حمص أورانجي


         وصفة : منى                 2008/08/28                 12 تعليقات
حمص أورانجي



كوب حمص جاف
ملعقة صغيرة من بيكربونات الصوديم
6 ملعقة كبيرة طحينة
عصير حبة ليمونة حامضة أو أكثر
3 – 4 حبة فليفلة حمراء كبيرة
فص ثوم صغير
ملح
نصف ملعقة صغيرة كمون


للتزيين :

فليلفة حمراء ناعمة
كمون
حمص حب





• يغسل الحمص جيداً ثم ينقع بالماء البارد مع البيكربونات طول الليل .

• في اليوم الثاني يصفى الحمص من الماء و يوضع في مصفاة و يغسل عدة مرات ثم يوضع في طنجرة ضغط و يغمر بالماء البارد مع ملح و يسلق لمدة ساعة أو أكثر حتى ينضج جيداً و تظهر قشوره على سطح الماء .

• أثناء سلق الحمص تشوى حبات الفليلفة على رأس الغاز حتى تسود القشرة ثم توضع في وعاء صغير مغطى و تترك حتى تبرد .

• تقشر الفليلفة من القشرة السوداء و يمكن تقشيرها تحت الماء الجاري لتسهيل العملية .

• يصفى الحمص من ماء السلق و يحتفظ بالقليل من ماء السلق و بضع حبات حمص جانباً .

• يوضع الحمص و هو لا يزال ساخناً في الخلاط مع الثوم و عصير ليمونة واحدة و الطحينة و الفليلفة المشوية و الملح و الكمون و يهرس الكل حتى يصبح المزيج ناعماً مثل المرهم , يضاف القليل من ماء السلق إذا دعت الحاجة .

• يذاق الحمص للتأكد من حمضه و يعدل الحمض و الملح حسب الرغبة .

• يمد الحمص في طبق التقديم و تصف فوقه حبات الحمص المسلوقة ثم يزين بزيت الزيتون و الكمون و الفليلفة الحمراء الناعمة و يقدم كنوع مقبلات لذيذ جداً .
  • وصفات تانية ممكن تعجبك


التعليقات

  1. muna.g.7 28 August 2008

    حاستنى بكرة عشان اعمل وصفتين والطحينالحمص مرة واحدة واخبرك النتيجة ولو اني واثقة من الطعم وعلى فكرة حضرت البطاطا والبزلةوالطحين لبكرة

  2. منى 28 August 2008

    خليلي عينك منونة :) ألف شكلا ليك على الثقة , ان شاء الله بيطلعوا على زووءك و الله يديم المحبة أختي ;) مية هلا فيك

  3. غيث 28 August 2008

    الله يعطيك العافية منى على هالوصفة الحلوة واجت بوقتها خاصة وانني بدات بتحضير بعض الامور الخاصة برمضان الله يبارك للجميع به وهذا طبق مقبلات لذيذ وسهل واول مرة بتعرف على طريقته اكيد اكيد رح يكون من مقبلات سفرتي برمضان شكرا جزيلا لك ولتعبك معنا جزاك الله خيرا عن الجميع

  4. منى 28 August 2008

    هلا غيوثة :) ان شاء الله يكون على زووءك و متل ما بتحبي

    مية هلا و انا كمنان محضرة كم وصفة بياخدوا العقل لرمضان اذا الله راد , رح يعجبوك كتير :)

  5. بدور 28 August 2008

    :eek
    هي أكلة تحفة عنجد خاصة لمحبي الحمص متلي..
    الله يخليلنا ياكي و يخليلنا موقعك الحلو و المميز ميمو الشطورة

    أنا حلمي أصير شطورة متلك أو على الأقل أحاول أتعلم أكبر قدر من خبرتك العظيمة..

    يسلمو كتير ميمو :)

  6. منى 29 August 2008

    هلا بدورة و الله رح تصيري أحسن لأن انت بتحبي و انت مو مسؤولة لسا عن بيت :zzz الله يسلمك حبيبتي و لازم تجربيها لان كتيررر طيبة

  7. سارونات 31 August 2008

    السلام عليكم و رحمة الله و بركاته
    ابداع ما شاء الله اللون بيجنن
    يسلم دياتك
    هلأ ما عندي فليفلة حمرا فعم فكر جربو بالفليفة الخضرا بلكي بتطلع الطعمه طيبة اللون حلو كمان
    بالتوفيق
    سلام

  8. منى 31 August 2008

    مممم :roll فليلفة خضراء .. فكرة , جربيها و خبريني كيف طلعت ;)

    هلا أختي , نورتي

  9. farah 10 January 2010

    والله شهيتيني هالحمص بدي جربه قريبا
    تسلمي يا منى على هالوصفات المتجددة بتعرفي انا اكتر شي بكرهه بالدنيا الروتين وبحس دايما بوصفاتك كسر للروتين الممل وتجديد متنوع على كل الأصعدة على فكرة صرت محتفظة بعشرات الوصفات على جهازي وكله بانتظار التجربة بس ادعيلنا الله يبارك لنا بالوقت ونجرب كل شي
    بارك الله فيكي ودمتي بصحة وسعادة وراحة بال

  10. منى 11 January 2010

    هلا فرح :)
    ان شاء الله بيعجبك ما دامك بتحبي الشي الجديد , هادا حمص مميز كتير , علوالي هلا فليلفة تازة لقوم و حضره , بس راحت معي لتموز :roll

    الف شكر الك للدعوات الكريمة , ان شاء الله تجربي هل الوصفات و يكونوا طيبين و متل ما بتحبي و على زووءك , اكيد رح تخبريني شو صار

  11. زهرة البيلسان 10 August 2011

    حبيبتي منى انا مشتركة معكم جديد و حبيت بس سلم عليكي و اتشكرك على كلشي بتنفعي في انا لسه ما جربت شي بس بجد حابة جرب كلشي على اد ما البنات مادحين باكلاتك و ان شاء الله بس جرب رح نزلك صور تطبيقاتي بس ممكن اسئلك سؤال
    مثلا ليش ما بتنزلي وصفتك بخطوات مفصلة يعني بالصور بتعرفي النسوان دائما بتحب تشوف شكل الاكلات شو رئيك و الف شكر على كلشي بتقدميه و استني اسئلتي رح اهلكك اسئلة صحي في سؤال بخصوص الاقراص انت وصفتك بدها كيلو سمنة بينفع حط زبدة بدل السمنةو سؤال كمان الكبة المقلية بينفع حط سميد ناعم اسفة على الاطالة

  12. منى 11 August 2011

    مية هلا فيك حبيبتي :) منورة الموقع و ان شاء الله تجربي شي و يكون نممم

    يا ستي قصة وقت بس , اذا رح نزل صور للخطوات معناها رح ياخد كتير شغل مني بالتنزيل و تظبيط الصور و هل الحكي و انا ما كتير بقدر ;)

    ما بتقدري تستبدلي الزبدة بالسمنة , و اذا مو متوفرة السمنة عندك فيكي تزوبي الزبدة و تخليها لتبرد و بعدها بترفعيها لان رح يكون في تحتها طبقة سوائل ما بدنا ياها , بس بكل الاحوال بالسمنة غير شكل :zzz

    بتقدري تستعملي ايا سميد متوفر عندك

    ايا سؤال تاني من عيوني

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)