رولات الدجاج المحشية


         وصفة : أم عباده                 2008/04/05                 21 تعليقات
رولات الدجاج المحشية

·          تدق صدور الدجاج بالمطرقة الخاصة حتى تصبح رقيقه ثم تتبل بالملح و بهارات الدجاج و تترك جانبا ريثما يتم تحضير الحشوة .

·          يوضع الزيت على نار متوسطه و يضاف البصل و يقلب حتى يذبل ’ثم تضاف الفليفلة و تقلب قليلا و لكن لا ندعيها تفقد قوامها المقرمش .

·          يضاف الفطر و الجزر و يقلب الجميع و يضاف القليل من الملح حسب المذاق ثم يترك ليبرد قليلاَ .

·          تفرد شرائح الدجاج و تحشى بكميه جيده من الحشو ثم تلف مع الضغط عليها قليلا لكي تتماسك .

·          تلت القطع بطبقه من الطحين ثم البيض المخفوق ثم البقسماط الممزوج بالكاري .

·          تترك القطع في البراد لبعض الوقت لمدة ساعة تقريبا حتى تتماسك و تتشرب النكهة .

·          تذوب الزبده على النار و تقلى بها رولات الدجاج حتى تصبح ذهبية اللون و تستوي نصف مرحلة النضج .

·          يتم ترتيب القطع في صحن بايركس و تغمر بقليل من الماء بحيث لا يرتفع عن نصف القطع و توضع في فرن على درجة 180 لمدة نصف ساعة تقريباً حيث سيشكل هذا الماء مع الدجاج صوص لذيذ الطعم  .

·          تقدم الرولات مع الارز المفلفل و الف صحة و هنا . 

تنويعات و اضافات :

يمكن تشكيل حشوة أخرى تتألف من السبانخ المقلى مع الثوم و و الممزوج بجبنه قشوان او اي جنبه جيدة و تذوب , سيكون المنظر رائع عند تقسيم القطع حيث تتمد الجبنه و الطعم لذيذ يذوب في الفم يم يم .   




كيلو شرحات من صدور الدجاج المخلاة من العظام و الجلد

الحشوة :

ملعقتان كبيرتان زيت زيتون
100غ فطر مقطع لشرائح
100غ جزر مبشور
200 غ فليفله ملونه (أحمر - أصفر - أخضر )
بصلة متوسطه الحجم مفرومة شرائح طويلة
ملح
بهارات الدجاج

للتغطية :

بيضه
بقسماط
طحين
كاري (اختياريي )
ملعقتان كبيرتان من الزبده





• تدق صدور الدجاج بالمطرقة الخاصة حتى تصبح رقيقه ثم تتبل بالملح و بهارات الدجاج و تترك جانبا ريثما يتم تحضير الحشوة .

• يوضع الزيت على نار متوسطه و يضاف البصل و يقلب حتى يذبل ’ثم تضاف الفليفلة و تقلب قليلا و لكن لا ندعيها تفقد قوامها المقرمش .

• يضاف الفطر و الجزر و يقلب الجميع و يضاف القليل من الملح حسب المذاق ثم يترك ليبرد قليلاَ .

• تفرد شرائح الدجاج و تحشى بكميه جيده من الحشو ثم تلف مع الضغط عليها قليلا لكي تتماسك .

• تلت القطع بطبقه من الطحين ثم البيض المخفوق ثم البقسماط الممزوج بالكاري .

• تترك القطع في البراد لبعض الوقت لمدة ساعة تقريبا حتى تتماسك و تتشرب النكهة .

• تذوب الزبده على النار و تقلى بها رولات الدجاج حتى تصبح ذهبية اللون و تستوي نصف مرحلة النضج .

• يتم ترتيب القطع في صحن بايركس و تغمر بقليل من الماء بحيث لا يرتفع عن نصف القطع و توضع في فرن على درجة 180 لمدة نصف ساعة تقريباً حيث سيشكل هذا الماء مع الدجاج صوص لذيذ الطعم .

• تقدم الرولات مع الارز المفلفل و الف صحة و هنا .

تنويعات و اضافات :

يمكن تشكيل حشوة أخرى تتألف من السبانخ المقلى مع الثوم و و الممزوج بجبنه قشوان او اي جنبه جيدة و تذوب , سيكون المنظر رائع عند تقسيم القطع حيث تتمد الجبنه و الطعم لذيذ يذوب في الفم يم يم .
  • وصفات تانية ممكن تعجبك


التعليقات

  1. منى 5 April 2008

    ممممم :)

    هدا النوه من الطبخات بموت عليها و انا بعمل شي بيشبهها بس بالسبانخ و هي شي بقلبه ;)

    الله يعطيكي الف عافية ام عبادة وصفة طيبة و صورة بتفتح النفس

  2. أم عباده 7 April 2008

    الله يسلمك ويخليك يا منى الحلو بهالاكله انو الدجاج ما بدوا وقت كتير بيستوي بسرعه وبيطلع كأته جاهز مثل اكلات المطاعم و فيك تتفنني بالحشوات اللي بيتحبيها :grin

  3. رندوش 8 April 2008

    مشكوره عزيزتي رولات شهيه
    ان شاء الله نطبقها :p

  4. omtasneem 8 April 2008

    يم يم اطيب من هيك ماعاد في اسألوني لاالي لاني جربتها وعملتها بعزيمة والكل حبها وفكرها جاهزة جربوها ومابتندموا تسلم دياتك صديقتي وعزيزتي ام عبادة والله يقويك ;)

  5. ام نور 8 April 2008

    سلم دياتك ام عبادة كتير وصفة مميزة انشالله رح جربا وخبرك رأي

  6. أم عباده 13 April 2008

    اهلا ام نور اسفه حبيبتي تأخرت بالرد شوي بس والله كتير مشغوله
    والله يسلم دياتك كمان على اكلاتك الحلوة وان شاء الله بتجربيها وبتطلع غلى ذوقك ;)

  7. أم عباده 13 April 2008

    شكر حبيبتي رندوش وميه هلا فيك :grin

  8. أم عباده 13 April 2008

    يا سلام على ام تسنيم ما في حدا قدك بيشجع الاخترعات الرهيبه الله يجبر بخاطرك والف صحه وهنا عن جد فرحتيني لما خبرتيني انو ضيوفك حبوا :p

  9. Eman 21 July 2008

    يسلم إيديك أم عباادة على الوصفة ، وإيديك منى على وصفة السبانخ ، رح أعملها لأن موادها متوافرة عندي ..
    الصدور اللي عندي مو شرحات، صدور كاملة ، كيف شرحها بالشكل المطلوب وخليها رقيقة بدون ما خربها :upset ؟؟

  10. سارونات 15 October 2008

    السلام عليكم و رحمة الله و بركاته
    جازاكم الله خيرا اختي منى و ام عبادة على هالوصفة و الصورة بتجنن و بتشجع على التجربة
    اختي منى انا بعرفها للمطرقة الخاصة و شايفتها بس ما عندي ياها فهل فيني استعمل شي تاني لترقيق الشرحات و ان شاء الله راح جربها قريبا
    بالتوفيق
    سلام

  11. منى 15 October 2008

    ممكن تستخدمي الشوبك الي نرق فيه العجين , تضربيه بلطف على الشرحة لحتى تصير بالثخانة المطلوبة ;)

  12. Eman 26 November 2008

    وصفة طيبة كتير ..أضفت لها جبنة موزاريلا وهيج جعلت الخضار ماسكة وما فرطت ..واستخدمت عيدان أسنان لتسكير القطع بشكل جيد ..
    بس ما طلعلي مثل هذا الصوص الرائع ! أكيد يا أم عبادة مخبية شي سر وما عم تخبري عنه .. :grin

    منى الغالية : ما هي وصفة حشوة السبانخ ؟ هل أستخدم سبانخ مفرزة أم طازجة ؟ وهل طريقة طبخها كسبانخ بلحمة ؟ وما هي الجبنة المحببة ؟

  13. haya 11 December 2008

    مرحبا ااختي ام عبادة تسلم ايدك على الوصفة اللذيذة انا عملتها وكانت كثير رائعة والكل حبها عندي بالبيت شكرا الك

  14. منى 12 December 2008

    هلا امولة :)
    هلا اسا انتبهت للسؤال , اسفة للتاخير

    حشوة السبانخ بحضرة بقلية بصل و توم بزيت الزيتون و بعدها السبانخ و ما بتفرق اذا كانت مفرزة او فريش , بس اكيد الفريش احسن و رشة ملح و بهار و ممكن ضيف دجاج مسلوق

    الجبنة ممكن تستعملي اي نوع او مزيج من عدة انواع , انا بستعمل الموزاريلا :zzz

  15. رنا 19 June 2009

    بتعرفي منى …زوجي بهالشوب مالل من الكبب والمحاشي واليبرق ومشتهي على اكلات جديدة وجاية على بالي جرب هالوصفة حاسستها بترفع الراس …بس انا قريت برد احد الاخوات انه ماطلع معها صوص كتير انا بدي اسألك اذا مابدي ياها ناشفة فيني ضيف الصوص الابيض يلي حطيتيه مع الاسكالوب ودخلها بالفرن ؟؟ولا شو بتعطيني افكار :zzz

  16. منى 20 June 2009

    هلا رنون :)
    المفروض و نظريا يطبقوا كتير مع بعض , بقى انتي جربي و شوفي بنفسك ;)
    و الله جوزك معه حق , هل الشوبات بتخلي الواحد مو قبلان الا الخفايف

  17. رنا 20 June 2009

    يلا عالقريب العاجل بس لجيب شاكوشة الدجاج :grin

  18. منى 23 June 2009

    يلا رنون , بس انتبهي ما تشوكشي صابيعك :roll

  19. ris 9 September 2009

    سلام صبايا :) ما تاخذيني اخت منى ما فضيت اكتب طريقة الكوردون بس هلأا راح اكتبو :grin

  20. violet 13 June 2010

    انا باكل منها بالمطاعم كتيييييييييير لذيذة غالبا بطلب منها وكتير حابة أعمل منها بالبيت
    بس مافهمت كيف هي ندق الدجاج ومن وين بدنا نجيب المطرقة الخاصة
    يعني من السويقة في منها أو بمحلات الصحون وادوات المطبخ العادية
    طيب اذا جبنا شرحات فروج صدورة مابمشي حالها بدون ماندقها ؟؟؟؟؟؟؟؟؟؟؟!!!!!!!!!!

  21. منى 14 June 2010

    المدقة موجودة بكل محلات الادوات المنزلية , شكلها متل الشاكوش بس على كبير و على طرف بتلاقي كتل بسامير صغيرة :roll

    بيمشي الحال اذا جبتي شرحات فرزج مو صدور

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)