شارلوت الفواكهة و الموز


         وصفة : منى                 2009/06/27                 19 تعليقات
شارلوت الفواكهة و الموز



قالب الايسفنجي
اصابع الليدي فنجر
كريم موسلين وهو عبارة عن الكريم باتيسير وكريم شانتيه
فريز وموز وعلبة فواكه معلبة
كريم شانتيه





• نقطع القالب الاسفنجي الى نصفين ونضع القسم الاول في صينية كاتو ونسقيها بعصير علبة الفواكه ونصف حول القالب اصابع الليدي فنجر .




• بعدها نقطع الفريز الى دوائر ونضعه فوق القالب بعدها نضيف طبقة من الكريم الموسلين مباشرة على الفريز بعدها نضع طبقة من الفواكه المعلبة وفوقهم طبقة من الموسلين .




• بعدها نضع النصف الاخير من القالب الاسفنجي ونسقيه بعصير علبة الفواكه ونغطيها بكريم الموسلين ثم نقطع موز الى دوائر ونصفهم فوق الكريم الموسلين .




• نخفق كريم شانتيه ونزين الوجه بالكريما ونزين فوق الكريما الفواكه حسب الرغبة وبعدها ندخله البراد حوالي 6 ساعات حتى يبرد وبعدها نقطعه بسكين حاد ونقدمه وبالصحة والهنا .


  • وصفات تانية ممكن تعجبك


التعليقات

  1. منى 27 June 2009

    سلم دياتك يا ام نور و الله يعطيكي الف عافية , صار الك زمان ما عطيتينا وصفة من وصفاتك المعتبرة :)

    ريتو يسلمو يا حق و الف هنا على قلب العيلة كلها

  2. ام نور 27 June 2009

    الله يبارك فيكي منى ويخليكي بتعرف الظروف واداش كنت مشغولة بحفلة تخرج زوجي بس الحمدالله الان خلصنا تهاني واستقبال ضيوف وبالنسبة لا الوصفة انشالله تعجبك وتعجب الاخوات بس انا ارسلتا مرفقة بخطوات مصورة لان هيك بيتشجعوا الاخوات يجربوا والصور بتعطي الوصفة حقا ما بعرف اذا ما فتحوا معك او في مشكلة ما

  3. سارونات 30 June 2009

    السلام عليكم و رحمة الله و بركاته

    جازاك الله خيرا اختي ام نور على الوصفة و ناطرين الصور قريبا

    بالتوفيق
    و في انتظار المزيد من وصفاتك

    سلام

  4. ام نور 30 June 2009

    وعليكم السلام ورحمة الله وبركاتها
    كلك زوء اخت سارونات الصور ارسلتهم الى منى ولكن الظاهر منى مشغولة بهل ايام الله يكون معا انشالله بس تنزلون بتمنى تشوفيون وتعطيني رايك

  5. ام نور 5 July 2009

    منى ارسلت الصور عالاميل انشالله يكونوا فتحوا معك

  6. منى 5 July 2009

    الصور وصلوا ام نور و سبحان الله هلا كنت عم حملهم لمن بعتي انتي الرد , القلب على القلب بس انا هياتي جوعانة و القالب كله ما رح يكفيني بهل الشوبات :grin

  7. JoJo 6 July 2009

    ماشاء وصفة لزيزة للصيف كله الوان صيفية جميلة
    يسلموو الأيادي اختي ام نور :)

  8. كربوجة 7 July 2009

    جازاك الله خيرا اختي ام نور على الوصفة

  9. نور الأسلام 7 July 2009

    :) السلام عليكم الله يسلم دياتك ام نور شي روعه وبشهي كتير والله اشتهيت على شي اربع خمس قطع :grin يسلمو كتير والف هنا وصحه :zzz

  10. ام نور 8 July 2009

    كلك زوء اخت جوجو بتمنى تجربيا ومشكورة لمرورك على الوصفة :)

  11. ام نور 8 July 2009

    وفيكي الخير اخت كربوجة انشالله تجربيا وتعجبك

  12. ام نور 8 July 2009

    :) وعليكم السلام ورحمة الله وبركاته اخت نور الاسلام كلك زوء اطفضلي ولو القالب كلو عحسابك يا ريت فيني اعمل عزيمة واعزم كل الاخوات بالموقع عليا   :) عاكل حال الله يبارك بمنى الي فتحتلنا المجال نتعرف على اخوات طيبات بهل موقع الرائع الله يجازيا كل خير انشالله نور تجربي الوصفة وتعجبك :)

  13. لارا مينا 8 July 2009

    ماشاء الله .. والله شيء مميز واليوم لسا شايفته على الصفحة الرئيسية , وشكل الموضوع محطوط من قبل ,, وزي ماقالت الأخت منى لاتطولي الغيبة بالوصفات الحلوة وكنت بتمنى تكوني مقطعةالشارلوت لحتى نشوف كيف تقطيعك له لأن دايما بشيل هم تقطيع الوصفات إلي مثل الشارلوت . وهل بتقدميه بنفس الطبق هذا أو بتقدميه بطبق مسطح . تحياتي الحارة لك .

  14. سارونات 8 July 2009

    السلام عليكم و رحمة الله و بركاته

    بسم الله ما شاء الله عن جد الصور بتعمل فرق و خصوصا مع الخطوات بتحسي براحة اكبر و تحفيز لتجربة الوصفة ما شاء الله الصور كتير حلوة
    و اضم صوتي الى صوت لارا مينا و اطلب صورة قطعة من الشارلوت لان عم فكر يمكن يخرب اذا قطعناه

    بالتوفيق
    سلام

  15. semo 9 July 2009

    يسلمو ايديكي على هالوصفة الشهية
    والدسمة بس شكلا منعشة يعطيكي العافية

  16. ام نور 10 July 2009

    مشكورة اخت لارامينيا لا مرورك على الوصفة وكلك زوء :) بالنسبة لا تقطيع الشارلوت كتير سهل اهم الشي تكون جامدة شي 6 ساعات على الاقل او طوال الليل ميشان ما تفرط وبالنسبة لا التقديم انا عملتا بقالب سيلكون لان كتير مريح لا نقل الشارلوت على صينية مسطحة واذا لم يتوفر هذا القالب ممكن نغلف اي قالب مدور بالالمنيوم وعند التقطيع نحمل القالب وننقله :) بتمنى تجربيا وتخبريني وتحياتي الحارة الك

  17. ام نور 10 July 2009

    وعليكم السلام ورحمة الله وبركاته معك حق اخت سارونات الخطوات كتير مهمة بالوصفة وبتعطي الوصفة اهميتها بالنسبة لا التقطيع بقلك نفس الشي متل ما قلت لا الاخت لارامينيا وبقلك اسهل الشي التقطيع قوي قلبك وحقكون علي لان ما صورت القالب بعد ما وضعته بطبق التقديم وعند التقطيع والسبب كان عندي ضيوف وزوجي ما عاد يطول بالو لا جيب الكاميرا وصور والاولاد عملوا مظاهرة حول القالب فما عرفت حالي كيف قطعتوا وخلصت :grin بس انشالله ناوية اعمل شارلوت بموس الشوكولا تغير عن شارلوت الفواكه انشالله بس اعملا رح صورا تصوير كامل

  18. ام نور 10 July 2009

    الله يعافيكي اخت سيمو بنصحك تجربيا كتير طيبة والفواكه بقلبا بتطلع طبقات يممممممممممممممممم

  19. سارونات 10 July 2009

    السلام عليكم و رحمة الله و بركاته

    الله يخليلك زوجك و اولادك و يحفظكم لبعض

    و اكيد ناطرة الشارلوت بموس الشوكولا مبينتها وصفة كتير حلوة و انا بحب ذوق الشوكولا اكتر من الفانيلا

    بالتوفيق
    سلام

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)