سلق اللحوم أو الدجاج بطريقة طيبة كتير


         وصفة : منى                 2007/07/01                 16 تعليقات
سلق اللحوم أو الدجاج بطريقة طيبة كتير

·          تذوب السمنة على نار عالية ثم تضاف قطع اللحمة أو الدجاج و تقلب على نار عالية حتى يتحول لونها للون الغامق و يختفي كل اللون الزهري , يجب أن تكون النار عالية حتى تحتبس عصارة اللحمة داخلها و كي تعطينا طعماً و نكهة لذيذة .
·          تضاف البهارات الصحيحة و تهدى النار و تقلب مع اللحمة لمدة دقيقة اضافية .

·          تغمر اللحمة بالماء ثم تترك حتى تغلي , في هذه الأثناء تربط الباقة العطرية بخيط قطني كي يسهل سحبها بعد نضج اللحمة , ليس بالضرورة إضافة كل مقادير الباقة العطرية , تستخدم المواد المتوفرة فقط .

·          يمكن تحضير الباقة العطرية بالطريقة التالية , يقطع طرف حبة الكراث بشكل طولي ثم تفتح على طاولة العمل و ترص فوقها مقادير الباقة العطرية .

·          تطوى ورقة الكراث على الباقة العطرية .

·          ثم تربط بخيط قطني بشكل جيد .

·          بعد أن يغلي الماء تضاف الباقة العطرية و يغطى الوعاء و تهدى النار و تترك اللحمة حتى تنضج  , إذا قل الماء قبل نضج اللحمة يضاف المزيد من الماء المغلي .

·          بعد أن تنضج اللحمة تماماً يضاف الملح و يغلى لمدة 5 دقائق , أصبحت اللحمة جاهزة . 

نصائح سريعة :

  ·          لا يضاف الملح في أول سلق اللحوم لأن ذلك يضفي بعض القساوة على قطع اللحم .

·          يصفى المرق و يحتفظ به في أوان صغيرة في الفريزر و يستعمل في اعداد الرز أو اليخنات المختلفة فتضفي عليه طعماً لذيذاً .

·          يمكن تجميد المرق في أوان مكعبات الثلج , و بعد أن تجمد تخرج من القالب و تحفظ في كيس كبير و عند الحاجة يؤخذ من المكعبات حسب الطلب .

·          يمكن استخدام طنجرة الضغط لتقصير مدة سلق اللحوم .

 




دجاج أو لحمة نية
سمنة

عودين قرفة
ورقة غار
بضع أعواد قرنفل
بضع حبات هال
ماء

الباقة العطرية :

أعواد بقدونس
أعواد كزبرة خضراء
أعواد كرفس
أعواد زعتر
حبة بصل مقشرة و مقطعة أرباع
حبة جزر
حبة كراث





• تذوب السمنة على نار عالية ثم تضاف قطع اللحمة أو الدجاج و تقلب على نار عالية حتى يتحول لونها للون الغامق و يختفي كل اللون الزهري , يجب أن تكون النار عالية حتى تحتبس عصارة اللحمة داخلها و كي تعطينا طعماً و نكهة لذيذة .
• تضاف البهارات الصحيحة و تهدى النار و تقلب مع اللحمة لمدة دقيقة اضافية .

• تغمر اللحمة بالماء ثم تترك حتى تغلي , في هذه الأثناء تربط الباقة العطرية بخيط قطني كي يسهل سحبها بعد نضج اللحمة , ليس بالضرورة إضافة كل مقادير الباقة العطرية , تستخدم المواد المتوفرة فقط .

• يمكن تحضير الباقة العطرية بالطريقة التالية , يقطع طرف حبة الكراث بشكل طولي ثم تفتح على طاولة العمل و ترص فوقها مقادير الباقة العطرية .

• تطوى ورقة الكراث على الباقة العطرية .

• ثم تربط بخيط قطني بشكل جيد .


• بعد أن يغلي الماء تضاف الباقة العطرية و يغطى الوعاء و تهدى النار و تترك اللحمة حتى تنضج , إذا قل الماء قبل نضج اللحمة يضاف المزيد من الماء المغلي .

• بعد أن تنضج اللحمة تماماً يضاف الملح و يغلى لمدة 5 دقائق , أصبحت اللحمة جاهزة .

نصائح سريعة :


• لا يضاف الملح في أول سلق اللحوم لأن ذلك يضفي بعض القساوة على قطع اللحم .

• يصفى المرق و يحتفظ به في أوان صغيرة في الفريزر و يستعمل في اعداد الرز أو اليخنات المختلفة فتضفي عليه طعماً لذيذاً .

• يمكن تجميد المرق في أوان مكعبات الثلج , و بعد أن تجمد تخرج من القالب و تحفظ في كيس كبير و عند الحاجة يؤخذ من المكعبات حسب الطلب .

• يمكن استخدام طنجرة الضغط لتقصير مدة سلق اللحوم .



  • وصفات تانية ممكن تعجبك


التعليقات

  1. DOUHA 18 October 2009

    حلو كتير وانا هيك بعمل بس عجبتني فكرة الحفظ شكرا :)

  2. ام عدنان 2 December 2009

    شلونك منى ؟ :)
    يسلم دياتك على هالوصفات الحلوة اللي عم بتعلمينا اياها

    انا بعملها بنفس الطريقة بس بضيف بصلة مع السمنة وبتقلي فيه الدجاج
    وبحط عالدجاج ماء مغلي وحبة بندورة مقسومة
    لأنو البندورة بتعي الدجاج أو اللحم طراوة
    وبتخلي يستوي بسرعة

    وشكرررررررررررا

  3. violet 25 April 2010

    السلام عليكم
    بدي اسالك هلأ القلي بالبداية بالسمنة مابروح شوي من فوائدها ,, معروف انو اللحمة المسلوفقة كتير مفيدة
    جربت اليوم بس كان علي سلق 3 كيلو لحم عجل بس طلعت ريحتو كتير قوية ومتل كأنو ريحة حرق لأنو النار كانت كتير عالية متل ماقلتي بس كتير خفت وانا عبقلبهم لأنو صوتن برعب وصار يطير شوية سمنة
    ….
    وسؤالي التاني اعواد الزعتر قصدك نفسو الزعتر الاخضر … طيب بصير زعتر يابس ؟؟
    وهلأ نحن بحلب في عنا كرفس ؟؟؟؟ وياترى بكل الاوقات
    وبالنسبة للبهارات مابدو بهار او فلفل اسود
    عكل يسلمو كتير عوصفاتك وكتير كتير عبستفيد منه خصوصا اني جديدة عالمطبخ

  4. عالم آخر 14 August 2010

    بدي اعرف ليش ماعمتنحفظ الصفحه معي

  5. Jassy 4 September 2010

    السلام عليكم

    كيفيك ست منى ؟ ان شاء الله ليلة قدر مباركة عليكم وعلى كل حبابكم
    شكرا كتييييير عهالوصفة اللذيذة :zzz من قبل كنت اسلق الفروج عادي م شوية فلفل ملون وملح … بس من وقت ما قريت هالوصفة صرت عطووول انزل جيب المكونات هدول وفكرة الجزر ما بتخطر عالبال. حتى لو نقص كم مكون بتطلع بتعقد.
    وطبعا صرت احفظها وعجبتني الفكرة كتير وفعلا إيمتى ما كان الواحد بيطالع هالكاسة من التلاجة بيضفلها شعيرية وبيغليها ، والشوربا بعد عشر دقايق جاهزة ، أفضل من الشوربات الجاهزة بالكياس وأطيب بكتير بكتير.
    بتعرفي منوش .. كتير بحترم انك ما بتستخدمي بوصفاتك ماجي وهيك شغلات، لأني ما بجيبون بس تقريبا صعب جدا تلاقي وصفة “بالانترنيت العربي” ما بيقلولك حطيلها سم نهاري ماجي ههههه ، لاء وفي منون وهنة بيسلقوا الدجاجة بيقلولك: أضيفي مكعب ماجي !!! .. كل الإحترام برفعلك القبوعة !
    منرجع للوصفة .. بس متل ما ذكرت الأخت فيوليت أن قلي بالسمنة ممكن فعلا يحول طبخة “مسلوق” إلى ميكسد مع “مقلي” … واصلا بحس الدجاج غالباً بالطنجرة بعد السلق بيصير يسبح بالدهون يلي فيه .. يعني كمان فوقها نحط دهون ؟
    يعني ولا مرة ما استرجيت إقليه قبل السلق مع أن هيك وصفتك :sigh بلكي بتشجعيني ؟!.

    الله يعطيكي العافية ويسلمو دياتك ;) غيرتي طعمة الفروج المسلوق بحياتي

  6. منى 5 September 2010

    و عليكم السلام و رحمة الله و بركاته :)
    من فضل الله انا منيحة كتير , ربي يتقبل منا و ييسر علينا هل الليلة و نكون ااقرب و من العتقاء , امين يا رب

    الف الف صحة و هنا و عافية على البك و انا مبسوطة كتير انها عجبتك و كانت على زووءك

    انا متلك ما بحب استعمل المرق الجاهز كتير, بحس ان الاكل كله بيصير اله نكهة بتشبه بعضه و ما فيه من نفس ست البيت
    على فكرة انا لاحظت نفس الملاحظة , بالنت العربي اغلبه بيستعمل مكعبات مرق وحتى في الوصفات النباتية او وصفة سلق الدجاج :roll

    بتعرفي انا احيانا ما بقلي الدجاج او اللحمة , بكون مستعجلة او مو جاي على باي و بتطلع طيبة كتير , بس بالقلي اطيب , و حتى بعتبر ان الدهون الي استعملتها رح تروح كلها مع طبقة الدهن الي برفعها و برميها لما بيبرد المرق و باكل منها و ضميري الحي مرتاح :grin

    على كل ما رح شجعك , لان انت بتعرفي شو الي بيناسبك اكتر الشي و اذا بقيتي على الطريقة الي عم تعمليها هلا رح يبقى يم يم كمان ;)

  7. منى 5 September 2010

    هلا عالم اخر :)
    لا ما فينا نحفظ الصفحة لان عم يجي كتير ناس و يلطشوا الوصفات و ينسبوها الهن , بقى حرام انا :zzz

  8. Jassy 6 September 2010

    السلام عليكم يا أخواتنا العزيزات

    منى أنا بكرا رح اقلي الفروجة بالسمنة قبل سلقها (لازم قطعها يمكن ما؟؟) خلص تشجعت شكرا :grin .. لما كتبت الرد السابق كنت حاطة السلقة وعم بكتب.

    ايه منرجع لسلقتي الأخيرة … طبعا كالعادة على طريقة منى طلعت بتجنن بتسطل … بس أنا بيحز قلبي كلما بجي بدي كب الجزراية والبصلاية وهيك بعد السلق …
    أمت هالمرة خطرتلي فكرة بعد ما كتبت الرد هون.

    أخدت هالجزراية والبصلاية (طبعا صاروا طريات كتير كتير)، حطيتون بالخلاط، مع بقدونس مقطع كان مجمد عندي بالفريزر على طريقة [URL=http://www.l2ma.com/content/view/716/2/]طريقة[/URL] الست دادو الله يعطيها العفية، وحطيت فليفلة حمرا وفصين توم وملح وكم ملعقة المرقة نفسها ، وهرستون …… أما شووووو طلعت صلصة خضار بتجنن
    حطيت منها عوجه الكبسة طلعت بتعقد
    وأخدت كم ملعقة منون، حطيتون بقلب كاستين المرق نفسو تبع الفروج .. لما غليوا حطيتلون غرفة شعيرية وخليتون 5 دقايق يغلوا. أما شو شوربة طلعت ……. وداعاً ماجي وإلى الأبد – لأن جوزي كان بيحب شوربة الماجي يمكن بتذكرو بعزوبيتو ههههه هلئ منعملها بس بمرقة الفروج الطبيعي على وصفة منى.

    المهم لما ترجعوا تعملوا هالسلقة جربوا هالصلصة واحكولي.

    منوشة انتي شو بتعملي بالخضرة يلي بتضل من السلق ؟

    والسلام عليكم

  9. منى 7 September 2010

    انا بكبهن :roll و الله قلبي بيوجعني عليهم بس و لا مرة ما خطرلي هيك افكار طيبةةةةة
    خلص رح جربهن مرة تانية و ما اكتر الفروج المسلوق على فرني :grin

  10. Jassy 12 September 2010

    السلام عليكم ورحمة الله وبركاته

    كل عام وانتوا بخير يا أخوات يا طاهيات :) الله يبسطكم بكل الأعياد وان شاء الله بهالعيد الله يتقبل مساعيكم برمضان.

    مــــنــــى … انتي بتجنني والله
    لما كنت ببيت أهلي ما أذكر أن كنا نسلق هيك لحمة ونستخدم مرقتها، بس الفروج. ولما اجيت لعند زوجي بيضل يقلي لحمة مفرومة وهيك. بئى اليوم قلت بدي اعمل القلية قبل السلق لو عقطع راسي هههههه أمت جبت لحمة خروف مقطعة، وأنا أصلا بخاف سلق اللحم القطع لأن بخاف تطلع قاسية وهيك … بس بعد ما تشجعت أقليها بالسمنة :zzz وبعدين إسلقها هيك … ياااه طلعت بتعقد بتعقد كتير يسلموووو .. وطرية جداً بتدوب بالتم والنكهة يا عيني يا عيني. الله يعطيكي ألف عافية ;) .

  11. منى 16 September 2010

    صحتين و الف الف عافية يا رب , اللحمة خصوصا بتطلع غير شكل لما نقليها قبل ;)

    كتير انبسطت انك اتشجعتي و جربيتيها و انها طلعت مستاهلة , عوافي يا قمر ;)

  12. منى 16 September 2010

    صحتين و الف الف عافية يا رب , اللحمة خصوصا بتطلع غير شكل لما نقليها قبل ;)

    كتير انبسطت انك اتشجعتي و جربيتيها و انها طلعت مستاهلة , عوافي يا قمر ;)

  13. نوراقطر 27 September 2010

    كيفك انسة منى انا نورمتزوجة جديدوكل مابدي اعمل شي طبخة بتصفح النت حتى اعرف اكبر قدر ممكن من المعلومات عن الطبخة وباخد الي بيعجبني وبحس فعلا طيب ولحسن حظي شفت موقع لقمة طيبة ولفتي انتباهي باكلاتك ورد الاعضاء عليها جد يسلمو ايديكي على فكرة ماعاد افتح غير هالموقع وجربت كم اكلة من وصفاتك وطلعو بعقدو جد يسلموكتييييير ;) ;)

  14. منى 28 September 2010

    هلا نورا :)
    و انا متلك قبل ما اطبخ طبخة بسال اكتر من حدى و بشوف الي بيناسبني و ممكن احيانا جرب شي جديد , كتير مرات بيطلع طيب و تغير شكل ;)

    مية هلا فيك و الف الف صحة و هنا على كل شي جربتيه و طلع على زوءك

  15. ام ريم الحلوه 8 March 2011

    مشالله لا اله الا الله الوصفات تهبل
    انا صارلي 3 ايام من عرفت الموقع بالصدفه و ادمنت عليه و الله و اليوم سجلت
    ودي اجرب كل الوصفات و اكثر وصفه فرحت فيها اهيا مكعبات مرق الدجاج او اللحم لان صج كنت محتاجتها و ما احب اشتري مكعبات ماجي لانه كله مواد حافظه
    و اليوم سويت مجبوس لحم حق بيت اهلي و طبقت طريقتج بسلق اللحم و طلع فضيع مشالله
    الله يوفقج يا رب
    و يعطيج على قد نيتج لانج تحبين تفيدين الناس
    وليش ما تسوين كتاب لان وصفاتج مشالله تهبل و انا اول وحده بشتريه

  16. منى 9 March 2011

    هلا ام ريم :)
    ما بتعرفي ردك اديه بسطني , و انبسطت الكتر انك اكتشفتي الموقع , ان شاء الله تبقي معنا على طول
    شكرا الك و ان شاء الله الك متل هل الدعولت الغالية الكريمة و يعطيكي ليرضيك ان شاء الله :)

    صحتين و هنا على المجبوس , اتمنى تشاركي بوصفاتك كمان , و ان شاء الله تعجبك وصفة المرق

    يا ستي في تحضيرات لكتاب ان شاء الله و قرب يخلص اذا ربي يسر خلال كم شهر ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)