سهرة العيد الكبير


         وصفة : منى                 2009/12/21                 46 تعليقات
سهرة  العيد الكبير

بيتزا , بصلصة جديدة

سلطة الزعتر الأخضر و الجبنة

محمرة

سلطة الجرجير و الرمان

سندويش الدجاج

صينية توست

سلطة الدجاج بالكاري

يالنجي ملفوف

فريكة

السلطة المقلمة

سندويش بطاطا

حمص

فطيرة الشاورما

قرنبيط بطحينة


هلا خبرتكم ان هي صورة للسفرة قبل ما تكمل , كان بقيان

الكبة دراويش

و كبة , جديدة

و الحلويات :


أطيب كاتو شوكولا

كاتو البرتقال

اذا انتبهتي ان في كتير وصفات من وصفات اخر عزيمة , هيك ربنا يسر و حبيت عيد الانواع لان في ضيوف جدد هل المرة , كمان شغلة تانية عجينة البيتزا جبتها جاهزة من محل فطاير بالخالدية , ما كان عندي مروة ااقوم الت و اعجن . كمان في الحمص جاهز و اللقم .

الوصفات الناقصة رح نزلها بالموقع قريب باذن الله , هنن أربعة بس , صلصة البيتزا السريعة و سلطة الجرجير و الرمان و يالنجي الملفوف و الكبة

قبل ما روح رح ذكركم بجروب لقمة طيبة على الفيس بوك , اتمنى الكل يشترك بالجروب لحتى نقرب من بعض اكتر و اكتر .


ان شاء الله تكون السفرة عجبتكم و لطشتوا كم فكرة منها , دمتم بخير
  • وصفات تانية ممكن تعجبك


التعليقات

  1. ام احمد الصغيرة 21 December 2009

    ياييييي هالمرة اول مرة رح رد والي الشرف عنجد
    ماشالله شي بيفتح النفس ربي يديمها نعمة ويبارك فيكي وباهل بيتك وبيتك
    الله يعطيكي العافية

  2. ميساء 21 December 2009

    و الله اشتقنا يا منى شو هالسفرة التحفة الله يسلم هالايدين الحلوين والله شي بيشهي الله يعطيكي العافية ويرزق صاحب بيتك وصحتين على قلب ضيوفك

  3. رنا 21 December 2009

    ايه شو هاااد …شي كتير حلو ومتعوب عليه..
    الله يقويكي ويزينك بصحتك وعافيتك..
    بالنسبة للفيس بوك انا بعتت طلب للانضمام للجروب بس مابعرف كأنه ماوصلك :zzz
    بدي اعمل جية لعندك بس مابعرف عنوانك ..اذا بتستقبليني خبريني :grin
    يلا سلام

  4. منال 21 December 2009

    سلام عليكم من زمان ما نور الموقع بعزايمك الحلوه منيح ماني ساكنه بحلب كنت لزقت عندك :grin لا تقطعينا على طول خليك منوره

  5. ام محمد 21 December 2009

    ماشاءالله لا قوةالا بالله
    يسلمو منى يعني بعد هاالغطةجيتينا بهل السفرة يلي بتشهي ومثل ما بقول المثل صبرنا ونلنابس
    بالنظرموبالاكل :grin ان شاء الله صحة وهناعلى قلب الكل واكيد الله يعطيك الصحة والعافية على مجهودك بالعزيمة ومعنا :zzz

  6. سوزان 21 December 2009

    يسلم ايديك شي بيفتح النفس يعني هيك الواحد ما بيحتار شو يطبخ لما يكون عندو عزيمة يعني اذا عملنا نص هالمنيو بيكفي الله يهنيك يا ستي وصحة وهنا على قلب مين اكل :)
    يعني انا يوم الخميس عيد ميلادي ورح اعمل كم صنف حلو بس لأنو الحفلة لجوزي وولادي بس فكرت اعمل كاتو كلاس وكاتو اسفنجي رح زينو وزبطو وبسكويتات وهيك شغلات وهلأ طالعت من الفرن كاتو الطبقات الخيالي وكان طعمتو روعة صعي ما نفش بس طيب كتير وهي تجربة قبل يوم الخميس :roll

    بس بدي اسألك عزيزتي ممكن يكون فرني مو منيح مشان هيك الكاتو ما بينفش معي؟؟؟؟؟؟؟؟ :cry
    واذا جبت فرن كهربا بيكون احسن للكاتويات والمعجنات؟؟؟ :zzz

  7. نادين 21 December 2009

    شو من شان اذا وحدة حامل واشتهت على كل هالاكلات ؟؟؟ شو اعمل

  8. ام جنى عبيدات 21 December 2009

    يسلمن يامنى.. بجد شي ما شاء الله بياخد العقل بس شوقتينا نعرف متى بتنزلي الوصفات التانيه وخصوصا يالنجي الملفوف 8)
    بستناكي ياقمر لا تطولي علينا :zzz

  9. farah 21 December 2009

    سلمت أناملك يا منون والله شي بيشهي انشاء الله عقبال ما تعملي بوفيه أفراح اولادك
    حبيبتي انا نزلت كيكة الموز بالمايكروويف بس كأنك ما شفتيها شو القصة؟؟ :? صار لها اكتر من اسبوع
    والله يا ريت تجربيها وتصوريها وتصبي الصوص عليها طبعا قبل لأن الصورة بتغني الوصفة بدي صير حاول صور وصفاتي بس ما بعرف اذا رح تزبط هالقصة معي
    لأن عندي كتير وصفات جديدة

  10. منى 22 December 2009

    هلا ام احمد :)
    الله يسلمك اختي الف الف شكر الك للدعوات الكريمة , ان شاء الله انتي كمان

  11. منى 22 December 2009

    هلا ميوسة :)
    ااامين يا رب , ان شاء الله الك متل هل الدعوات الحلوة و اكتر يا مزوءة , و يا رب تكون السفرة عجبتك ;)

  12. منى 22 December 2009

    هلا رنونة :)
    ما بدوا طلب , انتي بتفتحي الباب و بتفوتي فورا :zzz

    رنون صدر البت الك و العتبة الي , شو هل السؤال :roll

    و جيبي معك ندوش و بشرى و خلينا نشلي على الدكاترة بالجامعة , صحي قال صاروا كل المواد اتمته , فقسوه لحج محمد :grin

  13. منى 22 December 2009

    هلا منولة :)
    خليلي عينك بتنور حلب حبيبتي , نورتي الصفحة :zzz

  14. منى 22 December 2009

    هلا ام محمد :)
    كلك زووء يل عسل , يا رب تكون عجبتك و لطشتي منها كم فكرة .

    على فكرة انا متلي متلك لان ما نابني من هل السفرة النظر و كم لقمة فريكة :zzz

  15. gsm 22 December 2009

    بسم الله ما شاء الله شي بشهي عن جد بس بتعرفي هيك سفر حلاتها بالجمعة والكترة انا من يومين عملت عيد ميلاد لزوجي وحاولت اشكل بس ما اكتر الكمية باعتبارنا شخصين طلعت السفرة حلوة كتيير بس المشكلة وين بقى بدي اروح بهل الاكل يمكن رح يضل عندنا لشي جمعة شو بدنا نعمل بعينا الله
    يسلموا ايديك ياحق والله يجعل بيتك دايم عامر بالافراح والمناسبات الحلوة وعقبال ما تفرحي باولادك :zzz

  16. بشرى 22 December 2009

    يا سلاممممم يا عيني شو هالسفرة الي بتشهي ,, يسلم دياتك يارب شي لذيذ وسفرة للنظر مو للأكل والله .. كم يوم ونازلة عحلب ورح اشبع عزايم هههه :grin

    ومشان دكاترة الجامعة لازم نعمل حلف نحن الاربعة :zzz بس حزرك بتفوتو لحج محمد الأتمتة بكرا بيجيب الأسئلة من المريخ :x

  17. نور الأسلام 22 December 2009

    السلام عليكم بسم الله ما شاء الله الله يسسلماديك ويعطيك الف عافيه شي بشهي انشاء الله بيتك عامر والف صحه وهنا :)

  18. رنا 22 December 2009

    بالنسبة لحج محمد مابظن رح يتغير شي …يعني كنا نصفن نص مدة الفحص لنفهم عليه بسؤال واحد …هلأ مابعرف كيف رح نقدر نفك شيفرة 50 سؤال او اكتر ….بس علينا بالتفاؤل :zzz
    شو بشرى ..نزلتي على حلب ولا لسه ..خليني شوفك

    اما الاخت gsmالله يصلحك لو عزمتينا كنا ساعدناكي بالاكل وماكان ضل عندك اكل بنووووووووووب :grin

  19. Iman 22 December 2009

    اهلين منى و كل الاخوات و البنوتات الحلوين. ان شاء الله كل ايامكم اعياد. يسلموا ايديكي يا منى على هالسفره. و يعطيكي الصحه و القوه. ما شاء الله في منتهى الذوق و الترتيب. ببارك لك و للجميع بالسنه الهجريه الجديده و السنه الميلاديه. و ان شاء الله تكون سنه خير و صحه و بركه على الجميع. و يضل هالموقع المميز منور بوصفاته و بصاحبته المميزه.
    كل الحب للجميع

  20. souha 22 December 2009

    السلام عليكم :)
    كيفك منونة شو هالسفرة الحلوة شي ملوكي و منيح الصورة كبيرة حسيت حالي جوا الغرفة بس ناقص أغرف و أكل
    منونة قلتي بقيت الصور طارو لتكوني مخربطة أظن السفرة هي يلي طارت بالمناسبة ألف مبروك على المناسبات الحلوة يلي مرت الله يديم الأرفاح على الجميع ;)

  21. شيرين 22 December 2009

    مرحبا و سلام لكل الحلوين بالموقع الرائع. يسلم ايديك لحلوين يا منى على هيك سفرة و عن جد بتعطينا كتير دفع و حماس حتى شوي نحاول نقلدك(بحياتنا ما منصير بشطارتك). ما شاء الله عليك الله يهني زوجك و أولادك فيك.لازم أكون بعرفك ما دام أنت خريجة أدب انكليزي متلي .أنا مواليد78.و تخرجت 2002.الي الشرف أتعرف عليك و نشلي ع دكاترة الجامعة و خاصة على حج محمد اللي مشيب كل العالم.نحنالحمد لله نفدنا بس الله يعين العلقان. سلام للجميع

  22. snow whit 22 December 2009

    صحيح شي بيشهي وسفرة بتفتح النفس

    إذا ممكن أسألك شو نوعية الكاميرا اللي تستخدميها

    والصورة تعملي عليها تغير بالفوتوشوب أو لا؟؟؟
    لان الصورة كتير رووعة وصافية :roll

  23. منى 22 December 2009

    ندوش غمضي عيونك الله يسترك لوقت ما توصلي لحلب و بعدها لكل حادث حديث 8)

  24. منى 22 December 2009

    هلا سوزان :)
    الله يسلمك يا قمر و ان شاء الله تتيسر الحفلة و تنبسطوا فيها و عقبال المية سنة و انتي بالصحة و العافية .

    هلا الكيك ما نفش معك كله و الا هل الوصفة بس ؟ اذا كله معناها في مشكلة بالفرن و اذا بس هل الوصفة فممكن يكون في مرحلة صارت غلط لحتى ما نجح الكيك .

    انا فرني فرن غاز عادي , يعني مو بالضرورة ان الفرن الكهربائي احسن للكيك ;)

  25. منى 22 December 2009

    هلا ام جنى :)
    رح نزلهن قريب باذن الله , بس يطيب الكمبيوتر , لان حاليا هو بغرفة الانعاش :cry

    ان شاء الله تجربي شي وصفة و تعجبك , بوسات كبيرة لجنى القمر

  26. بشرى 23 December 2009

    أهلا رنا , لسى ما نزلت يومين وبكون بحلب ان شاء الله وانتي ؟
    ياريت والله لو نقدر نشوف بعض اذا بتقدري تاخدي رقمي من منونة بيكون كتير عظيم موفقة بامتحاناتك عيني :)

  27. farah 23 December 2009

    كأن في حدا متجاهل سؤالي بكل مرة :? :cry :cry

  28. منى 23 December 2009

    هلا فرح :)
    الله يسامحك يا رب , معقولة يعني :x

    اذا انتبهتي عم رد على كل اخت واحدة واحدة حسب وصول الرد , و كلكن على عيني و راسي و الله ;)

    الله يسلمك يا رب و عقبال كل شي بتتمنيه و يكون من احسنه

    الف شكر الك للوصفة , وصلت اكيد و ان شاء الله رح انشرها بعد هل السفرة مباشرة و رح حاول جربها اكيد , الف شكر الك للوصفة و بانتظار وصفاتك , الله يسلم هل الديات أختي :)

  29. lolo 23 December 2009

    تسلم الأيادي على النفس الجميلوان شاء الله يكون في ميزان أعمالك [I]null[/I][B]null[/B][img]null[/img]

  30. lolo 23 December 2009

    شكرا لكي أخت منى

  31. farah 23 December 2009

    تسلمي حبيبتي والله من باب الأملية بس
    بعرف انك كلك زوووء والكل بيشهدلك بس انا حبيت هز الورد ;)
    رب يسعدك ويبعتلك ملائكة تعينك

  32. ام عمر 24 December 2009

    ما شاء الله حولك يا منى ست بيت مرتبة :zzz
    يا ريتني جارتك :grin :) :zzz
    بسم الله حولك وحواليك

  33. ام رومل 24 December 2009

    الله يسلم ايديكي يامنى عم تفسدي اخلاقنا وتخربي الميزان صار الواد بدو يمشي فتره مضاعفه عالتريد ميل مشان يلحق يحرق اكلاتك والا الوزن بدو يكسر الميزان
    سالتك عالكنافه وماجاوبتيني رح اموت تااعملها مزبوطه ما تعضم معي
    وتعرفي تعملي السينابون دورت عليه لقيتو بمواقع مصريه م عندي ثقه بمقاديرن اذا بتعرفي الله يوفقك ولادي بدن يكونو من الشاكرين وانا كما لانو القطعه الصغيره ب10 ريال

  34. gsm 24 December 2009

    شايفة يا رنوش على هل النسوة ولا يهمك في الحلقة القادمة انتو معزومين ولو ما انتوا صرتوا اخواتي الانترنتيات على قولة منوشة

  35. نادين 24 December 2009

    شو بشرى ورنا و منى قررتوا تجتمعوا وانا مو بحلب هيك هالمرة قررت ماانزل بصير اجتماعات من وراي ؟؟؟
    رنوش صح صارت اتمته بس شبك ما فهمتي السؤال بتتحزري احسن ما نترك الدفتر فاضي حرام

  36. ام كريم 25 December 2009

    اي ياعيني عليكي ياست الستات والله يعطيكي العافيةشكرا كتير على حل المشكلة تبع الدخول للموقع هلق صار فيني شارك

  37. منى 26 December 2009

    هلا gsm :)
    متل ما قلتي هل المناسبات الي بيحليها الجمعة الحلوة و الطيبة , لو كنتي عملتي متل ما قالت رنا ما كان صار عندك لبكة منوب :grin

    الله يديم الافراح دوما بكل بيت , شرفتي اختي :zzz

  38. منى 26 December 2009

    هلا بشورة :)
    ان شاء الله توصلي بالسلامة يا رب و الله يوفقك بالامتحانات , يا ستي على حج محمد ما في شي بيمرق , واحدة من رفقاتي خبرتني انه جاب الهن سؤال على مشهد معين و كان انه شو لابسين الابطال بهل المشهد يمى الله يصطفل فيه و بامثاله :x

  39. منى 26 December 2009

    هلا نور :)
    الله يسلمك يا مزوءة و ان شاء الله الكم تل هل الدعوات الحلوة و اكتر ;)

  40. ام رومل 26 December 2009

    بكره 10محرم اذا مالقيت الكنافه بدي ازعل اليوم صمنا مرقناها بدون حلو قطر اكتفينا بالنواشف وغزل البنات جابولي يا ولادي لما اجو بالعيد خبيتو بالفريزر
    على فكره لقيت السينابون سويتو طلع يجنن نفس الجاهز وصورتو بس اسال ولادي شلون طريقه تنزيل الصوره اقلكن عالطريقه
    بكره صيام بدناكنافه تحلايه

  41. منى 26 December 2009

    هلا ام رومل :)
    الله يتقبل صيامك و طاعاتك , ما شاء الله لا قوة الا بالله

    اختي الكنافة ممكن يكون الها عدة اسباب , اما ان عيار السمنة قليل او انك عم ترققي طبقة الكنافة او ممكن انك عم تخبزيها زيادة او على نار قوية :roll

    وصفتي بالتفصيل[URL=http://www.l2ma.com/content/view/216/2/]على هل الرابط[/URL]ان شاء الله يفيدك

    اي سؤال تاني تحت امرك و بانتظار السينامون ;)

  42. بشرى 26 December 2009

    الله يسلمك منونة ويخليلي ياكي .. بشوفك عن قريب ان شاء الله .. ;) وادعيلنا الله يسترها معنا من حج محمد وأمثاله :upset

  43. منى 22 January 2010

    هلا امون :)
    و انت بالف الف خير انت و كل عيلتكو ان شاء الله تكون هل السنة كلها خير علينا و على كل امة محمد يا رب .

    هادا بس من زووءك يا عسل , و كمان من بعض ما عندكم :zzz

  44. منى 22 January 2010

    هلا ام السوس :)
    هيا السفرة طارت الف صحة و هنا , بس الصور طاروا و حرقولي دمي , الحمد لله على كل حال .

    كتير انبسطت ان السفرة عجبتك و بالفعل الصور الكبيرة احلى .

    كلك زوء سهى

  45. منى 22 January 2010

    هلا شيرين :)
    ان شاء الله بتصيري احسن بمية الف مرة , شو عم تحكي , كلنا هون عم نتعلم من بعض و كل واحدة عنا شي مميز بتعطي التانية , مممم انا من نفس مواليدك , بس قصتي مع الجامعة قصة . بقى ما اتوقع درسنا مع بعض :roll

    نحنا منيح الي نفدنا , حسرة على الباقيين , الله يكون بالعون و يخلصهم بخير و سلامة و مية علامة :grin عجبني السجع

  46. منى 22 January 2010

    هلا سنو وايت :)
    الكاميرا كانون جي 9 و اعمل تعديلات بسيطة عليها بالفوتوشوب , ان شاء الله رح ابعتلك اياها بايميل اذا ربنا راد و يسر ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)