تشيكن بوب كورن


         وصفة : منى                 2008/01/17                 26 تعليقات
تشيكن بوب كورن

·          نخلط المكونات كلها عدا الدجاج و عندما تتمازج جيداً نضع فيها قطع الدجاج و يترك لثاني يوم بالبراد .

·          تقلى قطع الدجاج في زيت غزير متل اللقم (يعني بالملعقة ناخد كل قطعة دجاج مع العجينة المغلفة لها ) حتى تشقر .  

فكرة سريعة  :

·          بتقدري انك تخلطيه و تجهزيه و تحطيه بالفريزر و لما ببلزمك بتطالعيه بس ليحل بتقليه فوراً , انا كل ما بجيب صدور مشفاية بعمل نصف كيلو و بحطه بكيس بالفريزر و وقت اللزوم بنزله و جنبه بطاطا مقلية وسلطة دوقوه وادعولي…

 

 





1 كغ صدور دجاج مقطعة مربعات تقريباً 1*1 سم
1 كأس طحين
نصف كأس ماء
2 بيضة
3 ملاعق صغار خميرة فورية
1 ملعقة كبيرة ثوم مدقوق مليئة
1 ملعقة كبيرة دبس فليفلة
ملح و بهار





• نخلط المكونات كلها عدا الدجاج و عندما تتمازج جيداً نضع فيها قطع الدجاج و يترك لثاني يوم بالبراد .

• تقلى قطع الدجاج في زيت غزير متل اللقم (يعني بالملعقة ناخد كل قطعة دجاج مع العجينة المغلفة لها ) حتى تشقر .


فكرة سريعة :

• بتقدري انك تخلطيه و تجهزيه و تحطيه بالفريزر و لما ببلزمك بتطالعيه بس ليحل بتقليه فوراً , انا كل ما بجيب صدور مشفاية بعمل نصف كيلو و بحطه بكيس بالفريزر و وقت اللزوم بنزله و جنبه بطاطا مقلية وسلطة دوقوه وادعولي...



  • وصفات تانية ممكن تعجبك


التعليقات

  1. منى 17 January 2008

    :eek نورررا عن جد شي بيجنن , أختي سيما علمتي وصفة قريبة منه , بس ما فيها البيكنغ بودر و لا فيها النقع , و لاااااااا دبس الفليلفة الي بموت عليه ,, أكيد هيك رح يطلع بيجنن ..

    نورا رح جربه بهل الاسبوع و خبرك و تسلم ديااتك على هل الطبخة الي غير شكل :)

  2. Rino 17 January 2008

    يا سلام يا نورا على هالوصفة بإذن الله رح أجربها خلال يومين و الله لولا أنو زوجي عازمني بكرة على غدا برا البيت كنت عملتها بتعرفي سبحان الله كل المكونات موجودة عندي حتى صدور الدجاج مقطعتابنفس القياس اللي ذكرتيه و حاطتتا بالفريزر كنت ناوية أعمل فيون دجاج بالكاري بس هلق غيرت رأيي
    رح جرب و أألك شو بيصير معي

  3. نورا 19 January 2008

    إن شاء الله صحة وهناء يا رب.. وعن جد بتمنى انها تعجبكم لانها سهلة جداً تحضيرها خمس دقائق وقليها متل البطاطا لانهها مقطعة قطع صغيرة بتستوي بسرعة… بس انتبهوا انكم تقلوا كمية تكفي لنفس الوقعة لانها إذا باتت بتلين بس بتضل طعمتها طيبة…
    وإن شاء الله تكون على ذوقكم يا رب…
    على فكرة منى اكيد انتي اعرف مني بهيك شغلات بس انا بحط خميرة فورية متل الحبيبات الناعمة مو بيكنغ باودر .. ما بعرف إذا بيعطوا نفس التأثير…بس الطريقة لما اخدتها كانت هيك…

  4. منى 19 January 2008

    منيح نبهتيني :roll ما بعرف كيف قريتها بيكنغ بودر و هي أكيد غير الخميرة الفورية , الظااهر هل الطبخة من كتر ما عجبتني صرت هيك 8) و أنا عم أقرا :grin

  5. منى 22 January 2008

    جربتها و كانت كتير كتير طيبة :) الاولاد جنوا عليها , ساويت كيلو دجاج خلص كله :)

    تسلم دياتك نورا .. ;)

  6. omtasneem 5 February 2008

    :zzz السلام عليكم ورحمة الله وبركاته شكل الطبق بيفتح النفس تسلم دياتك ان شاءالله بجربو وبخبرك

  7. نورا 5 February 2008

    كتير انبسطت لما عرفت انها عجبتك… وكتير كمان زعلت لما اختفى الموقع لفترة حتى انه وعن جد بطلت افتح انترنت من وقت ما اختفى لحتى البارحة رفيقتي اتصلت وخبرتني انه رجع لقمة طيبة فوراً فتحته وكيفت على رجعتك بالسلامة…
    حتى حاولت شوف من موقع لك انه إذا تركتي خبر او أي معلومة عن الموقع… عن جد الله لا يحرمنا من هالطلة يا منى وصحتين وهنا على قلبك وقلب ولادك يا رب…

  8. منى 6 February 2008

    الله يسلمك نورا , الحمد لله قصة و مرت على خير :roll

    خليلي عينك يا رب و الله يخليك سامي و يباركلك فيه يا رب ;)

  9. نهى 21 February 2008

    جربتها بس مش عارفة طلعت طرية وغير مقرمشة مش عارفة ده طبيعي ولا ايه؟؟ بس حسيت انها لو مقرمشة تبقي احلى كتير.. مش عارفة العيب منى ولا ايه؟؟ :roll

    كمان انا استبدلت دبس الفليفلة بالبابريكا من الموقع حسين انهم نفس الشئ ولا ايه؟؟

  10. منى 21 February 2008

    هلا نهى :)

    و الله غريبة أختي انهم طلعوا طريين و مش مقرمشين , أظن طريقة القلي هي السبب , النار لازم تكون حارة قبل ما تضيفي الدجاج و كمان ما تقلي كمية كبيرة بكل وجبة :roll أنا جربتهم و طلعوا طيبين كتير ..

    دبس الفليلفة أكيد فيك تستبدليه لالفليلفة الناعمة بهل الوصفة , و كمان يا ريت لو نورا تقدر تفيدنا :)

  11. نهى 21 February 2008

    ممكن فعلا لانى قليت على نار هادية؟؟
    اجربها تانى باذن الله وابلغكم النتيجة يارب تطلع حلوة
    كنت عاوزة اعرف هو انتى ونورا من اى بلد؟؟

  12. منى 21 February 2008

    احنا من سوريا حلب ;) و انت باين انك من مصر , مش هيك

  13. نهى 9 March 2008

    فعلا انا من مصر بس مقيمة فى الكويت حاليا..

    جربت الوصفة دى تانى بس بالروبيان بدل الدجاج بس طلعت خطيرة تسلم ايديكم كلكم

  14. منى 10 March 2008

    هلا فيك نهولة , اتشرفنا أختي :)

    الحمد لله انها عجبتك , عوافي يا رب ;)

  15. سارونات 19 August 2008

    السلام عليكم و رحمة الله و بركاته
    جازاك الله خيرا اختي على الوصفة شكلها يجنن اكيد راح جربا بس عندي سؤالين لو سمحتي هي اكيد 1*1 سم لان شكلهابالصورة اكبر من هيك و هل فينا نساويها اكبر
    و كمان ازا ما في دبس فليفلة شو منقدر نحط مكانو
    بالتوفيق
    سلام

  16. سارونات 19 August 2008

    السلام عليكم و رحمة الله و بركاته
    اختي منى كمان بدي وصفتك اللي ما فيها نقع و لا دبس فليفلة منشان جربا و من شان وقت الازمات :grin

  17. منى 20 August 2008

    من عيوني اختي :) ان شاء الله بنزل الوصفة قبل رمضان

    الدجاج بتقطعيه على زووءك و دبس الفليلفة ممكن تستبدليها بالبابريكا

  18. سارونات 20 October 2008

    السلام عليكم و رحمة الله و بركاته
    جازاك الله خيرا اختي
    بديث استوضح شي لما بدنا نحفظه في الفريزر هل منحطو بالخلطة و عطول نحطو بالفريزر او منخليه بالبراد لتاني يوم و بعدين منحطو بالفريزر
    و اختي منى ناطرة وصفتك اللي ما فيها نقع
    بالتوفيق
    سلام

  19. منى 21 October 2008

    هلا اختي :) اكيد بتحطيها بالفريزر على طول و ان شاء الله ببقى بنزل الك الوصفة , ما رح اوعدك بوقت بس ان شاء الله على الجدول ;)

  20. haya 8 November 2008

    السلام عليكم اخت نورا كيفك شكل الوصفة هذه بشهي وان شاءالله راح جربهاواكيد راح تطلع زاكية بس بدي اسألك ممكن نستغني عن دبس الفليفلة يا ريت تفيديني لأني حابة كثير اني جربها :roll

  21. منى 8 November 2008

    ممكن جاوبك لحتىترجع نورا للموقع ;) لان انا كنت اعملها من دون دبس فليلفة بس استخدم فليلفة حمراء ناعمة :zzz

  22. نور الأسلام 18 May 2009

    مرحبا هل من مجيب اكله روووووووووووووووووووعه صرت مساويتها اكتر من مره وكتيييير طيبه لكن ما عم تطلع شكل واحد :? :cry

  23. منى 19 May 2009

    هلا نور :)
    الف عافية و هنا , يا ترى المشكلة بتقطيع القطع أو أثناء القلي ؟ لان اذا اثناء القلي فهادا هو الشكل الي بتطلع عليه الوصفة :zzz

  24. عبورة 3 September 2009

    عزيزتي نورا تسلم ايدك على هالوصفة الرائعة

    بس انا ما فهمت …نحنا منحطها بهالخلطة بالبراد لتاني يوم؟؟؟ما بينشف المجين؟؟
    وبعدين الخميرة ما بتشتغل بمكان بارد؟؟

    وعندي سؤال عن موقع لك الي كل مرة بتحكو عنو؟؟ياريت حدا يكتبلي عنوانو

  25. منى 4 September 2009

    هلا عبورة :)
    ما رح ينشف العجين لان رح تغطي الطنجرة اكيد و هل العجين مو مهم ينفش المهم ان يغطي الدجاج ;)

    موقع لك فيكي تشوفيه [URL=www.lakii.com]على هل الرابط[/URL]

  26. ام مثنى 10 November 2012

    مرحبا نورا الله يسلم هالادين على هالوصفة جربتا وكتير حبوها جوزي والولاد الله يعطيكي الف عافية :) :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)