خبز على شكل طبق الشوربة


         وصفة : منى                 2008/08/29                 19 تعليقات
خبز  على شكل طبق الشوربة


التخميرة الأولية :

كوب حليب
كوب طحين
ثلث كوب سكر


العجينة :

ملعقة و نصف كبيرة خميرة حبيبات
نصف كوب ماء دافئ
2 ملعقة كبيرة لبن
2 ملعقة كبيرة زبدة أو سمنة بنكهة الزبدة بحرارة الغرفة
2 بيضة مخفوقة
خمس كوب و نصف طحين

للوجه :

بيضة مخفوقة قليلاً
ربع ملعقة صغيرة نسكافيه





• قبل بيوم من تحضير الخبز , تمزج مقادير التخميرة الأولية و تترك في البراد .

• في اليوم التالي تخرج التخميرة من البراد و تترك حتى تصبح بدرجة حرارة الغرفة .

• تذوب الخميرة بالماء الدافئ ثم تضاف على التخميرة الأولية مع اللبن و الزبدة و البيض المخفوق و كوب و نصف من الطحين .

• يقلب المزيج بملعقة لمدة خمس دقائق حتى تظهر رائحة الخميرة و يصبح المزيج مثل الكريما .


• يضاف باقي الطحين بالتدريج و يعجن حتى تتشكل لدينا عجينة طرية , قد لا تحتاجي لكل كمية الطحين و قد تحتاجين للمزيد حسب نوعية العجين .

• توضع العجينة على سطح مرشوش بالقليل من الطحين و تعجن لمدة عشر دقائق ثم توضع في وعاء كبير مدهون بالزيت و تغطى باحكام و تترك حتى يتضاعف حجمها لمدة ساعتين تقريباً أو حسب حرارة الجو .

• تقرص العجينة بلطف ثم توضع على سطح مرشوش بالطحين و تقطع لثمانية كرات , تشكل الكرة و ترش بالطحين ثم توضع على صينية مغلفة بورق الزبدة .


• تغطى العجينة و تترك لتختمر مرة ثانية و يتضاعف حجم الكرات , هنا يمكنك وضع كراتك في الفرن المطفي لتسريع عملية التخمير .

• تمزج البيضة و النسكافييه و يدهن فيها وجه الكرات ثم تخبز في الفرن المحمى مسبقاً على درجة حرارة 200 درجة لمدة ربع ساعة أو حتى تنضج و تشقر .


• بعد أن يبرد الخبز تقطع شريحة صغيرة من أعلى الخبز ثم يفرغ لبه , يوضع الخبز في الفرن المحمى على درجة حرارة 180 لمدة 5 - 10 دقائق أو حتى يجف قليلاً ثم يستعمل حسب الرغبة .



  • وصفات تانية ممكن تعجبك


التعليقات

  1. بدور 29 August 2008

    يا سلاااااااااام
    هاد للنظر مو للأكل :p

    يا عزيزتي أنا عندي رعب دائم من المعجنات ما بعرف ليش :roll
    بحس صعب كتير تنجح معي..

    بس لازم أتجاوز هالمرحلة و جربا نشالله مع انها صعبة!..

    يسلمو ايديكي ميمو شكلها بجنن و فكرتا ولا أروع من هيك ;)

  2. سارونات 29 August 2008

    السلام عليكم و رحمة الله وبركاته
    يا الله قديش فرحت لما شفت صورة الخبز بالصفحة الرئيسية و صرت هيك :zzz
    سبحان الله شو هاد انا صارلي فترة عم فكر بهالخبز بعد ما شفتو بالتلفزيون و بداعاية شوربة ماجي جازاك الله خيرا لانك حطيتيه لساتني ما قريت الوصفة منيح من كتر فرحتي و انت كمان عم تشوفي حورية بفتافيت و الله انا كتير بحبا و عم اتعلم منها كتير اشياعم تعطي من قلبا :)
    الخبز طالع بيجنن و اللون روعة احسن من اللي بالدعاية :grin
    شفت المقادير و الكمية كبيرة لازم ساوي كمية زغيرة اول مرة
    ان شاء الله راح اقراها منيح و كالعادة راح ازعجك باسئلتي :?
    كمان يا ريت لو تعطيني وصفة لشوربة سميكة لان انا بساوي الشوربة سائلةيعني ازا حطيتها بالخبز راح تروح بشربة مية :grin
    و شكرا على فكرة التخميرة الاولية انا انتبهتلها بخيز التوست و قلت انا اكيد بتاثر و بتخلي الخبز ينفش بعتقد بالمغرب بيساوي شي متلها و بيسموه الخميرة البلدية بيستعملوه بالخبز شفتا مرة بوصفة الخبز المغربي
    بالتوفيق
    سلام :zzz

  3. تورتاية بالكريز 30 August 2008

    ماشاء الله حفظت للتجربة فعلا ابداع غير شكل
    مشكورة كتير على الوصفة الرائع دايما بشوف بيتقدم بهالخبز شوربة البصل الفرنسية على الخصوص
    والخميرة البايتة فعلا مميزة ان شاء الله رب العالمين بجرب الوصفة في ياقب فرصة الف شكؤر لك حبية قلبي

  4. منى 30 August 2008

    هلا بدورة :)
    لا رعب و لا شي , انا كنت متلك و لما شوف ماما عم تعمل كروسانات و تخلص بعشر دقايق أأأقل مستحيل صير متلها ,بس و الله الشغلة مو صعبة , أول مرة ممكن ما تنجح معك بس بعدها الوحدة بتتعلم و بيصير كتير سهل عليها ;)

    كلك زووء حبيبتي , نورتي

  5. منى 30 August 2008

    هلا سارونات :)
    و انا متلك , بس جربت عدة تجارب لحتى طلعت معي وصفة مستاهل نزلها ;)

    عم شوفها بس مو دائما , و بحب نصايحها , طلعت دارسة حقوق بالأول بعدها تركت المحاماة و درست خبز و حلويات في كندا :eek , ان شاء الله عقبالي

    الشوربات في كتير بالموقع متل شوربة الدجاج أو الفطر أو البصل , كله بيصير

    التخميرة كتير بتعطي طعمة طيبة للوصفات , ان شاء الله تجربي الوصفة و تعجبك ;)

  6. منى 30 August 2008

    هلا حبيبتي ام ياسمين :)

    ان شاء الله تجربيها و تعجبك حبيبتي , و على فكرة في وصفة طيبة كتير لشوربة البصل في قسم الشوربات , نور الموقع برجوعك و الف شكر ليك على الوصفة ;)

  7. ام نور 30 August 2008

    يا سلام على هالخبز يا منى شي بيشهي :p انا بعشق المعجنات عانواعا وانشالله برمضان رح جرب هالخبز مع شوربة العدس بس شو سر النسكافية مع البيض :? اول مرة بسمع بالفكرة وبتصير لا كل المعجنات :?

  8. منى 30 August 2008

    هلا حبيبتي ام نور :)
    ان شاء الله تجربيه و يعجبك , يا ستي هل النسكافييه حسيتها الفكرة الي ما حدا بيقولها لحتى تطلع المعجنات لونها أشقر و بيفتح النفس متل المعجنات الجاهزة , انا لهلا صار جربتها على هل الخبز و على التوست و طلتعا بتجنن :)

    و ناوية جربها على كل شي بحضره , اتوقعها بتصيرر

  9. رنا 31 August 2008

    كأنك عم تقري افكاري لسه مبارح عم قول لحالي شو مشتهية اعمل هالخبز وفجأة طلعتي بهالفكرة العظيمة عن جد انتي فنانة بس المشكلة انه مو معقول يقدر الواحد ياكلها برمضان مع غير اكل يعني لحالها بتشبع بس رح جربها

  10. منى 1 September 2008

    كلامك صحيح , كتير بتشبع إذا عملتيها بالحجم الظاهر بالصورة , بس إا عملتيها أأقل ممكن تنفع , انا عندي عزيمة على السحور , ناوية اعملها بحجم صغير و حط فيها المحمرة ..

    ان شاء الله تجربيها و تظبط معك و تطلع متل ما بتحبي

  11. souha 18 December 2008

    تسلم دياتك شي بيفتح النفس
    دائما كنت قول لحلي لما بشتري صمن لو الواحد يعرف يساوي بالبيت أكيد أنضف و أطيب
    مرة كنت عم اشتري قالب كاتو و قوالب تارت فسألت البياع عن قالب توست قام طلع فيني باستغراب و قلي ليش هادا كمان عم تعملو في البيت عسيرة التوست يا ترى بيصير بقالب الكيك الحجم الصغير و لا لازم اشتريلو قالب خصوصي :?
    كمان سؤال لو سمحتي بهالوصفة مندهن الصينية شي قبل ورق الزيدة و لا الورقة لخالها بتكفي :?
    سلام :zzz

  12. منى 19 December 2008

    انا بساوي التوست بقالب الكيك العادي , هو بده قالب خاص مرة شفته ببرنامج للشيف رمزي , بس ما عندنا منه , القالب كان اله غطا من فوق :roll

    انا ما بدهن الورق , بس اذا بترتاحي اكتر فيك تدهنيه ;)

  13. souha 19 December 2008

    لو سمحتي منونة عذبتك معي بس نسيت إسألك على أيا رف بتخبزيه

  14. منى 20 December 2008

    على الرف الوسط :)

    لا عذاب و لا شي أنا تحت أمرك دايما سهى

  15. أريج الزهور 16 August 2010

    مرحبا أخت منى يسلموا ايديكي على الوصفات الطيبة كتيير، عندي سؤال التخميرة الأولية الحليب فيها بكون بودرة ولا سائل؟ :)

  16. ام كرم 7 July 2011

    انت رائعه يا منى بمعنى الكلمة انا عضوه جديدة من الاردن انا بحب الطبخ كتيييير وكل وصفاتك قيد التجربة وبدون ما اجرب كله شكله روووعه وانشالله راح نزللكم وصفات كتييير طيبة ;)

  17. ام كرم 13 July 2011

    مرحبا منى انا جربت مجموعه من وصفاتك وكله كان كتيييير طيب بس الخبز كانت العجينه كتييير كويسة وانا بعجن فيها بس لم تركتها لتتخمر حسيتها كتيير طريه حتى الكرات ما تشكلوا كويس معي انا حسيت لانه الجو كان كتييير حار او انه الخميرة كانت فسدة ممكن يكون في سبب تاني

  18. منى 17 July 2011

    هلا ام كرم :)
    يمكن كان بدها سوائل ااقل و وقت ااقل و خصوصي انو الجو حااار ;)

    صحتين و الف الف هنا على كل الوصفات الي جربتيها , ممنونة ردك الحلو و كلامك و الله يديم المحبة و الود

  19. منى 17 July 2011

    هلا اختي اريج :)
    الحليب في التخميرة الاولية سائل

    ايا سؤال تاني من عيوني

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)