سلطة الموزاريلا الإيطالية


         وصفة : منى                 2007/03/18                 12 تعليقات
سلطة الموزاريلا الإيطالية




2 حبة بندورة ناضجة
جبنة موزاريلا مقطعة شرحات
بضع ورقات حبق طازج مغسولة
3 ملعقة كبيرة زيت الزيتون
2 ملعقة كبيرة خل تفاح أو عنب
ربع كوب زيتون أسود أو زيتون عادي
ربع ملعقة صغيرة أوريغانو
ملح و فلفل




• تغسل البندورة و تقطع لشرحات , تقطع الموزاريلا لشرحات بسمك نصف سم و يمكن استعمال قطاعة البسكويت للحصول على شكل جميل .

• في طبق صغير يمزج الخل و زيت الزيتون و الأوريغانو و الملح و الفلفل .

• ترتب شرحات البندورة و فوقها شرحات الموزاريلا ثم حبات الزيتون في طبق التقديم و ترش الصلصة ثم تزين السلطة بأوراق الحبق و تقدم .

التعليقات

  1. muna.g.7 23 September 2008

    ما قلتلك اختي منى انك فنانه ايش هالحركات الرائعه حاعملها في ذكرى زواجي عشان ينبسط ابو العيال انشاءالله تسلم الايدي المذوقة

  2. منى 24 September 2008

    هلا منونة :) ان شاء الله تسويها و يستأنس بيك أبو العيال , طيبة و شكلها حلو

  3. ام نور 24 September 2008

    هالصحن كتير حلو خرج يكون منظر مش لا الكل
    بتعرفي منى عندي كتير موديلات لا مقاطع البسكويت بس ولا مرة خطرلي اعمل متلك ومنكم نستفيد

  4. منى 24 September 2008

    مية هلا ام نور :) لو تعرفي شو صار عليه على الفطور لما حضرته , يعني أكيد بأأقل من دقيقة كان خلص و حتى الصوص تبعه التحس :grin , ان شاء الله تجربيه و يعجبك ;)

  5. تورتاية بالكريز 27 September 2008

    ماشاء الله تبارك الله رائعة الشكل والمضمون
    اسمحيلي ياسكرة حلب المتألقة اسميها سلطة القلوب المفرحة احلى مافي السلطات عدا عن فايدتها الكبيرة جمال أشكالها وألوانها سبحان الله العظيم يسلموا ايديكي الغالين حبيبة قلبي
    مشكلتي اني مابلاقي في السوبرماركت غير الموزاريللا المبشورة كتير وصفات لازمها غير المبشورة ومش بلاقيها
    ان شاء الله اسال عنها تاني
    وعيد سعيد أختي الحبيبة ينعاد عليك بكل الخير والصحة انت وكتاكيتك الحلوينياقمر

  6. منى 28 September 2008

    مية هلا حبيبة قلبي ام ياسمين , دا انت ردودك دايما غالية و مميزة على قلبي كتير , رد غالي من أخت غالية

    أختي ممكن تحضري السلطة بجبنة الحلوم اذ مو متوفرة الموزاريلا المهم بهل السلطة الفكرة ;)

    بنعاد عليك و على كل حبابك بالخير و البركات و نورتي يا قمر

  7. ام عمر 26 January 2009

    تسلم ايدك يا رب :zzz
    خت منى دورت على سلطة سيزر ما لقيتها :?
    اذا ببتتكرمي وتنزليها بالموقع وتعلمينا كيف بنساوي صوص الرانش بالبيت وخصوصا للمغتربات متلنا ;)

  8. روح الجمان 5 May 2009

    لا عن جد روووووووووووووووووعة :eek

    ما شاء الله تبارك الله ..

  9. منى 7 May 2009

    هلا جمان :)

    ان شاء الله تجربي الفكرة و تكون على زووءك و لا تنسي تدعيلي :zzz

  10. آرام 15 July 2009

    مرحبا أخت منى .. فاقس كيفي عالريحان هاليومين .. جربت هالسلطة من فترة وما كان عندي حبق فحطيت نعناع .. هالمرة عملتها متل الوصفة بالضبط .. سهلة وبسيطة ولذيذة جداً .. بس طبعاً مستحيل يطلع معي شكلها متل الصورة الرائعة ..

  11. منى 19 July 2009

    هنا و الف عافية ارام على هل السلطة و كل شي جربته بالريحان و طلع متل ما بدك , بتحسه بيعطي نكهة فيها نعنشة للوصفة , لان بحس في شي بيشبه الليمون :roll
    ان شاء الله المرةالتانية بتطلع معك احلى من الصورة كمان , لان فكرتها بسيطة كتير :)

  12. farah 3 February 2010

    عن جد روعة يعني مو بس طباخة معتبرة وفنانة درجة اولى سلمت اناملك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)