سينامون رول


         وصفة : منى                 2010/02/18                 83 تعليقات
سينامون رول



المزيج الأول :

كوب و نصف حليب
نصف كوب زبدة
نصف كوب سكر
ملعقة كبيرة خميرة

بقية المقادير :

5 كوب طحين , يمكن اضافة نصف كوب أخر .
كوب حليب بودرة
2 بيضة
رشة فانيليا صغيرة
ملعقة صغيرة بيكنغ بودر
ملعقة صغيرة ملح

للحشوة :

سكر بني , و يمكن استعمال السكر الابيض في حال عدم توفر البني
زبدة مذوبة حوالي الكوب الى الكوب و ثلث
قرفة

للتغطية :

كوب و نصف سكر بودرة منخول
2 ملعقة كبيرة زبدة سائلة
2 – 3 ملعقة كبيرة حليب
بشر ليمونة

أو يمكن استعمال الحليب المكثف المحلى






• توضع مقادير المزيج الأول , ما عدا الخميرة , على نار هادئة حتى يصبح الحليب فاتر و مائل للسخونة و قبل أن تذوب الزبدة تماماً . تضاف الخميرة و يغطى القدر و تترك جانباً لمدة ربع ساعة .

• يضاف مزيج الخميرة على بقية المقادير و يعجن الكل حتى تتشكل لدينا كرة ناعمة و مطاطة يمكن اضافة المزيد من الطحين إذا كانت العجينة دبقة , توضع العجينة في وعاء مدهون بالقليل من الزيت , تغطى و تترك في كان دافئ حتى تتخمر و يتضاعف حجمها .

• تفرد العجينة على سطح مرشوش بخفة بالطحين على شكل مستطيل , تدهن بالزبدة المذوبة



ثم ترش بالسكر البني و القرفة .



• تلف العجينة متل السويسرول



ثم تقطع لقطع بسماكة 3 سم تقريباً ,



توضع القطع في صينية مدهونة و تترك لتتخمر مرة ثانية من دون غطاء , اذا اردت أن تكون السينامون رول بشكل قطع , باعدي بين كل قطعة و اخرى كي لا تلتصق .



بعد التخمير



• تخبز الصينية في الفرن على درجة حرارة 180 حتى تنضج .




• تقلب مقادير الصوص ثم يوزع على السينامون رول و هي لا تزل دافئة و تقدم مع الحليب أو القهوة .

  • وصفات تانية ممكن تعجبك


التعليقات

  1. ام نور 18 February 2010

    سلم هالديات يا احلا منى وصفة كتير طيبة وسهلة وما بتكلف شي سبحان الله انا متلك كمان بخمر العجينة لا كل المعجنات بحس العجينة بترتاح وبتصير هشة
    من فترة لقيت الوصفة لا منال العالم وجربتها نفس طريقتك مع اضافة قشرة ليمونةبالمزيج الاول لاضافة النكهة وخلط زبدة والزيت يممممممم غير شكل فعلا وصفة مهمة ورجعت عملت صينية وجهزتا وحطيتها بالفريزر لما عزتا شلتها قبل بوقت دابت ودخلتها الفرن ما بتقول شي بالمرة فبنصح الكل يجربها

  2. غيث 18 February 2010

    اي الله يسلم هالديات يا حق تعيش وما تبلى وشكرا انك متذكرة طلبي كلك ذوق والله انا ما عدت سألت عن هذه الاكلة بسبب تطبيقي لاكلات تانية من موقعك الغني ما شاء الله عليك وما عاد الها دور بس الان وبعد ما نزلت من تحت دياتك اكيد اكيد على التجريب واكيد رح خبرك النتائج ان شاء الله بس لتتيسر الامور هاليومين مشغولة وبعدها ركض على التطبيق شكرا منى لذوقك وجزاك الله عن تعبك معنا كل خير

  3. laraye 18 February 2010

    شو هاد يا منى و الريجيم وين اروح فيو
    :cry
    كني لازم اجربا على ضيوف مو؟؟؟
    ;)
    مشان حدا يشيل عني كتف
    يا ستي من الصورة وصلت الريحة لعندي
    ;)
    الله يسلم اديديكي :)

  4. dado 19 February 2010

    صباحو يا قمر
    من زمااااااان ما تحركشت فيكي 8)
    أول شي مشتاقتلك.. وتاني شي.. استنيني عالفطور.. بخلص دوام وبلتحق بالركب.
    الوصفة كتير لذيذة وانا بحبها كتييييييير.. بس بصراحة بتخوف.. أول شي قلت نص كاسة زبدة بتمرق.. بعدين لما شفت الكمالة فرملت وقلت لحالي بضل باخدها جاهزة على أساس ما بعرف قديش فيها زبدة :grin

    طمنيني عنك منوش

  5. gsm 19 February 2010

    السلام عليكم منونة
    واخيرا السينابون رولز انا من ومااااااااااااان عم استنى هل الوصفة هادا الحلى من المفضل عندي ان شاء الله رح اجربه باقرب فرصة واخبرك على النتائج يسلموا ايديك يا رب

  6. منى 19 February 2010

    سلام ماجي :)
    كلهن نفس الطريقة , المهم المقااادير , و هي الطريقة و المقادير طلعت فيها بعد عشتناعش تجربة .

    الف صحة و هنا و فكرة التجميد بتساعد كتير , و خصوصا للمستعجلات , الف صحة مرة تانية و مرة تانية كلي عني كم قطعة :zzz

  7. ام دانية 19 February 2010

    واوووووووووووووووووووو والله الصورة عم تحكي لحالا ماشاءالله يسلم هل الديات :zzz انا بجيب معي الحليب والكابتشينو :zzz :p بس المهم اخد قطعة يمممممم :cry

  8. رامو 19 February 2010

    ماشاء الله شوهاد يامنى عنجد شي بيشهي والله لو مو الساعة وحدة ونص بالليل لقمت هلق وجربتها بس اكيد بكرا راح جربهالانو مابتتخيلي اديش بحبها لهالوصفة.الله يسلم هالديات ويجزيكي كل خير عنا

  9. marim 20 February 2010

    شكرا كتير عالوصفة بس ممكن حط سكر ابيض بالحشوة بدل البني

  10. omtasneem 20 February 2010

    السلام عليكم ورحمة الله وبركاته. نسيت اقلك اذا حبيت اعملها الخميرة عنا ياها نوعين الاول ظروف متل فانيلا ومافينا نشتريها والتاني متل مكعب بيدوب بالمي فأي وحدة قصدك واذا التانية قديش الكمية كمان معلقة وشكرا الك

  11. منى 21 February 2010

    هلا غيوثة :)
    ايه معقولة انسى , هو انا بتاخر بس ما بنسى :zzz

    الف صحة و هنا على كل شي جربتيه و طلع متل ما بتحبي , و هادا من زووك يا قمر .

    هلا ان شاء الله تطلع تمام و مستاهلة الانتظار ;) و رح استنى رايك

  12. منى 21 February 2010

    هلا لارا :)

    ايه كني مو :grin

    الله يسلمك و يخليك و متشكرة هل الرد الحلو عند هل الصبحية

  13. منى 21 February 2010

    دلوش حبيبتي صبحو فل و ياسمين , صباحو احلى من العسل و ابيض من القشطة :zzz

    يلا رح استناكي , مع اني بتصبح على الاغلب بوج حلو و كربوج و بشرب معه الكابتشينو , بس هو و لا سائل و لا داري ;)

    هلا شوفي صحي هنن بيوقفوا القلب هل الكاسة و نص زبدة , بس اذا قسمناهن على 25 قطعة , الي هنن اجمالي القطع , ما رح تطلع الكمية كبيرة , بس بكل الاحوال ما خرج ننبحت عليهن لحتى نحافظ على البرستيج 8)

  14. منى 21 February 2010

    هلا غفران :)
    ان شاء الله تجربيه و يكون طيب و على زووءك , و رح استنى رايك :zzz

  15. منى 21 February 2010

    هلا ام دانية :)
    يلا , عم استناكي , الك اكبر قطعة و فيك تني و تلتتي :grin

    الله يسلمك يا قمر و سلامي لكل العيلة ;)

  16. ام جنى عبيدات 21 February 2010

    ياسلاااااااااااام هاللاكله شو بحبها وبس باكلها من برا البيت… ما كنت اعرف انها سهله هيك لتنعمل بالبيت انشالله رح اجربها وابعتلك قطعه يا احلى منى :zzz

  17. نهى 21 February 2010

    هلا منى كيفك
    والله ليكي وحشة فعلا
    انا فعلا باحب الوصففة دى اوى ودورت عليها كتير مالقيتها الا فى اماكن خفت اجربها لانى مش واثقة فيها..
    عارفة لو ماكانش الحمل تاعبنى والمفروض ارتاح كنت قمت عملتها حالا لانى امبارح بس كنت بافكر فيها وقلت اقول لزوجى يجيب لنا انا والولاد
    بس عندى سؤالين:
    الحليب البودرة ممكن استغنى عنه او ابدله بشئ؟
    والسكر لازم بنى ولا ابيض بيمشي حاله؟ ولو استخدمت من صوص التوفي للحشوة ايه ممكن يحصل؟؟

  18. رنا 21 February 2010

    واخيراااا وصفة السينامون ….بتعرفي هالوصفة يامنووشة كتير موجودة هون بالامارات بكل المحلات في اكشاك خاصة باسم هالفطيرة اللذيذة ..ودقته كمان بعدة عزايم وكانت مميزة ولسه بطريقتك اكيد رح تطلع غير :grin
    بس شو مشان عشتناعش تجربة ….فرطتيني من الضحك …ذكرتيني بسائق الاوتوكار تبع المدرسة كان مهووس بكلمة عشدقايق :grin الله يذكره بالخير

    شو مشان الفطور انا كمان معزومة …خلص انا بعمل الكابتشينو لانه بيطلع معي لذيذ جدا بالخلطة السرية :grin هلأ رح تقوليلي انك بتوعدي وبتخلفي بس عن جد خلصت اجازتي بسرعة وماقدرت اتعرف على هالوش الحلو …خلص شي شهرين وراجعة وانشالله يكون الي نصيب والتقي فيكي …نسيت قلك …بتعرفي وحدة اسمها ملكة بكداش 8)
    سلامات منوشة ;)

  19. منى 21 February 2010

    لك رنون انا نسيت كل الحكي و وصلت لعند ملكة , ايه شو بعرفها و ما بعرفها , كانت رفيقتي بدرس الانكليزي سنة كاملة و نحنا اعدين بجنب بعض و لهلا عندي على الدفتر كم كلمة كاتبتلها ياهن على الدفتر و هي عم ترد علي , على اساس لحتى ما نعطل الدرس :grin احلى ايام و الله , سبحان الدايم , ان شاء الله بتعرفيها و صفيتيها على صف بهيجة :grin

    تاني شي , شو هادا الكابتشينو بالخلطة السرية يا منظومة , عارفة و ساكتة يعني , يلا عم استناكي و خيرها بغيرها و ان شاء الله تكون النتايج منيحة و ربي يسر :zzz

  20. منى 21 February 2010

    هلا نهى :)
    كلك زووء يا قمر , ان شاء الله تجربي هل الوصفة و تحبيها :zzz

    الحليب البودر بيعطي طراوة للعجينة و اذا مو متوفر بيفع بس بالحليب اطيب بكتير , و كمان بالنسبة للسكر , انا جربتها بالسكر البني و السكر العادي , بيطلع بالابيض طيب كتير , بس بالبني غير ;)

  21. منى 21 February 2010

    هلا ام جنى :)
    يلا رح استنى قطعتي , كبيريها و اذا بتبعتيلي تنتين تلاتة ما بقول لا , خطي مشان الصغار :grin

  22. أم علي 22 February 2010

    ممممممممممممممممممممم شكل ولا اروع لكان كيف الطعمة تسلم ايدك يافنانة :) بدي اسالك ست منى يمكن استبدال حليب البودرة بشي تاني

  23. تورتاية بالكريز 22 February 2010

    تسلم ايدك حبيبة قلبي اخت منى سينامونات غير شكل اكيد والسينامون حلوى خفيفة وسهلة وغير مكلفة
    وحقيقي موقعك الجميل وحشني جدا جدا يعني بالسوري اشتقتله كتيييييييييييييييير ولشخصك الكريم الغالي على قلبي كأنك واحدة من اهلي والحبايب اللي ليهم وضع خااص جدا بتمنالك كل الخير يارب لانك ةمن جوه فيكي نقاء جميل الكل بيفتقده هذه الايام سلامي لأطفالك الحلوين ولشخصك الكريم ولكل من تحبين والى موعد بلقاء يارب أتمنى ان ييسره رب العالمين اختك ام ياسمن

  24. Mays 22 February 2010

    صباح السكر و القرفة و الحلو كله
    :)
    شو هاد يا منوش ، شي بيجنن 8)

    يسلم إيديكي و أكيد ع التجريب يوم الخميس

    صحيح منى ، أنا بدي اتشكرك كتير ع الموقع الرائع اللي فعلا بيغني سفرة كل وحده فينا.
    يا ستي امبارح كان عندي عزيمة ع العشا و عملت كتير وصفات من الموقع، و وصفات أنا بعملها و كانت السفرة بتجنن و كتير اشتهيت صورها بس الضيوف مو كتير آخدة وش عليهن و استحيت صور الأكل إقدامهن ، بس التعليقات كانت كتير إيجابية و كلهن قالوا إنو السفرة للفرجة مو للأكل.
    أنا عملت فطيرة الشاورما :) و صينية التوست :) و السلطة المقلمة (منظرها فعلا تحفة) :) و كبة مقلية :) وسلطة الجرجير :) و إيش :) و فتة السبانخ :) و ميني فطاير كيش :) و كانابيه مشكل :) و تكا سمك :) و حمص و متبل.

    مرة تانية شكراكتير ، لإنه الأكلات اللي جربتها من الموقع فعلا كانت مميزة و نالت إعجاب الحاضرين.

    بعرف طولت عليك ، بس هاد فعلا لإني كتير ممنونتك. :roll

  25. رنا 24 February 2010

    ياريتني كنت قلتلك بعرف ملكة من زمان مشان تحبيني اكتر :grin :grin :grin
    ياستي ايه نعم رح صفها على صف بهيجة خانم ….ياستي ملكة بتكون بنت عمته لجوزي المصون يعني امها بتكون عمته …شفتي على التحليل المنطقي الرائع ..امها لملكة عندي بزيارة للامارات …اجت معي من حلب لتزورنا بالامارات …وبالصدفة كنت قاعدة عالكمبيوتر اجت وشافتني وحكيتلها عالموقع وقديه انا بحبه وبحب صاحبته يلي هي انتي طبعا …سألتني عن اسمك قلتلها منى صابوني …قال اوووووف هي رفيقة ملكة وبزمانه حضرت خطبتها 8)
    المهم وخلاصة الحديث ملكة هلأ صارت مدرسة ابتدائي وتزوجت وصار عندها تلات ولاد من عشرين يوم ولدت وجابت صبي …انا الي عرفته انه ماعم تشوفوا بعض بقا مابعرف اذا بتعرفي هالاخبار ولا بايتة ;)

  26. رنا 24 February 2010

    ايه مشان الكابتشينو …عندي طريقة سهلة وسريعة وحلوة …يومين وبتكون الوصفة عندك مع الصوووور ;)

  27. منى 24 February 2010

    مممم , رنون انا ماكدة ان كم كلمة تانية رح نطلع قرايبين , و محبتك محفوظة ما بدها مين يزيدها :zzz

    اكيد كانت بخطبتي و بعرسي كمان , و اخبارها مقطوعة عني من زمااان , بقى اخبارك مو بايتة , اذا صار و حكيتي معها سلميلي عليها و اذا قدرتي بدي رقمها :zzz

    يلا رح استنى الوصفة

  28. منى 24 February 2010

    ميوسة عزيمتي كانت مع عزيمكت , كان عندي ضيوف يوم الاتنين الماضي و عملتلهم كمان فطيرة الشاورما و صينية التوست و السلطة المقلمة طبعا بجنب الف صنف تانية لان كانوا حوالي 30 شخص :eek

    الف صحة و هنا على كل شي جربتيه و طلع طيب و عجب الجماهير و انا كمان ممنوتك لردك و زووءك .

    رح استنى الوصفات :zzz

  29. منى 24 February 2010

    هلا ام ياسمين :)
    سكر انت و كل كلامك , القلب على القلب يا قمر و و ربي يديم المعروف و المحبة دوما :zzz

    ان شاء الله تكون هل الغيبة على خير و الحمد لله اطمنت عليك

    بوسات كتير لياسمين و عمر ;)

  30. منى 24 February 2010

    هلا ام علي :)
    فيكي تلغيه , بس بالحليب البادور بيطلع مو معقول شو طيب :zzz

  31. منى 24 February 2010

    هلا ام تسنيم :)
    انا استعمل الاولى , بس اذا مو متوفرة مو مشكلة , المهم خميرة .

    ما عندي فكرة مزبوطة عن الخميرة التانية , بس اكيد بيكون في تعليمات للاستعمل عليها ;)

  32. منى 24 February 2010

    هلا رامو :)
    ان شاء الله تجربيها و يطلع طيب و على زووءك , الف شكر الك للدعوة الغالية و الكريمة يا مزوءة :zzz

  33. منى 24 February 2010

    هلا مريم :)
    ممكن بس بالبني بتطلع اطيب ;)

  34. semo 2 March 2010

    مممممممممممممممم شكلا بيشهي

    اناكتير بحبها وبجيبها من محل كندي او مريكي هون وبيكون سعرها كتير غالي بس كتير طيب

    بس رح جرب طريقتك منوش اكيد يمكن تطلع اطيب وماعود جيب من برا عالاقل بتعرفي بالبيت شو حاطة فيها
    وكالعادة منظر مبهر وتناسق رائع بالالوان

    فعلا العين بتاكل كمان :grin

  35. منى 2 March 2010

    هلا سمسوم :)
    يا رب تجربيها و تطلع متل ما بتحبي و اطيب , انا هل الوصفة بحسها سهلة كتير مع ان منظرها بيقلك يا لطيف شو اخدة وقت , لهيك بحب حضرها لضيوفي :grin

    كلك زووء سمسوم و انا رح استنى رايك بعد التجربة

  36. شيرين 3 March 2010

    سلام لكل الحلوين.شكرا منمنونة عهالوصفة عم استناها من زمان و صرت مجربة طريقتين لها وباءت بالفشل الذريع .و بطريقة منهم مديتها عالطاولة و لزقت وما انلفت و كانت كتير سائلة و خدي ضحك و شماته من جوزي و تعليقات لمدة أسبوع و صرت كل م أدخل المطبخ يقول لي فايتة تعملي أي مصيبة :grin .بس هالمرة رح قوي قلبي و أعملها مادامت مجربة و مضمونة.ادعيلي.شو رأيك أحشيها زبيب و قرفة و سكر بني و عالوجه حط صوص التوفي أو شوكولا بيضا و سودا؟

  37. منى 3 March 2010

    شيرين لازم ترشي الطاولة طحين قبل ما تمدي العجينة على الطاولة و هادا شرط اساسي لحتى ما تلزق معك العجينة و تنلف بكل سهولة :)

    جوزك ذكرني بواحد بعرفه كتير :grin

    فيكي تحشيها او تغطيها بشو ما بيجي على بالك , انا بحضرها بالطريقة الاساسية و البسيطة :)

  38. ام احمد الغالي 5 March 2010

    السلام عليكم
    كيفك منى والله اشتقتلك كتير واشتقت للموقع الغالي علي كتير
    مع اني كل ما بشوف الاكل صايرة بحس حالي بدي دوخ بفوت عل موقع بعرف الاخبار وما بقدر اقرى الوصفات الله يمضي هالكم شهر تبعات الوحام على خير وارجع طبق وصفاتك الطيبة
    اشتقتلك كتيرررررررر :zzz :

  39. سمسمة 5 March 2010

    الله يسلم هالأيدين يامنى السينابون لذيذ كتير جربته عدة مرات بس في عندي مشكلة وهي الحشوة بتطلع من العجينة
    ومن الصورة واضح أنو الحشوة ماسكة بالعجينة حاولت قلل من الزبدةمامشي الحال برأيك شو السبب

  40. Mays 6 March 2010

    أنا جربت السينامون ع طريقتك يا منى و طلع كتير طيب و الاولاد كتير حبوه و هاي الصورة
    [img]http://photos-g.ak.fbcdn.net/hphotos-ak-snc3/hs455.snc3/26021_343639317010_700637010_3714653_89228_n.jpg[/img]
    يسلم إيديكي يا رب :)

  41. منى 7 March 2010

    السلام عليكم ام احمد :)
    تشتاق الك العفية و الحمد لله انك بخير و الله يمضي هل كم شهر على خير و تكوني انتي و البي بي بصحة يا رب :zzz

    الحمد لله انا منيحة و كتير و شعرات راسي لساهن بمحلهن بغض النظر عن كل الضغوطات الخارجية الي تستدعي ان نتفهن :grin , الله يخلي الاولاد شو بدهن بال طويل و نفس اطول

  42. منى 7 March 2010

    هلا سمسمة :)
    ما كتير فهمت عليك , قصدك انهابتنزل على الصينية و الا شو ؟
    ممكن لان الزبدة ما بتكون مدوبة لهيك بتطلع :roll
    رح استنى توضيح منك و ان شاء الله بقدر ساعدك

  43. منى 7 March 2010

    هلا ميس :)
    ووواو شي بيشهي و الصورة عم تقلك تعي كليني
    الف صحة و هنا على البك و الب الاولاد و بالعافية يا رب :zzz

  44. سمسمة 8 March 2010

    حبيبة قلبي منى صحيح متل ماقلتي كانت الزبدة باردة شوي مشان هيك طلعت الحشوة المرة الجاية بخلي الزبدة ذايبة وان شاء الله تظبط معي

  45. منى 8 March 2010

    ان شاء الله تزبط معك و رح استنى رايك او ايا سؤال عندك :zzz

  46. شفاء 10 March 2010

    انا عملتها اليوم لأول مرة وجربتها بالضيوف
    هي وكيكة الكراميل

    يعني ساويتهم حقل تجارب :p

    بس طلعوا كتير طيبين وبشهوا خاصة انه فيه صينية حشيتها كاكاو مع السكر وجبنا سيرتك كتير بالقعدة
    خاصة انهن كلهن حلبيات
    بس رح احكيلك كم ملاحظة صارت معي
    بلكي بتنصحيني مشان المرة الجاية تطلع تمام

    أول شي العجينة ما نفشت ابدا مع انه الخميرة مفتوحة جديد
    وحاولت أخليها فترة ومع ذلك مانفشت
    الملاحظة التانية انه لزقت بالصينية بشكل كبير
    مع انها مدهونة زبدة
    وتالت ملاحظة انه الصوص ما طلع ابيض حليبي
    وسكر معي مع اني حطيتله كم نقطة ليمون

    :zzz

  47. منى 10 March 2010

    هلا شفاء :)
    هنا و عافية و صحة و منيح الي زبطوا , و لو جزئيا , ادام ضيوفك :roll

    نجي للملاحظات , العجينة ما نفشت = الخميرة مو منيحة , ان شاء الله تكون هل الدقيقة لسا شاريتيها , احيانا ممكن تكون خالصة مدتها , احيانا ممكن تكون من نوعية مو منيحة. و ما دام العجينة مو منيحة معناها ممكن تلزق , بس كاحتياط للمرة التانية ممكن تدهني القالب بزبدة اكتر او ممكن تغلفيه بورق زبدة
    الصوص اذا سكر ممكن ما يكون استخدمتي سكر بودرة و ممكن انك ما نخلتيه , اما قصة اللون فغريبة , ما عرفت الها سبب :?

    ان شاء الله المرة التانية بتطلع اطيب و اظرف و هنااا على قلبك شفا و على قلب ضيوفك ;)

  48. بشرى 13 March 2010

    يا سلامممم :p شي طيب كتير كتير يسلم هالايدين الحلوين يارب , كنت أكلها ديماً عند سينابون وأفكر إني إسأله عالطريقة قد ما بحب هالنوع من المعجنات .. :grin
    بس خلص تحقق الحلم وهاليومين ان شاء الله عالتجريب لانو عندي كل المكونات ما عدا الحليب البودرة ومتل ما شفتك رادة عالأخوات إنو بينفع مبدئياً .. :)

  49. منى 13 March 2010

    هلا بشورة :)
    الله يسلمك حبيبتي , يا رب تجربيها و تكوون يممي ..

    نصيحة جربيها متل ما هي لان الحليب البودر بيعطي طعمة , يم يممممم

  50. بشرى 13 March 2010

    جربتها من شوي وما حطيت حليب بودرة لانو ما توفر عندي بجد طيبة كتيييير كتير بس حسيتها شوي كرسبي لاني زدت عليها بالخبز ولانو ما حطيت الحليب يمكن .. كنت حاببتها تكون طرية من برا وجوا .. يمكن لازم غطيها بالتخميرة التانية بتصير طرية مهيك ..بس عنجد عند جنان ..
    عملت السينامون رولز قطع عديدة مو قطعة وحدة ..

    يسلمو ايديكي ياقمر .. جوزي كتير حبها وقلي تعاااااد 8) وهاد أهم شي :zzz

    وهي صورتها[img]http://www.theittihad.com/newupload/zsovbqmfmuae.JPG [/img]

  51. بشرى 13 March 2010

    منون الصورة الي قبل ما طلعت ما بعرف ليش .. هي رابط تاني للصورة [img]http://www.theittihad.com/newupload/onolgvxlaqmt.JPG[/img]

    يسلمو ايديكي مرة تاينة حبيبتي :)

  52. rela 16 March 2010

    الأخت العزيزة منى

    شكراً كتير كتير على ذوقك واختيارك للوصفات واهتمامك بربات المنازل . عندي استفسار لو سمحتي :
    ما هي أقل مدة ممكنة للتخمير بالنسبة للعجينة .

    ما السماكة المطلوبة عند فرد العجينة قبل لفها .
    عند وضع العجين في الصينية هل نضعه كما هو في الصورة النهائية الموجودة أعلاه أي تكون الحشوة ظاهرة للأعلى أم تقطعينها وتضعيها كما هي دون قلب .
    بالنسبة للزبدة في الحشوة مكتوب أنها من كوب إلى كوب وثلث أليست كمية كبيرة للحشو وهل من المتوجب أن تسيح في الطاسة أم تسيح في درجة حرارة الغرفة .
    نصف كوب زبدة هل يعادل 100 غ أم أكثر .

    أسفة على الأسئلة الكثيرة والإطالة .

  53. اريج الخزامى 28 March 2010

    :) الاخت الغالية منى جزاك الله كل خير على هذه الوصفة اللذييييييييذة
    كان امس علي الحلى في المدرسة وعملتها وكل صاحباتي عجبتهم الله يعطيك العافية.

  54. منى 29 March 2010

    بشورة بتشهههي :) سلم ايديك و الف الف صحة و هنا ;)

  55. ام رومل 4 April 2010

    السلام عليكم
    مظررائع يسلمو هالايادي
    عمتا لولادي لما زلت لعندن بالشتويه بس كانت عندي مشكله انو نفس مقادير الزبده اللي استعملا هون تطلع زياده بسوريه واضطر اضيف طحين لحتى تتماسك العجينه المشكله بالطحين الا فيني ما بعرف
    سؤال لو سمحتي عندك فكره عن مربى الرطب
    حاكم خلصت مربياتي اللي جبتا من سوريا وعندي رطب كتير حابه اعمل منو مربى والرطب للي مابيعرفو هو البلح النص مستوي نجيب البلح بالمدينه شه تموز واحطو بعلب بالفريزر بيقوم بيستوي نص الحبه طعمو اكثر من رائع بس تجي عمره وتجي عالمدينه دوقك ياه انشالله

  56. سعودية بينكم 12 April 2010

    اممممممممممممم
    شهتيني والله
    يسلموووووووا عمري على هيك حلى :) :zzz

  57. منى 13 April 2010

    هلا رلا :)
    ما في مدة محددة , دوما حسب الجو عندك , باصيف ممكن يكفي ساعة و بالشتي بتاخد معي اربع او خمس ساعات
    العجينة لازم تكون رقيقة , بحوالي 3- 5 ملم
    بعد تقطيع العجين ما رح يكن في الها وج لان الطرفيين رح يكونوا متل بعضهن تمام ;)

    الزبدة كميتها مو كبيرة , انا احط كوب و نص لان هل الكمية من الزبدة مع اختيار نوعية ممتازة الها رح تشكل الفرق في السينامون رول
    و الزبدة لازم تسيح , انا احطها في الميكروويف على عيار خفيف و اخليها لحتى تصير سائلة متل الزيت

    شو كمان ؟ اي نصف كوب زبدة هو 100 غرام

    ايا سؤال تاني من عيوني التنتين و انا اسفة للتاخر بالرد :roll

  58. منى 14 April 2010

    هلا اريج :)

    هنا و الف عافية و صحة على البك و الب رفقاتك , الحمد لله انهم نالوا الاعجاب :zzz

    عوافي و نورتينا اختي

  59. منى 20 April 2010

    هلا ام رومل :)
    المشكلة بالطحين اكيد , بس دوما نصيحة ما تعدلي ابدا بمقدار الطحين و الزبدة , احسن شي تقللي كمية السوائل ;)

    ما بعرف حضر مربى الرطب مرة ببيروت دقناه مع القشطة و كان شي بياخد العقل , بس الله كريم , الا ما شي مرة اتعلمه .
    الله يعزك اختي بعزه , اللهم صلي على النبي على هل الجيرة , ادعيلي انعزم على الحج او العمرة و على زيارة للنبي و اكيد اكيد رح اعملك زيارة كمان ;)

  60. منى 20 April 2010

    هلا اختي سعودية :)
    انت بين اهلك و ناسك و في بيتك الانترنتي :zzz

    نورتينا و شرفتينا و اتمنى تجربي الوصفة و تعجبك و كمان اتمنى تبقي معنا على طول ;)

  61. نهى 18 June 2010

    السلام عليكم ورحمة الله وبركاته
    هلا منى كيفك.. وحشتيني ووحشنى موقعك
    جربته اخيرا والحمد لله بس مش عارفة ليه دايما بتختلف النتيجة حسب المكان
    يعنى عملته بالكويت مرتين وطلع طيب كتير
    لكن رجعت مصر وعملته لامى حسيت ان كمية الطحين زيادة اوى وملمس العجين كان مختلف كتير وبالتالى طلعت انشف كتير..
    مشكلة تانية ان صوص التغطية مش عارفة ليه مش مظبوط!!
    بيطلع مرمل ومش سايل ولا لزج.. ممكن محتاج حليب اكتر ولا ايه رايك؟؟
    وبس بتقلبي مقادير التغطية من غير ماتحطيها على النار شوية ولا حاجة؟؟ :?

  62. منى 28 September 2010

    هلا نهى :)

    تشتاق الك العافية حبيبتي , ان شاء الله ما بتفقدي عزيز :)

    الي صار معك طبيعي , لان الطحين بيختلف من منطقة لمنطقة و حتى حسب النوعية , لهيك اخر الشي ضيفي السائل حسب حاجة الطحين اله

    الصوص ما دامه مرمل معناها بده سوائل زيادة و انا ما بحطه على النار , بس يا ريت تتاكدي كمان من السكر البودرة و من انك تنخليه لان هي خطوة مهمة :)

    صحتين على المرات الي زبط معك و ان شاء الله بيرجع يطلع معك متل ما بتحبي :)

  63. tala11 23 November 2010

    السلام عليكم كيفك يااحلى منى يعني مو معقول شكلو كيف طلع بجنننننننننن ولما دقتو شي زاااااااااااااااااااكي كتير كتير دغري صورتو وبعتو ع سوريا لحماتي الله يخليلي اياها لانو هي من اطيب الحلويات عنا بالبيت الله يخليي ياك ياحق ولما شافو جوزي طار عقلو بس انا عملت صوص شوكولا كمان لانو بعطي طعمة طيبة كتير ومكوناتو حليب وشوكولا وكاكاو وفانيلا ممممممممممممممم طيب الله يجزيكي الخير “إذا بلغت القمة فوجه نظرك إلى السفح لترى من عاونك فى الصعود إليها وانظر إلى السماء ليثبت الله أقدامك عليه”ا.

  64. marim 9 January 2011

    كيفك مدام منى وين هالغيبة ليش ماعدتي نزلتي وصفات جديدة بدي اطلب منك ازا عندك وصفة ظريفة للبان كيك الله يوفقك بعرف مابتقصري :roll 8)

  65. منى 9 January 2011

    هلا تالا :)
    الف الف صحة و هنا على البك , الحمد لله انه عجبك و كان على زووءك و كمان اتفنتي فيه , عوافي حبيبتي

    بتعرفي شو حبيت اخر جملة بردك , الله يزيدك من نعيمه و علمه يا حق :)

  66. منى 9 January 2011

    هلا مريم :)
    عم نزل , شو :roll ما عم يعجبوك الوصفات الجديدة

    بالنسبة للبان كيك ما عندي وصفة تمام اله , حبيبت ساعدك , يلا خيرها بغيرها ان شاء الله ;)

  67. TOOLEEN 29 January 2011

    تسلميييييييين والله ويجعلها في موازين حسناتك :) منى ينفع سكر عادي :grin ماعندي بني :sigh

  68. منى 29 January 2011

    اي طبعا بينفع :)
    هلا بالبني اطيب بس انا كتيرررر احيان بحضرها بالسكر العادي ;)

    ابوس روحك للدعوة الكريمة

  69. رغد غسان علاء الدين 17 February 2011

    يسعد أوقاتك يا أصيلة يا منى..حياتي من ناحية الأاكلة مغرية..إي مغرية..بس بصراحة حسيتها كتيررررر فيها لبكة ومليون قصة بدها..والمكونات..شي طبقة أولى وشي طبقة تانية..يعني مثلا بدي ضل حضر فيها خمس ساعات؟؟ ومع ذلك حطيتها من القائمة اللي ناوية جربهااا

  70. منى 17 February 2011

    لا رغودة , شغلتها بالكتير 20 دقيقة و حتى هي مبالغة و الله , بس انا بحب احكي كل التفاصيل ;)

  71. رغد غسان علاء الدين 26 February 2011

    صباحوو :)

    قريتها واستمخيت فيها وقريت كل الردود…الله يديم المحبة بيناتنا وبين كل الهعضوات الحبابات..
    يا ستي خلص رح جربها بكرة يمكن..بس بدي أسألك..هيي بتطلع بتشبه شو؟ الكاتو؟ البسكويت؟ الكيك؟ الكروسان؟ يعني متل شو..مشتهية أتخيل شي عنها ..بصراحة أنا ما دقتها بولا محل ولا حتى سمعت عنها..الله وكيلك أول ما قريت أقول يولي..وصلت مواصيلك يا منى تستخدمي السيتامول والبانادول بالوصفات..مشان وجع الراس يعني مثلا :grin ههههههههههههه

  72. منى 26 February 2011

    :grin :grin
    فكرة ليش لا

    يا ستي مين بتشبه , هلا هي عجينة اساسا و فيها صلصة و على وشها صلصة , بقى ما بعرف .
    بس لاحظتلك انه بحلب مو كتير بيعرفوها و كل ما حضرها عم يكون كتير في حكي و اعجاب و تقدير من الكل :zzz

  73. رغد غسان علاء الدين 27 February 2011

    بتعرفي ميمو شو بيميز هالوصفة؟

    إنو فيها سكر بني :)

    حطينا دم قلبنا حقو معقول ما نستخدمو :grin

  74. رغد غسان علاء الدين 10 March 2011

    يسعد أوقاتك ميمو..اليوم رح طبق هالوصفة بإذن الله تعالى..وبعتت ابني هللئ يجيب الأغراض الناقصة…بس بتعرفي استفقدت للوصفات التانية اللي فيها طريةق العمل..يعني بما غنو أول مرة اليوم رح أعمل شي رول..غير تبعت الزعتر..فما بعرف كيف رح تمشي القصة..رح أعمل جهدي أمشي مع التفاصيل خطوة خطوة..وانشالله خير..

  75. منى 10 March 2011

    رغودة الخطوات كلها جاهزة عندي و ان شاء الله بعد الغدا رح نزل الصور , هلا بعرف انو متاخرة عليك , بس مشان المرات التانية ان شاء الله:)

  76. ALEA 12 March 2011

    يسـلم إيدكِ ست منى شكلها بيجنننننن وبياخد العقل ;)

    • منى 3 February 2014

      الله يسلمك و يخليك يا قمر , شكراً

  77. maram 2 February 2014

    مرحبا ست منى
    بدي اسأل عن حليب البودرة هل لازم يكون مدوب او بس بودرة
    و بدي اسأل هالعيارات لكم قطعة تقريبا
    بصراحة خايفة كبر الكمية و ما تنجح معي

    • منى 3 February 2014

      هلا مرام :)
      الحليب بودرة و مو مدوب و الكمية كبيرة و ما الي متذكرة اديه بيطلع ع الظبط , و ع كل حسب حجم القطع الي بدك تحضريها
      بس اذا بدك ممكن تقسمي الكمية لنصيين و خصوصي اذا كانت عيلتك صغيرة

  78. maram 2 February 2014

    و سؤال تاني
    السينابون بتطلع هشة او بتصير قاسية

    • منى 3 February 2014

      هشة كتيررر مع قشرة مقرمشة برة , بتجنن مرام :)

  79. رانو 21 March 2015

    بتمنى تنزلي البوفيه تبع سوق الانتاج هون بالموقع ..لانو ماشاء الله شي بشهي ..وفي اصناف ماعرفناهن ..يممي كل مابتذكر المناظر بشتهي

    • منى 23 May 2015

      تكرم عيونك رانو، ان شا الله لما يرجع النت ع حلب رح نزله فورا :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)