سبانخ باللحمة


         وصفة : منى                 2008/02/19                 9 تعليقات
سبانخ باللحمة

·          يفرم السبانخ ثم يغسل عدة مرات حتى ينظف تماماً من الأتربة العالقة فيه .

·          يوضع قدر فيه ماء على نار عالية و يسلق فيه لمدة دقيقتين أو ثلاثة حتى يذبل ثم يوضع على مصفاة للتخلص من الماء الزائد , يمكن تجاوز مرحلة السلق و تقلية السبانخ مباشرة و لكن هذه هي الطريقة الأصلية لإعداد الوصفة .

·          تدعك اللحمة بالملح و البهار ثم تشكل بهيئة كرات .

·          تذوب السمنة على نار عالية و تقلب فيها كرات اللحمة حتى تنضج .

·          يضاف السبانخ مع الثوم و الكزبرة و يقلب الكل لمدة ربع ساعة على نار متوسطة ثم يضاف المرق و المزيد من الملح و تترك السبانخية لمدة ربع ساعة أخرى حتى تأخذ السبانخ من نكهة اللحمة .

·          أصبحت السبانخية جاهزة , تقدم مع الأرز المفلفل و اللبن المثوم أو الليمون .

 

 




2 كيلو سبانخ
نصف كيلو لحمة غنم مفرومة
نصف ملعقة صغيرة بهار مشكل
ملح
ملعقة كبيرة كزبرة
3 فص كبير ثوم
2 ملعقة كبيرة سمنة
كوب مرق أو ماء





• يفرم السبانخ ثم يغسل عدة مرات حتى ينظف تماماً من الأتربة العالقة فيه .

• يوضع قدر فيه ماء على نار عالية و يسلق فيه لمدة دقيقتين أو ثلاثة حتى يذبل ثم يوضع على مصفاة للتخلص من الماء الزائد , يمكن تجاوز مرحلة السلق و تقلية السبانخ مباشرة و لكن هذه هي الطريقة الأصلية لإعداد الوصفة .

• تدعك اللحمة بالملح و البهار ثم تشكل بهيئة كرات .

• تذوب السمنة على نار عالية و تقلب فيها كرات اللحمة حتى تنضج .

• يضاف السبانخ مع الثوم و الكزبرة و يقلب الكل لمدة ربع ساعة على نار متوسطة ثم يضاف المرق و المزيد من الملح و تترك السبانخية لمدة ربع ساعة أخرى حتى تأخذ السبانخ من نكهة اللحمة .

• أصبحت السبانخية جاهزة , تقدم مع الأرز المفلفل و اللبن المثوم أو الليمون .



  • وصفات تانية ممكن تعجبك


التعليقات

  1. ام نور 19 February 2008

    يا عيني على هالاكلة شو بحبا ومع الاسف ما بعملا لان زوجي وابني ما بيحبوها ودائما السبانغ بجيبا وبعمل فيا فطاير بسبانغ اذا بتعمليا :? كتير منحبا بس هالمرة عندي سبانغ وناوية اعملا مع رز بركي بيغيروا رأيون وبيحبوا وما بعرف الطريقة فسبحان الله انت نزلتيا فالله يبارك فيكي

  2. ام نور 19 February 2008

    بتعرفي منى كل ما اتطلع بهل صورة بتذكر سبانغ الي كانت امي تعملا كانت اتدعبل اللحمة نفس طريقتك وتكتر اللحمة يمكن ميشان هيك طلع كل البيت عنا بيحب هالاكلة

  3. منى 19 February 2008

    هلا ام نور :) و الله هل الاكلة جوزي بيموت عليها بس ولادي مو زيادة :roll مع انها ما في اطيب منها و شو ناافعة ..

    غن شاء الله تعيشي و تتذكري يا أحلى ام نور , و الله يرجعك للبنان سالمة و غانمة يا رب ..

    كنت مفكرة اللبنانية بيعملوها بغير طريقة لا قرأت بكتاب اناهيد وصفة للسبانخ مع البندورة و اللحمة المفرومة

    ام نور انا بعمل فطاير السبانخ ما بعرف إذا متلك , الحشوة بصل و جوز سبانخ و دبس رمان و العجينة عجينة فطاير عادية , مش هيك ..
    إذا لأ يا ريت تفيديني بطريقتي
    ;)

  4. ام نور 20 February 2008

    تسلمي يا رب ويخليكي الفطاير بسبانغ على الطريقة اللبنانية هي كالتالي :العجينة عجينة سمبوسك اما الحشوة فهي عبارة عن سبانغ وبصل وملح وبهار وحامض وسماق وزيت زيتون فقط وكتير الطعمة بتطلع طيبة بسبب الحامض والسماق وفي ناس بيقلوها بالزيت وناس بيشوها بالفرن شي مرة جربيا وعطيني رايك

  5. منى 20 February 2008

    إن شاء الله , بس بعجينة السمبوسك ما في خميرة :roll

  6. الدمشقية 21 December 2008

    حبيبتي أنا بحب السبانخ بزيت بس ;) حرام ماما بتحبها باللحمة بس مشانا انا واخواتي صدفة ما تعملها ولقمة صغيرة الها :) واما نحن الباقي كلنا بنحبها بزيت وبدون رز جنبها :grin

  7. منى 22 December 2008

    هنا على قلبك و قلب أخواتك و ماماتك
    هنن دايما الامهات بيفكروا بحالهن ااخر الشي :zzz الله يخليكم لبعض و بصحة و عافية دايما

  8. Jassy 15 August 2010

    السلام عليكم ورحمة الله وبركاته

    هي قصتي مع هالسبانخ قصة، وبضل بدعي لمنى عليها.
    بزمانو من شي سنتين، وبأول زواجي، ولسه كنت ببيت أهلي، جوزي طلب اطبخلو سبانخ.
    وقبلها ما كنت اعمل سبانخ غير مع البيض المقلي، واصلا ما كتير منعمل بالبيت أكل شرقي لأن بدو وقت ورواق وكنا كل واحد بشغلو وما لحقت اتعلم من ماما – يلي تعلمت بدورها الاكل الشرقي عأصولو من حماتها.
    قلتلها لأمي شو بدي ساوي؟ شرحتلي بكلمتين أن اللحمة بتنقلى وبينحط فوقها سبانخ مع الحباشات والحمض وصلى الله وبارك.
    وجوزي … جاي من عيلة مأصّلة، طبخات وقصص والسفرة دايماً مشكلة منوعة.
    حطيت هالسبانخ أدامي، وعملت شلون ما طلع معي.
    جوزي وهو عم ياكلها، عم يتشردأ بين اللقمة والتانية، ويتذكر خواتو وأهلو بالخير ويترحم عإيام العزوبية ههههه.
    راحت إيام واجت ايام، من شهرين سافرت لعند جوزي واستقريت عندو، وقلتلو بيوم من الايام: بدي ساويلك سبانخ اليوم ! (طبعا بعد ما فتحت هالصفحة). وهو بين أن يقول ضميرو أن مابدو، وبين أن ما يزعلني، قلي: (أوكي).
    ويا عيني بعد هداك الغدا …. صار يقلي كلما نروح نتسوق: ( أخدتي سبانخ ؟؟؟ ) هههههه.
    وصار عملتها شي عشر مرات، وبدي ساويها قلت فوت قلها لمنوشة يسلمو إيديكي :zzz

    وتذكرت نكتة :
    هادا كان في واحد بزنس مان كتير كتير كتير جنتل وهيك مسافر على بلد تاني ودخل على مطعم الأوتيل يلي فيه، طبعا 5 نجوم والله حيو. قلو للجرسون: ( بتجبلي صحن بطاطا مقلية، نصها محروق ونصها مو مستوي، وبتقلي: خود كول يا كلب !!! )
    وطلبات الزبون أوامر، إجا هالجرسون المسكين وبعد ما تشهد وقرأ دعاء التوفيق، جبلو البطاطا وقلو بكل اشمئزاز : (خووووود كول يا كهلللب!! )
    والزلمة أكل وانسبط كتير كتير وتركلو بقشيش أكتر من سعر الأكلة ، وهو عم يروح، استوقفو الجرسون وقلو : يعني ما تواخذني بعد أذنك أول مرة بتلقى هيك طلب، ما بتحكيلي شو قصتو ؟
    ابتسم الزلمة وقلو: لا ولا شي 8) بس اشتقت لأكل مرتي.

    والسلام عليكم

  9. منى 16 August 2010

    :grin :grin صار الي زمان ما ضحكانة هيك

    زكرتيني بحالي , لما كنت عروس كنت اسال امي عن الطبخة و اسالها قديه رح حط مثلا ن مية البندورة , تقلي على النظر 8)

    بعد كم طبخة صرت قلها ما في نظر عطيني مقدار :grin

    الف صحة و هنا على قلبك و قلب ابو الشباب و انا كتير مبسوطة ان فدتك بشي ;)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 3.00 out of 5)