رقائق البطاطا هت شيبس


         وصفة : منى                 2009/03/16                 15 تعليقات
رقائق البطاطا هت شيبس





2 حبة كبيرة بطاطا
2 ملعقة كبيرة زيت زيتون
فص صغير ثوم مهروس ( اختياري )
رشة ملح
رشة كاري و أوريغانو ( أو أي بهارات أخرى تفضليها )
حرّ حسب الرغبة


• تقشر حبات البطاطا و تغسل و تقطع لشرائح رقيقة جداً .

• توضع رقائق البطاطا في صينية غير لاصقة . تتبل بالثوم و البهارات و يضاف الزيت و ملعقتين من الماء و تقلب باليدين حتى تتغطى كل حبات البطاطا بالتتبيلة ثم ترتب في الصينية بشكل طبقة واحدة .

• تخبز الشرائح في الفرن المحمى على 180 درجة و بعد 10 دقائق تقلب للطرف الأخر حبة حبة و تترك حتى تنضج و يصبح لونها ذهبياً و تقرمش . تقدم فوراً .
  • وصفات تانية ممكن تعجبك


التعليقات

  1. سلاف 16 March 2009

    يميييييييييييييي
    شو هالشيبس اللي بشهي ولا هالورده اللي بالصحن 8)
    يسلم ايدكي يارب منى فكره كتير حلوه الواحد يحضر الشيبس بالبيت احسن من الاكياس الجاهزه اولادي بيهلكوني وهنن كل يوم ماما بدنا شيبس بدنا بطاطس هيك انفع الهن
    انا كنت حضرها بس بطريقه تانيه كنت قشر البطاطا بالقشاره نفسها كلها كانت تعطي شرائح جدا رقيقه بس طوليه وكنت تبلها واقليها عادي بالزيت تطلع عم تقرررررررمش لان كتير رقيقه بس عجبتني فكرتك لانه الزيت قليل والسعرات اقل الله يجزيكي كل الخير منى
    والله انا بحب جنب الشيبس شيئ عصير يكون على زوقك كني رح يخلص الوحم ومانشرب من عصيراتك :roll
    ثانكس منى

  2. منى 16 March 2009

    :grin هلا سلوفة

    هي انا جبت الكيويات وما بقى الا حطهن بالخفاقة مع الليمون و صور الوصفة و بعدها اتمزمز بالعصير و بالاااخير رح اكتبها :zzz

    انا كنت متلك كمان قشر البطاطا بالقشارة و بتطلع كتير طيبة , هيك استعملت طريقة نور للقلي , سهلة و خفيفة و باكل منها و انا مرتاحة ;)

    ان شاء الله تجربي هل الطريقة و تعجبك

  3. zsoukar 16 March 2009

    مرحبا ياعزيزتي.الله بسلم هالايدين ويديم عليكي العافيه.مبارح مدري شو صار للموقع ماكان يبين.ومن يومين كمان هيك صار والله شو ضايقت لاني معوده عليه .حسيت حالي ملبكه بدونه فالحمد لله على هالعوده الميمونه.تحياتي :)

  4. منى 17 March 2009

    هلا اختي ام عمر :)
    معك حق , مشكلة بسيطة في السيرفر و انحلت , سالت عليك العافية و الصحة و الخير دوما
    ان شاء الله تجربي الوصفة و تحبيها

  5. عيون ريم 18 March 2009

    تسلم اديكي حبيبتي منى انا كمان كنت اقطعهم بالقطاعه الخاصه للبطاطا والخيار واقليهم بس طريقتك بالشوي طبعا اطيب واخف وان شاء الله انلحق على الاولاد وابو الاولاد لانهم كلهم بحبو الشبس هلا انه راح يكون اخف ههههههههه بدي اسالك الثوم مابيعطي طعم واضح على الشيبس وكيف بكون طعمه :upset

  6. سارونات 24 March 2009

    السلام عليكم و رحمة الله و بركاته
    اختي منى قلقتيني عليكي صارلك مدة ما دخلتي المنتدى ان شاء الله تكوني بخير لا تنسي تطمنينا

    بالتوفيق
    سلام

  7. منى 26 March 2009

    هلا ريومة :)
    الشيبس بهل الطريقة بيكون خفيييف و سهل كتير و ما بياكل شغل
    انا بحط معه توم لمن رح قدمه على الغدا و من دون توم لمن بيقدمه كسناك للأولاد , بقى انت و زووءك :zzz

  8. DOUHA 3 April 2009

    اليوم كان يوم الطبخ العالمي الي هههههههه كتير طيبة وخفيفة وطعمتا واووو

  9. منى 3 April 2009

    هنا و عافية و الف صحة ضحى :) على قلبك و قفلب كل العيلة واحد واحد

  10. بدور 23 April 2009

    والله انك أم الافكار ياميمو وشو هالوردة الحلوة هي يللي بالنص, ياسلام ولا احلى من هيك صحن مقبلات..

    الله يسلم هالايدين النواعم ما احلاهون ;)

    الوردة يلي بالنص كمان بطاطا مقلية؟ 8)
    شلون حضرتيها اذا ممكن؟ :roll

    يعني قشرتيها متل البرتقالة وقليتيها قطعة وحدة وبعدا رتبتيها بالصحن بهالشكل؟

    يسلمو كتير ميمو الشطورة

  11. منى 24 April 2009

    هلا بدورةالأمورة :)
    كتير انبسطت ان الصحن عجبك حبيبتي و هل الوردة الي بالنص هي قشرة برتقال رقيقة , يعني قشرتها رقيق كتير و بعدها لفيتها على بعضها لحتى صارت وردة :zzz

  12. ليان 2009 3 March 2010

    شكل الصحن كتيييييييييير حلو والاحلى اكيد طعمة عنجد تسلم ايديكي كل افكارك روووعة

  13. منى 3 March 2010

    الله يسلمك ليان :) ان شاء الله تجربيه و يكون متل ما بتحبي و يمممي

  14. violet 10 August 2010

    عيلتي مابتحب الحد كتير شو هو نوع الحد اللي بدي حطو ؟؟؟؟

  15. Noora 5 October 2010

    السلام عليكم كيفك أخت منى
    أنا عضوة جديدة وحبيت سلم عليكي وقلك أنا كتير معجبة فيكي.وحابة أسألك عالزيتون المكسر والمكلس كيف بتعمليه

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)