زردة


         وصفة : منى                 2007/06/12                 17 تعليقات
زردة

·          يغلى النصف كوب ماء مع الزعفران لمدة 5 دقائق ثم يترك جانباً  .

·          يغسل الرز و لا ينقع , يوضع الماء في قدر على نار متوسطة و بعد أن يغلي يضاف الرز و السكر و يترك ليغلي لمدة ربع ساعة .

·          يضاف الزعفران و تترك الزردة لتغلي على نار متوسطة مع التقليب بلطف من فترة لأخرى , في هذه المرحلة ستنتشر رائحة الزعفران اللذيذة في أنحاء البيت  .

·          تترك الزردة على النار حتى تظهر الرجروجة على السطح أي حتى تبدأ حبات الأرز بالظهور على سطح الزردة مع فقاعات الماء المغلية و تحتاج لمدة ساعة تقريباً ثم تترك لمدة ربع ساعة أخرى بعد ظهور الرجروجة .

·          تبعد الزردة عن النار و يضاف ما الزهر ثم تسكب في صحون صغيرة و توضع في البراد حتى وقت التقديم .

·          يمكن تزيين الصحون بحبات من اللوز المحمص أو الصنوبر , و بالصحة و الهنا .

 




كوب رز مصري
12 كوب ماء
كوبان و نصف سكر أو كوبان فقط
علبة صغيرة زعفران
نصف كوب ماء لنقع الزعفران
2 – 3 ملعقة كبيرة ماز زهر





• يغلى النصف كوب ماء مع الزعفران لمدة 5 دقائق ثم يترك جانباً .

• يغسل الرز و لا ينقع , يوضع الماء في قدر على نار متوسطة و بعد أن يغلي يضاف الرز و السكر و يترك ليغلي لمدة ربع ساعة .

• يضاف الزعفران و تترك الزردة لتغلي على نار متوسطة مع التقليب بلطف من فترة لأخرى , في هذه المرحلة ستنتشر رائحة الزعفران اللذيذة في أنحاء البيت .

• تترك الزردة على النار حتى تظهر الرجروجة على السطح أي حتى تبدأ حبات الأرز بالظهور على سطح الزردة مع فقاعات الماء المغلية و تحتاج لمدة ساعة تقريباً ثم تترك لمدة ربع ساعة أخرى بعد ظهور الرجروجة .

• تبعد الزردة عن النار و يضاف ما الزهر ثم تسكب في صحون صغيرة و توضع في البراد حتى وقت التقديم .

• يمكن تزيين الصحون بحبات من اللوز المحمص أو الصنوبر , و بالصحة و الهنا .




  • وصفات تانية ممكن تعجبك


التعليقات

  1. balsam 20 August 2007

    :)
    جزاك الله خير

  2. منى 21 August 2007

    هلا بلسم :)

    و جزاك الله بالمثل أختي ..

    نورتي 8)

  3. نورا 9 February 2008

    منى بس سؤال.. قديش يعني علبة الزعفران الصغيرة؟؟؟

  4. منى 10 February 2008

    هلا نورا :) الزعفران العلبة الصغيرة و إذا كان نوعيته كتير منيحة يمكن ما نستعمل العلبة كلها ;)

  5. ام نور 24 November 2008

    منى كوب رز بدو 12 كوب ماء ما كتير بالنسبة لا كوب :?

  6. منى 24 November 2008

    و الله يا ام نور هي هي عيارات الزردة , بعرف بالمنطق مو زابطة بس هيك نحنا نعملها .
    لا تنسي ان الرز من دون نقع بس غسلة و على المي الغالية ;)

  7. ام نور 25 November 2008

    منى سؤال اخير لان حابة جرب عالوصفة بدي اعرف كيف بتطلع الزردة بالاخير متل الرز بحليب قصدي ساءلة ولا جامدة :?

  8. منى 25 November 2008

    بتطلع متل الرز بحليب تمام , لا سايلة و لا جامدة وسط ;)

  9. ام عمر 17 June 2009

    اخت منى
    بدي اسالك كم زبدية بتطلع هالكمية ؟؟؟؟؟؟
    لانو حابة جربها وخايفة ما تعجب ابو الشياب!!!! :p
    ما بدي ياها تكون كميتها كبيرة :cry
    مشكورة مقدما :)

  10. منى 18 June 2009

    هل الكمية بتطلع حوالي 14 زبدية من الي حجمهم طالع في الصورة :zzz

    ان شاء الله تجربيها و تعجبه ;)

  11. ام عمر 19 June 2009

    تسلميلي يا منى :zzz

  12. منى 20 June 2009

    تكرم عيونك ام عمر و انا تحت امرك دوما

  13. آرام 4 December 2011

    لو تعرفي أخت منى مكانة هالوصفة عندي .. ما دقتها من شي 30 سنة ودائما بتخطر على بالي كل ما تذكرت بيت جدي القديم ونانا الحجة الله يرحمها، هي الوحيدة بالعيلة اللي كانت تعملها، ومن بعد وفاتها ما دقت الزردة أبداً.
    نويت أخيراً أحضرها على العيد وأعملها مفاجأة لضيوفي من العيلة، بس ما تيسرت فعملت وقتها رز بحليب مبطن.
    من يومين نزلت على سوق العطارين بالمدينة لأشتري زعفران، تفرجت وسألت تقريباً كل المحلات، وباعتبار ما عندي خبرة بالزعفران وما بعرفه من قبل، اخترت بالنهاية أغلى نوع على أساس أنو الأغلى لازم يكون الأفضل.
    البارحة المسا طبخت الزردة وأنا متلهف أنو أخيراً رح يتحقق حلمي. بس للأسف كانت الصدمة مؤلمة، الزعفران طلع مغشوش وما له علاقة بالزعفران، والزردة طلع لونها أحمر فاتح وما في أي طعمة أو ريحة. احترق دمي. يعني عن جد تجارنا ما عاد فيهم لا شرف ولا ذمة ولا ضمير، بيعتبروها شطارة، وكل واحد فيهم سجادة صلاته جنبه ومسبحته بإيده ودقنه شبر. رحم الله الإمام الشافعي .. نعيب زماننا والعيب فينا.
    صورت التطبيق، ما رح نزل الصورة طبعاً على صفحة لقمة طيبة بس رح نزلها على صفحتي على الفيسبوك إذا حبيتي تشوفي المقلب الي أكلته.
    ألف شكر أخت منى للوصفة الرائعة. وآسف للإطالة بس من حرقة قلبي.

  14. منى 4 December 2011

    :x

    هلا شفت الصور , انصدمت من اللون ما بيشبه و لا زردة شفتها بحياتي حتى الزردات الي ما بتنجح بيطلع لونها اصفر ما بيشهي , مخنق , بس مو احمر , لو ما شفت الصور كنت رح قلك انو ممكن تقلل كمية الزعفران ما دام عم تقول انه من افضل نوعية , بس لا هادا مو زعفران :roll

    ما فيني دلك على نوع معين لان انا بشتري زعفران ايراني , واحد بعلبة مستطيلة و التاني بشي بيشبه قنينة البارفان الصغيرة ,, مممم متل حنجور صغير , بس حتى هل النوعيين مرات ما بيكونوا متل العادة … بس هادا لا يعني انو كتير من تجارنا مو غشاشين , الغش و لبس لبس الدين ماشي بدمهن

    الله يرحم نانا و يرحم كل الغوالي و ان شاء الله بتعيش و بتتذكر , و ان شاء الله تكون المرة التانية متل ما بتحب

  15. منى 4 December 2011

    كمان شغلة انتبهت عليها , كانو طالعة معك سميكة شوي ؟
    ممكن من نوعية الرز او ممكن زردت عليها وقت بالطبخ , انا بحب يكون رزها ااقل شوي لهيك اذا حسيت انها سميكة بزيدها شوية مي , بحب تطلع طبقة من غير رز , يعني متل الصورة الي معشبقة فوق :zzz

  16. آرام 4 December 2011

    الزعفران اللي جبته على أساس أنه إيراني ومن أفخر نوعية، بس طلع ماله علاقة بالزعفران. وعلى فكرة شفت هدا الحنجور اللي قلتي عليه، سعره 500 ليرة، بس كان أرخص من اللي أنا جبته :)

    بالنسبة للسماكة أنا بعكسك، بحب هيك أكلات متل الرز بحليب والحبوب وغيره تكون سميكة، ولذلك بغليه شوي زيادة حتى يسمك. ما كان عندي أي مشكلة بالوصفة غير الزعفران، وللأسف هو كل شي بهالوصفة!

  17. منى 7 December 2011

    يا حرام , يلا معلش خيرها بغيرها , ان شاء الله المرة التانية بتتوفق بزعفران منيح و بتزبط متل الي في بالك ..

    500 ليرة , شو عم يصير بالدني !! انا اخدته من كم شهر بس اكيدد مو بهل السعر , الله يلطف :roll

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)