سلطة الشوندر بالزبادي


         وصفة : منى                 2008/11/26                 26 تعليقات
سلطة الشوندر بالزبادي



6 حبة شوندر مسلوق
2 – 3 ملعقة كبيرة لبن زبادي
ملعقة كبيرة طحينة
عصير نصف حبة ليمون ( أو أقل )
ملح و رشة فلفل أسود
زيت زيتون





• يقطع الشوندر لمكعبات ثم يخلط مع عصير الليمون و الطحينة و الملح .

• يضاف الزبادي و تقلب السلطة بلطف ثم ترتب في طبق التقديم .

• تزيين السلطة بزيت الزيتون و تقدم باردة .


  • وصفات تانية ممكن تعجبك


التعليقات

  1. Eman 26 November 2008

    عجبتني هي سلطة الأنوثة !
    يسلمو هالديات .. أخيرا وجدت وصفة حلوة للشمندر وأنثوية كمان .. :grin

  2. منى 27 November 2008

    :grin هلا انا اتوقعت ان الكل رح يعلق على هل الكلمة و حتىاترددت اكتبها :roll بس عن جد هيك حسيت هل السلطة

    جربيها و ان شاء الله تعجبك :zzz

  3. ام دانية 27 November 2008

    صباحك عسل ياعسل ;) و يعطيكي العافية على هل السلطة شكلها طيب رح اعمل منها اليوم ان شاءالله لانو عندي شوندر مسلوق وخصوصا ان زوجي بحب الشوندركتير :zzz ان شاءالله يحبها :grin تغير شكل عن باقي السلطات

  4. الدمشقية 27 November 2008

    فعلاً حبيبتي هي السلطة كتير طيبة وأنا شخصياً بحبها كتير :grin يمكن لأني بحب الشوندر :zzz بس جربي كمان حطي مع اللبن معلقة طحينة :) يمممممممممم

  5. سلاف 27 November 2008

    سلطه سهله كتير 00 ومنى صايره عم تتغزلي بالاطباق كمان :zzz
    هو لون الشوندر لحاله بجنن00 والله احترنا شو بدنا نجرب00 على كل حال كل شيئ من تحت ايدكي غير شكل وبخلينانبدع بالمطبخ و نبين كلنا انوثه متل السلطه بالزبط
    :eek
    انا بعملها بطريقه مشابهه بس بضيف طحينه مع اللبن وشوية نعناع يابس كمان طيبه وبزينها بالنعناع الاخضر وزيت الزيتون بحس اللون الاخضر بيعطيها لون بجنن مع لون الشوندر يعني بصير أكتر انوثه هههههه
    يسلم ايدكي منى :)

  6. سارونات 27 November 2008

    السلام عليكم و رحمة الله و بركاته
    فكرة كتير حلوة و اضافتك للنجمات كتير مميزة
    ومعك حق انا كمان صرت مهتمة بسلطات اللبن لان اخف و صحية اكتر و بتاكلي منها و انت مرتاحة خصوصا اني مو من محبي المايونيز
    سلطة الكولسو رجعت ساويتهاو عن جد بتجنن و اكيد اذا بتكون باللبن راح تكون شي كتير حلو ناطرة الوصفة على نار
    اختي منى اذا فيكي بدي طريقة سلطة الخيار باللبن بشو بتختلف عن التزاتزيكي
    كمان بدي اعرف كيف بتنعمل سلطة الزبادي مع الخس
    لا تواخزيني اختي منى كترت طلباتي
    بالتوفيق
    سلام

  7. kuwaiti_girl 27 November 2008

    الله الله شكلها جدا طيب

    انا بحب الشوندر بكل اصنافه

    احنا بنسوي تقريا نفس الوصفه بس بنضيف حب الرمان فرط على الوش

    بس رح جربها بطريقتج .. شكرا غاليتي

  8. منى 27 November 2008

    هلا أم دانية :) يا عسل بشهده
    ان شاء الله تجربيها و تعجبك و لا تنسي تعطيني رايك فيها ;)

  9. منى 27 November 2008

    هلا دمشقية :)
    رح جربها اليوم بالطحينة ان شاء الله و ببقى بخبرك شو بيصير معي و الف شكر الك على الاضافة :zzz

  10. منى 27 November 2008

    هلا سلاف :)
    لازم تشوفيني و انا عم ااكل كل لقمة مدللة و بتنغم فيها شكل , طبعا هادا اذا حبيت الاكلة :zzz

    مم كمان لذيذة بالطحينة شجعتوني على هل الطريقة و مع الأخضر كملت 8) الله يسلم دياتك على الاضافة اللذيذة

  11. منى 27 November 2008

    هلا سلاف :)
    لازم تشوفيني و انا عم ااكل كل لقمة مدللة و بتنغم فيها شكل , طبعا هادا اذا حبيت الاكلة :zzz

    مم كمان لذيذة بالطحينة شجعتوني على هل الطريقة و مع الأخضر كملت 8) الله يسلم دياتك على الاضافة اللذيذة

  12. منى 27 November 2008

    هلا سارونات :)
    هنا على الكولسلو و رح نزل الوصفة هل كم يوم اذا الله راد , سلطة الخيار بلبن موجود أختها في الموقع سلطة البقلة باللبن , نحضرها بنفس الطريقة بس باستبدال البقلة بالخيار و لعيونك بس ما حضرها اكيد ببقى بنزلها بوصفة لحالها :)

  13. منى 27 November 2008

    هلا كوكو :)
    ممم ما خطر ببالي ابدا الرمان , الشكر ليك على الفكر الطيبة , ان شاء الله تجربيها و تكون على زووءك :zzz

  14. ام دانية 27 November 2008

    السلام عليكم من جديد حبيت قلك انو السلطة كتيررررررررررررر طيبة :zzz وزوجي حبها كتير مع اني عملت صحن صغير بس كانت كتير طيبة والهم من هيك انها خفيفة وقررت اعمل منها صحن تاني على العشا وعلى فكرة زوجي صار يحتزر شو حاطة فيها ومزحت معو وقلتلو هي انا اخترعتا بس الكذبة ما دامت :grin لانو كشفني بسرعة :upset وقلي هي اكيد من وصفات الست منى السحرية :grin

  15. منى 27 November 2008

    هنا ام دانية على قلبك و قلب زوجك , ردك ضحكني :grin كتير .

    الله يخليكم لبعض و يديم المحبة دايما , و الف هنا على العشا مقدما يعني ;)

  16. الدمشقية 17 December 2008

    حبيبتي منى عملت صحن شوندر مع اللبن والطحينة والحمض وحطيت على وش الصحن بقدونس وفوق البقدونس رمان فرط وطلع رائع ومنظر بشهي وصورته بالموبايل بس للأسف خرب الموبايل قبل ما نزل الصوره على الانترنت :cry
    إن شاء الله المره الجاية :x

  17. منى 17 December 2008

    ووووواخ
    يلا في المال و لا الابدان , ان شاء الله المرة التانية :)

    و انا كمان بدي خبرك ان جربتها بالطحينة و طلعت بتجنن , سلم ديااتك على الفكرة :zzz

  18. الدمشقية 5 January 2009

    ألف صحة وهنا على قلبك حبيبتي منى :zzz

  19. منى 5 January 2009

    و على قلبك يا عسل :)

  20. سارونات 28 January 2009

    السلام عليكم و رحمة الله و بركاته
    ساويتها مبارح و شو طلعت طيبة و اللون شو حلو بس انا طلع اللون عندي وردي فاقع و كتير عجبني اللون بس يا ترى ليش ما طلع نفس اللون
    الشوندر مقشر اختي منى مو هيك لان انا قشرتو كمان بدي اسالك عن غلي الشوندر بياخد كتير وقت يا ترى ما في شي طريقة تحتى ما ياخد وقت طويل
    بالتوفيق
    سلام

  21. منى 28 January 2009

    هلا سارونات :)
    هنا و الف عافية , هيأتك متل حكايتي من مناصري السلطات ;)

    اللون بيكون حسب كمية اللبن وأكيد نستعمله مقشر.
    الشوندر بياخد وقت طويل و ما في حل غير استعمال طنجرة الضغط

  22. روح الجمان 5 May 2009

    ما شاء الله حلوة أكيد .. التنوع مفيد وخاصة لو كان التنوع فيه لمحة أنثوية .. :roll
    تسلم ايدينك

  23. منى 5 May 2009

    الله يسلمك و خليك جمان :) اكيد يا ستي شو العالم كله بلا لمساتنا و بصمتنا ;)

  24. ام نور 19 February 2010

    منى مرة اكلت عند اخت حلبية متبل الشمندر كتير طيب وقالتلي بالشام كتير مشهور يمكن الوصفة ذاتها بس انت مقطعة الشمندر والمتبل مهروس ولا غير وصفة

  25. منى 19 February 2010

    ايه صح , بالمتبل الطحينة اكتر و المتبل مبشور بيكون , ممم طيب . عندي شوندر قايمة ساويلي شو على الغدا :zzz

  26. ocean7 20 January 2011

    وصفة روعة
    انا عادة بعمل هالسلطة بس بدون لبن
    الان لح تكون غير شكل مع اللبن
    عجبني اسمها السلطة الانثوية هههه

    و صح بالشام مشهور متبل اللبن بس ايام ستي و ستك
    هالجيل ما عاد كلو يعرف الاكلات القديمة

    على فكرة هالموقع احيا اكلات الجدات بشكل مو طبيعي
    وانا مبسوطة منكون كتير

    لح تقولوا و هي من وين بتعرف اكلات الجدات ؟ لاني كنت اسأل ستي عنها و كل ما شوف ست ختيارة افتحلا هالموضوع و تحكي لي على كل الاكل القديم

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)