سندويش التونا


         وصفة : منى                 2009/06/28                 33 تعليقات
سندويش التونا





2 علبة تون
3 – 4 ملعقة كبيرة مايونيز
3 ملعقة كبيرة جوز مفروم
3 ملعقة كبيرة ذرة أو جزر مبشور
عصرة ليمون
فص ثوم كبير مهروس
ورق خس مفروم
8 صمون من الحجم الصغير





• يصفى التون من الزيت ثم يوضع في طبق و يضاف له المايونيز و الجوز و الثوم و الذرة أو الجزر و يقلب .

• يضاف عصير الليمون حسب الرغبة بالحمض , عصرة أو عصرتان تكفي .

• يفتح الصمون و يغطى بالخس المفروم ثم بحشوة التون و يقدم .
  • وصفات تانية ممكن تعجبك


التعليقات

  1. Dimah 28 June 2009

    مرحبا منى
    شكلها طيبة كثير، إن شاء الله بجربها يوماً ما (من كثر ما في وصفات على القائمة ما عم أعرف أنو وصفة رح جرب)، ورح جربها بالدجاج لأنه ما بحب التون :roll
    شكراً إلك ولعمتك :)
    Dimah
    مدونة ماء زهر البرتقال – Orange Blossom Water

  2. DOUHA 28 June 2009

    انا رح جربا اول وحدة
    ان شاء الله
    شكرا كتير منى :zzz

  3. ام نور 28 June 2009

    شو بدي خبرك يا منى عن هالساندويشات دايما بعملون لما بكون شي محل وبوصل مع زوجي عالغدا فشو بعمل دغري عالسريع بفتح علبة تون وبحطلا مايونيز وكريم فريش ورشة ملح وبسلق بيض يعني الساندويش بحط فيا تون وبيض وخس وبندورة وخيار بخمس دقايق بكون خالصة ولما بنكون طالعين شي طلعة وما بدنا نلتهي بالاكل مناخود معنا ومنلف هالساندويشات وحتى بالمحلات بيبعوها :)

  4. منى 28 June 2009

    هلا دمدومة :)
    ان شاء الله يوصل دورها قريب و تجربيها و تعجبك و اكيد لازم تخبريني . و رح تعجبك كتير بالدجاج لان انا بعمل ابن عمولهل السندويش بس بالدجاج ;)

  5. منى 28 June 2009

    هلا ضحى :)
    يلا حبيبتي ان شاء الله تجربيها و تكوني انت انتي :zzz
    عم استنى رايك و يا رب تعجبك

  6. منى 28 June 2009

    هلا ام نور :)
    ممم , هيأتها بالبيض كمان طيبة و اكيد رح تعجبها لجودي بنتي لان روح قلبها الدجاج و المايونيز و كمان البيض و فكرة الكريم فريش بتجنن , سلم دياتك لهل الفكر كلها و ان شاء الله رح جربها و نزل تطبيقي :zzz

  7. DOUHA 28 June 2009

    هوا اسمي مكتوووووووووووووب
    ياي انا لما شفت الاكلة ما شفت اسمي ههههههههه الصورة سحرتني
    ياستي بدنا خدمة تحرزز
    جد عم ادعليك على هل الموقع بصراحة منافس لكل المواقع يلي بيتهتم بالطبخ
    ماشاء الله عليكي والله يحفظك سلام:grin 8) :)

  8. dado 28 June 2009

    مرحبا منوش..
    هي السندويشة دائما بساويها للباشا… وأنا لو كنت باكل لحومات ما كنت فوتتها أبداً .. بحسها مغذية وألوانها بتشهي..
    ولا مرة فكرت ضفلها مكسرات.. إذا الله راد المرة الجاية رح اعملها بجوز.. وبخبرك عن ردود الفعل المحلية والإقليمية ;)

  9. منى 28 June 2009

    هلا ضحى :)
    شو هاد اذا شفتي الصورة هيك بقى اذا شفتي السندويش شخصيا شو رح يصير

    خليلي عينك و على فكرة كتير وصفات بتلاقيها هون افكارها ممكن شفتها من عندك ;)

  10. منى 28 June 2009

    هلا دالو :)
    و انا كنت اعملها كمان من دون مكسرات , لهيك حسيتها هي تغير شكل , بقى ان شاء الله تجربيها و يبقى الامن مستتب عالميا و اقليميا و محليا :grin

  11. ام نور 28 June 2009

    فعلا بالبيض كتير طيبة ومفيدة وفيكي كمان منى نفس التون تستعملي عالتوست اذا انتبهتي لا صور حفلتي كيف دهنت قطع توست صغار الحجم بالتون كنوع من انواع المقبلات

  12. ام نور 28 June 2009

    كمان عندي فكرة بالنسبة لا هالنوع من التون ممكن نسلق البيض ونقطع كل بيضة نصفين ونشيل الصفار على جنب ونحشي مكان الصفار بحشوة التون ونبرش صفار كل بيضة فوق التون بشكل جميل ونضع بعض اوراق الخس بطبق والبيض فوقهم ونقدمهم على الفطور وكمان ممكن نحشي حبوب البندورة بنفس الحشوة طبعا بعد تفريغ قلبها يعني لا هالتون العديد من الاستعمالات :)

  13. gsm 28 June 2009

    يا الله شو بحب التونة كانت ماما تعملي ياها بس مندون مايونيز لأنو ما كتيير صحبة معه بس عن جد شكلها كتيير بشهر ماما كانت تحطلها زيتون شرائح مع التونة ز بندورة بس من غير توم يميمي هئ هئ هئ وينك يا ماما

  14. semo 29 June 2009

    واخيرا لقيت طريقة لاكل التونة
    انا بحب كل شي اسمو سمك
    يعني اي شي بيبلبط بالمي بحبو :grin
    ماعدا التونة مو قصة ما بحبها بس كتير يتغصص
    حاولت اعمل منها سلطات بس ضلت بتغصص
    بس هلأ اكيد بالمايونيز ما رح غص خصوصا مع الجوز والدرة ممممممممممممم
    بيجننو
    يسلمو هالايدين

  15. منى 1 July 2009

    هلا ام نور :)
    سلم دياتك يا حق , افكار حلوةكتير و ناوية جربها قريب اذا ربنا عطاني عمر , قولي ما شاء الله لا قوة الا بالله حفلة تخرج زوجك كانت الله اكبر شي بيجنن :zzz

  16. منى 1 July 2009

    هلا gsm :)
    ان شاء الله بتجربيها و بتعجبك و فكرة شرايح الزيتون يممم
    يا رب ترجعي لامك قريب و تكونوا انتو التنتين بأحسن و احلى صحة

  17. منى 1 July 2009

    هلا سيمو :)
    لا اكيد بهل الطريقة رح تعجبك كتير و بهل المايونيز رح تكون اطرى من راحقة الحلقوم

    و ان شاء الله عندي سلطة تونا , رح تعجبك كتير .. ببقى بنزلها قريب باذن الله :zzz

  18. kuwaiti_girl 5 July 2009

    بحب التونا كثير وبحب وصفات التونه كثير كثير كثير

    ان شاء الله بطبقها اول ما احصل تونا طيبه لاني ما بحب الا المصدره اما من عمان او ايران لان اللي بتيجي من تايلند احس طعمتها مثل البلاستيك

  19. منى 6 July 2009

    هلا كوكو :)
    كلامك مزبوط , مو كل التونا بتتاكل المهم الواحد يعرف ينقي .

    يا رب تجربيها و تعجبك و تكون على زووءك و اشوف صورة لتطبيقك و كمان تاكلوها بالهنا و الصحة ;)

  20. ليان 2009 4 January 2010

    يعطيكي العافية يا منى على هالسندويش والصور اللي بتفتح النفس كل الموقع بيشهي وجاي على بالي اعمل كل الوصفات هلأ

  21. منى 5 January 2010

    هلا ليان :)
    ان شاء الله تجربي شي و يكن كمان طعمه طيب و متل ما بتحبي , اكيد رح استنى رايك :zzz

  22. OmRedwan 12 February 2010

    شكرا كتير الك مدام منى حبيبة قلبي عالوصفة الحلوة
    انقذتيني اليوم ما كنت عرفانة شو اعمل وزوجي مل من الطبخ
    اجت بوقتا وبكرا عندي عزيمة عشا عم فكر اعملها جنب الاكل

  23. karamela 12 May 2010

    السلام عليكم اختي منى
    صار جربت هالسندويش اكتر من مرة وكتير طيبين
    مرة عملتن لأخي وبعتلو ياهن قام مالحقوا يوصلولو حتى رن تلفوني وقلي بدي اعرف من وين بتتعلمي تعملي هالسندويش والله اطيب من الجاهز
    طبعا انا مارح قلو من وين لحتى ضل اعرض عضلاتي بالعيلة 8)
    انا مصرة على اني اشكرك على كل وصفة بجربها وبتنجح لانو هادا حقك حتى لو ماكان عندك الوقت الكافي لتردي على تعليقاتي
    شكرا كتير

  24. منى 12 May 2010

    هلا ام رضوان :)
    الف هنا و عافية و صحة على البك بكل لقمة , منيح انها عجبتكن :zzz

  25. منى 12 May 2010

    هلا كرميلا :)
    الف هنا و صحة و عافية بكل لقمة جربتيها , منيح ان في وصفات عم تخليك تفردي عضلاتك :grin

    شكرا كتير لذوءك في الرد و الشكر كله الك لتواجدك و لانك قررتي تشاركي معنا

    مبسوطة كتير فيك , مية هلا

  26. larooo 5 June 2010

    سلام منوش
    بدي اسألك جربتي شي مرة تحطي التون عالنار
    يعني تقلي بصلة مفرومة صغيرة واذا بتحبي فليفلة
    وبعدين بتحطي علبة التونة وبتقلبيها شوي ليتغير لونها واخر بتحطي بندورة مفرومة وبتطفي النار مع رشة صويا بيطلع اختراع طيب :) :)
    بجوز بتعرفيها ..بس قلت اذا مابتعرفيها لازم خبرك عنها :grin

  27. منى 5 June 2010

    لا ما بعرفها

    جربت مرة شي اسمه قلاية عمانية , بنفس الفكرة بس مع بهارات كتير و ما حبيت نكهة البهارات القوية ابدا :roll

    رح جرب طريقتك بركي برجع العلاقات الدبلوماسية مع الطون :grin

  28. lolli 18 October 2010

    ممممممممممم مو مصدقة واخيرا …. كنت عم استنى الاقي هالوصفة
    بس مابعرف اذا نفس اللي بيجيبها زوجي من السوق

    رح اجربها و اخبركم
    و انا عم اكلها كنت مستغربة من مكعبات لونهم ابيض بقلب السلطة و هلئ بعد ما قريت المشاركات بتوقع انهم حطو بياض البيض فقط مقطع مكعبات صغيرة و ما بظب انهم حاطيين الصفار لانو مافي ريحة بيض

    و كمان في عندهم قصدي بالمطاعم و محلات اللحمة كمان سلطة بس ع كرفت و بالعربي اظن اسمو جمبري
    كتير طيبة و غالية ياريت ا>ا حدا بيعرف طريقتها يدلني عليها و عندي صورة الها اذا بتنفع لمعرفة الوصفة
    يسلمو كتير كتير انا رايحة اجرب سلطة التونا
    بس كان عندي سؤال صغير
    انا بجيب تونا معلبة بالمي مو بالزيت يا ترى هالشي بيأثر عالطعمة؟؟

  29. منى 25 October 2010

    هلا لولي :)
    ان شاء الله تجربيها و تكون متل الي بتحبيها و اطيب :)
    هلا التونا الي بالزيت اطيب , بس الي بالمي كمان بيمشي حالها :zzz
    ما عرفت السلطة الي قلتي عليها :roll , يلا خيرها بغيرها ان شاء الله

  30. رغد غسان علاء الدين 27 February 2011

    شكلها مغري والجوعان بيفرط ريقو..بس إجمالا ما بحب المعلبات وما بعتمد عليها إلا بأوقات معينة..بس أحلى شي عمإقرا واتفرج عالصورة وإجتني ريحة تونا..انشوصت..قام طلع ابني جنبي عمياكل شيبس بنكهة المأكولات البحرية..ياي اول الشي جمدت..قلت صايرة عبتخيل انا :grin
    يا ستي يعطيكي العافية وتسلم اناملك وممكن الواحد يجبرها شي مرة تغيير شكل..

  31. منى 27 February 2011

    :grin :grin

    رغودة عن جد دمك عسل , بس شو هل الكيس اجا بوقته و زمانه

    الله يعافيكي حبيبتي و فيكي تجربيها بالدجاج اذا مو كتير صحبة مع الطون ;)

  32. منى 27 February 2011

    :grin :grin

    رغودة عن جد دمك عسل , بس شو هل الكيس اجا بوقته و زمانه

    الله يعافيكي حبيبتي و فيكي تجربيها بالدجاج اذا مو كتير صحبة مع الطون ;)

  33. fatema birakdar 12 February 2012

    لذيذة كتير :zzz
    الله يعطيكي العافيه

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)