سلطة الفواكة


         وصفة : منى                 2008/10/06                 27 تعليقات
سلطة الفواكة

·          تقطع الفواكة لقطع متوسطة , تزال بذور العنب و البرتقال و يقطع لمكعبات .

·          ينقع اللوز و الصنوبر في الماء البارد حتى يصبح لونهم أبيضاً .

·          يمزج عصير الاناناس أو البرتقال مع السكر و القليل من ماء الزهر .

·          تخلط الفواكة في طبق عميق و يضاف الشراب المحضر ثم يوضع الطبق في البراد حتى وقت التقديم .

·          تسكب السلطة الباردة في أطباق صغيرة .و يزين الوجه بالصنوبر و اللوز و يمكن الاستغناء عنهم حسب الرغبة .

 




تفاح
موز
أجاص
دراق
عنب
كيوي
برتقال أو يوسفي أفندي
أناناس معلب
رمان حب مفروط

الصلصة :

عصير أناناس أو عصير برتقال
سكر حسب الرغبة
بضع قطرات من ماء الزهر

للوجه :

صنوبر و لوز مقشر





• تقطع الفواكة لقطع متوسطة , تزال بذور العنب و البرتقال و يقطع لمكعبات .

• ينقع اللوز و الصنوبر في الماء البارد حتى يصبح لونهم أبيضاً .

• يمزج عصير الاناناس أو البرتقال مع السكر و القليل من ماء الزهر .

• تخلط الفواكة في طبق عميق و يضاف الشراب المحضر ثم يوضع الطبق في البراد حتى وقت التقديم .

• تسكب السلطة الباردة في أطباق صغيرة .و يزين الوجه بالصنوبر و اللوز و يمكن الاستغناء عنهم حسب الرغبة .
  • وصفات تانية ممكن تعجبك


التعليقات

  1. muna.g.7 6 October 2008

    والله اختي منى احنا بحاجة ماسه لكذا وصفات منعشة ولذيذة ومغذية بعد حلويات العيدالملغمةبالدهون والسكريات قضيت العيد عند اهلي في منطقة ثانيةوسمنت في خمسة ايام اثنين كيلو خاصة ان عائلتناالمحبة عندها هي الاكل وكلهم فنانات طبخ من العيار الثقيل ما وقف فمي عن المضغ دقيقة

  2. منى 6 October 2008

    :grin ذكرتني بعمتي رغيدة الله يخليلي ياها , هي كنت كل ما روح لعندها ما أأقدر اهرب من الاكل لو شو ما عملت , يلا يا ستي هلا معناها بدي الريجيم و الله يعينك و يعنا , جربي هل الوصفة و رح تعجبك ان شاء الله كتير ;)

  3. غيث 7 October 2008

    ستي الحمد لله على سلامتك وسلامة الموقع الغالي على قلوبنا بس لواحد بحاجة للتجديد وخاصة مع الاهل وجمعتهم بالعيد وكمان الله يعطيك العافية مالك مقصرة دوما تعبانة على الموقع وباخلاص حقك ترتاحي شوية منشان ترجعي تبدعي لنا الله يلبسك العافيةوشو هالطبق الشهي يلي عايدتينا فيه والله انا بحضره متل طريقتك تمام بس احيانا بدعمه اكتر من اللوز والصنوبر باشياء تقيلة ما رح ا>كرها منشان ما ينقال عنانحن الحلبيات بنحب بطنا بس كمان بنعرف طعمة تمنا ههه يا ستي ممكن تضيف لها قيمق على الوجه كتير طيبة مع قرفة او عسل بس انا بحب القيمق ه>ا تعلمته من اطيب محل بالشام لسلطة الفواكه اظن عرفتيه ما رح ا>كر اسمه حتى ما يحسب احد انها دعاية للمحل بس السلطة رائعة عنده ودسمة قيمق وكريما وعسل وشوكولا و مكسرات بس طيبة كتير وشكرا لطبقك المهضوم متلك واللي مرتب وبيشهي واسفة على كتر الحكي بس اشتقت لكم وتحملوني بقى :)

  4. رندوش 7 October 2008

    مشكوره منى عزيزتي سلطه شهيه
    كل شي من تحت دياتك بيشهي تسلمي

  5. ام دانية 7 October 2008

    :zzz مممممممممممممممم تسلم ايدك والله اكيد طيبة بس خير ان انشاءالله الك زمان مانزلتي شي جديد عودتينا على الاكلات الطيبة فلا تنسينا

  6. أم علي 7 October 2008

    لسلام عليكم كيفك ست منى والله طولتي علينا الغيبة :zzz وكل عام وانت بخير :grin كيف كان العيد معك ان شاء الله تمام :) صلطة الفواكة طيبة كتير واكيد من ايدك اطيب :) :) وانا كمان بساوي صلطة الفواكة اكلة شهية والله وتسلم ايدك وانا بانتظار دائما اكلاتك الطيبة :grin

  7. لارا مينا 7 October 2008

    مساء الخير للعزيزة منى ولجميع الأعضاء وللموقع كمان…للأمانة طول ماكان الموقع غايب كنت في قمة النرفزة والعصبية لدرجة أني كرهت أجلس على النت بالمرة وكرهت أطبخ كمان لأني إتعودت أشوف أهلي كل يوم والموقع صار من أفراد العيلة فلازم أشوفه أكثر من مرة في اليوم,وسلطة الفواكه أفضل رد بعد هذا الغياب لأن منظرهاعيشنا فعلا بأجواء العيد و الفرح والسرور ويذكرنا بالبنوتات الصغارالحلوين لما يكونوا مجتمعين ولابسين فساتين العيدالزاهية والمختلفةالألوان,وإن شاء الله هالقصة تنذكر ومابتنعادوكل عام وعيدكم مبارك .

  8. تورتاية بالكريز 7 October 2008

    يسلموا ايدكي حبيبتي سلطة رائعة واضافة المكسرات بتخليها غنية وغير شكل ماشاء الله
    دخلت الموقع يوم العيد الصبح وجدت الهاكر مصدقتش نفسي دخلت عدة مرات والله جه ف نفسي اكيد الاخت منى زعلانة وعندها مشكلة حسبي الله ونعم الوكيل الله يفرج عليها يارب ومعليش حبيبتي ان شاء الله مابتنعاد وتنعاد عليكي الايام وانت بالخير والصحة والسعادة والتالق باروع الوصفات رغما عن انف الهاكر

  9. ام عبداله 7 October 2008

    تسلم يدك علي هذه السلطة والله يحيمي الموقع من الهاكر وحمدلله علي سلامة الموقع الجميل

  10. منى 8 October 2008

    هلا غيوثة :) ردودك كالعادة بتطلع من القلب و بتوصل للقلب , و يا ستي يحكوا شو ما يحكوا عنا نحنا الحلبيات , بيكفي اذا الواحد اكل عندنا شي مرة بيبقى بيذكرها لولد ولده :grin ..

    ممم قيمق و قشطة و عسل , فكرة طيبة و دسمة , بس مستاهلة على التجريب القريب ان شاء الله , و كل سنة و انت و كل عيلتك بالف الف خير ;)

  11. منى 8 October 2008

    هلا رندوشة :) هادا بس من زووءك حبيبتي , مية هلا فيك دوماً

  12. منى 8 October 2008

    هلا ام دانية:)و الله معك حق بس هلا ان شاء الله برجع بنزل وصفات متل قبل و أحسن ;)

  13. منى 8 October 2008

    هلا ام علي :) و عليكم أفضل السلام و اتم التسليم الحمد لله كان العيد تمام التمام لولا هل الهاكر , الله يسلمك و يحفظك دايما أختي

  14. منى 8 October 2008

    مية هلا لارا :) و انت و الله من أهل البيت و الاعضاء المؤسسة في الموقع 8) .

    ممم بتعرفي بعد ردك رجعت اطلعت في الوصفة , شو حلو التشبيه الي قلتيه , ان شاء الله ايامك كلها فرح و عيد , اامين اختي و ان شاء الله انت و كل احبابك بخير و عافية

  15. منى 8 October 2008

    هلا باختي الغالية ام ياسمين :) الله يحفظك حبيتي , ان شاء الله تجربيها و تعجبك , و متل ما قلتي احسن الشي , حسبي الله و نعم الوكيل :roll .

    ان شاء الله منورتينا دوما يا عسل و الك متل هل الدعوات ىو اغلى

  16. منى 9 October 2008

    مية هلا ام عبد اله :) الله يحفظك و يخليك اختي كلك زووء يا عسل

  17. samar2005 16 October 2008

    يسلموا ايديكي يا منى وصفاتك كلها احللى من بعضها
    كمان السلطة عملتها امبارح وقدمتها لضيوفي
    شكرا كثير بس ممكن طلب ها ممكن اشارك بوصفاتي وكيف

  18. منى 16 October 2008

    مية هلا سمورة , صحتين و الف هنا على قلبك و قلب ضيوفك :)

    بكون كتير مبسوطة بالوصفات و فيك تبعتيهم باي رد عادي و ان رح ضيفهم باسمك ;) بانتظار الوصفات اختي

  19. نادين 21 October 2008

    يسلم ايديكي
    الوصفة ظريفة وانا هيك بعملها بس بدل السكر عسل يا عسل
    مشكورة

  20. منى 21 October 2008

    مم اكيد بالعسل أطيب , فكرة لذيذة سلم دياتك نادين للاضافة ;)

  21. basma 7 November 2008

    اليوم رح أعمل هالسلطة
    تسلم إيديكي

  22. منى 9 November 2008

    ان شاء الله تعمليها و تعجبك ;)

  23. بدور 9 November 2008

    يا سلام على هالذوق الحلو اكلة طيبة وخفيفة ومغذية و الصينية يلي بالصورة كتير حلوة كمان نشالله بالف هنا يا رب :grin

  24. منامينو 11 November 2008

    يسلمو هالأيدين يا عسل. أحلى شي سلطة الفواكه والله. خفيفة ومنعشة وسهلة التحضير. وبفضلها أكثر من الكمبوت حتى لإنه الفواكه بتظل طازة ومحافظة على فايدتها أكثر. بس أنا على فكرة بعملها بعصير الأناناس بدون سكر. وبدون مكسرات كمان :roll . بس بحط عالوجه شوية كريم شانتي وفوقه حبة وحدة كرز مثلا أو فراولة أو حسب المتوفر… شو رأيك؟؟ بس فكرة حلوة المكسرات والله، ما كانت خاطرة على بالي.. طب شو رأيك مع الآيس كريم؟؟ بس ساعتها تفتكري أي منهن اللي بنحط تحت وأي فوق؟؟ :?

  25. منى 11 November 2008

    مممم , كلهم طيبين , عندنا مطعم بحلب اسمه لا روز بيقدم البوظة على طريقة هاواي و هي بوظة فريز و موز و فانيليا و فوقها سلطة فواكه من مانغا و أناناس , طيبة .. بس انا بحب السلطة لحالها :zzz هي اذواق اكيد
    و الكريما الشانتيه بتخلي السلطة نغنوشة و منظرها مغري , مم .. قايمة اكل تفاح اشتهيت على الفواكة

  26. ام احمد الغالي 9 August 2009

    اختي منى
    الله يجزيكي الخير ويسلم دياتك والله يجعل تعبك معنا بميزان اعمالك الحسنه يارب
    هلاء هي الوصفه كتير حلوة ازا عندي ضيوف بس عندي سؤال ازا فرمتا قبل ما يجو الضيوف بتضل بلبراد شقد من غير ما تتغير
    لانو بحب جهز ضيافتي قبل بوقت
    ويسلم دياتك يا عسل ;)

  27. منى 10 August 2009

    فيك تحضريها من الصبح بس ما عدا الموز اخر الشي و وقت التقديم لان بيسود ;)

    تسلميلي على الدعوات الحلوة و الله يخليلي ياكي و ان شاء الله الك متلها

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)