سلطة الخس بالجوز والجبن


         وصفة : منى                 2010/04/01                 12 تعليقات
سلطة الخس بالجوز والجبن

·         نخلط مقادير الصلصة مع بعضها البعض.

·         نقطع الخس إلى قطع كبيرة نوعاً ما ونصفها في صحن التقديم. نوزع الصلصة على الخس ونرش عليها جبن البارمزان ونزينها بمزيد من الالكريم الفرش والجوز المكسر. وصحة وهنا  



خسة صغيرة
ملء الكف جوز مكسر.
6 ملاعق كريم فرش أو أكثر.
2-4 ملعقة كبيرة جبنز بارمزان مبشورة.

للصلصة:

2 ملعقة كبيرة زيت زيتون.
ملعقة كبيرة عصير ليمون.
ملعقة كبيرة عصير ليمون.
ملح
برش جوزة الطيب طازج.
رشة فلفل أسود مطحون طازج.






• نخلط مقادير الصلصة مع بعضها البعض.

• نقطع الخس إلى قطع كبيرة نوعاً ما ونصفها في صحن التقديم. نوزع الصلصة على الخس ونرش عليها جبن البارمزان ونزينها بمزيد من الالكريم الفرش والجوز المكسر. وصحة وهنا
  • وصفات تانية ممكن تعجبك


التعليقات

  1. منى 1 April 2010

    هي السلطة متل ما بيقولوا must have
    اول شي لانها سلطتك المفضلة
    تاني شي لان فيها خس و جوز و جبنة و كمان كريم فريش , يعني كل شي طيب في الدني و اخر الشي لانها سلطتك المفضلة :grin

    سلم ايدك دلوش و الله لا يحرمني من هل الكرم و هل الوصفات الي بطير العقل

  2. لارا مينا 2 April 2010

    مرحبا أخت دادو رح تلاقيني كاتبة عند كل وصفة لأن حرام نظلمك أو نظلم وصفاتك وهذا أقل شيء ممكن نقدمه ,
    هالسلطة منظرها ملكي كثير وفيه كم غرض ناقص وإلا كان قمت وعملتها فورا تسلم إيديك يارب.
    وعندي سؤال الخس إلي استخدمتيه والظاهر بالصورة كأنه خس أفرنجي أو خس أمريكي,,, وأي أطيب للوصفة الأفرنجي ولا البلدي.تحياتي.

  3. نادين 2 April 2010

    والله كل الوصفات ظريفه وبتشهي ..انبسطت فيها كتير لانو مبارح كان زوجي عم يقلي انو حابب جربلو وصفات جديدة بعد طول غياب عن تجربه طبخات منى بسبب الحمل والولادة ..كنت اعمل اي شي بعرفو وعالسريع..لانو كل شي جديد بدو تكته…مشكورة دادو (كانو فهمت انو انتي باميركا؟؟)ومشكورة منى على هالموقع الحلو

  4. نادين 2 April 2010

    حدا عندو فكرة جبنه البارميزان شو اسمها بالانكليزي لانو طالعتها مرة ونسيت..؟؟ :?

  5. ام نور 2 April 2010

    رهيبة هالسلطة وبتشهي سلم هالديات يا رب

  6. dado 2 April 2010

    مرحبا منوش
    كنت متوقعة إنو هالسلطة رح تعجبك.. لأنو بيعجبك كل شي مرتب وفيه تغيير. صحة وهنا على قلبك وقلب القطاقيط ;)

    أهلين لارا.. شكرا لمرورك.. معك حق الخس يلي استخدمته هو خس افرنجي “بريطاني مو امريكي”. السلطة بتصير بالخس العادي، بس إذا بيصحلك الافرنجي بيكون أطيب لأنو طعمه شوي حلو، أو ممكن تستخدمي قلوب الخس وهي أساس الوصفة الأصلية.

    أهلين نادين.. الحمدلله على سلامتك. انشالله بتجربي الوصفات وبيعجبوكيز جبنة البارمزان هي parmesan cheese .

  7. أطمح أكون أ/ منى 2 ! 7 April 2010

    السلام عليكم .. وصفات شهيه شي فوووق الخيال ماشاء الله , أ/ منى بدي اتواصل معك بقولك شي محتاجته ضروري وان شاء الله ماراح تقصرين بس كيف اتواصل وياك ؟ الله يسعدك بعدد السعادة والانشرااح اللي بقلبي وانا اقرأ وصفاتك .. ( طالبتك :) )

  8. منى 8 April 2010

    هلا فيك اختي :) شرفتينا و نورتينا

    اختي ممكن تبعتيلي ايميل عن طريق اتصل بنا و انا رح رد عليك و رح اخدمك من عيوني ان شاء الله :)

  9. DOUHA 12 April 2010

    سلطة تغيير شكل فكروة الجوز عجبتني كتير
    انا مرة عملتا بالهندباء والجبنة البامزان والجوز والصوص الحامض كانت روعة
    بس انا عملت الجوز محمص على النار طبعا بدون مواد دهينة عطا الوصفة طعمة طيبة
    رح جربا بالخس
    ممنونة كتير :p
    تسلم ايديك

  10. آرام 23 March 2011

    مرحبا أخت منى
    كل ما مرقت من جنب هالسلطة أتوقف وأتأمل فيها وأتخيل طعمتها وأشتهيها، خصوصاً أن الوصفة الأصلية بجبنة الروكفور وأنا من المغرمين بها، ونادراً ما يخلو برادي منها، بس لما شوف الكريم فريش بين مكوناتها أغض النظر عنها لأن ما بعرفه وما جربته سابقاً.
    هالمرة ناوي جربها، وسؤالي عن الكريم فريش، بعتقد موجود بالمولات بس هل يوجد منه أنواع أو ماركات معينة :roll

  11. منى 23 March 2011

    انا جربت هل السلطة و ما دام بتحب الركفورد فرح تحبها كتير , سبحان الله رح نزل استفتاء بيتعلق بهل الجبنة و غيرها هل الكم يوم .

    المهم في انواع كتير و انا كنت استعمل elle هي عليها برج ايفل و هي كريما حيوانية .
    بس من فترة رحت عند رفيقتي و كانت محضرة وصفة و مستخدمة فيها كريما برافو و هي كريما نباتية , طعمتها حبيتها كتير و من وقتها ما عدت استعمل غيرها : bravo crem و هي كريبما ايطالية و انصحك كبداية تشتري اصغر عبوة .
    في نوعين , كريما للحلويات و كريما الطبخ و الي لازمك هون هي كريما الطبخ :)
    ايا سؤال تاني من عيوني

  12. آرام 29 March 2011

    مرحبا أخت منى
    وأخيراً جربت هالسلطة، لذيذة جدا مع أن طعمتها جديدة وغريبة كتير علي. وصارت من سلطاتي المعتمدة.
    بالنسبة للكريما شفت بالمول كريما برافو بس بعبوة كبيرة 1 لتر، وكريما Elle بعبوة 200 سل، احترت بيناتن وبالأخير اشتريت التنتين :)
    استخدمت Elle بالسلطة، ولسا ما فتحت برافو، مكتوب عليها لازم تستهلك خلال 3 ـ 4 أيام من فتحها، إذا بتقدري أختي تدليني على وصفات أستخدم فيها الكريما وأكون لك من الشاكرين.

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)