خبز النان , خصوصي للسندويشات


         وصفة : منى                 2012/11/18                 12 تعليقات
خبز النان , خصوصي للسندويشات

خبز النان , شي المفروض كل يوم ينوجد على الطاولة الهندية . طعمته طيبة كتير , السمنة او الزبدة رح تخلي طعمته رووعة و ما بتشبه ايا شي تاني . مع انو في بعض المناطق بالهند بيحضروا هل الوصفة بدهن الخروف, طبعاً انا و بناء على ضميري الحي ما جربته و لا مرة بالدهن .

شكله حلو و مميز متل الدمعة , يمكن مو واضح بالصورة , اما بالنسبة لسماكته فهو المفروض يكون اسمك من الخبز العربي بشوي , بس انا لحتى استعمله كرغيف لسندويشة كبيرة خليته سميك شوي , رح نزل النان الرقيق بالايام اذا رب العالمين راد .

فيكي تحضريه و تخليه يتنكه بكتير اشيا , بصل , كراوية , توم , كمون , كلو بيجنن و تغير شكل , انا اليوم رح حضره سادة لحتى احشي فيه السندويشات مع انو بيني و بينكم ما قدرت احشي فيه شي لان القطط لقمشته و هو سخن و ما صبروا لحتى اعمل فيه ايا شي تاني .

بالصحة و الهنا

2 ملعقة كبيرة سمنة أو زبدة
نصف كوب حليب
نصف ملعقة كبيرة خميرة حبيبات
ملعقة كبيرة سكر
3 كوب طحين
1 ملعقة صغيرة و نصف ملح
3 ملعقة كبيرة لبن زبادي


للوجه :
سمنة او زبدة سائحة
1 - توضع السمنة أو الزبدة و الحليب في قدر و يوضع المزيج على نار متوسطة حتى يسخن الحليب من دون أن تذوب كل السمنة , يبعد القدر عن النار و يترك حتى تذوب كل السمنة و يصبح الحليب فاتراً , تضاف الخميرة و السكر ويقلب الكل , يغطى الوعاء و يترك لمدة 15 دقيقة حتى تظهر الفقاعات على الوجه . 2 - يوضع الطحين و الملح في وعاء محضرة الطعام , يضاف مزيج الخميرة واللبن وتعجن الى ان تتكون عجينة طرية و ملساء , يمكن اضافة القليل من الحليب السائل اثناء العجن اذا شعرت أن العجينة جافة بعض الشي . 3 - في حال عدم توفر محضرة طعام , ترش منضدة العمل بالطحين , توضع العجينة على المنضدة وتعجن لمدة عشر دقائق حتى تصبح ناعمة و ملساء , يمكن اضافة القليل من الحليب السائل اثناء العجن اذا شعرت أن العجينة جافة بعض الشي 4 - تغطى العجينة بشكل محكم و تترك حتى تتخمر و يتضاعف حجمها . 5 - يسخن الفرن على 220 درجة مئوية , توضع صينية فرن كبير في الفرن الحامي . 6 - تقسم العجينة الى 4 كرات , تفرد الكرات على شكل دمعة ثم تدهن بالسمنة و ترش بالسمسم او حبة البركة او بذور الكمون . 7 - تخرج الصينية من الفرن بحذر و يوضع رغيفان من النان على الصينية الحارة . تخبز الصينية في الفرن الحار حتى ترتفع العجينة , تحمى الشواية و يحمر وجه الخبز قليلاً . 8 - تخرج الأرغفة من الفرن و تدهن بالسمنة او الزبدة . تكرر العملية مرة ثانية حتى الانتهاء من كمية العجين . تستخدم كرغيف كبير لحشي السندويشات .
  • وصفات تانية ممكن تعجبك


التعليقات

  1. الحنان 18 November 2012

    يسلمو اديك منى :) ويعطيك الف عافيه
    بس لازم خميرة حبيبات :? انت اكيد ما عرفتبني اما نور الاسلام كنت مسجله بالموقع من زمان بس نقطعت فترة بسبب انقطاع النت عندي ولما ارجعت للموقع ما رضي يدخل ويسجل فاضطريت اغير الاميل والاسم تحياتي الك :zzz

  2. مزهرة 18 November 2012

    ان شاء الله يسلموا هالانامل ويعيشوا يارب وماننحرم من وصفاتك الرائعه ياست منى :)

  3. Mona 20 November 2012

    هلا نور :)
    منورة بيتك حبيبتي من جديد و منيح الي اطمنت عليكي
    بيصير خميرة فورية و هيك بتعجني كل المقادير مع بعض و بتخليها تخمر و بتكملي الوصفة :zzz

  4. Mona 20 November 2012

    هلا مزهرة :)
    الله يخليلكي يا قمر و الف شكر للرد الطيب متل قلبك

  5. الحنان 20 November 2012

    :) تسلميلي يا منى انشاء الله بجربها :)

  6. Mona 22 November 2012

    :)

    • عبير 21 March 2013

      الطيب ما بيطلع منه إلا كل طيب ، الله يسلم قلبك واحبابك يا منى .. ويجزيك كل خير

      • منى 27 March 2013

        من زوءك عبير يا قمر , يخليل هل الأخت الغالية

  7. um hadi 25 May 2013

    عدنا

    • منى 26 May 2013

      يا اهلين و يا مية السلامة :)

  8. mimi 1 June 2013

    يعطيكي العافية ست منى
    حضرتك مو كاتبه خميرة فهل نضع أم لا وأديش الكميه
    بالنسبة للصينية هل يحتاج دهنها بالزيت قبل وضع الأكواب الورقية
    بارك الله فيكي

    • منى 2 June 2013

      هلا ميمي
      في بالمقادير نص معلقة خميرة اذا انتبهت و ما في اكواب ورقية بس الصينية مندهنا بشوية زيت قبل مد العجينة فيها

تقييم الوصفة
عاديةقد أحضرهاجيدةممتازةأكثر من رائعة (6 votes, average: 3.50 out of 5)