سندويش اللحمة رولو


         وصفة : منى                 2008/09/16                 20 تعليقات
سندويش اللحمة رولو

·          تدعك اللحمة مع بقية المقادير ما عدا الخبز حتى تتجانس و يمكن اضافة أية بهارات مفضلة لديك .

·          تدهن الحشوة على أول وجه من الرغيف بسماكة 3 – 5 ملم  ثم يلف الخبز و يرص جيداً مع اللف .

·          تكرر العملية حتى انتهاء كل الحشوة ثم توضع الأرغفة الملفوفة في الفريزر حتى تجمد و يمكن تحضير اللفائف قبل بيوم من موعد التقديم .

·          يقطع الرغيف إلى 4 أو 5 قطع حسب حجم الرغيف و حسب الرغبة ثم تشك السندويشات الملفوفة بعيدان الأسنان حتى لا تفك أثناء القلي .

·          تقلى السندويشات على نار متوسطة لبضع دقائق حتى تشقر مع الانتباه لأنها سريعة التلون ثم ترفع على ورق ماص و تقدم فوراً .

 




3- 4 رغيف خبز عربي متوسط
نصف كيلو لحم مفرومة ناعماً ( لحمة الكباب )
نصف حبة صغيرة فليلفة حمراء مفرومة ناعماً جداً
نصف حبة صغيرة فليلفة خضراء مفرومة ناعماً جداً
2 ملعقة كبيرة ذرة
حبة صغيرة جزر مبشور
بصلة صغيرة مبشورة
1 – 2 ملعقة كبيرة مايونيز
1 – 2 ملعقة كبيرة جبة كريم
ملعقة كبيرة صويا صوص أو صلصة ورشستر شاير
نصف ملعقة صغيرة بهار مشكل
رشة زنجبيل و فلفل أبيض
ملح





• تدعك اللحمة مع بقية المقادير ما عدا الخبز حتى تتجانس و يمكن اضافة أية بهارات مفضلة لديك .

• تدهن الحشوة على أول وجه من الرغيف بسماكة 3 – 5 ملم ثم يلف الخبز و يرص جيداً مع اللف .

• تكرر العملية حتى انتهاء كل الحشوة ثم توضع الأرغفة الملفوفة في الفريزر حتى تجمد و يمكن تحضير اللفائف قبل بيوم من موعد التقديم .

• يقطع الرغيف إلى 4 أو 5 قطع حسب حجم الرغيف و حسب الرغبة ثم تشك السندويشات الملفوفة بعيدان الأسنان حتى لا تفك أثناء القلي .

• تقلى السندويشات على نار متوسطة لبضع دقائق حتى تشقر مع الانتباه لأنها سريعة التلون ثم ترفع على ورق ماص و تقدم فوراً .
  • وصفات تانية ممكن تعجبك


التعليقات

  1. أم ساطور 16 September 2008

    السلام عليكم شو هالاكلات الطيبة يا ست منى عجبتني هالاكلة كتير باين عليها طيبة كتير يسلم ايدك ان شاءالله تكون اختي ام دانية(ام شبرية )عجبتها والله استفقدنالك امبارح الك ولاكلاتك الطيبة بس عندي طلب اذا ممكن , جوزي بدو اكلة قشة (روس) :upset وانا ما بعرف اعملها , ممكن تقوليلي طريقة تحضيرها :cry ؟والك الشكر :)

  2. أم علي 16 September 2008

    الشلام عليكم
    كيفك اخت منى
    انا عضوة جديده
    شكرا على الاكلات الطيبه

  3. ام دانية 16 September 2008

    تسلم ايدك والله على هل الاكلة شكلها بشهي كتير واكيد طيبة لانو مكوناتا لذيذة بس ياترى اللحمة الكبابة منقليا قبل ما نخلط معها باقي المقادير ولا منحطها وهي نية واذا كانت نية بتلحق بتستوي بالقلي لانو حضرتك قلتي انو بتحمر بسرعة بالقلي ؟ :) وسامحيني على كتر الاسئلة لانو زوجي روح قلبو هيك اكلات :zzz

  4. منى 16 September 2008

    و عليكم أفضل السلام و أتم التسليم أم علي :)
    مية هلا و سهلا فيك نور الموقع و الشكر ليك على التواجد الطيب

  5. منى 16 September 2008

    هلا ام دانية :)
    لا أختي ما منقليها لان هي طبقة صغيرة و بحماوة الزيت رح تستوي فوراً , بالعكس أختي أنت و أسئلتك على راسي و انا بخدمة الناس الطيبة ;)

  6. أم ساطور 16 September 2008

    على فكرة اخت منى, اختي ام خنجر (مسمية حالها ام علي) من كتر ما سمعت مننا انا واختي ام دانية عن اكلاتتك حبت تنضم النا وتشارك في هالموقع الحلو لذلك انا برحب فيا بدوري كمان وانا واثقة انو اكلاتك رح يعجبوها كتير وخصوصي صهري ابو خنجر بيحب الاكلات اللي فيها تفنن :grin :p

  7. أم ساطور 16 September 2008

    وعليكم الشلام اختي ام خنجر(ام علي) اهلا وسهلا فيكي معنا بالموقع , على فكرة بكرا رح تدعيلها كتير للاخت منى على وصفاتها الطيبة.

  8. أم علي 16 September 2008

    السلام علييك ست منى اهلين فيكي والله يعطيك العافية على هالاكلات وانا رح جرب اعمل هالاكلات لانها بتشهي وباين عليك ست بيت رائعة الله يهني زوجك فيك وما اتصدقي اختي ام ياسين لانها بتحب المزح وهي مو ام ساطور سلامي الك ولكل المشتركات

  9. منى 16 September 2008

    ولي شو قصة الخناجر و السواطير و الشبرياات :grin

    ما شاء الله عليكم ذكرتوني فيني انا و خواتي أية و سيما , الله يديم المحبة دايما :zzz

  10. منى 16 September 2008

    هلا أم ساطور و على راسي انت و أم شبرية :grin , جربيها طيبة و تغيير , سالت عليك العافية أختي

    الحقيقة انا بحياتي ما دقت القشة و لا طبختها :roll , حبيت فيدك بس ما عندي و لا فكرة , بركي بسال و بيطللع معي شي ;)

  11. أم علي 16 September 2008

    تحياتي ست منى انا عندي رجاء اذا سمحتي اذا في عندك حلويات او معجنات تكوت طريقة تحضيرا سهلة وشكرا لك

  12. منى 16 September 2008

    من عيوني ام علي وصفتيين للحلو السهل و الطيب على الطريق كرمالك ;)

  13. أم علي 16 September 2008

    الله يكرمك ياحلى منىويعطيك الف عافية وانا بنتظار الحلو من ايديك الحلويين

  14. منى 17 September 2008

    يلا على الصفحة الرئيسية أول نوع ;)

  15. بدور 4 October 2008

    مممممممممممممممممممم يا سلام على هالافكار مبينتا سهلة و طيبة كتير و دسمة كتير كمان :roll

    والله تفننك بالسندويشات ولا اروع ولا اشهى من هيك
    الله يسلم دياتك الحلوين يا رب

    جوعتيني :cry

  16. منى 5 October 2008

    :grin دسمة شوي , بس جديدة و طيبة , مية هلا بدورة و خسسسى الجوع

  17. haya 23 June 2009

    هلا اخت منى انا قرأت الوصفة وعجبتني كثير فكرتها وشكلها كثير لذيذ بس في عندي سؤال لازم نحطها بالفريزر ولا مش ضروري وشكرا الك

  18. منى 23 June 2009

    هلا هيا :)
    لازم تنحط بالفريزر لمدة ساعة لحتى ما تفك وقت القلي ;)
    يا رب تجربيها و تعجبك

  19. haya 24 June 2009

    السلام عليكم
    منى شكرا كثير كثير لهالوصفة طلعت راااائعة جدا والكل عندي حبها يعني نالت الاعجاب لأن طعمتها لذيذة كثير انا بحب هيك وصفات خفيفة نظيفة مثل ما بقولوا وخاصة لما بتتقدم على العشا كثير لذيذة ياريت يا منى تكثري لنا من هيك وصفات انا بحب الاشياء الغريبة وبحب اجرب كل شئ بحس من شكله انه غريب وبنفس الوقت لذيذ
    مرة ثانية شكرا الك :)

  20. منى 24 June 2009

    هلا هيا :)
    الف صحة و هنا يا رب بكل لقمة اكلتوها , و تكم عيونك رح كتر من هل الوصفات الجديدة والغريبة و بنفس الوقت طيبة ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)