تشاينيز بيف بالملفوف و الفطر


         وصفة : منى                 2007/12/12                 14 تعليقات
تشاينيز بيف بالملفوف و الفطر

هي وصفة سهلة و طعمتها طيبة كتير و بحسها مفيدة و خفيفة , اول مرة دقتها بالغراند و بعد كم يوم جربت حضرها بالبيت و اكيد طلعت تشاينيزي اطيب من تشاينيز الغراند , و الحلو ان ممكن تحضريها بالدجاج او باللحم , حسب المتوفر عندك , المهم انها طيبة كتيررر

بالصحة و الهنا




نصف كيلو شرحات بقر مقطعة لشرائح رقيقة
القليل من الخل
ملح و فلفل أسود
رشة قرفة
4 ملعقة كبيرة زيت
ملعقة صغيرة زنجبيل طازج , مبشور
حبة كبيرة بصل
2 فص ثوم مهروس
نصف حبة ملفوف
2 حبة جزر , مقطع عيدان
2 كوب فطر مقطع لشرائح
2 كوب مرق
3 – 4 ملعقة صويا صوص ( أو أكثر حسب الرغبة )
1 – 2 ملعقة كبيرة نشاء الذرة ( كورن فلاور )





• تقطع شرائح اللحم لعيدان ثم تنقع بالقليل من الخل و الملح و البهار و القرفة و تترك في البراد لمدة ساعتين على الأقل .

• تقطع حبة الملفوف لشرائح رقيقة جداً و يستخدم نصف الحبة فقط أما النصف الأخر فيمكن حفظه في كيس نايلون محكم الاغلاق في البراد ليوم أخر أو يمكن أن تحضر به سلطة الكولسلو .

• يحمى الزيت في مقلاة كبيرة ( و يفضل المقلاة الخاصة بالطبخ الصيني ) ثم ترفع الشرحات من الخل و تقلى على دفعتان أو ثلاثة على نار قوية كي لا تخرج عصارتها و تبقى طرية من الداخل .

• بعد أن تنضج اللحمة تعاد كلها للمقلاة و يضاف البصل و يقلب قليلاً حتى يطرى , يضاف الثوم و الفطر و الملفوف و يقلب الكل لمدة عشر دقائق .

• يضاف المرق و يترك الكل على النار حتى تنضج اللحمة و الملفوف .

• أخيراً يذوب النشاء بالقليل من الماء و يضاف للمزيج مع صلصة الصويا و السكر في حال استعماله و يترك الكل حتى يسمك الصوص قليلاً و يضاف القليل من الملح حسب الحاجة .

• يقدم التشاينيز بيف مع الأرز المفلفل أو النودلز حسب الرغبة .









التعليقات

  1. ام نور 13 December 2007

    يسلم هالديات يا منى على هالاكلة شكلا بتشهي وسهلة عم فكر جربا تغيير شكل عاطول بحشي الملفوف برز او لا السلطة هالمرة رح غير انشالله تطلع طيبة ويحبا زوجي بس ما عندي صويا صوص فيني استبدلا بشي تاني او ما بياثر :?

  2. ام نور 14 December 2007

    الصلصة الاولى غريبة اول مرة بسمع فيا الا يكون بفرنسا منا بس اكيد الاسم غير ولا حتى نعرفا هون المشكلة,لان في كتير انواع اذا الواحد ما جربا ما بيخطرلو يجيب :) قصدك الصويا صوص جيبو من لبنان :? عكل حال بدي اسال جارتي الا في بديل او شبيه انا مابعرفو

  3. منى 14 December 2007

    هلا ام نور :)

    لا اكيد الصويا صوص متوفر بفرنسا و أظن اسمها صلصة السوجا :roll

    و الوسترشاير على الاغلب متوفرة ..

    مرة سمعت شيف على التلفزيون بيقول ان صلصة الوسترشاير هو السر الي بيميز أطباق المطاعم ..

  4. منى 14 December 2007

    هلا ام نور :)

    إذا عندك صلصة وسترشاير فيك تستبدليها ..

    بس لو تجيبي علبة صغيرة صويا صوص بتروح معك كتير و بتلاقيلها كتير استخدامات و ما بيصير لها شي لو بقيت عندك بالبراد شي سنة ;)

  5. بدور 24 December 2007

    الله يسلم هالايدين يا رب

    الحمدلله هالمرة عرفت الصويا صوص لإنو بأكلاتك أو حتى من كتاب الشيف رمزي عندي بالبيت بلائي مشكلة ديما بأسماء الصوص ما بعرف اجيبون وببطل أعمل الاكلة كلها مشان الصوص :?

    مثلا الوورشستر يمكن هيك كان اسما كنتي حاطتيا بأكتر من أكلة وكتير طيبة بس ماعرفت من وين اجيبون :roll

    وفي كمان المردقوش نوع بهارات هو نفسو الاوريغانو؟

    رجعت عالأسئلة مو بالله؟ :grin

    يسلمو كتير منى الحلوة 8)

  6. منى 24 December 2007

    هلا بدورة :)

    الصوصات صارت كلها متوفرة عنا ..

    يمكن من خمس أو ست سنين كان صعب تلاقيها , بس هلأ بالسوبرماركات الكبيرة دايما بيكون في قسم كامل بتلاقي فيه شو ما بدك و بيخطر أو ما بيخطر على بالك

    هلأ وسترشاير موجودة بالنيو تاون , لسا من كم يوم شفتها بعيوني و أظن كمان متوفرة عند كنان الي قريب من المحافظة …

    المردقوش غير الأوريغانو , و إذا في عندك حدى متل بابا أو أخوك ممكن يروح لسوق العطاريين بالمدينة , بس يطلبه من أي عطار و هو بيعطيه

    و كمان نيو تاون عنده , و الله ما عم اعمل له دعااية :grin

    انت بتنوري يا عسل انت و اسئلتك ;)

  7. بدور 28 December 2007

    :) يسلمو كتير منى الله يعطيكي العافية يا رب :) ونشالله تنالي مراد البك.

    انا صار عندي مراء بالطبخ والأكلات والحلويات منك ومن تشجيعك عنجد شكرا كتير :zzz

  8. منى 29 December 2007

    مية السلامة بدور :)

    كلك زووء حبيبتي , و ان شاء الله الك متل هل الدعواات الحلوة ;)

  9. أم الهدى 24 September 2008

    حبيبتي منظر الطبق بشهي وحابة جربو اليوم وما عندي لحم بقر بنفع لحم خاروف المقطع مكعبات

  10. منى 24 September 2008

    هلا ام هدى :) اختي رح تتغير كتير اذا استعملتي المكعبات العادية , فيك تستعملي شرحات خاروف أما المكعبات فرح تتغير كتير ;)

  11. منى 19 January 2009

    ما بتفرق أختي بس أنا باستعمل الفيليه لان فيه نكهة و بيستوي بسرعة , بس أكيد فيك استعملي الي متوفر بس بشرط يكون العظم منزوع من الستيك في حال استعماله و انتبهي على وقت طبخه ;)

  12. أم الهدى 19 January 2009

    حبيبتي رح أسألك إذا استعملت شرائح الستيك أحسن من الفيليه ولا ما بتفرق
    مشكورة حبيبتي

  13. larooo 8 February 2010

    اليوم جربتها ..مممممم طلعت غير شكل
    يسلمو ايديكي منى .. انا جداااا معجبة بالموقع
    الله يعطيكي العافية يارب
    بس بدي اسألك بتعرفي شي كيف بينعمل الرز الصيني
    اللي بكون فيو خضرة شوي وبيض   :)

  14. منى 9 February 2010

    الف هنا و صحة و عافية يا حق :)

    ايه بعرف و ان شاء الله يصح الي نول وصفته قريب ;)

تقييم الوصفة
عاديةقد أحضرهاجيدةممتازةأكثر من رائعة (2 votes, average: 5.00 out of 5)