مرة ممكن تستخدميها في الحلويات لان لما بتتغطى بالكريما ما بقى تبين , و انا معك باي سؤال و تحت الخدمة و الامر ;)

  26. freesoul 17 May 2009

    انا لمن حمصت البهارات وطلعت ريحتهن قلت الله … لازم يكون التندوري طيب.طبعاطحنتهم و خلتطهم بخلطة التندوري المكونة من زبادي وحمض ليمونة وكمان كزبرة مطحونة وفلفل احمر وشوية زيت حطيتهم على الدجاج ونقعتهم طول الليل وتاني يوم حطيت الدجاج بالفرن طلعوا كتير طيبين ونكهة بهارات الماسالا واضحة وعطت الدجاج نكهة غير شكل
    يسلمو اديكي. عن جد هالبهارات كتير طيبين :)

  27. منى 17 May 2009

    مممم , يا عيني يا عيني :) الف هنا و عااافية ام جود :) شي بيشهي من الوصف ريتك اكلتي عني كم فروجة :grin

  28. omtasneem 18 May 2009

    السلام عليكم ياستي اليك بث حي ومباشر من المطبخ للاسف مع خيبة امل بصراحة مابعرف ليش مرحلة الصفار حسيت نجحت معي بس البياض لأ والبسكوت بالتالي ماثبت معي وقت صبيتوبدي اسالك بالضبط شو قصدك بمحضرة الطعام الي عملتي فيها البياض بصراحة لتاني مرة عالتوالي فشل ذريع ساعديني :sigh

  29. منى 19 May 2009

    هلا ام تسنيم :)
    بالاول الف شكر الك للمحاولة و لا يهمك المهم ان عرفتي وين المشكلة و ما دام البيض ما نفخ معك , قصدي البياض معناها لمن كنتي عم تفصلي بين الصفار و البياض نزل نقطة من الصفار على البياض فمنع انتفاخه , او انك نسيتي تحطي رشة الملح ؟

    محضرة الطعام ااقصد فيها الالة الي بيجي معها كذا الة كهربائية و من بينهم خفاقة البيض :roll

  30. لارا مينا 2 September 2009

    وأخيرا عملت الليدي فنجرز وصفة طلعت سهلة جدا بعد ما نفذت الخطوات بحاذفيرها ومن أول مرة نجح وما تعرضت لأي مشكلة , واستخدمت كيس نايلون عادي , وبياض البيض خفقته في المضرب الكهربائي العادي بعد ماخفقت الصفار ونظفته من الصفار لأن ماكان عندي محضرة الطعام , وكل شيء تمام ويمكن السر لهذه الوصفة اتباع الخطوات وبس وبكل دقة , وأنا لما كنت أخلط الصفار مع الطحين بنفس الوقت واللحظة كانت أختي تخفق البياض وأضفت البياض مباشرة وهو في قمة انتفاخه لأن مرة في إحدى الوصفات خفقت البياض وتركته شوي لأخلط الطحين ولما حطيت البياض طلع في القاع السائل الشفاف إلي ذكرتيه هناوخربت علي .. وكمان أشجع كل الأخوات يعملوها لأن أطيب من الجاهز بكثير ويتلافو أخطاء الأخوات إلي قبل وأهم شيء الحرارة وسط والحبات سمكها يكون مثل الصورة لارقيقة ولا سميكة والبسكويت أول مايطلع من الفرن يكون طري شوي من فوق بس مجرد مايبرد بيجمد أكثر مثل الجاهز وأحسن . حبيت أخبركم بتجربتي للإستفادة والله يعطيكي العافية يامنى على مجهودك الرائع وفعلا وصفة تستحق التجربة.
    ملاحظة : للأهمية بعض الصور التفصيلية ماطلعت مع إنها كانت موجودة قٌبل.

  31. منى 3 September 2009

    برافو عليك لارا , عن جد لوتعرفي شو مبسوطة انك جربتيها و انها زبطت معك , هادا هو المهم تطبيق الخطوات لان كل خطوة مكتوبة هون معناها في وراها خبصة خبصتها و كان سببها فشل الوصفة , ردك كالعادة كافي و وافي و بحس بكل كلمة فيه انك انسانة كريمة لان شاركتينا بكل شي جديد اتعلمتيه :)

    هنا لارا و الف صحة , رح ارجع حمل الوصفات لاتخلص من هل المشكلة و هلا جاية وراكي على كاتو جلاس , استنوا لا تخلصوا الكيك قبل ما اجي :grin

  32. omyosef 16 March 2010

    اهلا حبيبتى منى بدى اسئلك اشغلل الفرن من فوق ومن تحت وقت الخبز ارجوك ردى على بسرعه ماشي حبيبتى الله يعطيكى العافيه
    ويسلمو ايديكى

  33. منى 17 March 2010

    لا اختي بس من تحت و بحرارة الفرن رح يحمر شوي من فوق و الخبز على الرف الوسطاني ;)

  34. haya 3 September 2010

    رمضان كريم على الجميع باذن الله انا بعرف انها متأخرة بس لسة رمضان في نهاياته وان شاءالله ربنا يتقبل من الجميع الصيام والقيام باذن الله
    وعيد مبارك للجميع سؤالي يا منى هل بقدر اعمل نص الكمية اللي انت عاملتيها بدي اجربها وما بدي انها تخرب معي واذا بدي اعمل حلو التيراميسو هل بستهلك كل كمية البسكويت اللي انت عامليته على مقدارك يعني وشكرا الك انا كثير بغلبك معي باسئلتي

  35. منى 5 September 2010

    امين هيا و ينعاد علينا بالخير و ما نطلع منه الا و نحنا من العتقاء , امين يا رب
    فيك هيا , بس ما بعرف شو رح تطلع معك , لان هل الكمية مو كبيرة ابدا و يا دوب تتحرك الخفاقة عليها , بقى كيف اذا نقصتيها ؟

    من عيوني و على عيوني كل اسئلتك حبيبتي

  36. حمودي 10 January 2011

    سلام منوشه
    كيفك ؟
    انا اسف انقطعت عن تجربت الوصفات لان النت انقطع :cry
    ………..
    اي ست الكل ممكن نضع دقيق عادي بدل دقيق الحلويات وكمان نقدر نستغني عن ورق الزبده
    ……….
    مع خالص تحياتي
    Ahmed

  37. ssweetangela 16 March 2011

    مرحبا ست منى الله يعطيكي العافية ويسلم ايديكي يارب طلعو الفنجرز بيجننو وانا كمان حطيت كل تنتين فوق بعض وحشيتهن شوكولا طلعو كتير طيبين
    يعيشو هالايدين يارب

  38. منى 16 March 2011

    هلا اخي احمد ,
    و الله الطحين ضروري , اما ورق الزبدة فممكن تمسح الصينية مسحه صغيرة و تستغني عنه

  39. منى 17 March 2011

    هلا اختي سلوى :)
    صحتين و هنا و تعيشي و تعملي ان شاء الله
    هي الفكرة الي ذكرتيها حلوة , رح جربها مرة تانية اذا رب العالمين راد :zzz

  40. zina 5 April 2011

    يسلمو اديكي على هل وصفة عن جد بتجنن أنا اليوم جربتها وطلعت فظيعة بس عاملة قياس كل وحدة إد ثلاثة من يلي بالصورة شكرًا كتير والله يجزيكي الخير

  41. منى 5 April 2011

    صحتين و عافية زينة :)
    الحمد لله زبط معك و كان يممي , شكرا للدعوات الغالية ;)

  42. amoula 10 May 2011

    السلام عليكم اختي منى , بدي أسألك فينا نعمله نفسه بالكاكاو ؟
    يعني نحطله كاكاو بيطلع بالشوكولا ؟؟
    الله يجزيكي كل خير يارب , وبالنسبة لورق الزبدة فينا نستغني عنه بشي شغلة تانية ؟
    يسلمن يارب ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)