سلطة الجرجير الملونة


         وصفة : منى                 2009/05/24                 18 تعليقات
سلطة الجرجير الملونة

·          تقطع البصلة لجوانح ثم تفرك بالملح و تعصر قليلاً للتخلص من عصيرها .

·          تبشر الليمون و تعصر ثم تقلب مع الخل و الزيت و القليل من الملح ثم تضاف البصلة و تترك لتنقع حتى اعداد بقية السلطة .

·          يقطع الجرجير باليد لقطع كبيرة و يرتب في طبق التقديم .

·          يبشر الجزر على الطرف الخشن من المبشرة , تفرم البندورة لمكعبات متوسطة و تفرم أوراق الملفوف .

·          ترتب الخضار فوق الجرجير و عند التقديم تنثر الصلصة فوقه و تقدم فوراً .




باقة جرجير
حبة بصل صغيرة
حبة صغيرة جزر
حبة صغيرة ليمون
حبة بندورة
بضع أوراق ملفوف أحمر

الصلصة :

عصير ليمونة و بشرها
2 ملعقة كبيرة خل
3 - 4 ملعقة كبيرة زيت زيتون





• تقطع البصلة لجوانح ثم تفرك بالملح و تعصر قليلاً للتخلص من عصيرها .

• تبشر الليمون و تعصر ثم تقلب مع الخل و الزيت و القليل من الملح ثم تضاف البصلة و تترك لتنقع حتى اعداد بقية السلطة .

• يقطع الجرجير باليد لقطع كبيرة و يرتب في طبق التقديم .

• يبشر الجزر على الطرف الخشن من المبشرة , تفرم البندورة لمكعبات متوسطة و تفرم أوراق الملفوف .

• ترتب الخضار فوق الجرجير و عند التقديم تنثر الصلصة فوقه و تقدم فوراً .
  • وصفات تانية ممكن تعجبك


التعليقات

  1. رنا 24 May 2009

    ياعيني ياعيني يسلم دياتك وديات نسرين على فكرة انا تصفحت البلوج تبعها وباينتها نفسها طيب وعندها اكلات حلو سهلة
    اما بالنسبة لسلطة الجرجير عن جد رائعة وفكرة نقع البصل ماما بتنفذها بالفتوش بس ماكنت بعرف ليش وهلأ افدتيني بهالمعلومة الحلوة الف شكر الك ;)

  2. منى 25 May 2009

    هلا رنونة :)
    صح رنونة نفسها طيب و طبخاتها كلها بتشهي ;)
    أنا عني كنت بس أنقع البصل بالملح , اما الليمون و الخل و لا مرة ما جربتها ;)

    الشكر الك رنونة و ان شاء الله تجربي السلطو و تعجبك 8)

  3. ام محمد 25 May 2009

    الله يعطيكي العافيةيامنمونة اجى الصحن بوقته راح يساعديني بالرجيم يلي كل يوم بقول بدي ابلش اليوم ولحد الان ما اجى هاليوم :grin
    الله يخليكي يا منى اذا عندك وصفة للرجيم الحقيني
    فيها قبل ماانزل على حلب وتشوفني امي :upset

  4. لموسي 25 May 2009

    تسلم ايديك عهل سلطه وشو رايك تجربي سلطة الجرجير مع الفريز بعدماتحطي الجرجير بالصحن زينيها بحبات الفريز والسوس خل بلسمك مخفف بالمااء مع زيت زيتون وملح وشوفي مااطيبه وكمان حاولي شي مره تعمليها مع عصير البرتقال و قطعه جربي وشوفي ملاحظه
    بالنسبه لي دائمااحط بلمزيته مع زيت الزيتون حبة فلفل اخضر حار+حبتين توم+اوريجانو اوريحان فرش طعمه فظيع

  5. آرام 25 May 2009

    أخت منى البصلة مو مذكورة ضمن المقادير :)

  6. منى 25 May 2009

    هلا ام محمد :)
    انت بس ما فكرتي انك حابة تعملي ريجيم بينقبض قلبك و بتصير تشتهي كل شي , شو رايك ما تعملي ريجيم , بس تستبدلي السمنة بالطيخ بزيت زيتون و تبطلي الخبز و لا تاكلي و لا لقمة بعد 8 حتى لو كانت حبة فريزة :zzz
    طريقة مجربة و مضمونة و بتضعفي و انت مرتاحة و بتشوفك ماماتك و بتقول الك خليلي عينك يا بنتي على هل الكسم , ما تغيرتي بعد الجازة و الحمل و الولادة ;)

  7. منى 25 May 2009

    هلا لموسة :)
    ممم , بحضرها هل السلطة و اول مرة اشتريت الخل البلسمي لخاطر عيونها , بس البرتقال جديدة علي ;)
    ألف شكر الك للملاحظة , و اكيد هيك رح يصير الزيت طعمته بتجنن , غير شكل أفكار الصبايا المعدلات :zzz

  8. منى 25 May 2009

    هلا أخ أرام
    ألف شكر الك للتنبيه , احم :roll سقطت سهوا ً

  9. semo 25 May 2009

    وانا كمان الي صاحبة بتنقع البصل بالخل

    وبتطلع السلطة مممممممممممم جنان

    يسلمو ايديكي على هالسلطة اللي بتفتح النفس

  10. منى 25 May 2009

    الله يسلمك سيمو و يحفظك .
    ان شاء الله تجربيها و تطلع متل سلطة رفيقتك أو ان شاء الله بتطلع اطيب :zzz

  11. ام محمد 25 May 2009

    الله يعطيكي العافية والله ارتاحت نفسيتي بعد ما قرات ردك :)
    وانا من زمان مابطبخ بالسمنة بس عندي مشكلة بالمعجنات والحلويات كتير بحبهم خلص سوف استبدلهم بالسلطات الذيذة الموجودة بالموقع
    وشكرا مرة تانيةعلى نصائحك الحلوة

  12. منى 26 May 2009

    هلا ام محمد :)
    برافو عليك و ان شاء الله مرتاحة على طول و مع ذلك رح نزل كم وصفة خفيفة و ممكن تقدميها لعيلتك و تاكلوا كلكم أكل خفيف و طيب ;)

  13. semo 26 May 2009

    اليوم جربتا لهالسلطة

    ممممممممممم شوطلعت طيبة ومنظرها بياخد العقل انا خلطت كل الخضرة مع بعض وطلعت الالوان بتجنن

    تسلم الايادي

  14. alyaman 26 May 2009

    مرحبا يا طباخات .. لقمة طيبة
    بعرفكم عن حالي اول شي
    انا نسرين .. لقبي ام اليمان او اليمان
    بدي اشكر منى لانها هي الي دعتني ووصلتلي عن طريق لك او البلوج مو مشكلة المهم انو اتعرفنا على بعض

    بالنسبة لمنى انا شهادتي مجروحة فيها وبشغلها وباكلها ونفسها الطيب
    بشكرها من كل قلبي
    :)

    وشكرا لكم ولكلامكم الحلو عني وعن شغلي واكلاتي
    كتير كنت فرحانة وفخورة وانا عم اقرأ ردودكم

    ولي معكم لقاءات اخرى ان شاء الله

  15. منى 26 May 2009

    الف صحة وهنا يا سمسومة :)
    و انا كمان وقت الاكل ببقى بخلطها و الاوان تحفة .

    عوافي و هنا يا حق على كل لقمة و لا تنسي تدعيلها لنسرين ;)

  16. منى 26 May 2009

    هلا نسرين :)
    نور الموقع يا قمر و مية اهلا و سهلا فيك , بوصفتك , بيتك و مطرحك :zzz

    الف شكر الك للوصفة و للوصفات التانية و كلك زووء اختي

  17. semo 26 May 2009

    يسلمو ايديكي يا احلى نسرين والله يعطيكي الف عافية

    الواحد عم يخجل من زوئكن وكرمكن

    الله يعطيكن ليرضيكن

  18. منى 27 May 2009

    :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)