ساندويش السجق على الطريقة التركية


         وصفة : منى                 2009/02/01                 27 تعليقات
ساندويش السجق على الطريقة التركية

·          تدعك مقادير السجق مع بعضها البعض حتى تمتزج جيداً ثم تترك لمدة أربع ساعات على الأقل و يفضل أن تحضر قبل بيوم لتتبل ببعضها و تختمر النكهة .

·          تفتح الصمون ثم تغطى بالسجق و ترتب فوقه شرائح الجبنة و يمكن دهن الصمون بالزبدة قبل وضع السجق فيها و ذلك حسب الرغبة .

·          تشوى السندويشات في شواية السندويش (Pannini Grill ) حتى تقرمش و ينضج السجق و تحتاج لبضع دقائق .

·          تفتح الصمونة ثم تحشى بشرائح البندورة و المخلل و تقدم فوراً .




صمون
جبنة بيضاء أو جبنة موزاريلا
مخلل خيار مقطع لشرائح
حبات بندورة مقطعة شرائح رقيقة

مقادير السجق :

300 غ لحمة غنم أو بقر مفرومة مرتان
ملح
نصف ملعقة صغيرة بهار مشكل
ملعقة كبيرة دبس فليلفة (أو أقل حسب رغبة )
5 – 6 فص ثوم
نصف ملعقة صغيرة فليلفة حمراء ناعمة
نصف ملعقة صغيرة بهارات سجق ( متوفر عند العطاريين و يمكن الاستغناء عنها إذا لم تتوفر )





• تدعك مقادير السجق مع بعضها البعض حتى تمتزج جيداً ثم تترك لمدة أربع ساعات على الأقل و يفضل أن تحضر قبل بيوم لتتبل ببعضها و تختمر النكهة .

• تفتح الصمون ثم تغطى بالسجق و ترتب فوقه شرائح الجبنة و يمكن دهن الصمون بالزبدة قبل وضع السجق فيها و ذلك حسب الرغبة .

• تشوى السندويشات في شواية السندويش (Pannini Grill ) حتى تقرمش و ينضج السجق و تحتاج لبضع دقائق .

• تفتح الصمونة ثم تحشى بشرائح البندورة و المخلل و تقدم فوراً .
  • وصفات تانية ممكن تعجبك


التعليقات

  1. سلاف 1 February 2009

    يسلم هالايدين منى شكله بشهي00
    هون ولا مره جربت ساويهن بسوريا بجيبهن جاهزين اممممم جد طيبين بس ان شاء الله رح جربهن على طريقتك لان شغل البيت اكيد غير ومن مطبخ منى يميييييييي

    منى في سؤال ضروري بالهامبرجر ياليت تشوفيه وتردي علي لاني بدي ساوي بكره الهمبرجر ناطرتك هنيك لاتطولي :zzz

  2. منى 1 February 2009

    هلا سلوفة :)
    الله يسلمك , ان شاء الله تساويهاو تعجبك , سهلة و ما بدها وقت ;)
    يلا لاحقتك للهمبرغر

  3. غيث 2 February 2009

    الله يسلم هالديات يا حق ايه والله شهيتيني اكل من هالصحن المرتب اللي مبدعة فيه دياتك طبعا عالسريع اليوم رح اساوي متله لاني محتارة ومالي مشتهية اطبخ شي عندي سبات على الطبخ متل ما بتقولي شكرا لك منى

  4. TOOLEEN 2 February 2009

    يمي يمي
    مشكورة حبيبتي منى على الاكل الطيب
    ماشاء الله عليك سويت ساندوش البطاطا طلع كثير حلو وكل البيت عجبو فيه وسرنا مدمنين عليه

    :grin
    بالتوفيق حبيبتي :)

  5. Rino 2 February 2009

    يعيشوا إيديكي يا منى على هالسندويشات بتجنن أحلى من سندويشات سيرجية بجلالة قدرو
    أنا بحضر السجق بنفس طريقتك بس بعملهون اقراص و بشويهون عالتيفال و بعدين بقطعهون أصابع و بحطهون بالسندويش و بكبسو و الباقي كمان متلك السبب هو التأكد من نضج اللحم بالكامل بخاف أنو الحرارة اللي بدها توصل لقلب السندويشة ما تكون كافية يمكن شوي فيها وسوسة مني بس هيك تعودت
    يعطيكي ألف عافية و ناطرين المزيد و المزيد و المزيد شو بدك تعملي بالطمع ههههه

  6. منى 2 February 2009

    الف هنا و عافية تولين على كل لقمة نزلت على بطونكم انت وكل واحد من العيلة :)
    ان شاء الله تجربي هل السندويش و يعجبك كمان ;)

  7. منى 2 February 2009

    هلا غيوثة :)
    مدي ايدك يا عسل و الاكل على قد المحبة حبيبتي

    ان شاء الله تجربيها و انا مناكدة ان شاء الله انها رح تعجبك , لا تنسي تخبريني :zzz

  8. منى 2 February 2009

    هلا رينو :)
    اي و الله اطيب من سيرجية , بتعرفي و انا عم اقرا الردود معدتي صارت تفرك علي . قايمة ساويلي شي ساندويش , جعت :grin

    الف شكر الك رينو للفكرة , كتير عجبتني هيك بتسهل و احسن ما كل شوي افتح السندويش لاتاكد انهم استوا , بيكونا مستويين اصلا بس تسخينة بسيطة , للتجربة القريبة باذن الله :zzz

  9. ميسونو 8 February 2009

    سلام منى
    أنا أيضاً أعجبت بفكرة رينو ..
    بس عندي سؤال فضولي:
    كيف منقدر نعمل مثل المحلات سجق مستوي ومفروط بدل أن يكون أقراص وبعدين نقطعها أصابع ؟
    شكراً سلفاً.

  10. رنا 9 February 2009

    اه شو اشتقت للموقع والاكلات الطيبة …قضيت شهر بسوريا مع كوابيس الامتحانات والحمد لله رجعت لبيتي بسلام :grin
    اشتقتلك كتير يامنى وللاخوات وردودهن وحكياتهن بحس حالي بالموقع ست بيت رسمية عم تفتش عالاكل الجديد لترضي زوجها وعيلتها :)
    بالنسبة للسجق ياستي انا كتير مشتهية جربه واعمل اللحمة على ايدي بس ياريت لو بتعرفيلي بهارات السجق من شو بتتكون بركي بقدر اعملها لانه بتصور بالبهارات رح يطلع اطيب

  11. منى 10 February 2009

    هلاااا رنونة :)
    طمنيني كيف مشيت امتحاناتك ؟
    و حج محمد عمل عمايله معكم و الا هل السنة نفدتي ؟
    خليلي عيني رنونة و انا اشتقت الك كمان كتير و كنت متوقعة انا شوفك مع ندوشة :roll

    و الله ما عندي فكرة تمام بس اهم الشي الفليلفة الحرة مع الكزبرة و البهار و صدقيني اذا جربتيها رح تتفاجأي من النتيجة و الطعمة ;)

  12. لارا مينا 11 February 2009

    مساء الخير أخت منى ويعطيكي العافية على كل الوصفات بحب أسألك .. ليش الأتراك بيسمو اللحمة المتبلة في هذه الوصفة سجق مع إني كنت مفكرة إنه ساندويش بالسجق المعروف الي عبارة عن أمعاء الغنم المحشية لحمة ؟ وتسلمين يارب على كل معلومة بتفيدينا بها .

  13. منى 11 February 2009

    هلا لارا حبيبتي :)

    كلامك مظبوط و الاتراك ما بيسموا هل اللحمة سجق , السجق عندهم متل الي عندنا , اقصد ان محشي بالأمعاء و بعدها مجفف بالهواء لحتى تتخمر النكهات , بس سبحان الله انا شغلة الامعاء المحشية ما برتاح الها :roll
    و السجق بحبه كتير لهيك صرت حضره بهل الطريقة , بحس أنظف و أضمن :)

    أكيد فيك تحضريه بالسجق الجاهز , مية السلامة لارا و اي سؤال تاني انا تحت أمرك

  14. رنا 12 February 2009

    والله يامنوشة اجازتي كانت كلها ع بعضها 35 يوم احذفي منهن شهر الفحص بيضل 5 ايام بين شراء هدايا العودة والواجبات العائلية والبيت حمايية :)
    كتير اشتهينا نشوفك بس والله 9 مواد ووقت ضيق كتيرر كتيير
    ياستي بالنسبة لحج محمد عمل عمايله وابدع …شو بدنا نعمل اذا غير اسلوبه بيبطل اسمه حج محمد …خليها ع الله
    بالنسبة لبهارات السجق رح حاول حطهنبنسب متساوية او متل مابحب وبخبرك النتيجة

  15. منى 12 February 2009

    الله يوفقك فيهم مادة مادة و ان شاء الله عقبال التخرج و تكون النتيجة بتبيض الوش و سرريعة

    شو ضحكت على الواجبات البيت احمايية :grin بيعين الله

    يلا جربي و خبريني و انا بانتظارك

  16. آرام 8 October 2009

    مرحبا أخت منى
    وصفة أكتر من رائعة .. جربتها وكانت تمام التمام .. عملت متل الأخت رينو يعني شوي عالتيفال مع نتفة زبدة .. الأقراص فرطوا بالطواية بس ما في مشكلة .. أصلاً بالمحلات هيك بيعملوها .. بيقلوها فرط بالمقلاية وبعدين بيحشوها بالصمون.
    أعتقد أن بهارات السجق ضرورية للوصفة لإعطاء النكهة المميزة للسجق :roll

  17. منى 12 October 2009

    هلا اخي ارام :) هنا و الف صحة و عافية يا رب .و لحتى بهل الطريقة رح تصير اسهل :roll

    بهارات السجق مهمة للنكهة , بس من دونها رح تطلع وصفة طيبة و نكهتها قريبة كتير للسجق

  18. مزهرة 23 December 2009

    حقيقي انت فنانه وشيف كمان الهي يسلموا هالانامل اللي فكرونا بالاكل الحلبي والله كل مابشتهي اعمل اكله بدخل عالموقع ان شاء ماكون عم ازعجكن :grin عم امزح ماتصدقي بس كمان مامنستغني :)

  19. منى 24 December 2009

    هلا فيك اختي دوما و ايمتى ما اجى على بالك ;)

  20. Amar 12 August 2010

    كل عام وانت يا منى والأخوات بالموقع بخير بمناسبة قدوم شهر رمضان المبارك.
    لدي وصفه لبهارات السجق عثرت عليها في موقع سوري وأرجو في حال وجدتها مفيده أن تضيفيها للموقع كي تستفيد منها الأخوات.
    الكميه تكفي نصف كيلو لحم وهي كما يلي:
    2 ملعقة صغيره بابريكا
    2 ملعقه صغيره فليفله حده جافه
    ملعقه صغيره بهار حلوAllspices
    ملعقه صغيره بودرة الثوم
    ملعقه صغيره حلبه
    ملعقه صغيره ملح
    وشكرا.

  21. منى 12 August 2010

    وصفة معقولة كتير من مكوناتها و اتوقعها مزبوطة :)

    يا ترى انت جربتيها ؟

  22. doc 5 October 2010

    al salaam 3alekom ,
    ekhti Mouna, shoukran la hal wasfeh, jozi ou akhouy da3olek wallah,
    ana kamaan kataret debs el flefleh, o saret sandweshat el sejeq yammiiiii.

    allah yesallem hal dayaat.

  23. Amar 5 October 2010

    أنا جربت الخلطه بنفسي لكن ما كان عندي حلبه وحطيت محلب بدال الحلبه وطلع في فرق، الحلبه اسمها بالإنكليزي fenugreek والمحلب mahaleb ومع ذلك كانت لذيذه.
    رابط الوصفه على الموقع وهو عباره عن blog لطبيب سوري في بريطانيايهوى الطبخ هو كالتالي:
    http://syrianfoodie.blogspot.com/2009/10/sujuk-damascene-take-on-armenian.html

  24. رغد غسان علاء الدين 27 February 2011

    آآآآآآآآآآآخ قلبي..عالسريع يا ولاد..ناولوني حبة تحت اللسان..شو هاااااد؟؟ بتغرررررف القلب..السجق من وجباتي المفضلة جدا..خلص انحطت ضمن قائمة المخطط :)

  25. منى 27 February 2011

    هلا doc :)
    خليلي عينك , ان شاء الله الك متل هل الدعوات و اكتر و صحتين و الف الف عافية يا رب ;)

  26. منى 27 February 2011

    هلا رغودة :)
    سلامتك بنتي رح جبلك سجق فوق لسانك اضبط :grin

  27. amoula 20 May 2011

    الله يسلم ايديكي يارب, مع انو هيك صارت مشكلة زوجي ما بقى يفضل ناكل جاهز أكيد صار طبخنا اطيب من محلات الصندويش :x 8)
    يا ستي عملتها من قبل وزوجي ما كتير بياكل سجق وطار عقله عليهم , ريحتهم لما خلطتهم مع اللحمة ريحة السجق وطيبييين ,ومن بعد هالصندويشات صار يحبهم وهلأ رجعت عملت كمان , كتير كتييييييير سهلة, وبس أنزل عسوريا رح ادوقهم لاهلي باذن الله :zzz
    ممممم بس منشان انو نعمل السجق قبل ونحطه بعدين بالصمنة, ما بعرف حاسة انو افضل اذا بالصمنة مو ؟ منشان الصمنة تتشرب من اللحمة وهيه عم تستوي فبتصير طعمة الصمنة طيبة !! :roll

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)