ترايفل بشوكولا مارس


         وصفة : منى                 2009/05/27                 26 تعليقات
ترايفل بشوكولا مارس



سويسرول

الكاسترد :

4 كوب حليب
2 بيضة
2 – 3 فنجان سكر
فانيليا
4 ملعقة كبيرة طحين
2 ملعقة كبيرة زبدة
بشرة ليمونة
3 حبة شوكولا مارس

للتزيين :

5 – 6 حبة شوكولا مارس مدقوقة ( وزن العبوة 25 غ )





• يحضر السويسرول و مع وصفته تزاد بشرة ليمونة للمقادير , تضاف مع الطحين بعد نخله ثم يخبز السويسرول , تخرج الصينية من الفرن ثم تترك حتى تبرد .

• يختار طبق كبير و غميق ثم يقلب على السويسرول و تقطع دائرتان من السويسرول على مقاس القالب و تترك جانباً .

• يحضر الكاسترد : يوضع الحليب و البيض و الفانيليا و السكر و الطحين في خفاقة العصير و يمزج الكل حتى الحصول على مزيج متجانس .

• يوضع مزيج الكاسترد على نار متوسطة و يقلب الكل بمضرب سلك حتى يغلي و يبدأ بالسمك .

• يبعد الكاسترد عن النار و تضاف الزبدة و بشر الليمون و يقلب حتى تذوب الزبدة و تمتزج مع الكاسترد ثم يقسم الكاسترد لثلاث أقسام , تضاف الشوكولا لأحد هذه الأقسام ثم تقلب بسرعة حتى تذوب الشوكولا بحرارة الكاسترد .

• في الطبق الغميق توضع أول شرحة من السويسرول ثم تغطى بأول قسم من الكاسترد السادة . يغطى الكاسترد بما تبقى من قالب السويسرول ثم يسكب فوقه القسم الأخر من الكاسترد بالحليب .

• يغطى الكاسترد بالدائرة الثانية من الكيك ثم يغطى بالكاسترد على شوكولا و يوضع في البراد حتى وقت التقديم .

• قبل التقديم , توضع شوكولا مارس في الفريزر لمدة ساعة , ثم تخرج و تدق و هي لا تزال مغلفة بورقتها باستعمال هاون حتى تنعم , تفتح و تنثر فوق الكاسترد ثم يقدم الحلى فوراً و يفضل أن يكون بارداً جداً .
  • وصفات تانية ممكن تعجبك


التعليقات

  1. ام محمد 27 May 2009

    الله يسلم هاالديات شي اكثر من رائع
    والصورة بتشهي :)
    منمون بدي اقولك لو ترجعي شويه للمنيوالتركي
    وتعمليناغريبة استنبول :p
    لاتؤاخذيني عم بتقل عليكي بس حبيت اذكرك ياقمرالله يحفظك ويطول عمرك ويخلينا ياكي

  2. لين 27 May 2009

    والله كتير طيب انا بدال الكيك بحط بسكويت بس طريقتك بيطلع اطرى تسلم اديكي يا رب

  3. لين 27 May 2009

    ما في الز من هكيك ياالله اكلك ما اتيبو عم تكسريلنا الريجيم

  4. ام نور 27 May 2009

    الف شكر منى وصفة رائعة وبتبيض الوج ادام الضيوف كلك زوء :)

  5. سارونات 27 May 2009

    السلام عليكم و رحمة الله و بركاته

    سبحان الله لساتني مبارحه عم بحكي و قول بدي جرب السويسرول على طريقتك و كمان قلت صار وقت ارجع لعمل كاسترد لان الجو حر و شوفي سبحان الله هالوصفة عن جد كتير حلوة بس الكمية كتيييييييير كبيرة علي راح حضر نصها او ربعها
    اختي منى ليش الشوكولا ما منحطها غير على اخر لحظة يعني ما فينا نحطها على الوش و بعدين نحطها بالبراد
    – كمان قديش بتضاين الوصفة بالبراد و هل اذا تركناها ليومين لازم نغطيها
    — كمان بعتقد بتنفع هالوصفة اذا خرب الكيك لا سمح الله فينانستعمله فيها

    — اخر شي عم شوف السويسرول رفيع و الكاتو الاسفنجي سميك هاذ معناته ان مو مهم سمك الكيكة مو هيك :?

    يسلم دياتك على الوصفة اختي منى و عقبال وصفة كيكة التوفي لان لساتو ما ضبط معي و عم فكر ارجع ساويه

    بالتوفيق
    سلام

  6. Iman 27 May 2009

    يم يم يم يا منى على هالوصفه شو دخلت مرائي. تخيلتا بتجنن. تسلم ايديكي. شكلا كتييير حلو كمان. لو تعرفي الساعه عندي خمسه و نصف صباحا. هيك بدك ياني ابلش يومي?? :zzz

  7. رنا 27 May 2009

    ياستي وصفة رائعة عن جد لذيذة كتير على فكرة من يومين كان عنا ضيوف وحضرت وصفات الحلو من الموقع وبعد ماخلصوا اكل راحوا فورا عالكمبيوتر ليشوفوا من ين اجاني هالابداع :grin قريت ونفخت عليكي من العين عن جد شي بيرفع الراس ;)
    بس الترايفل يلي عاملتيه اذا جينا نتخيل لفلوفة السويس رول كيف رح اقسمه نصين يعني بتطلع سميكة ؟؟..فهمتي علي منوووشة ولا انا فهمانة غلط قصدي لانه لفلوفة السويس رول طويلة اذا انقسمت ….هاااااااااااااااا معناها حاطتيها بالعرض خلص خلص فهمت الظاهر انا نعست كنت مفكرتك موقفتيها توقيف :grin :grin دخيلك لاتواخذيني

  8. semo 28 May 2009

    يمي يمي
    شو هالاكلات الطيبة اللي منظرها بتشهي بقى كيف طعمها

    والمشكلة اني عم اعمل ريجيم الي كم يوم لانو محسوبتك مجنونة نحف وبتموت عالاكل

    اكيد رح جربها
    في عندي سؤال او بالاحرى رجاء متل مابتعرفي انا مغتربة وكتير بحب القراص اللي بيكونو كبار وفيهن محلب وشمرا مابعرف اذا عرفتيهن

    حابة اذا عندك طريقة تحضيرن تقليلي كيف
    سألت كتير بس ماحدا بيعرف شلون بينعمل ياريت تتكرمي علي بالمقادير وطريقة التحضير

    وانا الك من الشاكرين :roll

  9. منى 30 May 2009

    هلا ام محمد :)
    تكرم عيونك اختي , لا تتقلي و لا شي , انا الي اتاخرت بالوصفة :roll

  10. منى 30 May 2009

    هلا لين :)
    لا شو ريجيم و ما ريجيم , الله يبعدنا عنه و يبعده عنا :grin
    الله يسلمك اختي و يخليكي و اذا جربتيه بالكيك ان شاء الله تخبريني شو بيصير معك ;)

  11. منى 30 May 2009

    هلا سارونات :)
    ان شاء الله تجربي الوصفتين و يكونوا متل ما بدك .

    بتضاين الوصفة بالبراد يمكن لتلات او اربع ايام بس ممكن تنشف شوي لهيك الاحسن ان تغطيها و الوصفة اكيد بتنفع اذا ما نجح الكيك الاسفنجي , و الكيك رح نقطعه لتلات شرائح و نطبق الوصفة متل مو مذكور

    ان شاء الله تجربيها و تظبط معك و تطلع يميي :)

  12. سارونات 30 May 2009

    السلام عليكم و رحمة الله و بركاته

    الحمد لله بعد ما جربت كيكة السفن اب بالليمون و نجحت الحمد لله قلت راح اخذ منها شوي و ساوي فيه الترافل بس ما تركوني ساويه لان كتير عجبهم الكيك :grin بقى ان شاء الله بالمستقبل بساويلي شي كيكة و استعملها للترافل

    بالتوفيق
    سلام

  13. منى 31 May 2009

    هلا امونة :)
    شو هل الصباح الحلو , شوكولا و كريما , يا ستي طبقت عليك الغنية صباحك سكر :zzz
    ان شاء الله دايما مبسوطة و فرحانة و الله لا يحرمني هل الضحكة الحلوة

  14. منى 31 May 2009

    هلا رنونة :)
    دقيقة اول لفك من الحيط الي دخلت فيه , هلا بالاخير شو صار :grin
    شوفي رنونة السويس رول ما رح فكه , متل ما هو مستطيل رح اقطع منه دائرتين و استعملهم لوصفتي و الباقي بالنص , يعني لا طول و لا عرض الله يوفقك مستوي افقي بقطر متساوي ( اليوم كان التلاتة من الاولاد عنهم رياضيات , بدك تعزريني شوي اخدة هل التعابير على لساني )

    الف صحة و هنا على قلبك و قلب ضيوفك واحد واحد و كتير انبسطت ان العزيمة كانت ناجحة ;)

  15. منى 31 May 2009

    هلا سيمو :)
    و كمان طعمتها لذيذة و سهلة ما يغرك كتر الحكي :zzz
    ليكون قصدك على البريوش ؟ الصراحة ما عرفتها لهل الوصفة الي ذكرتيها , حبيت فيدك :roll

  16. منى 31 May 2009

    هلا سارونات :)
    الف عافية و صحة على الكيك و على كل شي جربتيه او ناوية تجربيه 8)

  17. بشرى 2 June 2009

    يييممممم ..

    شكله طيب كتير .. رح جربو الخميس إن شاء الله ..

    إخواتي شو متفاجئين بالأكلات اللي عم اعملها .. كل يوم بقدم مادة بالليل بعملن اكلة جديدة تعلمتا منك .. حكيتلا كتير لأمي عنك يا منوشة .. قالتلي ما شاء الله حولا شي بيرفع الراس .. حتى صار بدا تتعلم الانترنت مشان تدخل ع موقعك .. 8)

  18. منى 2 June 2009

    هلا بشورة :)
    الف الحمد على السلامة و انا عم قول لحالي وين غاطة , هلا انت بحلب يعني ؟

    و بديوا امتحاناتك , الله يوفقك بكل موادك , شدي الهمة , بدنا نجاح بكل المواد و بمعدلات باذن الله :)

    سلامي لماماتك الله يخليك ياها , هنن الاصل و الله ;)

  19. JoJo 9 June 2009

    يم يم يم ما الز طعمه
    يسلموو الايادي منى علي وصفتك السهلة والرائعة

  20. منى 10 June 2009

    هلا جوجو :)
    الله يسلمك و يخليك يا عسل , نورتي اختي

  21. نهى 10 June 2009

    تسلم ايديكي يامنى
    ماشاء الله انا جربته بالبسكوت وطلع جميل
    واحلى مافيه الكاسترد المنزلى لانى كنت دايما اعمله بالبودرة وكنت احس انى ماقدر اكل منه كتير يادوب معلقتين وده آخرى
    لكن ده حاساه مفيد والولاد ياكلوا منه وانا مطمنة

  22. منى 10 June 2009

    الف الف صحة و هنا يا نهى على كل لقمة على قلبك و قلب الكتاكيت الحلوة , ربي عافية على قلبهم :zzz

    كتير انبسطت انه عجبك و حبيته و ان شاء الله كمان تجربيه بالكيك و يكون على زووءك

  23. omtasneem 12 June 2009

    يم يم ياسلام جربتها من يومين ولااروع طيبة كتير يسلمو ايديك علا قولت جوزي لاانحفناوجربتها بالكاتو الاسفنجي وطلع شو نفش نفشة اديش بعرف طرق للكاتو الاسفنجي هي احسن وحدة يسلمو ايديك 8)

  24. منى 12 June 2009

    هلا ام تسنيم :)
    ريتو صحة و الف هنا و كتير عن جد تير انبسطت ان الكيك نجح معك , هي احلى خبرية لليوم ;)

    يلا كم لقمة ما رح ياثروا على النحف و السمن :zzz

  25. عبير الشام 10 June 2014

    يسلمو ايديكي مدام منى وصفاتك حلوة وسهلة ولزيزة ..حابة اسالك انو ليش قسمنا المزيج 3 اقسام موقسمين ! يعنياول طبقتين حيكونو نفس الطعمة ولا في فرق !
    وشكرا الك

    • منى 26 June 2014

      شكرا عبير , من زووئك :)
      قسمناهن بس لحتى يصير عنا طبقات , طبقة على حليب بعدها شوكولا بعدها ع حليب , ما في فرق بالطعمة بين طبقتين الحليب

      منورة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)