سلطة الشوندر


         وصفة : منى                 2008/01/21                 16 تعليقات
سلطة الشوندر



3 – 4 حبة شوندر مسلوق و مقشر و مفروم
ربع حبة ملفوف كبيرة مغسولة و مفرومة
بضع حبات جوز مفروم

الصلصة :

عصير ليمونة ( أكثر أو أقل حسب الرغبة ) و يمكن استعمال مزيج من الخل البلسمي أو الخل العادي مع الليمون
5 – 6 ملعقة كبيرة زيت زيتون
نصف ملعقة صغيرة كمون
نصف ملعقة صغيرة أو ملعقة صغيرة فليلفة حمراء ناعمة
ملح
فص ثوم ( اختياري )





• يصف الخس في طبق التقديم و فوقه يرتب الشوندر و أخيراً ينثر الجوز .

• تمزج مقادير الصلصة ثم تتبل بها السلطة و تقلب و تقدم فوراً .

طريقة سلق و تقشير الشوندر :

• ينقع الشوندر بالماء البارد لمدة ربع ساعة تقريباً .

• تفرك حبات الشوندر باستعمال فرشاة أو اسفنجة خشنة بشكل جيد مع المحافظة على عنق و ذيل حبات الشوندر لأنها تحفظ الحلاوة و النكهة داخل الحبات أثناء سلقها .

• توضع حبات الشوندر في طنجرة و تغمر بالماء ثم توضع على نار متوسطة و بعد أن تغلي تغطى الطنجرة و تهدى النار و تترك لما يقارب الساعة ( أو أكثر حسب حجم الحبات ) حتى تنضج تماماً , و أنا دائما أستعمل طنجرة الضغط لتوفير الوقت .

• تفرك حبات الشوندر بين أصابع اليدان فتنزع القشرة بكل سهولة و من دون استعمال السكين .





  • وصفات تانية ممكن تعجبك


التعليقات

  1. نهال صبري 31 January 2008

    منى حبيبتي : ما هو الشوندر ؟؟ :?

  2. منى 31 January 2008

    هلا نهولة :)

    الشوندر هو البنجر , أظنه معروف بهل الاسم في مصر , مش هيك :roll

  3. نهال صبري 1 February 2008

    بالفعل نعرف البنجر في مصر .. لا أستخدمه للأسف رغم فائدته الكبيرة ، و لكن سأجرب هذه السلطة إن شاء الله .. تسلم ايدك يا جميييلة :) .

  4. منى 1 February 2008

    ان شاء الله نهولة , و أكيدة رح تعجبك :)

  5. kuwaiti_girl 2 February 2008

    شكرا جزيلا للوصفه بجرب اعملها قريب… بس سؤالي هل نضع في الصلصه سكر.. لاني لما اكلها اجد طعمها يغلب عليه الحلاوة ويكون الصلصه لونها احمر قاني.. فاذا عندك علم بمكونات تلك الصلصه ياليت تخبريني:)

  6. منى 3 February 2008

    هلا فيك أختي :)
    حبيبتي الحلاوة من الشوندر هو الي رح يعطي السلطة من نكهته و كمان من لونه , و هي السلطة فوق قبل التحريك بس بعد التحريك رح تشوفي اللون الأحمر المميز ;)

  7. kuwaiti_girl 13 February 2008

    جربتها وطلعت طيبه كتيييير.. ما توقعت طعم الجوز بالسلطه بيعطي هاللذه

    والدريسنغ مضبوووط انا استخدمت الخل البلسمي

    مشكوووره غاليتي

    وارفقت لك صورة تطبيقي

    [img]http://www.l2ma.com/images/stories/application/4.jpg[/img]

  8. منى 13 February 2008

    صحة و هنا و عوافي يا رب , ما بتعرفي فرحتي بردك كوكو ..

    و السلطة شكلها بيشهي ,, ممم الله يعطيك العافية ;)

  9. بدور 10 November 2008

    سبحان الدايم رجع اجا وئت الشوندر هالسنة والله يسلم دياتك و عقبال ما يدوم هالموقع ويكبر وينشهر اكتر و اكتر سنة عن سنة وتحققي كل احلامك يا رب ;)

    انا مبارحة اكلت هالسلطة بمطعم وكانوا حاطيلا بالاضافة لهل مكونات بقدونس مفروم و بدل الخس هندباء بس ماكان الها كمون و كمان كانت طيبة :zzz

    ميمو في نوع سلطة الذرة مع المايونيز ومابعرف شو كمان اذا عرفتيها ممكن تأسعفيني بالطريئة؟

    وشكرا كتير الك بكل الاحوال

  10. منى 10 November 2008

    اي و الله سبحان الدايم , خليلي عينك على هل الدعوات الحلوة و ان شاء الله الك متل هل الدعوات و احلى
    كمان بالهدنباء بتطلع طيبة و متل ما قلتي اغلب الناس ما بتضيف كمون للسلطة بس انا بحب طعمته كتير :zzz

    السلطة الي قلتي عليها هي سلطة المعكرونة , فيك تحطي اي خضار بتحبيها , الوصفة رح حطلك ياها على الصفحة الرئيسية , جربيها و أكيد رح تعجبك ان شاء الله

  11. ام عبدو 14 December 2009

    بسم الله الرحمن الرحيم
    يخليلي عينك يامنى عالسلطة الشهيةو طريقةالشرح والعرض الاكثرمن رائعة
    الله يحفظلك عيلتك ويعطيك عقد نيتاتك الهي
    كتبت بجوجل عن طريقة سلق الشوندر ومن حسن حظي ورضى
    امي علي طلعلي موقعنا اول واحد وكتير انبسطت عليه وبسرعة وبدون ما اطلع عالباقي فتحت عليه
    ودعيتلك من كل البي لانه الموقع الوحيد الي فهمت عليه وطبقت وصفاته ونجحت معي تماما متل مابدي وبدون تخبيص بالمقاديرواضافات مالها طعمة بفضل الله وفضلك
    كتر الله خيرك خيتووبتمنى منك نكون اصدقاء وتضيفي اميلي عندك اذا مافي مانع واذامو ممكن فمتل مابتحبي
    انا بحبك في الله وكل عام وانتي بالف خير بمناسة العام الهجري الجديد سنة سعيدة ومباركة
    اختك نداء

    :eek :eek :)

  12. دودي82 4 May 2010

    ما شاء الله عليك أختي منى
    أطباقك كلها روووعه
    و بالمناسبه أحنا بالمغرب بنستهلك الشوندر كثير (احنا نسميه الباربا ) ممكن نقدمه بصلصه مالحه أو حلوه و فالحالتين بيطلع رااائع

  13. منى 6 May 2010

    هلا اختي ام عبدو :)
    الحمدج لله ان الموقع عجبك و استفدتي منه , خليلي عيونك على الدعوات الحلوة و الكريمة ان شاء الله الك متلها

    الف الف صحة و هنا على البك على كل شي جربتيه و عجبك و كمان كل سنة و انت بالف خير :zzz

  14. منى 6 May 2010

    هلا اختي دودي :)
    انا سمعت عن السلطة الحلوة الي بتحضروها بالباريا , مشتهية ربها بس مو مسترجية , هلا شجعتيني :zzz

  15. na3oom 17 March 2011

    يسلمو دياتك منمونة اليوم عملتها لما كان عندي عزيمة صغيرة لعمي وأخته جاية من حلب (عمة زوجي)شكلها حلو ومرتب بس ما خلطتها طبقتها تطبيق وعالسكب صرارت تتلون
    طيبة كتير والجوز حركة حلوة وفخمة

  16. منى 17 March 2011

    صحتين و الف الف عافية على البك و الب ضيوفك , الحمد لله انها كانت على زووءك
    عوافي نعومة ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)