تشكن اسكالوب


         وصفة : منى                 2009/03/11                 37 تعليقات
تشكن اسكالوب

·          تمزج مقادير التتبيلة جيداً ثم تفرك بها صدور الدجاج و تترك لمدة ساعتين حتى تمتص النكهات , إضافة الكركم اختيارية و ستعطي بعض اللون للشرحات عند تقطيعها .

·          يخفق البيض مع الملح و البهار و الزيت . يوضع الطحين و الكعك , كل نوع على حدة , في طبق مسطح  ثم ترتب الأطباق بالشكل التالي : طحين , بيض , كعك . يمكن تنكيه الطحين و الكعك بالبهارات التي تحبيها .

·          ترفع الشرحات من التتبيلة ثم تلت بالطحين ثم بالبيض ثم بالكعك . يضغط على الشرحات جيداً عند لتها بالطحين أو بالكعك ثم ترفع و تهز بلطق للتخلص من الطحين أو الكعك الزيادة .

·          توضع الشرحات الجاهزة في طبق واسع مسطح و توضع في الفريزر لمدة ساعة .

·          تستخدم مقلاة غير لاصقة للقلي , يوضع الزيت فيها بحيث يغمر أول طرف من الستيك فقط بدون أن يصل للطرف الثاني , يستخدم للقلي زيوت عادي مثل زيت زوار الشمس أو الذرة و لا يستعمل زيت الزيتون لأن له نكهة قوية لا نرغب بها لطبقنا . يمكن اضافة ملعقة صغيرة من الزبدة لاضافة طعم ألذ للاسكالوب .

·          يوضع الزيت و يترك حتى يحمى على نار متوسطة , لا تضاف قطعة الاسكالوب قبل أن يحمى الزيت و الا فانها ستمتص الزيت و تصبح ثقيلة و غير مقرمشة .

·          ترتب قطع الاسكالوب في المقلاة و تترك لبضع دقائق من دون أن تقلب حتى تنضج من أول طرف , تقلب على الطرف الثاني و تترك حتى تنضج أيضا و يصبح لونها أشقر و جميل . ترفع القطع على ورق ماص .

·          يدوب الحليب مع الطحين ثم يوضع على النار و يتبل و يقلب حتى يغلي و يسمك قليلاً . تضاف الكريما و تترك حتى تغلي مجدداً .

·          تغرف المعكرونة في جانب طبق التقديم و البطاطا المقلية في جانب أخر و الخضار السوتيه في جانب أخر . تصب الصلصة على المعكرونة و في منتصف الطبق .

·          ترتب قطع الاسكالوب فوق الصلصة و تقدم فوراً .
 
فكرة لذيذة :

لتحضير صوص بالفطر يقطع الفطر لقطع صغيرة ثم يقلب بالقليل من الزبدة و يضاف لصوص الكريم .




كيلو صدور دجاج مخلاة من العظم و الجلد و مطروقة لشرائح رقيقة

التتبيلة :

نصف ملعقة صغيرة بهار مشكل
نصف ملعقة صغيرة زنجبيل مطحون
نصف ملعقة صغيرة فليلفة حمراء حرّة
نصف ملعقة صغيرة كركم
نصف ملعقة صغيرة قرفة
نصف حبة صغيرة مبشورة طازج جوزة الطيب
ربع ملعقة صغيرة فلفل أبيض
2 ملعقة كبيرة خل
2 ملعقة كبيرة زيت زيتون
نصف ملعقة صغيرة خردل

للبانيه :

كوب طحين أو أكثر
3 بيض
رشة ملح و بهار
ملعقة صغيرة زيت زيتون
كوب بقسماط أو أكثر

الصوص :

4 كوب حليب أو مرق دجاج
4 ملعقة صغيرة طحين
كوب كريما سائلة
ملح و فلفل أبيض





• تمزج مقادير التتبيلة جيداً ثم تفرك بها صدور الدجاج و تترك لمدة ساعتين حتى تمتص النكهات , إضافة الكركم اختيارية و ستعطي بعض اللون للشرحات عند تقطيعها .

• يخفق البيض مع الملح و البهار و الزيت . يوضع الطحين و الكعك , كل نوع على حدة , في طبق مسطح ثم ترتب الأطباق بالشكل التالي : طحين , بيض , كعك . يمكن تنكيه الطحين و الكعك بالبهارات التي تحبيها .

• ترفع الشرحات من التتبيلة ثم تلت بالطحين ثم بالبيض ثم بالكعك . يضغط على الشرحات جيداً عند لتها بالطحين أو بالكعك ثم ترفع و تهز بلطق للتخلص من الطحين أو الكعك الزيادة .

• توضع الشرحات الجاهزة في طبق واسع مسطح و توضع في الفريزر لمدة ساعة .

• تستخدم مقلاة غير لاصقة للقلي , يوضع الزيت فيها بحيث يغمر أول طرف من الستيك فقط بدون أن يصل للطرف الثاني , يستخدم للقلي زيوت عادي مثل زيت زوار الشمس أو الذرة و لا يستعمل زيت الزيتون لأن له نكهة قوية لا نرغب بها لطبقنا . يمكن اضافة ملعقة صغيرة من الزبدة لاضافة طعم ألذ للاسكالوب .

• يوضع الزيت و يترك حتى يحمى على نار متوسطة , لا تضاف قطعة الاسكالوب قبل أن يحمى الزيت و الا فانها ستمتص الزيت و تصبح ثقيلة و غير مقرمشة .

• ترتب قطع الاسكالوب في المقلاة و تترك لبضع دقائق من دون أن تقلب حتى تنضج من أول طرف , تقلب على الطرف الثاني و تترك حتى تنضج أيضا و يصبح لونها أشقر و جميل . ترفع القطع على ورق ماص .

• يدوب الحليب مع الطحين ثم يوضع على النار و يتبل و يقلب حتى يغلي و يسمك قليلاً . تضاف الكريما و تترك حتى تغلي مجدداً .

• تغرف المعكرونة في جانب طبق التقديم و البطاطا المقلية في جانب أخر و الخضار السوتيه في جانب أخر . تصب الصلصة على المعكرونة و في منتصف الطبق .

• ترتب قطع الاسكالوب فوق الصلصة و تقدم فوراً .

فكرة لذيذة :

لتحضير صوص بالفطر يقطع الفطر لقطع صغيرة ثم يقلب بالقليل من الزبدة و يضاف لصوص الكريم .
  • وصفات تانية ممكن تعجبك


التعليقات

  1. رنا 11 March 2009

    شي لذيذكتيييييييير ووصفة سهلة كمان
    ياستي اليوم عم قول بدي اسألك على هالوصفة وعالكوردون بلو وسبحان الله لقيت الوصفة قدامي ..وكمان عالليدي فنجرز وعدتيني بالصور وعم بستناهن مشان الكاتو جلاس ..لانه هون صار شوب كتير :grin
    ياستي منجي للسؤال المهم
    هلأ انا بجيب صدور مشفاية بس كل صدر مقطوع قطعتين تقريبا يعني سميك نوعا ما ..اقسمه بالنص ولا استخدم المطرقة ليصير رقيق يعني قصدي كل قطعة يلزمها صدر كامل ؟؟؟
    وشكرا الك يااحلى شيف :)

  2. omtasneem 11 March 2009

    السلام عليكم ورحمة الله وبركاته. ياسلام اسكالوب يم يمي مافي مرة بنزل فيها عاسورية الا وبحب اكلا رح جربها بغداي الي جاي بس سؤال الخردل ضروري ماعندي هون فيني استبدلو هو والخل لاني انا وجوزي مامنحب طعمتو ناطرة جوابك ويعطيك الف عافية ويسلم دياتك

  3. ام نور 12 March 2009

    شو هالوصفة يممممممممممم غير شكل سلم دياتك يا احلى منى انا بعملا هالاكلة بس بستيك لحمة واحيانا بدل الكعك بحط سميد وسط بس الصراحة التتبيلة عندك غنية وبتعطي كتير طعمة طيبة انشالله رح جرب طريقتك مع دجاج هالمرة

  4. منى 13 March 2009

    هلا رنونة :)
    يا ستي القلب على القلب , ان شاء الله تجربيها و تكون على زووءك و اول ما حضر الليدي فنجرز رح صورهم بالخطوات باذن الله , ان شاء الله الاسبوع الجاية عندي ضيوف و ناوية حضرهم ;)

    لهل الوصفة رح نستخدم الصدور الي بتكون مقطعة لنصفين و كل نص نطرقه لحتى يصير رقيق , يعني كمل صدر كامل رح يعطينا قطعتين , ان شاء الله تكون وضحت الفكرة و اي سؤال تاني من عيوني حبيبتي

  5. منى 13 March 2009

    هلا ام تسنيم :)
    ان شاء الله تجربيه و يعجبك و يعجب العيلة كلها
    الخردل فيك تستغني عنه بس الخل نو , لان هو رح يشيل زفارة الدجاج و يعطيها الطعم الطيب :zzz

  6. منى 13 March 2009

    هلا ام نور حبيبتي :)
    ان شاء الله تجربيها و تعجبك , و كمان السميد رح يعطي الوصفة قرمشة يممي
    الستيك انا لمن بحضره ما بلته بالكعك و البيض , بس بقليه لحاله , سبحان الله كله مع العافية ما في اطيب منه ;)

  7. رنا 13 March 2009

    خلص وصلت الفكرة شكرا كتير كتير وبس جربها رح قلك النتائج :grin

  8. منى 14 March 2009

    عم استنى :)

  9. غيث 15 March 2009

    الله يسلم دياتك منى وبدي اخبرك انو الكبة مشي حالها الله يجزيك الخير على ملاحظاتك الرائعة وكان عندي الجمعة عزيمة والامور تمام الحمد لله الله يبيض وجهك وهالكبة المقلية رائعة طلعت وخاصة بقرمشتها شكرا لك ميمو من القلب اشكرك

  10. سلاف 15 March 2009

    يسلم ايديكي منى هالاكله شو بحبها 00 الموقع امبارح مارضي يفتح معي مدري كان فيه مشكله مدري من النت عندي00 كان رح يغط عقلبي بس اليوم من الصبح فتحته ومشي الحال :)
    انا جربت مره ساويها بس كانت تطلع مو مقرمشه وكتير تغب زيت طلع المشكله متل ماذكرتي بطريقة القلي معنا ها 00 الله يجزيكي كل الخير عطول بتنبهينا لشغلات وبتعطينا اسرار نجاح الوصفات ربي يجزيكي كل الخير
    هل من الممكن الاستغناء عن الكريما ووضع بديل الها قشطه بالصوص ؟؟؟؟

  11. منى 15 March 2009

    هلا غيوثة :)
    عافية و الف صحة و هنا على الكبة و على كل شي كان على الطاولة , الحمد لله ان مشي حالها ;)

  12. منى 15 March 2009

    هلا سلاف :)
    الله يسلم و يخليك , ان شاءالله تجربيها و تطلع معك متل ما بتحبي و اكتر يا رب
    ممكن الاستغناء عن الكريما و اضافة القشطة مكانها اكيد و كمان طيبببة :zzz

  13. سمسمة 15 March 2009

    حبيبة قلبي منى بدي أسألك ليش طبقة البقسماط بتفصل معي وقت القلي ومابتمسك بقطعة اللحمة

  14. منى 15 March 2009

    هلا سمسومة :)
    هي المشكلة الها عدة اسباب و حلها بالملاحظات الصغيرة بالوصفة
    أول الشي الزيت مع البيض
    التاني الضغط على القطعة بعد ما تلتيها بالبيض و الكعك و الطحين و هزها بلطف للتخلص من الطحين أو الكعك الي ما علق
    و اخر الشي انك تحطي القطع بالفريز لمدة ساعة قبل القلي

    جربي هل الوصفة بتفاصيلها و ان شاء الله رح تععجبك النتيجة ;)

  15. lolia 18 March 2009

    ست منى فينا نستعمل شرحات الدجاج وما نتسي وصفة دجاج بالفطروشكرا

  16. منى 18 March 2009

    اختي قصدك الدجاج الي بيجي شرحات و جاهز ؟
    اذا هيك اكيد فيك و مو منسيانة الوصفة , من عيوني ان شاء الله 8)

  17. نوارة 29 March 2009

    اناعملتو اكتر من مرة بس مالي مجربة الصوص شكلو بيطلع طيب وصراحة الخلطة للتوابل والخردل مالي مجربتها شكلها هون رح يطلع التميز بالطبخة جوعتيني
    مرة جربت فتحت الصدر وحشيتو جبنة وسبانخ وفطر(قليتهم بشوية زيت وتبلتهم) بعدين كملت بنفس الطريقة (تغطيس بيض طحين,,,,) كمان طلع طيب وتغير شكل

  18. أم الهدى 30 March 2009

    تسلم دياتك منى بس بدي أسألك إذا حبيت أستعمل بدل الدجاج شرحات بقر مدقوقة بينفع
    وشكرا كتيرإلك

  19. منى 31 March 2009

    هلا نوارة :)
    صح الصوص هون طيب و الخلطة كمان و ممكن تستخدمي البهارات الي بتحبيها

    يممم طيبة فكرة الحشوة و فيها كل الشغلات الي بحبها :zzz

  20. منى 31 March 2009

    هلا ام هدى :)
    اكيد بس بشرط تكون الشرحات من النوع الطري كتير لحتى تستوي معك , انا لمن بحضرها بالشررحات بحب ما غطسها و اتركها على حالها , بس هي اكيدة شغلة زووء ;)

  21. سارونات 14 May 2009

    السلام عليكم و رحمة الله و بركاته

    اختي منى بالنسبة لصدور الدجاج منخليها من العظم و على طول مندقها او منفتحها بالأول و يا يت اذا فيني تصوري لنا طريقة دق صدور الدجاج

    بالتوفيق
    سلام

    .P.S سؤالي المشهور هل يمكن استبدال الكريما بالحليب او الاستغناء عنه تماما

  22. منى 17 May 2009

    هلا سارونات :)
    الصدور بتكون مخلاية من العظم و بعدها نشقها بالنصف و ندقها ;)

    و كمان جوابي المعهود , الكريما رح تعطي غنى للوصفة و اذا حابة تلغيها فعلى مسؤوليتك :zzz

  23. dado 3 June 2009

    السلام عليكم
    من وقت شفت الوصفة بالصفحة الرئيسية وانا حابة حضرها.. بس سافرت وما صحلي.
    مع إني ما باكل لحم بس الاسكالوب إلو معزة خاصة عندي.. دائما بيذكرني بالطلعة والغدا براة البيت… لأنو دائما أهلي كانوا يطلبوا اسكالوب ويجيبولي بيتزا 8)
    المهم سنحت الفرصة أخيرا وحضرتها أول مبارح ونجحت وكانت ظريفة جداً.. وكانت أول مرة بحياتي بتشجع وباكل لقمتين جاج.. ما تساليني عن وقع التجربة علي :x
    يسلموا إيديكي منى.. الوصفة كتير مرتبة والملاحظات كتير مهمة :)

  24. منى 4 June 2009

    هلا دالو حبيبة قلبي :)
    كيف ما اسالك , هادا اول سؤال خطر ببالي , طيب يا ترى رح تعيديها و الا نو :roll قصدي انك تدوقي اللحمة طبعا مو الوصفة .

    الف صحة و هنا على قلبك و قلب العيلة و عقبال ما تاكلي قطعة كاملة :zzz

  25. dado 5 June 2009

    مرحبا مرة تانية..
    والله يا منوش.. ما كانت كتير تجربة مسرة وسعيدة.. يعني كنت مع كل لقمة عم حط مليون شغلة لغطي الطعم.. بطاطا وسلطة ومخلل وكريم توم.. وخليها لربك.
    وبالليل بلشت حس بتانيب الضمير وشفت إنو في جاجة عم تنقرلي بطني لأني أكلت لحمة :sigh
    من الممكن إني عيدها بس على مضض.
    سألتيني عن لقمة تشكن.. والله نو.. ما حسنت جربها.. لسة بدي وقت لإسترجي آكل قطع واضحة من اللحم.. بالخطة الخمسية القادمة انشالله :grin
    تسلمي منى على اهتمامك وسؤالك :)

  26. سارونات 5 June 2009

    السلام عليكم و رحمة الله و بركاته

    اختي منى هل راح تنفع الوصفة بشرائح الديك الرومي
    و هل اي وصفة فيها اسكالوب دجاج ممكن نحط بدالها شرائح لحم الديك او الديك الرومي

    بالتوفيق
    سلام

  27. منى 7 June 2009

    هلا دالو :)
    عم استنى خطتك الخمسية , بس ما دامك مرتاحة بنظامك فلشو التغير , خليك على راحتك و على طبيعتك و خلي الدجاجات نايمات , و خليهم ينيموك احسن :zzz

  28. منى 8 June 2009

    مممم اتوقع بتنفع , بس مرة تانية انا مو مجربتها لحتى قلك اكيد مية بالمية ;)

  29. آرام 10 June 2009

    البارحة جربت الوصفة وكانت أكثر من رائعة .. بس استخدمت فيليه سمك بدل الدجاج، وقليتها بالزيت الغميق مو بالمقلاية، خفت ما تستوي. وما عملت معها الصوص الأبيض، عملت طرطور وسلطة يونانية وبطاطا مقلية وبرك جبنة (جاهزة معدة للقلي) .. والله دعيتلك بالخير من كل قلبي.

  30. منى 11 June 2009

    مممم , فكرة استعمال السمك و الله .

    اخي لا تخاف من القلي في طواية, اذا حابب فيك تجرب و على مسؤوليتي , ايه بيستوي و بينزل نيفا و خصوصا السمك

    ربي الك متل الدعوات الي دعيتها و اغلى اخي الكريم , شرفت الموقع و نورته :)

  31. بشرى 14 September 2009

    منوشة , هلأ قمت من عالسفرة .. طيبة كتير كتير كتير .. كنت مشتهية جربها من زمان بس ما كان في وقت ومراق .. :roll جوزي عجبتو كتير لدرجة قلي إنو تكرر وبشدة 8) وهي حالات نادرة .. :grin يسلم إيديكي يا قمر ..

  32. منى 14 September 2009

    هنا و الف الف عافية على قلبك و قلب ابو الشباب , هياتو الباشا عندك متل باشاني , بيعين الله :zzz

  33. OmRedwan 18 January 2010

    السلام عليكم مدام منى
    الله يعطيكي ألف عافية يارب على الموقع المتميز والله أنا أول مرة باكتبلك من زمان بجرب أكلات من الموقع ماشالله كلو ظريف بس دايما باستحي اكتب تعليق وبادعيلك كتير لأنك فعلا بتشرحي بطريقة كتير حلوة
    واليوم ساويت الاسكالوب ويارب يطلع ظريف بس نسيت حط ملعقة زيت زيتون مع البيض يارب يكون ما بأثر
    واشتريت مدقة لحمة خصوصي وزوجي صار يضحك عليي بس ان شالله هلا بدوقو وبيعرف ليش :grin
    شكرا الك من كل قلبي لأن هالموقع حلو كتير بحس كأني ببلدي وبين اهلي وناسي وكل مابكون مشتاقة للشام(سوريا)بتلاقيني عم قلب بصفخاتو

  34. semo 13 April 2010

    بتجنن منوشة الله يعطيكي العافية

    بس بدي اقترح شي بسيط البانيه لو كان باشاميل وفيه فطر رح يكون أطيب وغير هيك كلو ممتاز

  35. Heba Abu Shaaban 25 January 2011

    احلا شيء اسكالوب الدجاج
    تسلمي

    اطيب اكلة عندي من المفضلة

  36. نزيهة 13 June 2013

    yammmmy

    • منى 18 June 2013

      هنا :)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 4.00 out of 5)