حراء اصبعو


         وصفة : منى                 2007/10/27                 22 تعليقات
حراء اصبعو

تحضير العجينة :

·          يمزج الطحين و الملح و الخميرة و ما يكفي من الماء لتحضير عجينة لينة و متماسكة .

·          يرش طحين على طاولة العمل ثم تفرد العجينة لمستطيل كبير و يرش المزيد من الطحين كي لا تلتصق العجينة بطاولة العمل أو بالشوبك .

·          تقطع ثلاث أرباع العجينة إلى شرائح طولية بعرض اصبع ثم تقطع كل شريحة إلى مستطيلات أو مربعات صغيرة .

·          يستخدم كشتبان خياطة نظيف أو غطاء علبة الكولا لتقطيع باقي العجين , يغمس الكشتبان بالطحين ثم تقطع به العجين لدوائر صغيرة لتحضير القراميش التي يزين بها وجه الحراق اصبعو .

·          توضع المستطيلات المقطعة قي مصفاة و تهز للتخلص من الطحين الزائد , و تكرر العملية مع الدوائر  .

تحضير الحراق اصبعو :

·          ينظف العدس و يغسل عدة مرات ثم يوضع على نار متوسطة مع ستة أكواب من الماء و يترك حتى يغلي ثم تهدى النار و يغطى القدر و تترك حتى يقارب العدس من النضج .

·          تضاف مستطيلات العجين للعدس و تفرد كي لا تلتصق بعضها ببعض  و يضاف المزيد من الماء المغلي إذا دعت الحاجة .

·          تغسل الكزبرة و تفرم ناعماً  , يفرم البصل لجوانح رقيقة أو ما يسمى في دمشق : قروش قروش , يهرس الثوم .

·          بقلى البصل بالزيت حتى يطرى ثم يضاف الثوم و يقلب لبضع دقائق و أخيراً تضاف الكزبرة و تقلب تقليبة واحدة ثم يبعد الوعاء عن النار .

·          تضاف ثلاث أرباع التقلية لمزيج العدس على النار مع البهارات و الملح و الحمض و يترك حتى ينضج العدس و العجين و يترك الباقي من التقلية لتزيين الوجه .

·          تقلى دوائر العجين بالزيت الغميق حتى تشقر ثم ترفع و توضع على ورق ماص . 

تطبيق الحراق اصبعو : 

·          يوضع مزيج العدس في طبق بايركس ثم يرش ببقية تقلية الكزبرة و البصل و الثوم .

·          تنثر القراميش على وجه الحراق اصبعو ثم يقدم ساخناً أو فاتراً أو بارداً .

فكرة سريعة :

بعد ستات البيوت أصبحت تحضر الحراق اصبعو بطريقة أسهل , تستعمل معكرونة الفتوتشيني عوضاً عن مكعبات العجين التي تطبخ مع العدس , تكسر و يستعمل مقدار كوب من المعكرونة لكل كوب من العدس , و لتحضير القراميش بقطع رغيف خبز عربي إلى مكعبات أو معينات و ثم يقلى و ينثر على الوجه .  




كوب عدس بني
6 - 8 كوب ماء
ملح و رشة بهار و رشة شطة
مقدار من التمر هندي حسب الرغبة أو ثلاث أربع ملاعق كبيرة من دبس الرمان

العجينة :

ثلاث أرباع كوب طحين
رشة ملح
رشة خميرة ( اختياري )
ما يكفي من الماء لعجن الطحين

التقلية :

حزمتان من الكزبرة الخضراء
5 – 6 فص ثوم
4 حبة كبيرة بصل
نصف كوب زيت زيتون تقريباً





تحضير العجينة :

• يمزج الطحين و الملح و الخميرة و ما يكفي من الماء لتحضير عجينة لينة و متماسكة .

• يرش طحين على طاولة العمل ثم تفرد العجينة لمستطيل كبير و يرش المزيد من الطحين كي لا تلتصق العجينة بطاولة العمل أو بالشوبك .

• تقطع ثلاث أرباع العجينة إلى شرائح طولية بعرض اصبع ثم تقطع كل شريحة إلى مستطيلات أو مربعات صغيرة .


• يستخدم كشتبان خياطة نظيف أو غطاء علبة الكولا لتقطيع باقي العجين , يغمس الكشتبان بالطحين ثم تقطع به العجين لدوائر صغيرة لتحضير القراميش التي يزين بها وجه الحراق اصبعو .




• توضع المستطيلات المقطعة قي مصفاة و تهز للتخلص من الطحين الزائد , و تكرر العملية مع الدوائر .

تحضير الحراق اصبعو :


• ينظف العدس و يغسل عدة مرات ثم يوضع على نار متوسطة مع ستة أكواب من الماء و يترك حتى يغلي ثم تهدى النار و يغطى القدر و تترك حتى يقارب العدس من النضج .

• تضاف مستطيلات العجين للعدس و تفرد كي لا تلتصق بعضها ببعض و يضاف المزيد من الماء المغلي إذا دعت الحاجة .

• تغسل الكزبرة و تفرم ناعماً , يفرم البصل لجوانح رقيقة أو ما يسمى في دمشق : قروش قروش , يهرس الثوم .

• بقلى البصل بالزيت حتى يطرى ثم يضاف الثوم و يقلب لبضع دقائق و أخيراً تضاف الكزبرة و تقلب تقليبة واحدة ثم يبعد الوعاء عن النار .

• تضاف ثلاث أرباع التقلية لمزيج العدس على النار مع البهارات و الملح و الحمض و يترك حتى ينضج العدس و العجين و يترك الباقي من التقلية لتزيين الوجه .

• تقلى دوائر العجين بالزيت الغميق حتى تشقر ثم ترفع و توضع على ورق ماص .




تطبيق الحراق اصبعو :

• يوضع مزيج العدس في طبق بايركس ثم يرش ببقية تقلية الكزبرة و البصل و الثوم .

• تنثر القراميش على وجه الحراق اصبعو ثم يقدم ساخناً أو فاتراً أو بارداً .

فكرة سريعة :

بعد ستات البيوت أصبحت تحضر الحراق اصبعو بطريقة أسهل , تستعمل معكرونة الفتوتشيني عوضاً عن مكعبات العجين التي تطبخ مع العدس , تكسر و يستعمل مقدار كوب من المعكرونة لكل كوب من العدس , و لتحضير القراميش بقطع رغيف خبز عربي إلى مكعبات أو معينات و ثم يقلى و ينثر على الوجه .
  • وصفات تانية ممكن تعجبك


التعليقات

  1. ام نور 28 October 2007

    واخيرا عرفت الحراء باصبعو اد ما سمعت عنو بالمسلسلات الشامية فعلا اكلة معروفة بالشام بس وشكلا كتير مفيدة ومغذية كلك زوء اخت منى

  2. arwen 28 October 2007

    الله يسلم هالايدين
    كمان هالصنف بدي اعمله بعزيمتي يوم الجمعه
    لك منين الله بعتلي ياكي والله صرت اعزم خخخخخخخ
    وكل الاكل عم بختاره من هون وبطبقه :zzz

  3. منى 29 October 2007

    هلا arwen:)

    ان شاء الله عوافي و هنا على قلبك و فلب ضيوفك :)
    الله يجبر بخاطرك يا رب , كلك زووء و كتير مبسوطة فيك و بردودك الحلوة ;)

  4. منى 29 October 2007

    هلا ام نور :)
    ما عدا انها مفيدة كتير كتير طيبة

    إذا جربتيها ما رح تندمي ابدا و على مسؤوليتي ان شاء الله

  5. ladama 11 April 2008

    بلفعل لذيذة جربتها تسلم يداك

  6. منى 12 April 2008

    صحتين و هنا أختي :)

    مية اهلا و سهلا

  7. هنون 18 October 2008

    انا اليوم عملتها وطلعت طيبة كتير وزوجي اول مرة بياكلها و عجبته كتير طبعا انا عملتها متل ما كاتبة بس بنصف الكمية انشاالله بيسلموا ايديك والله يعطيك الصحة و العافية
    السلام :grin

  8. منى 18 October 2008

    هلا هنونة :) مية الف صحة و هنا على قلبك و قلب زوجك , كمان عندنا بالبيت كتير بيحبوها :zzz

    نورتي و الف شكر ليك لتجربتك وصفاتي و كمان انك عم تقوليلي شو جربتي

  9. dado 23 March 2009

    مرحبا منوش.. عملتها ع مرحلتين وطلعت كتير طيبة وما اثر تحضيرها على يومين ابدا على الطعم. وخلط التقلية مع العدس خلى كل النكهات تمتزج مع بعض.
    حضرتها مع مجموعة وصفات لعزيمة مبارح وكلهن من مطبخك، عملت: حراق اصبعو، يالنجي، شوربة بصل، باستا سالاد، سلطة بطاطا بالزبادي، وفروج بالبطاطا، وكاتو شوكولا وكاسترد طبقات بالبسكويت وشراب قمر الدين.
    كلن طلعوا طيبين ومنظرهن بياخد العقل وطاروا فورا
    شكرا منى على كل مساعدك :)

  10. منى 24 March 2009

    هنا و الف الف الف عافية على قلبك وقلب كل ضيوفك بكل لقمة اكلوها عندك ..

    يا ستي منقية وصفات كلها ما في اطيب منها , الحمد لله انها عجبتك و عجبتهن و ما كات ناقص هل العزيمة الا انك تعزميني :grin

  11. DOUHA 7 May 2009

    يا منى عيني :p
    هيك رح سميكي دائماً
    ياستي رح جربا يوم السبت ان الله راد
    مفيدة وطيب :p ة ا :p كيد وشكلا شيك يسلموا
    وحبيت فكرة الدوائر المقلية بتجنن
    برافووو

  12. منى 8 May 2009

    هلا ضحى حبيبتي :) يا عسل اي صحلي انا لمن تسميني ضحى هل الاسم الحلو :zzz

    ان شاء الله تجربيها و تعجبك و الفكرة علمتني ياها مرت عمو لشريف و هي شاامية اصلية عنها اخدت الوصفة :zzz

  13. ملتم حلب 15 September 2009

    مرحبا أخت منى
    الآن حراء اصبعوا ماعنا ياه بحلب
    أنا بعرف انو موجود بس بدون عدس (بلحمة مفرومة وعجينة ومية لحمة وبصل)
    وهاي الوصفة ياللي كاتبتيا انت بعرف انو اسما (رشتاية عدس)؟؟
    صح كلامي ويلا :?

  14. violet 10 August 2010

    بصير بدل الكزبرة بقدونس ؟؟

  15. بنت دير عطية 1 April 2011

    السلام عليكم :كيفك اخت منى ان شاءالله بخير .
    انا اليوم عملت حراء اصبعو وطلعت كتير طيبة يسلمو ايديكي والله يجزيكي الخير .انا بعرفها هالطبخة بس وقت امي تساويها منساويها ع جمعة “العائلة وعيلة العائلة بتكون مجتمعة “وبيعملو شي 3 او 4 كيلو عدس ما شاء الله وانا بحب اعملها بس المشكلة بدي مقادير لشخصين ومن خلال هالاكل تعرفت ع موقعك الحلو لان وقت دورت عليها ع النت شفت كتير بس مقاديرك والمحتويات كانت متل مامنعملها وبالنسبة للعجينة هلأ في كياس عجين جاهزة بالسوق خصوصي لهلأكلةوالله طيبين وظراف .
    لا تأخذينا حكيت كتير يمكن :?

  16. nesrin 26 October 2011

    مرحبا أخت منى أنا أول مرة بشارك هون حبيت قلك الله يعطيكي العافية شو طبخك على الأصول من زمان حابة أعمل هل الأكلة بس ما عم لاقي مقادير ظابطة واذ بالصدفة بفوت على موقعك وصار موقعي المفضل الله يجزيكي كل خير ….

  17. منى 29 October 2011

    هلا نسرين :)
    منور الموقع بهل الاخت الجديدة و الغالية و انا اتمنى انو تجربيها و تكون نممم و متل ما بتحبيها و متعودة عليه

    ممنوتك لردك و تواجدك و ان شاء الله تبقي معنا على طول 8)

  18. منى 29 October 2011

    هلا اختي بنت دير عطية :)
    اي و الله هي المشكلة الي دايما بتصير معي وقت حدى بيعلمني شي طبخة ..
    كنت اسالها لماما اول ما اتجوزت انو اديه تقريبًاَ؟ تقلي على النظر , قلها و الله ما في نظر :grin

    بالعكس ما كترتي و لا شي , انا بحب الردود الطويلة لان بتبل القلب
    هلا

  19. منى 29 October 2011

    هلا فيوليت :)
    لا ما بيصير ,الكزبرة جزء من النكهة ;)

  20. منى 29 October 2011

    هلا اخي ملتم حلب ,
    صح وصفة الحراق اصبعو الي بيعملوها الحلبية غير هل الوصفة , و الرشتاية غير هي كمان
    ان شاء الله بحط كل الوصفات الي زكرتها لتشوف الفرق بنفسك

  21. hudhud 11 April 2012

    منى، صار لي ثلاث أيام بس أشوف الوصفات وأقرأ التعليقات، الى أن استنتجت ان هذا وبسايت مختلف عن كل الباقيين، أولا لأنه عربي، على عكس كل الوبسايتس اللي كنت أروحلهم قبل عشان آخذ وصفات، وثانيا إنه كل الأكلات مجربة. لذا قررت أشترك معكم مع انني لا أحب أن أشترك مع أي وبسايت. وقررت إني أجرب حراء أصبعه، لأني جربتها من ثلاث وصفات مختلفة، وكل مرة تطلع مو حلوة. قلت بجرب من عند منى والحقيقة مثل ما قالوا غيري من الأخوات، الوصفة ممتازة. أنا الحقيقة عملتها بالطريقة القديمة، العجينة عجنتها، وقطعتها. أكثر من رائعة، يسلموا ايديكي. أنا زوجي نباتي، لا يأكل أي لحوم، وكمان لا يأكل الكثير من الخضار (ملوخية، بامية …). عشان هيك دايما بدور على وصفات بقوليات، بطاطا، باستا، أكل هندي. يعني بحاول أنوع. أنا عمري ما كنت تبع طبخ، لأني بشتغل، بس هلأ لما أولادي كبروا، صار عندي فراغ وقررت أدخل المطبخ بجد. راح أبدأ أعمل كل وصفاتك وحدة واحدة، وبعد حراق أصبعه، راح أعمل الاساسيات اللي هي دبس الفليفلة وصلصة البندورة والبستو عشان أكون ماشية معك على نفس الخط.

  22. منى 11 April 2012

    هلا هدهد :)
    ردك بيعنيلي كتير , انبسطت فيه و انبسطت انو شفتي بالموقع شي مختلف و انبسطت انك جربتي الوصفة و كانت على زووءك و انبسطت كتيررر لانك سجلتي معنا و صرتي جزء من العيلة , مية هلا فيك نورتينا

    ان شاء الله تكون بقية الوصفات على زووءك و انا بانتظار رايك ة اخبار تجاربك اللذيذة , ان شاء الله

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)