روستو


         وصفة : منى                 2007/10/23                 40 تعليقات
روستو

روستو مع الخضار السوتيه، وصفة ملوكية بتستاهل تحضريها في المناسبات المهمة ، ومع انها فخمة بس تحضيرها مو صعب وبيدل على فنك وزوقك .
بالصحة والهنا

-المقادير:

قطعة لحم عرق روستو بوزن 2 كيلو ( شهباية )
خيط قطني سميك خاص بالطبخ ( خيط دوبارة )
حبة يصل كبيرة مقطوعة لنصفين
ملعقة كبيرة خردل
ملعقة صغيرة بهار مشكل
3 ملعقة كبيرة سمنة أو مزيج من الزبدة و الزيت
ربع كوب خل أو عصير ليمون

الباقة العطرية :

2 ورق غار
4 – 5 حبة هال
بضع حبات مستكة
عود قرفة
2 حبة قرنفل
4 حبة فلفل حلو
4 حبة فلفل أسود
2 حبة جزر مقشر
حبة كرفس و كراث

الصوص البني :

ملعقة كبيرة زبدة
2 ملعقة كبيرة و نصف طحين
4 كوب من مرق الروستو
2 ملعقة كبيرة صلصة الصويا أو صلصة وسترشاير ( اختياري )
ملح و فلفل أسود

خضار سوتيه :

خضار حسب الرغبة
القليل من الزبدة
رشة ملح و فلفل أسود
. -طريقة التحضير:

• يلف الخيط حول قطعة اللحم بشدة و بشكل حلزونى حتى لا يتغير شكل الروستو أثناء الطبخ .

• يمزج الخردل مع البهارات المشكلة , يفرك الروستو بالبصل المقطوع ثم بمزيج الخردل و البهار .

• تذوب السمنة أو مزيج الزبدة و الزيت في طنجرة ضغط كبيرة على نار قوية أو متوسطة ثم تقلى قطعة الروستو و تقلب حتى تتحمر جيداً من كل الأطراف , اذا كانت النار واطية أثناء قلي قطعة اللحم سيكون الروستو ناشف و له طعم غير مستحب بعد الطبخ .

• يغمر اللحم بماء مغلي و تضاف مقادير الباقة العطرية و البصلة التي فرك بها الروستو و الخل أو عصير الليمون ( أنا أفضل الخل ) و بعد أن تغلي المرقة تضغط الطنجرة و تهدى النار و تترك لمدة ساعة و نصف إلى ساعتين أو حتى يطرى اللحم و ينضج .

• يترك الروستو في البراد بدون غطاء لليوم التالي حتى يبرد تماماً , تصفى المرقة التي بقيت من طبخ الروستو و يحتفظ بها لتحضير الجريفي أو الصوص البني المرافق للروستو .

• في اليوم التالي يفك الخيط و يقطع الروستو باستخدام سكين حادة جداً لقطع بسماكة نصف سنتيمتر أو سنتيمتر حسب الرغبة .


تحضير الخضار السوتيه :

• تسلق حبات كوسا و جزر و فاصوليا أو أي نوع أخر كل على حدة بالماء المغلي حتى تطرى من دون أن تفقد قرمشتها ثم تترك حتى تبرد و تقطع لعيدان أو حسب الرغبة , و يمكن استعمال خضار بحجم صغير جداً , تسلق و تستخدم من دون تقطيع و يكون منظرها مميز .

• يذوب القليل من الزبدة في وعاء غير لاصق ثم تقلب الخضار بالزبدة قليلاً و تتبل بالملح و الفلفل و رشة من البهارات التي تفضليها لإضفاء لمستك الخاصة , أصبحت الخضار جاهزة .


تحضير الصوص البني :


• تذوب الزبدة على نار هادئة في وعاء صغير , يضاف الطحين و يقلب الكل لمدة 8 – 10 دقائق أو حتى يتغير لون الطحين من دون أن يحترق .

• تضاف صلصة الروستو بعد تصفيتها بالتدريج و يحرك المزيج بعد كل اضافة حتى ينتهي المقدار و تترك حتى تغلي الصلصة و تنعم , إذا تكتل الصوص يمكن وضعه في الخلاط أو استخدام الخلاط العمودي حتى ينعم .

• تضاف صلصة الصويا أو الوسترشاير في حال اضافتها و يضاف الفلفل و القليل من الملح إذا دعت الحاجة , أصبح الجريفي جاهزاً .


طريقة التقديم :

للتقديم لدينا طريقتان , سأبدأ بالطريقة التقليدية ثم سأتبعها بطريقتي التي أقدم بها الروستو دائما :


الطريقة الأصلية :


• تسخن شرائح الروستو في الصوص البني لبضع دقائق ثم ترتب في طبق جميل للتقديم .

• تصف الخضار السوتيه حول شرائح الروستو و تقدم مع البطاطا البيوريه و مع صوص الجريفي .


طريقتي في التقديم :


• تسلق حبات كوسا و جزر و فاصوليا كل على حدة بالماء المغلي حتى تطرى من دون أن تفقد قرمشتها ثم تترك حتى تبرد و تقطع لعيدان .

• تقطع حبات فليلفة حمراء و خضراء لعيدان , تغسل حبات ذرة مسلوقة و تترك حتى تصفى .

• يذوب القليل من الزبدة في وعاء غير لاصق ثم تقلب الخضار بالزبدة قليلاً حتى تستوي الفليلفة من دون أن يتغير لونها ثم ترتب في طبق التقديم مناسب للوضع في الفرن .

• تصف شرائح الروستو فوق الخضار و يرش صوص الجريفي فوقه ثم تدخل للفرن لمدة ربع ساعة أو حتى تسخن الشرائح و تقدم مع الأرز البسمتي أو البطاطا البيوريه .



تنويعات و إضافات :

إذا لم تتوفر طنجرة الضغط , يحمر اللحم من جميع أطرافه ثم يوضع في صينية فرن و يضاف الماء المغلي مع الباقة العطرية و الخل و يغطى بشكل محكم بورق ألمنيوم ثم يخبز في الفرن على درجة حرارة 180 مدة 3 ساعات أو ثلاث ساعات و نصف مع الانتباه لكمية الماء و اضافة المزيد من الماء المغلي كلما دعت الحاجة , و لمعرفة أن اللحم نضج يغرس طرف سكين صغير رفيع فى اللحم فإذا خرج سائل أحمر فلم يتم النضج بعد .

التعليقات

  1. linda 25 October 2007

    اليوم رح قول
    واووووووووووووووووووووو
    ما رح قول يمي :grin
    باين عليها اكلة كتير طيبة و لان اللحمة بتتحضر قبل بيوم كتير بنتفع بالعزايم

    يسلم هل الايدين يا حئ
    توضع على منيو التطبيق ان شاء الله قريبا
    بس ازا قلتلو للحام بدي لحمة للروستو رح يعرف
    هي من اي جزء من الحيوان بتكون
    معلش انا بضل عزبك معي بس مشان تطلع الاكلة تمام

    بس تملي مني ومن اسئلتي… هيك بنقرة اصبع الغي العضوية تبعي ههههههههههههههه و انا لحالي بفهم شو القصة :upset

  2. بدور 26 October 2007

    يا سلااام ايه والله شكلا طيبة كتير كتير و بدها شغل كتير كمان :p

    الله يسلم ايديكي الحلوين يا منى الشطورة :zzz

  3. ام نور 26 October 2007

    اخت منى انابدي جائزة ما ضل حدا بعرفو وبيحكي عربي الا عطيتو اسم الموقع وشوقتو يفوت يسجل :) الكل عجبون وفي اخت قالتلي من وين طلعتي بهالموقع تحفة :grin

  4. منى 27 October 2007

    مية أهلا و سهلا ليندا :)
    بالفعل رائعة للعزيمة , و الكل رح يسالك عنها , ان شاء الله تجربيها و تعجبك ..

    و انت على العين و الراس و أسئلتك بتغني الوصفة و بتنبهني لاشيا كان لازم اذكرها ..
    ليندا عرق الروستو بيتاخد من الفخذ و انت بتطلبي من اللحام الجزء من الفخذ الخاص بالروستو هو رح يفهم عليك ..

    و أي سؤال تاني انا بالخدمة يا عسل ;)

  5. منى 27 October 2007

    هلا بدور :)
    يعني بده شوية شغل , بس كل الاكلات الطيبة بدها شغل :grin
    ما حدش ياكلها بالسااهل ;)

  6. منى 27 October 2007

    هلا ام نور :)
    بعد زمان عنك , كل عام و انت بخير ..
    اكيد مشغولة بامتحاناتك :roll
    الله يوفقك يا رب

    الله يجبر بخاطرك , و انت بتستاهلي احلى جائزة , على عيني و راسي , انت تأشر يا جميل ;)

  7. ام نور 27 October 2007

    الله يبارك فيكي وينعاد عليكي وعالاخوات بالخير با رب انا معكون كل يوم بفتح بس لا شوف شو منزلتيلنا وصفات مميزة بس بسبب ضيق الوقت وولادي كانو مرضى فما في مجال اكتب بس بالبال دايما وانا عم امزح ما بدي جائزة ولا شي اصلا لازم نحن نعطيكي جائزة بيكفي عم نعزبك ونطلب وتعطينا من وقتك يا عسل :grin

  8. منى 29 October 2007

    ان شاء الله عليهم ألف عافية يا رب :)

    بعرف انك عم تفوتي لان أحيانا بيصدف نكون أنا و انت اون لاين ;)

    و هيك بالردود بطمن عليك , و نور الموقع بردودك مرة تانية

  9. ام مروة 21 January 2008

    ايه الجمال ده والله روعه روعه

    ماشاء الله عليكى تسلم ايدك

  10. منى 21 January 2008

    الله يسلمك يا عسل ;) و إن شاء الله تكون الوصفة متل الي في بالك و احسن يا رب :)

  11. سارونات 14 November 2008

    السلام عليكم و رحمة الله و بركاته
    :zzz :grin :cry :cry هاي حلتي لما شفت الوصفة هاي هي الوصفة اللي عم دور عليها و فرحت كتير فيها بس هلأ انا ما عرفت ازا قصدك على لحم غنم او بقر او الاثنين بينفعو و انا شفت الوصفة من قبل بالتلفزيون بس ما اعرتها انتباهي لان ما كان وارد اني ساويها ومن شوي كنت عم دور بالنت على الروستو و اللي لقيتو هو roast beef و دورت على roast lamb و لقتيها موجودة و كمان لقيت انو ممكن استعمال Entrecôte و هذا تعريفو في ويكيبيديا
    http://en.wikipedia.org/wiki/Entrec%C3%B4te
    اذا ال entrecote اللي بالخروف بينفع يعني خلصت المشكلة لاني بعرفو
    انا عم استوضح الامر لاني بدي استعمل لحم كبش العيد للوصفة ازا ممكن
    بعرف تعبتك معي اختي منى و ازا زتيتيني من الشباك بهاللحظة ما حدا راح يلومك :cry بس انطري شوي تحتى اكتب وصيتي
    و هالوصفة بدا صور توضيحية للي اول مرة بيساووها متلي و انا عم دور على صور بس ازا فيكي وقتا تساويها بالمستقبل تحطي صور توضيحية بيكون كتير منيح
    بالتوفيق
    سلام

  12. منى 18 November 2008

    حرام عليك شو شباك و ما شباك , انت بتامر يا حلو

    أختي لهل الوصفة بينفعوا الاتنين بس هي أصولها بلحم البقر و ما بعرف اذا القطعة الي ذكرتيها بتصير الصراحة ما عندي كتير خبرة بقطع اللحم بخاف ان تطلع ما بتصير و تروح قطعة اللحم ..

    من عيوني أختي كل الوصفات في الموقع عم أعمل الها تجديد و تحديث و لما بتصير بالنيو لوك عم حطها علىالصفحة الرئيسية لحتى الكل يشوفها حرام :grin

  13. سارونات 18 November 2008

    السلام عليكم و رحمة الله وبركاته
    :grin يخليلي ياكي اختي منى
    طيب لكان اجلنا الوصفة حتى تتضح الرؤية و اعرف اي جزء ينفع للروستو و ان شاء الله لما تساوي هالوصفة بالمستقبل بدي ياكي تعمليليها فوتوسيشن كاملة من الاول للاخر و تصوري القطعة و هي نية تحتى نتعرف عليها :grin لانها شخصية مهمة
    طيب بدي اسال عن قطعة الستيك اللي بتنعمل مع المشروم و بينحط عليه مرق تحتى يتكون gravy و بتحطيه بالاخير مع شرائح المشروم و الغريفي فوقهااز بتعرفيها يا ريت تقوليلي و كمان اي طرق تانية لتقديم شرائح اللحم راح كون كتير ممنونة لان امالي كانت معلقة على الروستو:cry
    اختي منى شو رايك متل ما ساويتي برمضان جزء للاطباق اللي بتقترحيها لرمضان تساوي نفس الشي للعيد :zzz و هيك اللي بيدور عوصفات للعيد بيلاقيها بسهولة شو قلتي
    بالتوفيق
    سلام

  14. منى 19 November 2008

    تكرم عيونك من الاااول للاخير
    اختي متل ما خبرتك انا ما عندي كتير خبرة بقطع اللحم , بخاف ما فيدك, بس بالنسبة للشوي في الفرن و للقطع الكبيرة بحب أستخدم أكتر الشي لحم الفخذ , بحسها طرية و طيبة

    ان شاء الله اختي , ح حاول طبق هل الفكرة على اطباق العيد, اذا الله راد

  15. سارونات 19 November 2008

    السلام عليكم و رحمة الله و بركاته
    يخليلي ياكي اختي منى و ربنا يجازيك كل خير
    و ناطرة وصفاتك المميزة سواء قبل العيد او بعده
    بالتوفيق
    سلام

  16. منى 20 November 2008

    ان شاء الله :)

  17. سارونات 8 December 2008

    السلام عليكم و رحمة الله و بركاته
    بتعرفي اختي منى مرات سارونات من كتر ما بتكون متحمسة للوصفة بتقرا الاشياء و كانها ما قرتهم
    الله يهديني انت كاتبة بالرد انو هاللحم من الفخذ و انا قريت الرد من قبل و مع هيك ما بعرف كيف سالتك اذا هو نفسه entrecote اللي هو اللحم اللي بين الضلوع :x بدي قتلة على هالعملة
    المهم اذا فيكي بدي بس توصفيهولي كيف بيكون بعرف عم تقل عليك بس دورت على صور و ما لقيت و انا مصرة ساويه من لحم خروف العيد :sigh و راح ظلني حاول لاقيه و ساويه حتى اخر فرصة
    بالتوفيق
    سلام

  18. منى 9 December 2008

    سارونات اكيد بينفع تحضري هل الوصفة من لحم الخاروف .
    شو رايك عندي اقتراح رح يسهل عليك , اطلبي من اللحام ان يقطعلك قطعة الروستو و هو رح يعرف شغلته ;)
    ما فهمت شو اوصقلك :roll
    الله يسامحك اختي لا تقلتي و لا شي , ان شاء الله ااقدر فيدك و ساعد

  19. سارونات 9 December 2008

    السلام عليكم و رحمة الله و بركاته
    يخليلي ياكي اختي منى
    انا قصدي بالوصف هو توصفيلي القطعة اللي منستخدمها للروستو يعني بتكون سميكة كتير او متوسطة
    و هي بتنلف عبعضها و بعدين نلفها بالخيط متل فخذ الخروف الكامل اوهي قطعة مو عريضة و ما بتنلف عبعضها و انما فقط يلف الخيط عليها
    ما بعرف اذا فهمتي علي اختي منى او لا

  20. منى 10 December 2008

    هلا سارونات :)
    هي قطعة عادية سميكة , رح يقل حجمها كتير بعد الطبخ لحتى اول مرة حضرت الروستو انصدمت من كتر ما صغرت القطعة :roll
    أكيد ما بتلتف علىبعضها , بس نلفها هي بالخيوط , ان شاء الله تكون وضحت الفكرة اختي و ان شاء الله ما بيمضى هل الشهر الا و بكون محضرة هل الروستو , اذا ربنا راد ;) لحتى يوضح كل شي ادامك

  21. سارونات 10 December 2008

    السلام عليكم و رحمة الله و بركاته
    يخليلي ياكي اختي منى نعم وضحت الفكرة
    ربنا يجازيك الجنة ان شاء الله
    و كتير فرحت لان راح تساويه بهالشهر ان شاء الله و ناطرة صور الوصفة على احر من الجمر
    ربنا يوفقك و يسهل دربك
    سلام

  22. سارونات 10 December 2008

    السلام عليكم و رحمة الله و بركاته
    سارونات المزعجة رجعت مرة تانية :grin
    لقيت صورته و اخيرا تحتى اعرف شو قول للحام
    :zzz
    بدي اسألك هالكمية بتكفي لكم شخص مشان اعرف
    بالتوفيق
    سلام

  23. سارونات 10 December 2008

    السلام عليكم و رحمة الله و بركاته
    :cry :cry :cry :cry اختي منى اللي صار ما كان لا عالبال و لا عالخاطر بعد ما فرحت كتير لان عرفت شكلو و كل شي و راحو لعند اللحام تحتى يقط الفخذ و يعطينا الروستو و انا عم حظر حالي عاساس راح ساويه بس شو جابولي معاهم يا حسرتي جابوه متبل و ملفوف و مو هيك بس الا كمان ملفوف بما بعرف شو لية الخروف اسمها او شحم الخروف المهم شي ابيض و لو تشوفي حالتي انصدمت :eek يعني بعد كل هالحماس و الانتظار هيك يصير و الله ما عم بعرف شو ساوي يعني هلا انا اما الامر الواقع و صحيت على كابوس و هلأ ماعم بعرف شو بدي ساوي
    دورت بالنت عوصفة تكون ملفوفة باللية او الشحم بس ما لقيت
    اللحام قال حطوها بطنجرة و غطوها بالماء و خلوها تغلي و تغلي و بعدين صفوها من الماء و حطوها بصينية بالفرن و كل شوي حطولها من المرقة اللي صفيتوها حتى تنضج
    ما بعرف ما حسيتو منطقي اني حطها و اغمرها بالمي عطول من دون تشويح او شي و بنفس الوقت ما بعتقد بينفع تتشوح لانها مغلفة باللية او الشحم )) اختي منى اللية بيكوةنها لونها ابيض بيشبه الشحم مو هيك ))
    المهم هلأ بدي ياكي اختي منى تساعديني تأعرف كيف اطبخه لهالروستو و كمان الاخوات اللي معنا بالموقع اذا مجربينها لهالطريقة ان شاء الله تدخلي بسرعة اختي منى و تلحقيني قبل ما ساويها
    ناطرتكم
    بالتوفيق
    سلام

  24. منى 11 December 2008

    هلا سارونات :)
    اعتقد بهل الطريقة الي عملك ياها كمان بتطلع طيبة كتير , لان نحنا هون عندنا وصفة القاورما نقليها بالدهن لحتى يستوي و شو بتطلع طيبة ;)

    لا تزعلي و لا يهمك , لو كنت مكانك ممكن ااقليها على نار قوية لحتى هل الدهن ينزل منه شوية و يتحمر شوي على كل الاطراف و بعدها بطبق الوصقة عادي
    لا تاكلي هم سارونات , ما دامها الها نفس فكرة القاورما رح تطلع طيبة .

    اخر احتمال اذا مو قادرة تتحملي هل الدهنة , فكيها انت و شيلي الدهنة و ارجعي ربطيها و حضري الوصفة من اول و جديد :zzz

  25. ميسونو 16 December 2008

    سلامات منى
    هل المقابل الإنكليزي لهذه الوصفة هو
    Roasted Beef
    وهل أستطيع تحضير شرحات الدجاج بنفس الطريقة أم هناك طريقة مختلفة لتحضير ال:
    Roasted Chicken
    وشكراً سلفاً

  26. منى 22 December 2008

    هلا ميسون :)
    المقابل لهل الوصفة ممكن يكون الروست بيف , اما الدجاج فممكن تشوفي وصفة الدجاج مشوي شرقي اذا حابة تحضري دجاج مشوي ;)

  27. سارونات 17 January 2009

    السلام عليكم و رحمة الله و بركاته
    اختي منى ما حكيتلك اللي صار المرة الماضية الحمد لله مرت على خير و اللي انقذني هو الغريفي و لولاه يمكن كانت انتزع كل شي لان عطى للوصفة برستيج خصوصا اني اضطريت اقطعها مباشرة و ما طلع الشكل كتير حلو لان كان العرق مفتوح من النص و محشي المهم الحمد لله الغريفي خلا الوصفة ناحجة جدا و جميلة و لذيذة دعيتلك و عطول عم بدعيلك و ان شاء الله ربنا يستجيب لدعائي
    هلأ اناجابولي عرق روستو لحم بقري بوزن 1 كيلو و ضروري ساويه بكرا مشان بعد بكرا
    هالمرة راح ساويه على طريقتك لهيك محتاجة اسألك عن اشياء ضروري و راح اكتب الاسئلة بالرد الجاي

  28. سارونات 17 January 2009

    1-اللحم كيف راح يطلع هل راح يكون ناشف شوي من برا و طري من جوا او طري من برا و من جوا :?

    2-هل تعتمد المدة التي يستغرقها الروستو للنضج على وزنه يعني العرق بوزن كيلو راح يتغرق نصف المدة او اكثر :?

    3-هل هناك طريقة معينة لازم اتبعها عند التقطيع تحتى ما ينتزع شكله :?

    4- بالنسبة لطنجرة الضغط هل بحطو بالعرض )) يعني نايم )) او بالطول يعني واقف :?

    5- هل احمر كل جانب جيدا ثم انتقل للاخر او احمر الجانب شوي بس و بعدين قلب الروستو للجانب الاخر و بعدين ارجع للجانب الاول يعني هل يكون التحمير مرة واحدة او على مراحل لكل جانب :?

    6- هل احمر الجزء المستدير من القطعة او بس الجوانب :?

    7- الهال هل بقشره و بحط الحب اللي داخله او اتركه متل ما هو :?

    8-هل يمكن استعمال زيت زيتون مع زبدة او راح تكون طعمة زيت الزيتون طاغية :?

    9-ما استعملتي اعشاب يعني فينا نحط اعواد بقدونس و كزبرة او لا :?

    10- البكرفس و الكراث منخليه متل ما هو يعني من غير تقطيع و هل منخلي الجزء الاخضر منو او منشيله :?

    11- ماعندي بهار مشكل تحتى امزجه مع الخردل هل بيكفي فلفل ابيض او ضيف شي تاني و كم بتكون الكمية :?

    12-بالنسبة لوضعه في الفرن كم بتكون كمية المائ المغلي اللي بحطها في المرة الاولى و كيف بعرف اذا اللحم محتاج لماء او لا و كم ضيف في كل مرة :?

    بعرف اسئلتي كتيرة بس مالي غيرك يساعدني

    بالتوفيق
    سلام

  29. سارونات 19 January 2009

    السلام عليكم و رحمة الله و بركاته
    شو قلتني اختي منى بعرف عم عذبك معي انا بعد 3 ساعات و نصف ان شاء الله راح ساويه ان شاء الله تلحقي علي قبل ما ساويه و حتى لو ما لحقتي اكتبيلي الاجوبة لان راح احتاجهم للمرات الجاية
    اناراح اتوكل على الله و ساويه و الله يستر
    بالتوفيق
    سلام

  30. منى 19 January 2009

    اللحم رح يطلع ناشف شوي من برة و طري من جوى و كله عصير
    المدة الها علاقة بنوعية القطعة يعني من وين أخدها اللحام و كمان على وزنها و الكيلو ممكن ياخد حوالي ساعة
    احسن طريقة لتقطيعه هو انك تستني لليوم التاني , بهيك رح يكون اللحم تماسك ورجعت كل العصارات لمحلها و لما بيكون بارد رح يتقطع معك بكل سهولة و اكيد باستخدام سكين منشار و حادة كتير
    بالنسبة لطنجرة الضغط بتحطيه وهو نايم :grin
    حمري كل طرف لحتى ياخد اللون المرغوب و ما بقى في داعي تحمري الجزء الدائري على الاطراف ;)
    الهال بس بتدقيه لحتى يفتح و بعدها بتستخدميه و اذا مو متوفر عندك حب الهال الكامل ممكن تستعملي بس بذوره بس من دون طحن

    زيت الزيتون و لا مرة ما استعملته لتحضير الروستو و لا خطر الي استعمله بس ممكن ليش لا :roll

    انا ما بتستعمل اعشاب , اذا بتحبي نكهتهم ممكن تجربي , انا بحب هيك النكهة و الطعم و انتي كمان ممكن تعدلي على ذوءك

    الكرفس و الكرات استعمله كله و بقطعه بحجم 4 سم تقريباً , يعني تقطيع خشن كتير

    اذا ما عندك بهار مشكل ممكن تستعملي فلفل أسود مع فلفل حلو مطحون و الكمية متل ما انتي بتحبي بس ما تكتري كتير لحتى ما تروح طعمة اللحمة بالبهارات و خصوصا ان هل البهارات مطحونة

    اختي كمية المي لحتى تغطي مقدار اصبعتين من الصينية تقريبا و بتضيفي مي كممان كل ما حسيتي ان المي رح تخلص و بكمية كوبان او حسب صينيتك

    ان شاء الله كون لحقت على اسئلتك و اي شي تاني انا بالخدمة , بعرف ان واعدتك من زمان بتحضيره بس اختي ما عم يصحلي لان مشغولة شوي هل الفترة و لما بفضى بيكون العيلة عندي جاي على بالها شي طبخة :zzz

  31. سارونات 19 January 2009

    السلام عليكم و رحمة الله و بركاته

    الحمدلله لحقتي عليي قبل ما ساويه و قريت الاجوبة ربنا ينولك كل اللي في بالك و تكون الجنة دارك و دار كل مؤمن يا رب
    الجزر كمان قطعتو متل ما قلتي يعني 4 سم
    اللحم هلأ بالفرن و ايدي على قلبي
    المهم بدي اسالك لما بحطو بالفرن الماء المغلي بصبو فوقو او بحطو بس بالصينية و كمان نفس الشي لما ضيف الماء ضيفو فوق اللحم تحتى يتشرب اللحم الماء او بس بالصينية
    سلام

  32. منى 19 January 2009

    ما بتفرق أختي , كيف ما بدك , المهم ان لازم نبعك ان وقت الساعة هو لطنجرة الضغط , اذا بالفرن رح ياخد معك أكتر حوالي الساعة و نص الى ساعتين ةو انتبهي ان تغطي الروستو كتيررر منيح لحتى ما يتسرب البخار و المي لازم يكون مغلي لحتى تحافظي على درجة حرارة اللحم ;)

  33. سارونات 19 January 2009

    السلام عليكم و رحمة الله و بركاته
    رجعت مرة تانية :grin
    اختي منى انا ما حطيت الملح متل ما قلتي ما بعرف هيك صح او الملح سقط سهوا و ما كتبتيه يعني امتى منحطو
    وهلا بما اني ما حطيتو فهل برش الشرائح بالملح قبل ما سخنها في الغريفي او ما بضيف ملح ابدا و بكتفي بالغريفي
    بالتوفيق
    سلام

  34. منى 19 January 2009

    فيك تضيفي الملح مع أخر كمية مي رح تضيفيها لان اذا اضفتيها من الاول رح يقسى اللحم :)

  35. سارونات 19 January 2009

    السلام عليكم و رحمة الله و بركاته
    :cry :cry :cry لا حول و لا قوة الا بالله كل مرة بقول بدا تضبط بيصير شي
    بعد ما نضج اللحم و طالعتو من الفرن و حطيتو تحتى يبرد شوي مشان حطو بالبراد شو اكتشفت :? القطعة مو قطعة و مفلفوفة عطول و انما قطعة طويلة و ملفوفة انا ما بين معي هالشي لان جابوها ملفوفة بالخيط بس و ما فيها شي تاني و انا ساويت كل شي متل ما قلتي يعني الشي الوحيد اللي ما ساويتو هو لف الخيط على القطعه لان جابوها ملفوفة
    و هلأ ما عم بعرف كيف بدي قطع القطع بكرا ما اح يطلع شكلهم حلو شو بدي ساوي :?
    سلام

  36. منى 20 January 2009

    لا يهمك , الشكل مو مهم رح تطلع طيبة اكيد ان شاء الله و لا يهمك , و المرة التانية اذا رايدة تجيبيها تبقى لفيها على ايدك لان ما بدها شي

    يلا مسحي دموعك ما بحب شوفك زعلانة :roll

  37. سارونات 20 January 2009

    السلام عليكم و رحمة الله و بركاته
    يخليلي ياكي اختي منى ردك خلاني اتمسك بالامل
    اختي منى مرقت على خير و الحمد لله و القطع طلع شكلهم حلو انا فكرت راح ينفتحو بس لا طلع الشكل بيجنن و مع الغريفي و الخضر سوتيه شكل الطبق طلع تحفة فنية الحمد لله و الشكر لك لانك ساعدتيني ما فيني ساوي شي غير اني ادعيلك يا احلى أخت بالدنيا :zzz
    بفضل شرحك المفصل و اجابتك عن اسئلتي خليتي كل شي سهل و عن جد عم قول للي بدهن يجربو الوصفة ما يترددو لانها سهلة حتى ما بتستعميلي اواني كتير تحتى بعدين تغسليها استغربت كتير مبارحة ان بعد ما خلصت ما كان في اواني كتير و كتير فرحت عادة لما بساوي طبخة كل المطبخ بينعجق و بطالع كل الملاعق و الطوايات و المقالي :grin
    و اذن بالنسبة لتحضيره فيكون سريع و سهل و بسيط بس هالمرة واجهت مشكلة مع الغريفي ما صار سميك مع انو بالمرة الماضية بسرعة صار سميك شوي مع اني ساويت الرو بالمقادير المذكورة حتى اني كترت شوي طحين تحتى يطلع اسمك بس ما عرفت ليش ما صار سميك
    حتى بعدين ضفتلو شوية نشاء تحتى مسك شوي ما عرفت شو المشكلة :?
    انا القطع طلعت عندي من برا بنية اما من جوا فاللون بني فاتح و شايفة بالصورة انو من جوا بني قاتم يا ترى كيف بحصل على هاللون لان باللون اللي بالصورة بقدر قدمو من غير غريفي تحتى تطلع طعمة اللحم كاملة لان في اللي بيحبو ياكلو الشريحة من دون غريفي و يستمتعو بطعمها

    بالتوفيق
    سلام

  38. منى 2 April 2009

    اختي الغريفي يمكن فرق نوعية الطحين , المهم انك تحليها و بتبقى المقادير باي وصفة تقريبية
    اللون بالصورة جاي من الغريفي , يعني ما في مهرب منه :grin

  39. سماح 15 March 2010

    السلام عليكم اخت منى

    أولا ربي يعطيك ألف عافية

    السؤال ممكن نجيب قطعة الروستو ونحليها بافريزة للوقت يلي بدنا نحضرها ولا لزم تكون تازة دغري نحضرها

    ممكن ننقعها بالخل والتتبيلة لليوم التالي ولا بس ساعة ولا ساعتين

    بالنسبة للخردل تقصدين الموجود بعلبة صفراء ويباع مثل الكتشب

    بالنسبة للملح لم تضعيه لا بتتبيلة اللحمة ولا بالمرقة مت تضفينه

    لما بدنا نضع الروستو بالبراد بدنا نصفيه من مرقته هتي ينشف لليوم الثاني ونخلي المرقة على جنب صح

    شكرا

  40. منى 31 May 2010

    هلا سماح :)
    فيكي تفريزها بس لو تجيبها تازة احسن كتير و اصلا هادا طبق لازم الواحد يتحضر عليه , بقى ايمتى ما اجى على بالك اقطعي اللحمة تازة بتاخدي نتيجة افضل
    فيك تنقعيها لتاني يوم و الخردل الي ااقصده هو الخردل الي متل الكتشاب بيجي بعلبة صفرا
    الملح اضيفه اخر ربع ساعة من سلق الروستو
    منصفي الروستو من المرق و منخليه لتاني يوم لحتى ينشف منيح و يصير تقطيعه سهل ;)

    ايا سؤال تاني من عيوني

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)