سلطة الشيف


         وصفة : منى                 2008/02/24                 8 تعليقات
سلطة الشيف

·          تفرم الخضار كلها بشكل أصابع أو مكعبات , و يقطع الدجاج و اللحوم المدخنة لأصابع أو مكعبات .

·          يقطع الفجل و البصل  لشرائح , تقسم كل حبة بندورة لقسميين , يقطع البيض لشرائح و يرش بالفليلفة الحمراء .

·          يرتب الخس المفروم في طبق كبير مسطح و ترتب فوقه الخضار و اللحوم مع البيض بشكل جميل , يوضع الصوص المحضر في طبق صغير جانبي .

·          يمزج الخردل و و المايونيز و الجبنة و الخل و عصير الليمون و السكر في وعاء صغير .

·          يضاف الزيت بشكل خيط رفيع مع الخفق المستمر بمضرب سلك صغير حتى الحصول على صوص سميك نوعاً ما , قد لا يستعمل كل الزيت .

·          تتبل الصلصة بالملح و الفلفل أصبحت الصلصة جاهزة توضع في صحن صغير بجانب السلطة و تنثر فوق السلطة مباشرة قبل التقديم و الأكل .

 

   




خسة مفرومة
لحوم باردة منوعة ( صدر دجاج مسلوق , مرتديلا عادية أو مدخنة )
جبنة غرويير أو أي نوع مفضل أخر
حبة فليلفة حمراء
هليون
ذرة
10 حبات بندورة من الحجم الصغير أو ما يعرف بتشيري تومايتو أو بيبي تومايتو
حبة بصل عادي أو حبتين بصل أخضر
3 - 4 بيضة مسلوقة جيداً
رشة فليلفة حمراء

الصلصة :

ملعقة صغيرة خردل
ملعقة كبيرة مايونيز
2 ملعقة كبيرة عصير ليمون
ملعقة كبيرة خل و يفضل استخدام الخل البلسمي
نصف ملعقة صغيرة سكر
قطعة من جبنة روكفور ( بوزن 50 غرام ) ( اختياري )
ربع إلى نصف كوب زيت زيتون
ملح و فلفل أبيض





• تفرم الخضار كلها بشكل أصابع أو مكعبات , و يقطع الدجاج و اللحوم المدخنة لأصابع أو مكعبات .

• يقطع الفجل و البصل لشرائح , تقسم كل حبة بندورة لقسميين , يقطع البيض لشرائح و يرش بالفليلفة الحمراء .

• يرتب الخس المفروم في طبق كبير مسطح و ترتب فوقه الخضار و اللحوم مع البيض بشكل جميل , يوضع الصوص المحضر في طبق صغير جانبي .

• يمزج الخردل و و المايونيز و الجبنة و الخل و عصير الليمون و السكر في وعاء صغير .

• يضاف الزيت بشكل خيط رفيع مع الخفق المستمر بمضرب سلك صغير حتى الحصول على صوص سميك نوعاً ما , قد لا يستعمل كل الزيت .

• تتبل الصلصة بالملح و الفلفل أصبحت الصلصة جاهزة توضع في صحن صغير بجانب السلطة و تنثر فوق السلطة مباشرة قبل التقديم و الأكل .






  • وصفات تانية ممكن تعجبك


التعليقات

  1. تورتاية بالكريز 28 February 2008

    ماشاء الله تبارك الله روعة سلطة الشيف احلى شي في الدنيا السطاتوانا شفتها بعدة تقديمات بس مجربتها بصوص الركفور أكيد شكله روعة باذن اله اجربها في اقرب وقت تسلم ايدكي اخت منى وصفة ممتازة ياقمر االف شكر ليك وكتري سلطات احلى شي في الاكل السلطات وتسلمي يارب

  2. منى 29 February 2008

    هلا ام ياسمين ي قمر انت :) و الله محضرة وصفاات كتير للسطات , لان نفسي كتير مفتوحة على الاكلات الخفيفة , رح نزلهم قريب ان شاء الله ;)

    جربي السلطة بصوص الركفور و اكيد رح تعجبك :)

  3. linda 1 March 2008

    بتعرفي منى بحس البندورة مع اي نوع لحمة بتعمل طعمة زنخة
    ما بعرف ازا بس انا ما بحبا مع اللحومات
    رح جرب السلطة بدونها

    يعطيكي الف عافية انتي والشيف جاك :)

    بس ممكن توصفيلي كيف طعم هي الجبنة و شو اسما بالانكليزي
    انا بشوف هون انواع جبنة كتير بس ولا مرة جربت اي نوع غير الابيض و الاصفر و الموزاريلا

  4. منى 2 March 2008

    هلااا ليندا :) كيفك , بعد زمان هل القمر الحلو ما بان ..

    الله يعافي قلبك يا رب , أما جبنة الروكفور هي الها نفس الاسم بالنكليزي و هي نفسها الي بيقولوا عنا الجبنة الزرقاء هيك شكلها أبيض و فيه قطع زرقاء أو خضراء :eek بس طعمتها بتجنن إذا كانت من نوعية معتبرة ;)

  5. آرام 31 May 2009

    أخت منى المايونيز مذكور ضمن المقادير وغير مذكور في طريقة التحضير :)

  6. منى 31 May 2009

    الف شكر لك اخ ارام للتنبيه و لقراءة الوصفات بدقة , رح عدل الوصفة هلا ان شاء الله

  7. آرام 21 June 2009

    وأخيراً جربت هالوصفة .. كانت عشاي يوم الجمعة .. جبنة روكفور طلعت عن جد لذيذة .. أول مرة بجربها .. نكهتها كانت طاغية على السلطة كلها .. بتشبه شوي طعمة الشنكليش وأنا من عشاقه لما يكون معمول على أصوله .. بس للأسف عنا بحلب ما بيعرفوا يعملوه .. عندك فكرة أخت منى عن طريقة تحضير الشنكليش :?
    يمكن صاير طماع شوي .. بس والله أنت كريمة ونحنا بنستاهل :)

  8. منى 23 June 2009

    هلا أخ ارام :) ريتو الف صحة و عافية و هنا على السلطة بكل لقمة . الشنكليش ما في اطيب منه و خصوصا اذا كان شغل الساحل او وادي النصاري :)

    بصراحة انا ما بعرف اعمله و في اخت زائرة بعتت الي طريقة تحضير الشنكليش بس بالطريقة التركية , طلع طيب كتير بس مو متل الشنكليش الي على اصوله , ان شاء الله ببقى بنزل طريقتها و صوري قريب باذن الله :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)