شراب الحصرم


         وصفة : غيثاء                 2008/02/07                 20 تعليقات
شراب الحصرم

اليوم جبلي زوجي حصرم وبالطبع بعد ماغسلتو و فرتو و درتو عالمكنةو رقدته من الطحل , سويت منو شراب الحصرم وطلع كتير لذيذ وطبعا ماء الحصرم كتير لذيذ وبيطفي العطش وبتقول جدتي انو كتير نافع للسخوني ولللوزات وللصداع وفعلا بصحي

وبما انو بهل وقت من السنة بينزل عالسوق قلت اذا بتنزلي الوصفي عالموقع




كأس ماء حصرم
كأس سكر







يمزج و يحفظ بالفريزر و وقت الاستعمال يضاف الماء البارد و الثلج حسب الرغبة

ملاحظة :

انا عملتو هيك وكتير طلع طيب واذا حبيتي تضيفي الو بشرت ليمون كمان كتير بيطلع فاخر بس امي نتحطلو كاستين سكر لكاس ماء حتى تحفظو بالمطبخ بس هذا اختياري يالله خليهم بين البينين كاس ونصف حاجتو و صحة و هنا .
  • وصفات تانية ممكن تعجبك


التعليقات

  1. منى 8 July 2010

    ممم , سلم دياتك , انا مرة دايقته لما كنت صغيرة بس ما عدت اذكر طعمته , و اهلي ما بيعملوه

    الف شكر الك غيوثة على الوصفة الاصيلة , و الله يخليلك ماماتك بصحة و عافية ;)

  2. foforose 8 July 2010

    ياسلام والله شهيتيني اياه انا كنت اطلبه من مامي طلب ,كتير طيب والله يعطيكي العافيه. :zzz

  3. foforose 8 July 2010

    مرحبا ست منى انا بس حبيت اسالك سؤال عن السويسرول انا خضرته مبارح وكانت هي المره التانيه بيفشل معي وما نفش :cry بس مابعرف ليش, انا اتبعت الخطوات كلهامع العلم انو الفرن عندي غاز مش كهرباء, هيك لقيته معجن ليش قولك :?

  4. غيث 8 July 2010

    الله يسلم ايديك غيوث ذكرتينا بشغلة منسية تماما هذه الايام وخاصة اني بالغربة وما في حصرم ابدا وشي تاني اني الشرابات عديدة والمنوعة هالايام نستنا ايام ستاتناشكرا لك غيثو وحبيت اسلم عليك لاشكرك على هالشراب ولاقلك اسمك كتير حلو هههه بتعرفي ليش لانني اسمي واسمك واحد(لهم نفس المعنى الجميل)

  5. منى 8 July 2010

    هلا فرح عروستنا :)
    معلش ازرعيها بدقني , ممكن تكون المكونات باردة من البراد مثلاً ؟ او ممكن يكون بده وقت اكتر بالفرن , لان كل فرن اله شخصيته و بيختلف عن الفرن التاني ;)

  6. منى 8 July 2010

    على فكرة غيوثة انتي اول بنت اعرفها الها هل الاسم , ان شاء الله تكوني هنا و سعد لكل الي حواليكي ;)

  7. غيثاء 8 July 2010

    هنا وعافية واهلا وسهلا وشكرا الكم كتير
    اليوم حسيت انكم ضيوفي ودوقتكم هالشراب
    واذا بتحبو اضايفكم بجانبه بتي فور اهلا وسهلا
    وكمان فكرة ثانية
    ماء الحصرم بضفلا ملح وبحمض فيها اليبرق او ورق
    العنب هو نفسو والحصرم من الشجرة نفسها
    وكمان كتير لذيذة للسلطة البندورة والخيار والبقدونس وجنح بصلة ورشة نعناع يابس
    وعلا فكرة ابني الصغير اسمو غيث

  8. غيثاء 8 July 2010

    J

  9. منى 8 July 2010

    هلا فيك غيثا :) نورتيني و شرفتيني و الله يخليلك غيث و يكبر ادام عيونك بالصحة و الهنا يا رب و يكون قرة عين الك :)

  10. جمانة 11 July 2010

    يسلمو دياتك وفعلا هالشراب طيب بس هون بقطر مافي حصرم :cry ابعتيلي شي قنينة لنبورد بهالشوبات عنا :p

  11. جمانة 11 July 2010

    صحي ميمونة شلونك عندي استفسار :? انا مرة نزلت وصفةلاكلة الفطر بزيت الزيتون وما شفتها بقى قوليلي شو السبب وشغلة تانية في بعض الاكلات مرفوعةصورهم والله كتير زعلت لانو الشوفةنص الدواق معلش تحمليني تقلت عليك حبيبتي

  12. shimOoO 13 July 2010

    السلام عليكم
    انا جديدة معكو باالمنتدى وبدي ترحيب حلو:)وحابة كتيير اتعرف عليكو لاني بحس عنجد هالمنتدى زي العائلةو كلنا اخوات في الله انشاءالله تقبلو مروري

  13. manar zalaf 18 July 2010

    مرحبا
    شكرا كتير هلى الموقع اللي بيعئد هادا انا كتير استفدت منه
    بس الي طلب لالي بيئدر يساعدني
    بدي نئعة المشاوي و طريقة تحضيرها ازا سمحتو و بستنى ردكم

  14. منى 18 July 2010

    هلا فيك شيمو :)
    بيتك و مطرحك , نورتي اختي و ان شاء الله بتنبسطي معنا و تبقي معنا على طول , هلا فيك

  15. منى 18 July 2010

    هلا فيك منار :) نورتي و شرفتي بيتك

    يا ترى قصدك نقعة الشقف ؟ اذا هيك انا بختار شقف خاصة بالشوي تكون طرية كتير و بتبلها بملح و بهار و شوية زيت زيتون و بتركها كم ساعة , بس

    اما الشيش طاووق فموجود بالموقع في قسم اطباق الدجاج

    الكباب لازم تكون اللحمة شوي مدهنة , بس مو كتير , نتبلها بملح و بهار و نسيخها و بس ;)

    ايا سؤال تاني من عيوني

  16. منى 18 July 2010

    هلا جمانة

    على حسابك عش تنعاش قنينة , مو واحدة :)

    ما وصلتني ابدا :roll
    يا ترى ايا وصفات مو ظاهرة صورها

  17. manar zalaf 20 July 2010

    thx muna kelk zo222 ya kan 2adee n23et al sho2of

  18. منى 21 July 2010

    ما كتير فهمت :roll

  19. مريومة 10 June 2011

    كيفك مدام منى ياريت تكتبيلي طريقة مونة الحصرم ازا بدي احفظه على مدار السنة

    • منى 12 March 2014

      تكرم عيونك , ان شا الله هل السنة بنزل الطريقة بالتفصيل :)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)