سلطة البطاطا بالنعناع


         وصفة : منى                 2007/03/19                 23 تعليقات
سلطة البطاطا بالنعناع
6 حبة صغيرة بطاطا غير مقشرة
2 ملعقة صغيرة ملح
حبة بصل متوسطة مفروم
نصف كوب نعناع طازج مفروم أو أكثر حسب الرغبة
فص ثوم مهروس
نصف كوب زيت زيتون
ربع ملعقة صغيرة فلفل
ملعقة صغيرة كمون
ملعقة صغيرة فليلفة حمراء ناعمة
• تغسل البطاطا جيداً ثم توضع في وعاء مناسب من دون تقشير و تغمر بالماء مع ملعقة صغيرة ملح . • تسلق البطاطا لمدة 25 دقيقة أو حتى تنضج بدون زيادة في السلق كي تبقى محافظة على بعض الصلابة . • تسحب البطاطا من الماء المغلي و تقشر أو تترك من دون تقشير . تقطع مكعبات صغيرة ثم ترتب في طبق التقديم . • يمزج الثوم و عصير الليمون و زيت الزيتون و البصل و النعناع و الملح و الفلفل و الكمون و الفليلفة الحمراء الناعمة ثم تصب الصلصة فوق البطاطا و هي لا تزال دافئة و تقلب بلطف ثم تترك حتى تبرد قليلاً ثم تقدم .

التعليقات

  1. الدمشقية 2 December 2008

    يممممممممممي شو لذيذة فعلاً وانا بحبها كثير :grin ربي يسلم ايديكي يا رب :zzz

  2. منى 2 December 2008

    هلا دمشقية :)
    و انا متلك , سهلة و طيبة و دايما مقاديرها متوفرة ;)

  3. سارونات 12 December 2008

    السلام عليكم و رحمة الله و بركاته
    السلطة صحية و بسيطة و ان شاء الله بجربها بس اشتري نعناع لان جربت اغرس النعناع بس ما ضبط معي :cry و كان بدي اغرس الاعشاب اللي عطول منحتاجها متل البقدونس و الكزبرة :cry
    بالتوفيق
    سلام

  4. منى 13 December 2008

    و انا متلك بسالصراحة لسا ما جربت :roll
    يلا اذا ظبطت معك الغرسات ابقي خبريني كيف و ان شاء الله تجربي الوصفة و تحبيها :zzz

  5. سارونات 11 May 2009

    السلام عليكم و رحمة الله و بركاته

    اختي منى زرعت شوية نعناع بجذوره و ضبط معي الحمد لله بتعرفي شو بيصير :? هو بالاول بيذبل و ييبس و بتفكير خلاص ما ضبط بس انت ظلي اسقيه و راح يرجع يصحى )) ليش كان نايم :? )) و ينمو

    اما الكزبرة فحطي بذور الكزبرة اليابسة في تربة او وعاء للغرس بعد ما تحفري شوي و بعدين غطيها و اسقيها و راح تطلع
    و انا هلا عم دور عطريقة غرس البقدونس و ان شاء الله لاقي

    قطفت شوية نعناع من اللي غرسته و ساويت السلطة من شوي و حطيت بدل الليمون خل لان ما عندي ليمون و ما حطيت بصل لان كمان ما عندي بس طلعت بتجنن و كتير طيبة

    اختي منى خبريني وصلتك وصفة حلوى السمسم بالشوكولا و المكسرات

    بالتوفيق
    سلام

  6. منى 12 May 2009

    يا عيني عليك سارونات :) لااازم تبعتيلي كم غرسة , شجعتيني كتير لان جرب الزراعة بنفسي , يا ترى بدهم شمس أو لا ؟

    الف هنا و عافية على السلطة بكل لقمة , و الوصفة وصلت شكر كتير للمشاركة و سلام خاص لماما ;)

  7. سارونات 12 May 2009

    السلام عليكم و رحمة الله و بركاته

    نعم اختي منى بدهم شمس بس اذا مكان مظل نسبيا بينفع مو مشكلة و كمان النعناع بيحب الماء

    الله يسلمك و امي كمان عم تسلم عليك

    بالتوفيق

    سلام

  8. منى 16 September 2010

    زرعت :eek

    جبت بذور بقدونس و كزبرة و زرعتهم و هلا بديوا يطلعواا , انا طاير عقلي فيهم , شكرا للفكرة سارونات

  9. ام خليل 16 September 2010

    سلام عليكم انا كتيربحبهاهل اكلة ولازم ساويهاشكرا الك وعلى جهودك بس ملح مو بطولو ليستوولا كيف ولو بدي عزبك بسؤالي بس انه بعرف كلشي عما ينصلق مابده ملح بالبدايةانا بحط معلقة كبيرة زيت زيتون وبغطيهن ما بياخدو وقت طويل بس ملح بدي ساويها ان شاء الله سامحيني طولت عليكي تسلم هل ايدين

  10. نور الأسلام 17 September 2010

    السلام عليكم كيفك منى يسلمو على السلطه منظرها بشهي انا بعمل سلطه قريبه منها لكن مايونيز وليمون وتوم وبقدونس بمزجهن مع بعض وبسكبن فوق البطاطا 8) كيف الزرعات اكيدصغار وحلوين بس انزل رح حاول ازرع كيف الجو بسوريا نازلين انشاء الله اول شهر عشره :zzz

  11. ام خليل 18 September 2010

    الله يعطيكي لعافية شو طيبة جربتها وحطيط توم انا ماكنت حط توم طلعت طيبة كتيركتيربفرح كتير لما ادخل موقع بكون مكتوب مية اهلا وسهلابزكريني بشام وايامها لحلوةالله يحلي ايامك يامدام منى بس سؤال انه طريقة كروسان مكتوب باول صفحة انها هي طريقة خطا فما عرفت انه اذا في غيرها وين لانه بدي اسويهااذا سمحتي لح غلبك معي بس انا حبيت كل اكلاتك ولازم اطبقها بهل فترةوشكرا سامحيني على اطالة

  12. منى 19 September 2010

    هلا نور :)
    في سلطة متل الي قلتيها بالموقع و هيا كتيررر طيبة , بس انا بصورة عامة بالصيف ما بقدر اكل شي تقيل لهيك هي باكلها بالصيف و سلطة المايونيز باكلها بالشتي ;)

    زرعاتي بيجننوا , عن جد الزراعة متعة , هلا عم استناهم يطولوا و يصيرا متل الخلق لحتى لقمشهم :grin

    الجو هلا تحفة , بتعرفي بديت الغبوقات شوي و خف الشوب , هلا احلى وقت , ان شاء الله توصلي بالسلامة :)

  13. yaso 19 September 2010

    نيالكن بتقدرو تزرعو :cry أنا بحب كتير اني ازرع بس المشكلة انو عنا بالسعودية مافي شي بعيش من الحر :( ومشكورين كتير على هالأفكار الحلوة يعني ممكن الواحد بس يروح عسوريا يحاول يجرب

  14. منى 20 September 2010

    و الله معك حق , نحنا مرت علينا فترة حر موتللي أغلب زرعاتي و ما بقي منهم الا كل طويل عمر :roll

    يلا ان شاء الله بترجعي سالمة و غانمة و بتعملي كل الي نفسك فيه ;)

  15. Jassy 21 September 2010

    السلام عليكم ورحمة الله

    امبارح كنت رايئة وما وراي شي ههههههه أمت فتحت الموقع ويللللللله اعمل منو شغلات، قلت بعمل يلي بلحقو قبل ما يجي جوزي :grin خاصة ان قبلها كنا متسوئين وانا جبت شغلات لكتير أكلات من هون فكان متوفر كل شي.
    وهادا يلي طلع معي :

    [img]http://img46.imageshack.us/img46/1143/sefra1.jpg[/img]

    وعملت قدر المستطاع شي بيشبه يلي بالموقع من الشكل … فمين بتحزر الأكلات ؟ ;)

    غير هدول كان بقيان عنا من قبلها بيوم مسقعة باذنجان (أو منزلة :? ) منوش علوا تكتبيلنا الفرق بيناتون … أنا بعملها متل ما ماما كانت تعمل لذلك ما كان إلها تسمية عنا بالبيت :grin . وكمان عملت شوربة خضار.

    طبعا العائلةالكريمة عهالغدا كنا أنا وجوزي :grin أكلنا من كل شي لقمة وشبعنا !!! بس جوزي أكتر الشي حب سلطة البطاطا ;) وهادا الصحن الوحيد اللي خلص.

    شكرا منى كتير كتير كتير ونرجعلكون ياها بالأفراح (ولا شلون كانوا بيقولوا بسوريا ؟ :upset )

    والسلام عليكم

  16. ام خليل 22 September 2010

    سلام عليكم شكرا على رد بس على كروسان انه مكتوب نص ساعةانها صفحة خطا كنت عما اسال انه هي وقت هل منساوي فيه كروسان ولاانه هي اذا بدي ساويها بنص ساعة فهي كروسان خطايعني لازمها وقت اكتروانه ما عرفت تبع زبدة ومعلقتين طحين كيف انه بدي ساويهن تكون من حرارة غرفةحتى ما يكتلو وبعدين بحطها على عجينة صح شاكرة فضلك كتير ياست لكل انا اسفة على اطالة
    :)

  17. om nabeel 24 September 2010

    يسلموا كتير
    اكلة طيبة كتير
    بس بتسمن لبطاطا كتير
    الله المستعان

  18. منى 25 September 2010

    هلا jassy :)

    ممممم , يمكن بطاطا كوينز و هل السلطة و السلطة المقلمة . المهم تكوني اكلتي عني كم لقمة

    الف الف صحة و هنا على البك و الب الباشا

    المسقعة هي طبخة فيها البانجان و اللحمة مع بعض , و بيكون البانجان مقطع مكعبات . أما المنزلة فهي حبات البانجان الكاملة المحشي باللحمة و ممكن احيانا لحمة و بقدونس و الصوص اما مرق لوحده أو مرقة مع عصير بندورة و كل مدينة بسوريا بتطبخ المنزلة شكل و كمان بتطبخ المسقعة شكل , المهم انه كله طيب و البانجان ملك الخضار الصيفية :zzz

    انا ممنوتك لثقتك في و لردودك الحلوة ;)

  19. منى 3 October 2010

    هلا ام خليل :)
    هي بتاخد اكتر من نص ساعة بكتير , بدها طولة بال
    الزبدة و الطحين بتخلطيهم مع بعض و بعدها بتخليه ليبردوا و بعدها تستعميهم :)
    ايا سؤال تاني من عيوني 8)

  20. منى 3 October 2010

    هلا ام نبيل :)
    ما بتسمن البطاطا اذا مسلوقة و هل السلطة شهية بكل النكهات الي فيها , ان شاء الله تجربيها و تكون يمممممم :zzz

  21. منى 3 October 2010

    هلا ام خليل :)
    الف صحة و عافية و هنا حبيبتي , شو مبسوطة انها عجبتك .
    انا بحط مع البطاطا ملح وقت السلق بحس انها بتطلع اطيب

    ما كتير فهمت شوبها وصفة الكروسان :roll , ممكن توضحيلي و ايا سؤال من عيوني

  22. lalosh 5 December 2011

    كيفك منووووش؟ زمان عني مو :roll
    هلأ بدي توضحيلي بعد ازنك شو المقصود بالفليفلة الحمرا؟؟ يعني فلفل حلو لونه احمر؟؟وللا البابريكا؟؟ لأنو اليوم بدي أعملها:)
    ان شاء الله رح أتزكرك بدعوة وقت الإفطار وأكييد دعائنا دايما لسوريا وأهلها الطيبين

  23. منى 7 December 2011

    المقصود فليفلة حمراء ناعمة بقى بدي ياها حرة او حلوة ( بابريكا ) ;)

    ان شاء الله الف صحة و هنا و عااافية يا رب , و الله يلطف فينا :roll

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)