سلطة المعكرونة ( باستا سالاد )


         وصفة : منى                 2008/04/28                 31 تعليقات
سلطة المعكرونة  ( باستا سالاد )

سلطة المعكرونة ( باستا سالاد )





باكيت صغير معكرونة أكواع أو حلزونية ( 250 غرام )
حبة فليلفة حمراء مفرومة مكعبات
3 حبة جزر مفروم و مسلوق
كوب ملفوف مفروم شرائح رقيقة
كوب ذرة

الصلصة :

5 ملعقة كبيرة مايونيز
ملعقة صغيرة خردل
1 – 2 ملعقة كبيرة خل
نصف ملعقة كبيرة سكر
ملح
رشة كاري ( اختياري )





• تسلق المعكرونة لمدة عشر دقائق فقط أو حتى تصبح طرية بعض الشيء مع ضرورة الانتباه ان لا تسلق زيادة كي لا تتكسر ثم تغسل بالماء البارد .

• تخلط مقادير الصلصة ثم تقلب مع بقية الخضار و المعكرونة و تقلب بلطف و يفضل أن تتبل المعكرونة مباشرة بعد غسلها بالماء البارد ثم تترك بالبراد لمدة ساعة .

• قبل التقديم يمكن أن يضاف ملعقتان أو ثلاثة من الماء للسلطة إذا امتصت المعكرونة كل الصلصة و أصبحت ناشفة نوعاً ما , و يتم التأكد من توابلها و حمضها .

• تسكب السلطة في طبق التقديم و تزين بقلب خسة أو حسب الرغبة و تقدم .

  • وصفات تانية ممكن تعجبك


التعليقات

  1. ايمان 1 May 2008

    السلام عليكم ورحمة الله وبركاته
    الف الف شكرا اختي العزيزة منى على هذه الوصفة الشهية والبسيطة في نفس الوقت وان شاء الله اجربها في اقرب اقرب فرصة :zzz سلمت يداك وجزاك الله كل خير ;)

  2. منى 1 May 2008

    هلا امولة :) و هي السلطة خصوصا الك و يا رب تجربيها و تكون على زووءك ;)

  3. ام نور 20 May 2008

    بتعرفي صرت عاملتا مرتين هالسلطة سريعة وبتشبع وتغير شكل الله لا يحرمنا هالوصفات يا منى يا عسل .هريتك اليوم من كتر تعليقاتي مهاك يالله بيعينك الله :grin بس ما يكون دمي تقيل

  4. منى 20 May 2008

    شو تقيل و مااا تقيل , دا الموقع اليوم نور بهل الردووود الحلوة الله لا يحرمني هل الطلة الحلوة احلى ام نور , و هنااا يا رب على قلبك و قلوب القطط الصغيرة الحلوة ;)

  5. ام نور 20 May 2008

    حبابة منى يخليلي عينك بدي اسألك عن اكلة من انواع المعكرونة اسما كانيلوني canelloni اذا مجربتيا او عندك ايا فكرة عنا او ايا اخت من الاخوات ممكن تعطيني طريقة بكون الف شكر الكون

  6. منى 20 May 2008

    ايه من عيوني , بس هي في الها كتير حشوات , في حشوة معينة بتحبيها ؟؟ و كمان ممكن تصير بطريقتين , بالمعكرونة الانابيب و كمان بالكريب .. :roll

    اذا بدك تحيره خيره :grin

  7. ام نور 23 May 2008

    تسلملي عيونك يا رب الصراحة حابة جربا بالمعكرونة انابيب وبحشوة اللحمة وشو في حشوات تانية عزوءك لان اشتريت الانابيب وما عدت اعرف كيف ممكن احشيا :sigh

  8. منى 24 May 2008

    تكرم عيونك ام نور , ان شاء الله خلال الاسبوع بحضرها و بنزلك الوصفة ;)

  9. بدور 16 November 2008

    يا سلاااااااااااااااااااام اخيرا لقيتها :grin

    والله انت ام الافكار واللمسات السحرية لك الله يخليلنا ياكي يا رب :zzz

    شكلا وحدو كتير مغري ومشهي
    كيف رح يكون الطعم لكن؟
    نيال يلي بياكل و مابيسمن 8)

    الهي الله يحميلنا ياكي و يسلم دياتك النواعم يا احلى من العسل ;)

  10. سارونات 19 November 2008

    السلام عليكم و رحمة الله و بركاته
    جازاك الله خيرا اختي منى و ان شاء الله راح جربها قريبا
    اختي منى كان بدي اسالك ازا فينا بوصفات السلطة اللي فيها مايونيز نستبدلو بكريم الثوم او لا بعرف ما راح تطلع نفس الطعمة بس بدي اسألك ازا مجربتها لان عبالي جربها و هيك بتكون اخف لان ما فيها بيض
    بالتوفيق
    سلام

  11. منى 19 November 2008

    لا اكيد ما بيصير , ممكن تحمضيها بزيت و ليمون اذا حابة تكون خفيفة ;)

  12. سارونات 16 December 2008

    السلام عليكم و رحمة الله و بركاته
    ساويتها و شو طلعت طيبة و ما طلعت ثقيلة بالعكس خفيفة و الشكل شو بدي احكي عنو لازم اكتب قصائد تحتى اقدر اوصفو انا استعملت المعكرونة الحلزونية و اول مرة استعملها و بسرعة نضجت و الالوان ما شاء الله عنجد طلعت كتييييييير حلوة و انا ساويت نص الكمية و حطيت كالعادة بس رشة سكر و ما حطيت طماطم لان تذكرت انو فيها جزر و اللي عطى اللون المطلوب
    جازاك الله خيرا اختي منى و شكلي راح غير اسمي تيكون سلطة المعكرونة :grin
    بالتوفيق
    سلام

  13. منى 22 December 2008

    :grin شو ضحكت و انا عم ااقرا ردك

    ريتو مية الف هنا و عافية سوسو

  14. fattal 15 July 2009

    السلام عليكم ورحمة الله،
    انا مشتركة جديدة في هذا الموقع الرائع الذي وجدته بالصدفة عندما بحثت على جوجل عن وصفة كاسترد، وكان هذا هو اول موقع برأس الصفحة. وكم سررت أن وجدت أنه موقع حلبي (انا من حلب) وفيه كل أكلاتنا الحبيبة والمعقدة وبالصور كمان. حتى الآن جربت وصفة سندويش الفاهيتا، وشو فاهيتا طلع، يا سلام سلم، عائلتي كلها بمن فيهم البوبو اللي في بطني بيسلموا عليك يا سيدتي العزيزة، وانا جد سعيدة انني تعرفت ولو بشكل افتراضي على سيدة على هذا القدر من الذكاء والثقافة والحس الجمالي المرهف، ادامك الله لعائلتك ولمحبيك وجزاك الله كل خير وجعله في ميزان حسناتك. ودمتم.
    د. فتال

  15. منى 15 July 2009

    و عليكم السلام و رحمة الله و بركاته , مية هلا فيك دكتورتنا :)
    نور الموقع فيك و انا اسعد بهل الصدفة الي خلتك تتعرفي على الموقع ..

    الف شكر الك لزوءك و ردك و الكلمات الي فيه و الف صحة و هنا على الفاهيتا و خاصة البي بي الصغنون , ان شاء الله تشوفيه بجنبك بصحة و عافية انت و اياها و يكون من المرضيين و المسعدين في الدنيا و الاخرة :)

    اتمنى ان تجربي وصفات غير الفاهيتا و تعجبك و نورتي مرة تانية

  16. fattal 16 July 2009

    السلام عليكم،
    يا سيدتي الغالية انا من يجب ان تشكرك على ذوقك الحلو، وعلى أكلاتك الطيبة وامنياتك اللطيفة. مالك بالطويلة اليوم ساويت سلطة المعكرونة، والشعب عندي طار عقله! كتر الله خيرك. اذا بتتذكري هي السلطة كانوا يعملوها في مطعم الغراند بس مع قطع من صدر دجاج مسلوق، المرة الجاية انشاءالله هيك رح اساويها. هلق قايمة اساوي كاسترد حسب وصفتك الخطيرة الله يستر، المشكلة اني حامل ونفسي شي بتغم شي بتنفتح، خايفة اسمن كتير وما اعرف بعدن شلون انزل وزني، بس رح اساويه اش ما صار! :grin
    بدي اسألك كم سؤال اذا سمحت:
    من اين نحصل في حلب على البصل الأحمر، الكرفس (اقصد به ذلك الموجود في الصورةعلى هذا الرابط http://www.assuredproduce.co.uk/resources/000/151/357/celery_tallthin.JPG)، الهليون التازة، ذلك انك ذكرت هذه المكونات في وصفات مختلفة واريد ان اعرف اذا كانت موجودة عنا.
    سلامي الحار لك والله يسلم ايديك.

  17. منى 17 July 2009

    هنااا و الف عافية على قلبهن واحد واحد , و هي السلطة وصفتها مطاطة , المهم الصلصة و بهدها انت اتفنني على كيفك و حسب خيالك او الي بتفضله عيلتك .

    البصل الاحمر متوفر بشكل , انالا بجيب منه من الخالدية و احيانا بوصي من باب الفرج . اما الكرفس و الهليون فما لاقيت منهم عندنا , و انا كل ما بيصحلي طلعة على الشام بجيب كرفس , و الهليون كمان من الشام بس مو كل وقت بس بالربيع .. يلا مصيرنا نلاقي كل شي عندنا بشي يوم :roll

    عم استنتى رايك بالكاسترد و ان شاء الله يعجبك و يكون على مزاج الكتكوت

  18. fattal 18 July 2009

    يا ستي امبارح ساويت الكسترد بس طلع السكر زيادة كتير وما حدا اكل منه! :cry امري لله، بس المهم تعلمت الطريقة وطلع ناجح بس حلو كتير كتير. امبارح كمان ساويت رز مفلفل على طريقتك وصينية كباب مع بندورة وبصل، طلعوا ممتازين. انا بستعمل للرز طنجرة الرز الكهربائية وعندي منهاكل المقاسات : من كاستين بس لحتى 2 كيلو، ما بعرف اذا كنت بتستعمليها، بس اذا بتجربيها بتصير اساسية عندك، انا بطبخ فيها كلشي فيه حبوب، يعني: الرز، الفريكة، البرغل،المقلوبة بأنواعها، المجدرة، وممكن تستعمليها لتبخير الخضار وللطبخ العادي اذا ما عندك غاز أو بالرحلات والسفر، بابا جاب اول طنجرة معه من تايوان سنة الـ 85 ، ومن وقتها كل العيلة بتستعملها، صراحة انا ما بقدر بلاها ابدا وكنت كل ما اسافر اجيب وحدة بس هلق صار في عندنا منهن بس للأسف ما حدا بيعرف فيها او بيستعملها. الحلو فيها انها بتحتفظ بالرز أو الأكل ساخن لمدة 5 ساعات بعد الطبخ وهادا ممتاز للعزايم, واستعمالهاسهل كتير بتحطي كل المكونات وهي بتساوي الباقي. المهم انا كترت الشرح لأنو بتخيل انو خبيرة متلك بيلزمها هيك اداة بالمطبخ (هي اذا ما كان عندك ياها اصلا) بس جربيها وما بتندمي وعلى كفالتي. ممكن اعطيك وحدة لتجربيها ;)

  19. منى 19 July 2009

    ووواخ زعلت على الكاسترد كتير , سبحان الله امبارحة كنا عم نحكي نفس الحكي انا و اخواتي , ان عم تكون احيانا نوعية بالسكر بتحلي كتير و نوعيات تانية ما بتحلي زيادة . على كل الاحوال انت ادرى بزووء عيلتك و السكر فيك تعدلي كميته حسب ما بتلاقي الحالة العامة عندك :zzz

    بتعرفي كم مرة شفت هل الطنجرة على التلفزيون , بس و لا مرة خطر ببالي و لا حتى فكر ان اشتري واحدة , كنت فكرها مو هل الأد منيحة , او بالاحرى لازمة . بس بعد حكيك غيرت رايي . طيب وين متوفرة عنا بحلب و ايا ماركة احسن من غيرها :roll
    و اذا بتعطيني مبدئيا وحدة لجربها بكون ممنونة :grin

  20. fattal 22 July 2009

    بعتذر عالتاخير بالرد، بس ما شاء الله الشغل كفت اليومين الماضيين وما فضيت احك راسي، بالنسبة للطنجرة صدقي بس تجربيها ما رح تتركيها وانا خميس وجمعة ما بشتغل، اقترحي طريقة للتواصل والطنجرة بتجي لخدمتك لعندك :)

  21. منى 22 July 2009

    لك شو عم امزح معك ;) , عطيني اسم ماركة منيحة مجربتيها و اسم محل مضمون و انا بدور عليها و بشوفها :zzz

  22. fattal 22 July 2009

    انا ما عم امزح عن جدخدي من عندي وحدة ووقت بتعجبك لكل حادث حديث، انا الطناجر اللي اناجايبتها معي من الصين كل وحدة حسب سعرها في منيح وفي عادي، بس القدامى اللي عندي اللي جايبهن بابا الله يرحمه هنن ماركة ناشيونال وماركة تيفال وفيليبس وصراحة عالاستعمال كله كويس، بس ماركة ناشيونال هي احسن شي. هلق اللي بالسوق عنا بظن كله صيني ويمكن في منه ماركة كنوود مرة شفتها على بورد دعاية بالشارع. صدقيني ما في مشكلة ابدا جربي وحدة ووقت بتقتنعي فيهاابقي اشتري. اذا حابة تشوفيهاعلى الواقع في محل بالفرقان قريب بيتي مرة شفتها عنده (كعكة) اذا مالي غلطانةمقابل دكتورة الاسنان منى فتال
    وفي كمان عند صالة ادوات منزلية بشارع النيل جنب صالة ريحاوي للسيارات بس نسيت اسمه هي صالة كبيرة ومعروفة، النكتة انو اصحاب المحلات ما بيعرفوا هي الطنجرة مشان شو، وبيقولوا مشان تبخير الخضرة واكل الريجيم!!!!!!!!
    متل ما قلتلك الطنجرة بتجي لعندك انت ليش زعلانة!

  23. منى 30 July 2009

    خليلي عينك كلك زووء , لا خلص انا بدور عليها بالمحلات الي ذكرتيها وببقى بشوف ربنا شو بيسر ..

    بس نهفة هي قصة ان اصحاب المحلات عنهم منها بس ما بيعرفوا لشو :grin

    الف شكر الك لزووءك كله و كمان لنصيحتك , رح اشتري منها قريب ان شاء الله و الاحسن ما يكون صيني مشان ما يوجعني قلبي عليها اذا صار فيها شي ;)

  24. fattal 7 August 2009

    تكرم عينك والله انت اللي فنانة ومزوقة، بعتذر عن التاخير بالرد بس كنت مشغولة كتير فتحت عيادة تانية بصلاح الدين للفترة المسائية ادعيلي الله يفتحها بوشي ويسرلي اموري، وكمان انت الله يجزيك كل خير ويبعتلك مراد قلبك! قولوا آآآآمين. وكل عام وانت بخير اعاده الله علينا وعليكم بالخير والبركات.

  25. منى 12 August 2009

    ان شاء الله تشوفي على وجه هل العيادة الخير الكتير و يبباركلك الله برزقك كله و تكون هي خطوة لخطوات تانية أكبر و مهمة اكتر :)

    متل ما اتوقعت , انا بعرفك و انت اكيد كمان بتعرفيني :zzz

  26. fattal 16 August 2009

    دقيقة، انا من كم يوم ما دخلت عالخط، منين منعرف بعض؟؟؟؟ انا والله اسمك ماهو ميرر علي وما بتذكر اني بعرف حدا من بيت صابوني، طيب اشو اسمي هاتي لأشوف :p

  27. منى 20 August 2009

    منى :zzz

  28. محبةالمصطفى ملك 11 May 2010

    شكل السلطة روعة تسلم ايدك

  29. منى 12 May 2010

    الله يسلمك :)

    جربيها و ان شاء الله بتعجبك

  30. اماني 6 October 2010

    بجد هي السلطةاكثر من رائعة انا عملتا امبارح بس اضفت لها اضافة من عندي بس كمان طلعت كتير طيبة وهو انه حطيت معها سمك التونةوكتير عطاها نكهةمميزة وطيبة كتير

  31. منى 6 October 2010

    مممم , بتطلع طيبة كتير بالتونا او صدور الدجاح المسلوقة :)

    الف الف صحة و هنا على البك اماني

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)